Қараңғы қапастағы адам сұлбасы, архивтегі сурет

Қазақстан түрмелерінде ондаған адам өзіне қол салмақ болған полиция

59
(Жаңартылды 15:59 13.01.2021)
Құқық қорғаушылардың айтуынша, бейнебақылау жазбасы актілерді толтыру кезінде аудиовизуалды дәлел ретінде қолданылады

АЛМАТЫ, 13 қаңтар – Sputnik. Колониялардағы бейнебақылау камералары арқылы жеті мыңнан астам тәртіп бұзушылық анықталып, 65 суицидтің алды алынды, деп хабарлады Polisia.kz.

Тәртіп сақшыларының хабарлауынша, қазір қылмыстық-атқару жүйесі бөлімшелерінде бас бостандығынан айырылған адамдарды қадағалау бойынша жұмыс дамып жатыр.

Мекемелерді де, ҚАЖ жеке құрамын да техникалық жағынан жабдықтау және дамыту бойынша қабылданып жатқан шаралар аясында 2015 жылдан бері бейнебақылау және алып жүруге болатын бейнетіркеу жүйелерін енгізу бойынша жұмыстар белсенді жүргізілуде.

"Мұндай шара мекемедегі адамдар мен қызметкерлердің қауіпсіздігін қамтамасыз етуге, ұсталғандар мен қызметкерлер тарапынан құқыққа қайшы әрекеттердің жасалмауына бағытталған", – дейді қылмыстық-атқару жүйесі комитетінің бастығы Бақытжан Сәдібеков.

2015 жылы ҚАЖ мекемелерінде 7 мыңға жуық бейнебақылау камерасы болды, қазір олардың саны 14 мыңға жетті. Ал алып жүруге болатын бейнетіркегіш саны алты есе артты.

Бір жылда 7 мыңнан астам тәртіп бұзушылық тіркелді

Қазір колониялардың техникалық жағынан жабдықталуы бас бостандығынан айыру түріндегі жазаның орындалуына қойылған міндетті толық көлемде шешуге мүмкіндік бермейді. Дей тұрғанмен бейнебақылау көмегімен 2020 жылдың өзінде жазаны өтеудің белгіленген тәртібінен жалтарған күдіктілер, айыпталушылар мен сотталғандар тарапынан 7 мыңнан астам тәртіп бұзушылық тіркелді.

Сонымен қатар бейнебақылау арқылы ҚАЖ мекемелерінде ұсталатын адамдардың заңсыз әрекетін уақытында анықтау нәтижесінде 2016 жылдан бастап 65 суицидке жол берілмеді. 2020 жылы осындай алты жағдай тіркелген.

"Бұл бағыт бойынша тиімділікті арттыру жұмыстары тоқтатылмайды. Президент тапсырмасымен республиканың ҚАЖ мекемелерінде жаппай бейнебақылау орнату жоспарланған. Қазір айыпталушылар мен сотталған азаматтармен жұмыс істейтін қызметкерлердің бейнетіркегішті алып жүру нормасын кеңейту мәселесі пысықталуда", – деп толықтырды Сәдібеков.

Оқи отырыңыз: "Түрме вице-министрдің көзімен": Суханбердиева кітап жазды

Ал бейнебақылау жазбасы ішкі тәртіпті бұзу туралы актілерді толтыру кезінде аудиовизуалды дәлел ретінде қолданылады.

59
Кілт сөздер:
құқық бұзу, түрме
Тақырып бойынша
Қасымов: соңғы жылдары түрме халқының саны айтарлықтай азайды
Ермегияевтің бар жағдайын жасаған түрме басшысы мен орынбасары қамауға алынды
Жынысын өзгерткен трансгендер қыз түрме қызметкеріне күш қолданбақ болды
Түрме қызметкерін ұрған қылмыскердің жаза мерзімі ұлғайтылды
Таразда бұрынғы түрме бастығы жеті жылға сотталды  
Зертхана қызметкері

Өткен тәулікте Қазақстанда 1 397 адам коронавирус жұқтырды

15
(Жаңартылды 08:16 27.01.2021)
Бүгінге дейін республика бойынша коронавирус індетіне шалдыққандар саны 181 117 адамға жетті

НҰР-СҰЛТАН, 27 қаңтар – Sputnik. Қазақстанда өткен тәулікте 1 397 адамда коронавирус індеті ПТР арқылы расталып, ауырғаны белгілі болды, деп хабарлайды ведомствоаралық комиссия.

"Коронавирус індетіне шалдыққандардың ең көбі Павлодар облысында (219) тіркелді. Одан кейін Нұр-Сұлтан қаласы (147) мен Қостанай облысында (141) анықталды", – делінген хабарламада.

