Алексей Цой

Алексей Цой неге вакцина салдырмағанын түсіндірді

2964
(Жаңартылды 14:16 03.01.2021)
Денсаулық сақтау министрі клиникалық сынақтың барлық фазасының аяқталғанын күтіп отыр, оң қорытынды шыққан соң, екпе ектіруге дайын

АЛМАТЫ, 3 қаңтар – Sputnik. Денсаулық сақтау министрі Алексей Цой коронавирусқа қарсы вакцинаны әлі күнге дейін неге салдырмағанын түсіндірді, деп хабарлайды Sputnik Қазақстан тілшісі.

"Әзірге отандық та, ресейлік те вакцинаны салдырған жоқпын. Қазір біз қорытынды нәтижені күтіп отырмыз. Содан кейін алғашқылардың бірі болып вакцина салдырамын. Вакцина Қазақстанда ресми түрде тіркеліп, жаппай вакцинацияға шыққан сәтте міндетті түрде салдырамын. Вакцинаның ресейлік не қазақстандық екенінде тұрған ештеңе жоқ", - деді Цой орталық коммуникациялар қызметінде өткен баспасөз мәслихатында.

Айтуынша, денсаулық сақтау министрлігі қызметкерлерінің жартысы қазақстандық, жартысы ресейлік вакцинаны салдырады. Сол арқылы екі вакцинаның да қауіпсіз екенін, пайдалы екенін көрсеткіміз келеді, деп толықтырды министр.

"Алайда бұл үшін вакцинаның тиімділігі мен қауіпсіздігін тексеруіміз керек, оның тіркелуін күтіп отырмыз. Содан кейін салдырамыз, бұл жағынан ешқандай мәселе жоқ. Бұл қауіпсіздігіміздің басты факторларының бірі деп санаймыз", - деді ол.

Тағы оқыңыз: Министр Қазақстан коронавирустың қай аймағында тұрғанын айтты

Сонымен қатар, Цой басқа министрлер мен әкімдердің вакцина салдырып жатқанын жоғары бағалады.

"Әріптестеріміздің вакцина салдырып жатқаны жақсы, алайда денсаулық сақтау министрі вакцина салдырса, бұл халықты екпе егуге шақыру болып саналады. Демек, вакцинаның қауіпсіз әрі тиімді екені дәлелденген деген сөз. Соған байланысты біз медициналық қызметкер ретінде вакцинаның кепілденген, анық нәтижесін күтуіміз қажет. Қазір клиникалық сынақтың бірінші және екінші фазасында қауіпсіз әрі тиімді деген қорытынды шықты", - деді Цой.

Айтуынша, барлық қорытынды шыққан соң, реттеуші орган ретінде вакцина салдырып, оның тиімді екенін көрсетеді.

Ал қазір вакцина салдырғандар ерікті түрде жеке шешім қабылдады. Бұл клиникалық зерттеу аясында жүріп жатыр.

2964
Тақырып:
COVID-ке қарсы вакцина (104)
Архивтегі фото

Нұр-Сұлтанда және 9 облыста дабылды ескерту жарияланды

1249
Дүйсенбіде Қазақстанның басым аумағында бұрқасындатып, көктайғақ болады, екпінді жел соғып, тұман түседі

НҰР-СҰЛТАН, 7 наурыз – Sputnik. Қазгидромет синоптиктері ауа райының нашарлауына байланысты Нұр-Сұлтан мен елдің 9 облысында дабылды ескерту жариялады. 

8 наурызда Нұр-Сұлтанда көктайғақ болып, жаяу бұрқасын соғады деп болжанып отыр. Оңтүстік-батыстан соққан жел солтүстік-батысқа ауысады, екпіні – 15-20 м/с.

8 наурызда Қарағанды ​​облысында кей жерлерде тұман түсіп, жаяу бұрқасын соғып, көктайғақ болады. Оңтүстік-батыстан, оңтүстіктен жел соғады, кей жерлерде екпіні 15-20 м/с жетеді. Қарағандыда боран соғып, көктайғақ болуы мүмкін.  

8 наурызда Қызылорда облысында кей жерлерде тұман түсіп, көктайғақ болады деп болжануда. Оңтүстік желі солтүстік-шығысқа ауысып, кей жерлерде жылдамдығы 15-20 м/с жетеді. Қызылордада түнде және таңертең көктайғақ болады.

8 наурызда Атырау облысында батыстан, оңтүстік-батыстан 15-20 м/с жылдамдықпен жел соғуы мүмкін. Атырауда 8 наурызда күндіз батыстан, оңтүстік-батыстан соққан желдің екпіні 15-18 м/с жетеді.

Оқи отырыңыз: Синоптиктер наурыз айында ауа райы қандай болатынын айтты 

8 наурызда Батыс Қазақстан облысында кей жерлерде тұман түсіп, жаяу бұрқасын соғады, көктайғақ болады. Оңтүстік-батыстан жел соғады, кей жерлерде екпіні 15-20 м/с жетеді. Оралда тұман түсіп, көктайғақ болуы мүмкін.

8 наурызда Ақтөбе облысында бұрқасындатып, көктайғақ, тұман болады деп болжанып отыр. Ақтөбеде солтүстік-батыстан соққан жел оңтүстік-батысқа ауысады, екпіні – 18 м/с.

