Сайлау алдындағы үгіт науқаны: қанша адам жауапқа тартылды
НҰР-СҰЛТАН, 8 қаңтар – Spunik. Қазақстан бас прокурорының орынбасары Болат Дембаев сайлау алдындағы үгіт науқаны кезінде қандай заң бұзушылықтар анықталғанын және қанша адам жауапқа тартылғанын айтты, деп хабарлайды Spunik Қазақстан тілшісі.
Айтуынша, үгіт науқаны кезінде айтарлықтай әкімшілік құқықбұзушылықтар мен қылмыс анықталған жоқ. Алайда бірде-бір заң бұзушылық тіркелмеді деп те айтуға болмайды.
"Мәселен, БАҚ-та қоғамдық пікірге сауалнама жүргізу шарттарын бұзудың бір фактісі, екі үгіт материалын бүлдіру және 10 заңсыз үгіт тіркелді. Барлық факті бойынша прокуратура органдары әкімшілік өндіріс қозғады, 13 адам жауапқа тартылды. Олардың 8-іне жекелеген партиялар үшін анонимді үгіт материалдарын дайындап, таратқаны үшін 25 АЕК-тен айыппұл салынды", - деді Дембаев орталық сайлау комиссиясының отырысында.
Сонымен қатар, Нұр-Сұлтан мен Ақтау қалаларында екі тұрғын үгіт материалдарын бүлдіргені үшін 15 АЕК айыппұл арқалады.
Мысалы, 11 желтоқсанда елордада вокзал маңында бір азамат "Ауыл" партиясының үгіт парағын ілініп тұрған жерінен жұлып алған. Құқықбұзушылық жасау кезінде ол мас болыпты. Нұр-Сұлтан тұрғыны бұл әрекеті үшін әкімшілік жауапқа тартылды.
Оқи отырыңыз: ШЫҰ бақылаушылары Қазақстандағы сайлауға мониторинг жүргізеді
Бұдан бөлек, Семейде "Ақ жол" партиясының келісімінсіз үндеу парақтарын тарату қызметін көрсеткені үшін екі адамға айыппұл салынды.
Ал Талдықорған тұрғыны әлеуметтік желіде қоғамдық пікірге сауалнама жүргізген. Алайда заң бойынша сауалнаманы бес жыл тәжірибесі бар заңды тұлғалар ғана жүргізе алады. Азамат 15 АЕК айыппұл төледі.
Тақырып:
Коронавируспен ауырғандарда қандай дерт пайда болуы мүмкін
(Жаңартылды 14:20 08.03.2021)
Бұған дейін дүниежүзілік денсаулық сақтау ұйымы COVID-19 пандемиясының аяқталу уақытына қатысты болжам жасады. Мамандардың айтуынша, ол 2022 жылдың басында тоқтайдыАЛМАТЫ, 8 наурыз – Sputnik. Covid-19 инфекциясын жұқтырып, сауығып шыққан адам қалпына келуі үшін біршама уақыт қажет. Алайда көп жағдайда аурудан кейін денсаулық нашарлауы мүмкін.
Оксфордтың Брукс университетінің мамандары науқастардың көпшілігінде қысқа мерзімді жүйке-психика бұзылуы байқалатынын анықтады, деп хабарлады РИА Новости.
Мысалы, адамдардың 95%-інде аурудан кейінгі стресс, 45%-інде көңіл бөлудің бұзылуы, 13-28%-інде есте сақтау қабілетінің нашарлауы анықталған.
Сонымен қатар Сovid-19 инфекциясын жұқтырғанға дейін бұл науқастарда мұндай ауытқулар болмаған.
Ал 17-42% адамда аурудан кейін депрессия пайда болған. Науқастардың арасында есте сақтау (38-50%) қабілетінің нашарлауына шағымданғандар да бар.
Айта кетейік, бұған дейін дүниежүзілік денсаулық сақтау ұйымы COVID-19 пандемиясының аяқталу уақытына қатысты болжам жасады. Мамандардың айтуынша, ол 2022 жылдың басында тоқтайды.
Кілт сөздер:
Тақырып:
Тоқаев иттермен серуенге шықты – фото
(Жаңартылды 13:59 08.03.2021)
Қазақстан президенті демалыс күнін таңғы серуенмен бастады. Мемлекет басшысының баспасөз хатшысы суретін бөлістіНҰР-СҰЛТАН, 8 наурыз — Sputnik. Қазақстан президентінің баспасөз хатшысы Берік Уәли Instagram парақшасында Қасым-Жомарт Тоқаев серуенінің суретін жариялады.
Фотода мемлекет басшысының итін көруге болады. Тағы біреуі артында тұр.
Посмотреть эту публикацию в Instagram
Суреттегі ит қазақы тазы тұқымынан болуы мүмкін.
"Тамаша күн. Таңғы серуен. Мемлекет басшысы Қасым-Жомарт Тоқаев Халықаралық әйелдер күнімен құттықтайды", - деп жазды Уәли.
Таңертең президент сайтында ресми құттықтау жарияланған болатын. Қазақстан әйелдерінің ақыл-парасаты, ерік-жігері мен жасампаздығы барлық қиындықты еңсеріп, сын-қатерлерге төтеп беруімізге септігін тигізеді деген еді президент.
Кілт сөздер:
Ақтауда үйдің кіреберісінде болған жағдай видеоға түсіп қалды
НҰР-СҰЛТАН, 8 наурыз — Sputnik. Ақтаудағы тұрғын үйдің кіреберісіне түлкі кіріп кетті. Оқиға 34-ші шағын аудандағы "Сандықтас" тұрғын үй кешенінде болды, деп хабарлайды "Лада" басылымы.
Түлкінің бұл жерге қалай жеткені белгісіз.
Видеода оның шығатын жер іздеп, қабырғаға өрмелегені көрінеді. Ролик авторлары жыртқыш аңды далаға шығарып жіберді.
"Тұрғындар түлкіні пәтерде ұстады деп ойламаймын. Бұл ең шеттегі үй, дала суық болғандықтан, түлкі даладан қашып келді деп ойлаймын", - деді "Эко Маңғыстау" үкіметтік емес ұйымының жетекшісі Кирилл Осин.
Бұған дейін әлеуметтік желіде Қарағандыда көліктің ішіндегі арыстанның суреті жарияланған болатын. Ол жергілікті хайуанаттар бағынан екені анықталды. Алайда жеңіл көлікпен тасымалдауға рұқсат болмаған. Полиция тексеріс жүргізеді.
Кілт сөздер: