Алик Шпекбаев

Сыбайлас жемқорлықты өз Отанына сатқандық жасаумен теңестіру қажет  Шпекбаев

66
(Жаңартылды 18:19 05.11.2020)
Мемлекеттік органдардың жұмысы әр басшының адалдығына байланысты, деп мәлімдеді Алик Шпекбаев

НҰР-СҰЛТАН, 5 қараша - Sputnik. Сыбайлас жемқорлықты өз Отанына сатқындық жасау әрекетімен теңестіру керек, деп мәлімдеді Қазақстанның сыбайлас жемқорлыққа қарсы іс-қимыл агенттігінің төрағасы Алик Шпекбаев.

Ол Қостанай облысына сапары барысында Рудный қаласындағы қоғам қайраткерлерімен және мемлекеттік қызметкерлермен кездесті.

Алик Шпекбаев басшылардың өз қарамағындағы қызметкерлер арасындағы сыбайлас жемқорлыққа тікелей жауапты болатынын еске салды. Биыл қыркүйек айында Рудный қаласының әкімі Гаязов Қашар ауылының әкімі Алдоңғаровқа қатысты сыбайлас жемқорлық құқықбұзушылықтың тергелуіне байланысты өз еркімен жұмыстан босату туралы өтініш жазды. Ол осы өтініштің негізінде қызметінен босатылды, деп хабарлады Қазақстанның сыбайлас жемқорлыққа қарсы іс-қимыл агенттігінің баспасөз қызметі.

"Қазіргі таңда сыбайлас жемқорлыққа қарсы заңнама әр басшының алдына жоғары талаптар қойып отыр. Сіз бүкіл мемлекеттік органның жұмысы тазалық пен адалдыққа бағытталуы керек екенін түсінуіңіз керек, сондықтан сыбайлас жемқорлыққа әкеліп соқтыратын кез келген жағдайды жою үшін басшылардың белсенді әрекет етуі маңызды. Бұл үшін арнайы құралдар бар, ең бастысы, оған шынайы ниет керек", - деді Шпекбаев.

Қазақстанда шенеуніктер мен азаматтар арасындағы сындарлы диалогты кеңейту қажет, деп атап өтті Шпекбаев. Сондай-ақ, оның пікірінше, қазақстандықтарға және қоғамдық бақылауға қолайы жағдай жасау үшін жергілікті атқарушы органдардың жұмысын күшейту маңызды. 

"Бұл мәселеде әрбір азаматтың қосқан үлесі аса құнды. Алайда сөзден іске көшу тұрғысында белсенді әрекет еткен жөн. Сын айтқан кезде тиісті шараларды қоса ұсынып, оларды жүзеге асырған уақытта жауапкершілікті сезіне білу қажет", - деді агенттік басшысы.

Халыққа қызмет көрсету орталықтарына тоқталған Алик Шпекбаев мемлекеттік қызметті электронды түрде көрсету тетігінің жедел дами бастағанын атап өтті.

"Қағаз жүзінде қызмет көрсету өткен күннің еншісінде қалды. Шенеуніктің тікелей қатысуымен қызмет көрсету тұрмыстық сыбайлас жемқорлықтың орын алу ықтималдығын арттырады. Халыққа қызмет көрсету орталықтарының санын көбейтудің қажеттілігі туындап отырған жоқ. Азаматтарды электронды мүмкіндіктермен жұмыс істеу дағдыларына үйретуге және әкімдіктердің фронт-кеңселерін сапалы түрде дамытуға назар аудару қажет", - деп есептейді Шпекбаев.

Сыбайлас жемқорлыққа қарсы іс-қимыл агенттігінің төрағасы Қазақстанның мемлекеттік қызметінде ең адал азаматтар қалуы керектігін баса айтты.

66
Кілт сөздер:
Алик Шпекбаев, жемқорлық
Екпені тасымалдау

Денсаулық министрлігі отандық вакцинаға қатысты тараған ақпаратты жоққа шығарды

368
(Жаңартылды 12:46 10.05.2021)
Ресми мәліметке сәйкес, стикерлеу жұмысы СК-Фармацияның Алматы, Нұр-Сұлтан, Ақтөбе мен Шымкент қаласындағы хабтарында жүргізілген

НҰР-СҰЛТАН, 10 мамыр – Sputnik. Әлеуметтік желіде қазақстандық студенттерді Қытайдан әкелінген вакцинаның жапсырмасын қазақстандық екпеге ауыстыруға мәжбүрлейтіні туралы ақпарат тарап кетті. Денсаулық сақтау министрлігі оны жоққа шығарды, деп хабарлайды Stopfake.kz сайты.  

