Коронавирустан айыққан соң өкпені қалай қалпына келтіруге болады – иммунолог кеңесі
(Жаңартылды 13:47 16.11.2020)
Дәрігердің айтуынша, өкпенің жұмысын қалпына келтіру үшін тыныс алу жаттығуларын үнемі жасап отыру керекНҰР-СҰЛТАН, 16 қараша – Sputnik. Аллерголог-иммунолог Евгения Паршина COVID-19-дан кейін өкпені қалай қалпына келтіру керектігін айтты.
Дәрігердің айтуынша, коронавирусқа шалдыққан адам, тренажердегі арнайы жаттығулар көмегімен тыныс алу жүйесінің қалпына келуін жеделдете алады, деп хабарлайды РИА Новости.
"Тыныс алу гимнастикасын жатып немесе отырған күйде жасауға болады. Сонымен қатар жаттығулар тонусты сақтауға көмектеседі", – деді Елена Паршина.
Сондай-ақ, дәрігер жаттығуларды күніне бірнеше рет тұрақты түрде жасау керек екенін айтады.
"Тыныс жетіспеушілігін емдеу мен вирустық жүктемені азайту үшін дәрігерлердің қадағалауымен термиялық гелиокспен (жоғары температураға дейін қыздырылған гелий-оттегі қоспалары – Sputnik) ингаляция жасауға болады", – дейді маман.
Оқи отырыңыз: Қара бұрыш коронавирустан қалай қорғайды – ғалымдар жауабын айтты
Айта кетейік, бұған дейін неміс ғалымдары өсімдіктерге зерттеу жүргізіп, адам ағзасындағы коронавирустың белсенділігін әлсірететін өнімді анықтағаны хабарланған.
Ғалымдардың пікірінше, қара жемісті шетеннің шырыны небәрі 5 минуттың ішінде организмдегі коронавирусты 97%-ке дейін жояды. Анар шырынының да вирусқа қарсы әсері күшті болып шықты. Анар шырынымен тамақты шая отырып, COVID-19 патогендерінің 80%-не дейін өлтіруге болады.
Кілт сөздер:
Тақырып:
Денсаулық сақтау вице-министрі тағайындалды
(Жаңартылды 20:25 22.01.2021)
Ол әр жылдары Алматы қаласындағы республикалық апаттар медицинасы орталығының дәрігері, денсаулық сақтау министрлігінің бас маманы, бөлім, басқарма басшысы болдыНҰР-СҰЛТАН, 22 қаңтар — Sputnik. Жандос Бүркітбаев денсаулық сақтау вице-министрі қызметіне тағайындалды. Үкіметтің тиісті қаулысы шықты.
Жаңа вице-министр туралы не білеміз
Жандос Бүркітбаев 1971 жылы Жамбыл облысында дүниеге келген.
1996 жылы C. Асфендияров атындағы Алматы ұлттық медицина университетін "Емдеу ісі" мамандығы бойынша, 2003 жылы Л. Гумилев атындағы Еуразия ұлттық университетін "Мемлекеттік және жергілікті басқару" мамандығы бойынша тәмамдады. Ал 2007 жылы Оңтүстік Қазақстан мемлекеттік медицина академиясын "Фармация" мамандағы бойынша, 2018 жылы Қазақстан медицина университетінің дипломын алып шықты.
Еңбек жолын 1996 жылы Алматы қалалық жедел медициналық жәрдем клиникалық ауруханасында дәрігер-терапевт болып бастаған.
©
Photo : Пресс-служба премьер-министра
Жандос Бүркітбаев ҚР денсаулық сақтау вице-министрі қызметіне тағайындалды
Әр жылдары Алматы қаласындағы республикалық апаттар медицинасы орталығының дәрігері, денсаулық сақтау министрлігінің бас маманы, бөлім басшысы, басқарма басшысы, мәжілістің әлеуметтік-мәдени даму комитетінің қызметін қамтамасыз ету бөлімі меңгерушісінің орынбасары қызметтерін атқарған.
2008 жылы астанадағы "Қан орталығын" басқарды. 2011-2019 жылдары Трансфузиология ғылыми-өндірістік орталығының директоры болды.
2019 жылдың 23 қаңтарынн бастап Ұлттық ғылыми онкологиялық орталықтың басқарма төрағасы қызметін атқарды.
Кілт сөздер:
Назарбаев Алтай Көлгіновті қабылдады
(Жаңартылды 19:34 22.01.2021)
2020 жылы елорданы дамыту және тұрғындарға қолайлы жағдай жасау бойынша маңызды жобаларды іске асыруға 1 триллион теңгеден астам инвестиция тартылғанНҰР-СҰЛТАН, 22 қаңтар — Sputnik. Қазақстанның тұңғыш президенті Нұр-Сұлтан қаласының әкімі Алтай Көлгіновті қабылдады.
Қала басшысы Елбасыға эпидемиологиялық жағдайды тұрақтандыру бойынша қабылданған шаралар туралы баяндады.
Оның мәліметіне сәйкес, 2020 жылы елорданы дамыту және тұрғындарға қолайлы жағдай жасау бойынша маңызды жобаларды іске асыруға 1 триллион теңгеден астам инвестиция тартылған. Көлгінов білім беру, денсаулық сақтау, өнеркәсіп, тұрғын үй құрылысы және инфрақұрылымды дамыту жобаларына да тоқталды.
Сондай-ақ, астана әкімі пандемия жағдайында елорданың шағын және орта бизнес өкілдерін қолдау шаралары туралы айтып берді.
Елбасының ресми сайты Назарбаев Индустрия және инфрақұрылымдық даму министрі Бейбіт Атамқұловты да қабылдағанын хабарлап отыр.
Кілт сөздер:
Үш бірдей өңірде жолдар жабылды
НҰР-СҰЛТАН, 22 қаңтар — Sputnik. Қазақстанның үш өңірінде ауа райының бұзылуына байланысты жолдар жабылды.
"ҚазАвтоЖол" ақпаратына сәйкес, Алматы, Шығыс Қазақстан, Жамбыл облыстарында барлық көлік түріне шектеу қойылды.
Жабылған жолдар тізімі
- Алматы - Ташкент - Термез 159-239 километр, Кенен мен Қайнар арасы;
- Алматы - Ташкент - Термез, 536-654 километр, Айша-Бибіден Машатқа дейін;
- Алматы - Өскемен, 70-683 километр, Қапшағайдан Шығыс Қазақстан облысындағы Таскескенге дейін;
- Өскемен - Алтай - Рахмановские ключи, 6-66 километр, Ушановтан Серебрянск бұрылысына дейін;
- Үшарал - Достық, 0-184 километр;
- Алматы - Көкпек - Көктал - Қорғас, 126-230 километр, Байсейіт пен Шонжы арасы;
- Сарыөзек - Көктал, 3-178 километр;
- Омбы - Майқапшагай, 756-906 километр, Семей - Қалбатау.