Алматы тұрғыны Асан Смағұлов

Бірде-бір сайлаудан қалмаған алматылық отбасылық дәстүр туралы айтып берді

462
Тәуелсіздік алған отыз жыл ішінде бірде-бір сайлаудан қалмай, дауыс беріп жүрген азамат Асан Смағұлов бұл отбасылық дәстүрдің қалай қалыптасқанын айтып берді

АЛМАТЫ, 7 қаңтар – Sputnik. Алматылық Асан Смағұлов 40 жылдан бері бірде-бір сайлаудан қалмай, дауыс беруді азаматтық ұстанымы деп есептейді. Өзін патриот санайтын азамат сайлау сайын отбасында дауысты кімге беретінін талқылап, жақындарымен бірге сайлау учаскесіне барады. 10 қаңтарда Қазақстанда парламент мәжілісі сайлауы өтеді. Осы науқан қарсаңында алматылық азамат Sputnik Қазақстан тілшісіне сұқбат беріп, әкеден балаға берілген дәстүр жайлы айтып берді.

Отбасымен бірге дауыс береді

57 жастағы Асан Смағұлов ешқандай партияға мүше болмаған. Ал алғаш рет сайлауға Кеңес Одағы ыдырамай тұрған уақытта қатысқан. Ол шақтағы естеліктер еміс-еміс есінде болғанымен, тәуелсіздік жылдарындағы сайлаудың бәрі күні кеше өткендей жадында сақтаулы.

"Кімге немесе қай партияға дауыс беретінімді алдын ала отбасыммен бірге талқылаймын. Сайлау күні таңғы алтыда дауыс беруге барамыз. Сол күн біз үшін мейрам сияқты, дауыс берген соң үйге келіп тағы да талқылап отырамыз. Бұл біздің әкемізден қалған дәстүр. Ол кісі бозбала шағымызда ерте тұрғызып, сайлауға апаратын. "Дауыс беріп келіп, малға қарау керек" деп отыратын. Бұл солай қалыптасты", - дейді алматылық.

Айтуынша, Смағұловтар отбасының сайлау қарсаңындағы мақсаты – сенімді адамға дауыс беру. Сайлаудың халыққа қандай да бір пайдасы тисе екен деген оймен барады. Алайда алматылық Асан Смағұловты оппозиционер деп ойлайтындар да бар екен. Өзі мұны жоққа шығарып, ел игілігі үшін идея тастауға ұмтылатынын жеткізді.

Әңгіме барысында дауыс беру кезінде кандидатқа қандай талап қоятынын, партияларды бір-бірінен қалай дұрыс ажыратып, неге басымдық беретінін де сұрадық.

"Ең алдымен партиялардың сайлауалды бағдарламасымен толық танысып шығамын. Бағдарламаны арнайы мамандар жазып шығатыны анық. Ал біреудің идеясын екінші адамның іске асыруы да оңай шаруа емес. Сондай сәтте партияның құрамындағы беделді адамдарды қарап шығамыз. Партияны басқарып отырған адамдардың адамгершілік қасиетіне қараймыз", - дейді Смағұлов.

Айтуынша, партия мүшелерінің қай жақтың тумасы екені, қай оқу орнын бітіргені, білімі мен қазақы болмысының қандай деңгейде екеніне зерттеу жүргізеді.

"Мына азаматтың білімі Қазақстанға керек екен" деп баға береміз. Арасында тиіп-қашып, партияға мүше адамдардың санын көбейтіп жүргені де көрініп қалады", - дейді Асан Смағұлов.

Сайлауға емес, жаназаға барғандай...

"Бұрын адамдар сайлау десе, той секілді қабылдайтын. Асығып, әуендетіп, әндетіп баратын. Керемет еді. Ал кейінгі кезде сайлауға барғаны жаназаға барғандай көрінеді. Кейінгі он жылда бұрынғыдай көңіл-күй жоқ. Үйге келген соң осыны талқылаймыз", - дейді ол.

Айтуынша, отбасы ішінде демократия бар. Кейде жақындарының саяси көзқарасы Асан Смағұловтың ойымен сәйкес келмейтін кездер болады.

"Көп жағдайда бала саясатқа дайын болмайды. Өсе келе өз көзқарасын айта бастайды. Сондай сәтте нақты деректер келтіріп, түсіндіруге тырысамын. Ойын қатты өзгертіп жібермеймін және соңғы шешімді өзіне қалдырамын", - деді ол.