WhatsApp мессенджерінде тараған аудиожазбада әйел медициналық оқу орнында оқитын студентті кездестіргенін айтады. Оның айтуынша, студенттерді сабақ уақытында жасырын түрде "СК-Фармацияның" қоймасына алып барады да, қытайлық вакцинаға қазақстандық екпенің стикерлерін жабыстыруға мәжбүрлейді. Сөйтіп шетелдік препаратты отандық өнім ретінде ұсынады. Қоймаға ұялы телефонмен кіргізбейді және орындалуы тиіс күнделікті жоспар бекітілген.

Денсаулық сақтау министрлігі қытайлық вакцинаны QazVac стикерлеріне ауыстыру туралы қауесетті жоққа шығарды.

Ресми мәліметке сәйкес, 30 сәуірде Қазақстанға "Hayat-Vax" вакцинасының 400 мың қаптамасы жеткізілді. Бұл – Біріккен Араб Әмірліктерінде шығарылған қытайлық екпе.

Вакцинаның нұсқаулығы мен белгілері араб және ағылшын тілінде жазылған. Ал "Халық денсаулығы және денсаулық сақтау жүйесі туралы" кодекстің 242-бабына сәйкес елімізде барлық дәрілік заттар қаптамасына қазақ және орыс тіліндегі нұсқаулық анық таңбамен жазылып, айналымға түсуі тиіс.

"Қажетті белгілерді қоюға және нұсқаулығы бар парақтарды буып-түюге ерікті студенттер көмектесті", – дейді министрлік мамандары.

Стикерлеу СК-Фармацияның Алматы, Нұр-Сұлтан, Ақтөбе мен Шымкент қаласындағы хабтарында жүзеге асырылды. Әр қоймада 20-40 штаттық қызметкер жұмыс істеді. Жұмысты тездету мақсатында еріктілердің көмегі ұсынылды. Соның ішінде Нұр-Сұлтан қаласында – 2 адам, Алматы қаласында – 5 адам, Ақтөбе қаласында – 10 адам.

Оқи отырыңыз: Қытайлық вакцина туралы не білеміз – маңызды 10 сұрақтың жауабы

Қоймаға кірердің алдында барлық келушіге тиісті ережелер түсіндірілді. Қауіпсіздік техникасы бойынша нұсқаулық та берілді. Ал стикерлер мен аннотацияларды дайындау, сондай-ақ стикерді қаптамаға жабыстыру волонтерлік қызмет негізінде жасалғандықтан қандай да бір келісімдер мен шарттарға қол қою көзделмеген.

368
Кілт сөздер:
екпе, вакцина
Тақырып:
COVID-ке қарсы вакцина
Тақырып бойынша
Осы айда екі миллион адамға вакцина егеміз – Мамин
"Вакцина салдырмасаң, анықтама бермейміз": Түркістан облысында болған оқиға
Вакцина салдырғандардан қай кезде ПТР-анықтама талап етілмейді
Коронавирусқа қарсы әлемдегі ең үздік вакцина анықталды
Вакцина салдырмағандарға талап өзгерді – Қызылордада жаңа қаулы жарияланды
Алматы қаласы

Өткен тәулікте екі мыңнан астам қазақстандықтың індет жұқтырғаны расталды

48
Коронавирус инфекциясын жұқтырғандардың ең көбі Алматы қаласында тіркелді. Одан кейінгі көрсеткіш Нұр-Сұлтан қаласы мен Қарағанды облысына тиесілі

НҰР-СҰЛТАН, 10 мамыр – Sputnik. Қазақстанда өткен тәулікте 2 142 адамның коронавирус індетін жұқтырғаны ПТР арқылы расталды, деп хабарлайды ведомствоаралық комиссия.

Өңірлер мен қалалар бойынша:

  • Нұр-Сұлтан қаласы - 324,
  • Алматы қаласы - 570,
  • Шымкент қаласы - 45,
  • Ақмола облысы - 130,
  • Ақтөбе облысы - 68,
  • Алматы облысы - 185,
  • Атырау облысы - 62,
  • Шығыс Қазақстан облысы - 87,
  • Жамбыл облысы - 51,
  • Батыс Қазақстан облысы - 102,
  • Қарағанды облысы - 251,
  • Қостанай облысы - 25,
  • Қызылорда облысы - 22,
  • Маңғыстау облысы - 55,
  • Павлодар облысы - 125,
  • Солтүстік Қазақстан облысы - 11,
  • Түркістан облысы - 29.

Жалпы ел бойынша ауырғандар саны 344 731.

48
Кілт сөздер:
індет, коронавирус
Тақырып:
Коронавирус эпидемиясы
Тақырып бойынша
Ғалымдар коронавируспен күресте пайдалы алты өнімді атады
Ғалымдар коронавирустың белгісіз мутациясын анықтады
Ғалымдар коронавирус бар-жоғын 10 секундта анықтайтын құрылғы ойлап тапты
Ғалымдар коронавирустың түсін анықтады
Ғалымдар тәтті сусындардың адам денсаулығына зиянын анықтады