8 наурызда күндіз Павлодар облысында жауын-шашын түседі. Кей жерлерде бұрқасын, тұман, көктайғақ болуы мүмкін, 15-20 м/с жылдамдықпен оңтүстік, оңтүстік-батыстан жел соғады, кей жерлерде екпіні 23 м/с жетеді. Павлодарда да жауын-шашын түсіп, көктайғақ болады.  

Дүйсенбіде Қостанай облысында бұрқасындатып, тұман түседі, түнде көктайғақ болады деп болжануда. Солтүстік-батыстан соққан жел оңтүстік-батысқа ауысады – 15-20, екпіні 23-28 м/с. Қостанайда 8 наурызға қараған түні жаяу бұрқасын соғып, көктайғақ болады.

8 наурызда Солтүстік Қазақстан облысында түнде жауын-шашын түседі. Кей жерлерде тұман түсіп, боран соғып, көктайғақ болуы мүмкін. Петропавлда түнде жаяу бұрқасын соғып, көктайғақ болады деп болжануда. Батыстан 15-20 м/с жылдамдықпен жел соғады.

8 наурызға қараған түні Түркістан облысында кей жерлерде тұман түседі. Оңтүстік-батыстан соққан желдің жылдамдығы күндіз кей жерлерде 15-20 м/с жетеді.

1249
Кілт сөздер:
ауа райы, дабылды ескерту
Архивтегі фото

Қазақстан Қытаймен шекарадағы өткізу бекетін жабады

125
(Жаңартылды 17:07 07.03.2021)
Қаржы министрлігі тасымалдаушыларды және шекарадан өткісі келетіндерді енгізілген шектеулерді ескере отырып, өз бағдарын алдын ала жоспарлауға шақырды

НҰР-СҰЛТАН, 7 наурыз – Sputnik. Қытаймен шекарадағы "Нұр жолы" өткізу бекеті 2021 жылы 8 наурызда жұмыс істемейді, деп хабарлайды Sputnik Қазақстан.

"Бұл шектеу Қазақстан Республикасында Халықаралық әйелдер күнін мерекелеуге байланысты енгізілді", - деп хабарлады қаржы министрлігінің баспасөз қызметі.  

Атап айтқанда, 8 наурыз күні адамдар, көлік құралдары, тауарлар шекара арқылы өткізілмейді.

Оқи отырыңыз: Енді Қазақстан шекарасында ұзын-сонар кезек болмайды

Ведомство тасымалдаушыларды және шекарадан өткісі келетіндердің барлығын енгізілген шектеулерді ескере отырып, өз бағдарын алдын ала жоспарлауға шақырды.  

125
Кілт сөздер:
шекара, Қытай
Тақырып бойынша
Депутаттар қазақ-қытай шекарасындағы жағдайға алаңдаушылық білдірді
Қытаймен келіссөз жүргізу оңайға соқпай тұр – Мырзағалиев
Қытаймен шекарадағы проблема: Қазақстан шара қабылдауға мәжбүр болды
Мыңдаған жүк көлігі мен вагон Қытаймен шекарада тұрып қалды 
Кісен, архивтегі фото

Атырауда қарақшылық жасады деген күдікпен 25 жастағы жігіт ұсталды

0
Микрокредит ұйымының кассирі белгісіз біреудің пышақпен қорқытып, кассадағы 400 000 теңгені алып кеткенін хабарлаған

НҰР-СҰЛТАН, 7 наурыз – Sputnik. Атыраулық полицейлер микрокредит ұйымының кеңсесіне қарақшылық жасады күдіктіні ұстады, деп хабарлады Polisia.kz.   

5 наурыз күні сағат 10:45 шамасында "102" операторына Атырау қаласы Вокзал маңы ықшам ауданында орналасқан микрокредит ұйымының кассирі медициналық бетперде киген белгісіз біреудің 10:30 шамасында пышақпен қорқытып, кассадағы 400 000 теңгені алып кеткені туралы хабарлама берген.

Оқи отырыңыз: Нұр-Сұлтанда екі жігіт банк тонамақ болды – видео 

Полиция департаментінің қызметкерлері өткізген жедел-іздестіру іс-шараларының нәтижесінде күдікті ретінде 25 жастағы жігітті ұстап, уақытша ұстау изоляторына қамады.

Қазіргі таңда Қазақстан Қылмыстық кодексінің 192-бабының 1-бөлігі (Қарақшылық) бойынша тергеп-тексеру амалдары жүргізілуде. Өзге ақпарат заңға сәйкес жарияланбайды.

0
Тақырып бойынша
Қару кезенген қарақшыға тап берді: павлодарлық бойжеткеннің әрекеті видеоға түсіп қалды
Бішкекте қазақстандық әйелдерді асқан жауыздықпен өлтірген: қаскөйлер қалай ұсталды
Kaspi bank бөлімшесіне кімдер қарақшылық шабуыл жасағаны белгілі болды – видео
Полиция астанада болған қарақшылық шабуылдың видеосын жариялады
Қызылордада газ құю станциясына белгісіз біреу баса-көктеп кірді