Асан Смағұлов биыл екінші рет сайлауда тәуелсіз бақылаушы болмақ. Айтуынша, 30 жылдың ішінде 2019 жылы өткен президент сайлауы қатты есінде сақталған. Себебі сол уақытта алғаш рет сайлауда бақылаушы болып, ішкі жұмыстармен танысқан.

"Сол сайлауда түнгі сағат 12-ге дейін бақылаушы болып отырдым. Сағат 11-ден кейін дауыс санау басталды. Біз әлі хаттаманы тіркеп үлгермей тұрып, теледидардан Қасым-Жомарт Тоқаевтың жеңіске жеткенін хабарлады. Сол мені қатты таңғалдырды", - дейді Смағұлов.

Оқи отырыңыз: Сайлауда сыйлықтар беріле ме – комиссия өкілдері жауап берді

Алайда сол сайлаудан кейін көп жағдай өзгерді, үкімет халыққа көңіл бөле бастады, деп толықтырды ол.

"1991 жылы өзім жас болдым, отбасы, бала-шаға болмады. Ол кезде Қазақстанды қазақ басқарсын деген арман болды. Өзіміз ел боламыз деген қуаныштың лебі сезілді. Ол сайлау да той сияқты өтті. Қазақстан жеке мемлекет болды деп қуандық", - дейді ол.

Алматылық азамат сайлауға аса жауапкершілікпен қарайды. Тұрақты түрде өзі тіркелген сайлау учаскесінде дауыс береді. Бірде басқа қалада іссапарда жүрген кезде дауыс беру үшін арнайы Алматыға келген.

"Астанада іссапарда жүрген кезімде сайлау қарсаңында он күн бұрын Алматыға келдім. Үнемі өз ауданымдағы сайлау учаскесінде дауыс беремін", - деді ол.

Айтуынша, таңертең ерте барып, дауыс беретіндер – егде жастағы кісілер, зейнеткерлер. Асан Смағұлов биыл да ерте барып дауыс беретінін айтты. Себебі өзі тіркелген сайлау учаскесінде дауыс беріп, тәуелсіз бақылаушы болатын басқа учаскеге де уақытында баруы керек.

"Сайлауға бару – өмірлік ұстанымым. Өзім сенетін адамға немесе партияға дауыс беруім қажет деп санаймын. Ал мәжіліс сайлауына бес партия түсіп жатыр, оның екеуі ойыннан шығып қалады деп ойлаймын", - дейді Смағұлов.

"Мен әлі нақты кімге дауыс беретінімді шешкен жоқпын, ойлануға әлі уақыт бар", - деді ол.

Сайлауға қай уақытта барған дұрыс?

"Дауыс көп дүниені шешеді. Кімнің қай партияға дауыс бергенінен бұрын, бақылаушылардың қызметіне басымдық берген дұрыс. Сайлау кезінде үгіт-насихат тоқтауы керек. Алайда ол дауыс беріп жатқан кезде де жалғасады. Басшылық қоластындағы адамдарды бақылап, бюллетеньді фотоға түсіруді сұрайды. Мұны бақылауға бізде мүмкіндік болмайды", - дейді алматылық.

Ал суретші-мүсінші болып жұмыс істейтін алматылықтың өзіне мұндай тапсырма ешқашан берілмеген. Айтуынша, жан-жағындағылар саяси ұстанымын біледі, сол себепті тісі батпаған. Алты жыл өнер академиясында сабақ берген. Ол кезде де дауыс беру жағынан қысым болмаған.

Сонымен қатар азамат сайлауға ерте барып дауыс беруге шақырды. Ол уақытта адам қарасы да аз болады, көңіл-күй де көтеріліп қалады.

"Әр адамның жеке пікірі болуы қажет. Сайлауға келіп, дауыс беру керек. Егер адам сайлауға бармаса, дауыс бермесе, бюллетень бос қалса, оның дауысы оңды-солды кетуі мүмкін. Азамат келіп, дауыс беруі қажет, ал қалған жұмыс бақылаушының еншісіне қалады", - деді ол.

Алматылық дауыс беруге келіп, сайлау бюллетенін сызып, сурет салып кететіндердің жеке пікірі жоқ деп санайды.

Сонымен қатар сайлау учаскесіне бірінші болып барып, дауыс берген кезде өзін нағыз патриот сезінетінін, соның арқасында күні бойы көңіл-күйі көтеріңкі жүретінін жеткізді.

462
Зертхана қызметкері

Өткен тәулікте Қазақстанда 1 397 адам коронавирус жұқтырды

41
(Жаңартылды 08:16 27.01.2021)
Бүгінге дейін республика бойынша коронавирус індетіне шалдыққандар саны 181 117 адамға жетті

НҰР-СҰЛТАН, 27 қаңтар – Sputnik. Қазақстанда өткен тәулікте 1 397 адамда коронавирус індеті ПТР арқылы расталып, ауырғаны белгілі болды, деп хабарлайды ведомствоаралық комиссия.

"Коронавирус індетіне шалдыққандардың ең көбі Павлодар облысында (219) тіркелді. Одан кейін Нұр-Сұлтан қаласы (147) мен Қостанай облысында (141) анықталды", – делінген хабарламада.

Қалалар мен өңірлер бойынша:

  • Нұр-Сұлтан қаласы - 147,
  • Алматы қаласы - 139,
  • Шымкент қаласы - 10,
  • Ақмола облысы - 213,
  • Ақтөбе облысы - 6,
  • Алматы облысы - 64,
  • Атырау облысы - 70,
  • Шығыс Қазақстан облысы - 53,
  • Жамбыл облысы - 23,
  • Батыс Қазақстан облысы - 95,
  • Қарағанды облысы - 78,
  • Қостанай облысы - 141,
  • Қызылорда облысы - 11,
  • Маңғыстау облысы - 10,
  • Павлодар облысы - 219,
  • Солтүстік Қазақстан облысы - 108,
  • Түркістан облысы - 10.

Айта кетейік, бүгінге дейін республика бойынша коронавирус індетіне шалдыққандар саны 181 117 адамға жетті.

41
Кілт сөздер:
коронавирус, індет
Тақырып бойынша
Ғалымдар коронавируспен күресте пайдалы алты өнімді атады
Қазақстанда коронавирусқа қарсы вакцина мәжбүрлі түрде салына ма – министрлік жауабы  
Ғалымдар коронавирустың жаңа түрі жылдам таралып жатқанын растады
Тоқаев қазақстандық вакцина салдырады
Ғалымдар коронавирусты жоятын Қазақстанда қолжетімді өсімдікті атады
Архивтегі фото

"Мұндай жағдайға тап боламын деп ойламадым": елорда тұрғыны вирусқа сенбеген

999
(Жаңартылды 18:34 26.01.2021)
Стационарда коронавирустан емделіп жатқан Әйгерім Өміржанова аурухана төсегіне таңылатынына сенбеген

НҰР-СҰЛТАН, 26 қаңтар – Sputnik. Коронавируспен күресте алдыңғы қатарда жүрген елордалық жұқпалы аурулар мамандары қала тұрғындарын санитарлық-эпидемиологиялық нормаларды сақтауға шақырды.

Коронавируспен ауруханаға түсушілердің көбеюін ескере отырып, медицина қызметкерлері карантин режимін сақтау бойынша алдын алу шараларын ұмытпау керектігін еске салды, деп жазды елорда әкімдігінің ресми сайты.

Әлемді әбігерге салған індет: қазақстандықтар неге вирустың барына сенбеді? 

"Күзде науқас саны аз болды. Кейбірі тіпті вирус тоқтады деп те ойлаған болса керек. Бірақ инфекция түбегейлі жойылған жоқ. Коронавирус үдеп тұрған шақта күн мен түнді айыра алмаған кезіміз болды. Уақытқа қарап, қай шақта жұмыс істеуіміз керектігін ойлаған жоқпыз. Коронавирустың күрт өршуі мен таралуының қайталануына жол бермеуіміз керек. Кейбіреулер қаланы бетпердесіз аралап, санитарлық нормаларды елемей жатыр. Ал біз мұнда күн сайын науқастардың денсаулығы мен өмірі үшін күресіп жүрміз", - дейді қалалық жұқпалы аурулар орталығының дәрігері.

Стационарда коронавирустан емделіп жатқан Әйгерім Өміржанова аурухана төсегіне таңылатынына сенбеген екен.

"Бұл қауіпті вирустың елімізге зиян тигізгеніне бір жылға жуық уақыт болды. Осы уақыт ішінде мен алаңсыз жүріп, денсаулығым туралы ойлаған емеспін, вирус жоқ деп те ойладым. Бірақ өзімді нашар сезінген сәттен бастап, бірден медициналық көмекке жүгіндім. Өкінішке қарай, менен коронавирус шықты. Шынымды айтсам, мұндай жағдайға тап боламын деп ойламаған едім. Бұл ешқандай да әзіл емес екен”, - дейді Өміржанова.

999
Тақырып:
Коронавирус эпидемиясы
Мұхамедқалы Абылғазиев

Қырғызстанның бұрынғы премьер-министрі ұсталды

0
(Жаңартылды 10:06 27.01.2021)
Бұған дейін Абылғазиевке елден шығуға тыйым салынып, егер ол республикадан тыс жерге шығуға әрекет жасаса, дереу қамауға алынатыны ескертілген

НҰР-СҰЛТАН, 27 қаңтар – Sputnik. Қырғызстанда бұрынғы премьер-министр Мұхаммедқалы Абылғазиев қамауға алынды, деп хабарлады Sputnik Қырғызстан ішкі істер министрлігіндегі ақпарат көздеріне сілтеме жасап.

Абылғазиев үлкен дау-жанжалдан кейін қызметінен кеткен болатын. Енді ұлттық қауіпсіздік комитетінің нұсқауымен ол қамауға алынды. Бұған дейін қаржы полициясы оның елден шығуына тыйым салған. Бұрынғы премьерге республикадан тыс жерге шығуға әрекет жасаса, бірден қамауға алынатыны ескертілген. Артынан жауап алу үшін шақырды. Бірақ ол кезде нақты қай іс бойынша жауап алынатыны туралы айтылмаған.

Сейсенбі, 26 қаңтарда Абылғазиевті тағы жауап алу үшін шақырды. Содан соң қамап тастады.

Былтыр күзде Қырғызстанның бас прокуратурасы денсаулық сақтау министрлігінің өкілдеріне қатысты бірнеше қылмыстық істің қозғалғанын хабарлаған. Олар пандемия кезінде заңсыз әрекет жасағаны үшін айыпталды. Оған экс-премьердің қатысы бар болып шықса, оны да жазалайды деген ақпарат тараған. Абылғазиевке қатысты сотқа дейінгі тергеу шаралары басталып, алайда нақты қандай айыптың тағылғаны жарияланған жоқ.

Радиожиіліктерге қатысты дау

Абылғазиев радиожиіліктерге қатысты дау-жанжалдан кейін отставкаға кетуге өтініш жазды.

Былтыр мамыр айында мемлекеттік байланыс агенттігінің экс-басшысы Наталья Черногубова ұсталған болатын. Ол мемлекеттік ақпараттық технологиялар комитеті мен ұялы операторлардың бірімен сөз байласқаны үшін айыпталды. Артынан сыбайлас жемқорлық ісі бойынша тағы бес адамның ұсталғаны белгілі болды. Олардың ішінде ұлттық қауіпсіздік комитетінің бес қызметкері де бар.

Сол кезде Жогорку кенештің депутаты Жанар Ақаев үкіметтің екі радиожиілікті арзан бағаға сатып жібергенін мәлімдеді. Оның ойынша, премьер-министр Мұхаммедқалы Абылғазиевтің рұқсаты болмаса, ондай келісімді рәсімдеу мүмкін емес. Ақаев мемлекетке келген шығында 5 миллиард сомға (58,9 миллион доллар) бағалады. Абылғазиев көп ұзамай, тергеуге қысым жасады деген айыптар болмасын деп, қысқа мерзімді демалысқа шығып кетті.

Оқи отырыңыз: Қырғызстанның жаңа президенті алғашқы сапарын қай елден бастайтыны белгілі болды

Ал маусым айында осы іске қатысы бар деген күдікпен "Ала-ТВ" компаниясының құрылтайшысы ұсталды деген ақпарат шыққан. Дәл осы компанияның радиожиіліктері ұялы байланыс операторына сатылды. 

15 маусыда Мұхаммедқалы Абылғазиев осы іске қатысым жоқ деп, отставкаға кетуге өтініш жазды. Осылайша, ол 19 күнге созылған демалыстан кейін бірден жұмыстан кеткен болатын.

0
Кілт сөздер:
ұстау, Қырғызстан
Тақырып бойынша
Павлодар облысында Қырғызстанның екі азаматы үсіп қала жаздады
Қырғызстан президентінің міндетін атқарушы Тоқаевқа алғыс білдірді
Қырғыз елінің жаңадан сайланған президенті Қазақстан халқына алғыс айтты
Қырғызстан барлық шетелдікке елге кіруге рұқсат етті
Қырғызстан президентінің инаугурациясына қарапайым азаматтар қатысады