Қалалар мен өңірлер бойынша:

  • Нұр-Сұлтан қаласы - 147,
  • Алматы қаласы - 139,
  • Шымкент қаласы - 10,
  • Ақмола облысы - 213,
  • Ақтөбе облысы - 6,
  • Алматы облысы - 64,
  • Атырау облысы - 70,
  • Шығыс Қазақстан облысы - 53,
  • Жамбыл облысы - 23,
  • Батыс Қазақстан облысы - 95,
  • Қарағанды облысы - 78,
  • Қостанай облысы - 141,
  • Қызылорда облысы - 11,
  • Маңғыстау облысы - 10,
  • Павлодар облысы - 219,
  • Солтүстік Қазақстан облысы - 108,
  • Түркістан облысы - 10.

Айта кетейік, бүгінге дейін республика бойынша коронавирус індетіне шалдыққандар саны 181 117 адамға жетті.

15
Кілт сөздер:
коронавирус, індет
Тақырып бойынша
Ғалымдар коронавируспен күресте пайдалы алты өнімді атады
Қазақстанда коронавирусқа қарсы вакцина мәжбүрлі түрде салына ма – министрлік жауабы  
Ғалымдар коронавирустың жаңа түрі жылдам таралып жатқанын растады
Тоқаев қазақстандық вакцина салдырады
Ғалымдар коронавирусты жоятын Қазақстанда қолжетімді өсімдікті атады
Архивтегі фото

"Мұндай жағдайға тап боламын деп ойламадым": елорда тұрғыны вирусқа сенбеген

962
(Жаңартылды 18:34 26.01.2021)
Стационарда коронавирустан емделіп жатқан Әйгерім Өміржанова аурухана төсегіне таңылатынына сенбеген

НҰР-СҰЛТАН, 26 қаңтар – Sputnik. Коронавируспен күресте алдыңғы қатарда жүрген елордалық жұқпалы аурулар мамандары қала тұрғындарын санитарлық-эпидемиологиялық нормаларды сақтауға шақырды.

Коронавируспен ауруханаға түсушілердің көбеюін ескере отырып, медицина қызметкерлері карантин режимін сақтау бойынша алдын алу шараларын ұмытпау керектігін еске салды, деп жазды елорда әкімдігінің ресми сайты.

Әлемді әбігерге салған індет: қазақстандықтар неге вирустың барына сенбеді? 

"Күзде науқас саны аз болды. Кейбірі тіпті вирус тоқтады деп те ойлаған болса керек. Бірақ инфекция түбегейлі жойылған жоқ. Коронавирус үдеп тұрған шақта күн мен түнді айыра алмаған кезіміз болды. Уақытқа қарап, қай шақта жұмыс істеуіміз керектігін ойлаған жоқпыз. Коронавирустың күрт өршуі мен таралуының қайталануына жол бермеуіміз керек. Кейбіреулер қаланы бетпердесіз аралап, санитарлық нормаларды елемей жатыр. Ал біз мұнда күн сайын науқастардың денсаулығы мен өмірі үшін күресіп жүрміз", - дейді қалалық жұқпалы аурулар орталығының дәрігері.

Стационарда коронавирустан емделіп жатқан Әйгерім Өміржанова аурухана төсегіне таңылатынына сенбеген екен.

"Бұл қауіпті вирустың елімізге зиян тигізгеніне бір жылға жуық уақыт болды. Осы уақыт ішінде мен алаңсыз жүріп, денсаулығым туралы ойлаған емеспін, вирус жоқ деп те ойладым. Бірақ өзімді нашар сезінген сәттен бастап, бірден медициналық көмекке жүгіндім. Өкінішке қарай, менен коронавирус шықты. Шынымды айтсам, мұндай жағдайға тап боламын деп ойламаған едім. Бұл ешқандай да әзіл емес екен”, - дейді Өміржанова.

962
Тақырып:
Коронавирус эпидемиясы
Бойжеткен, иллюстративті фото

Семейде сұлулық байқауының жеңімпазы басшылық қызметке тағайындалды

0
Екі жыл бұрын "Семей ханымы" байқауының жеңімпазы атанған Диана Шаяхметова бүгінде төрт баланың анасы

НҰР-СҰЛТАН, 27 қаңтар – Sputnik. Семей қаласының тұрғын үй-коммуналдық шаруашылығы бөлімінің бастығы қызметіне "Миссис-2019" байқауының жеңімпазы тағайындалды. Ол мұндай міндетті бұрынғы бастығының жұмыстан босатылуына байланысты уақытша атқаратын болды.

"Диана Шаяхметова 25 қаңтардан бастап Семей қаласының тұрғын үй-коммуналдық шаруашылық бөлімінің бастығы қызметіне тағайындалды. Ол екі жыл бұрын "Семей ханымы-2019" байқауына қатысып, жеңімпаз атанған болатын", – деп жазады облыстық Arnapress басылымы.

Осы кезге дейін Шаяхметова аталған бөлім бастығының орынбасары қызметін  атқарып келген.

34 жастағы келіншек бүгінде төрт баланың анасы.

Ал бөлімнің бұрынғы басшысы Амантай Өтелбаевтың қызметінен босатылуына қатысты әлі ресми ақпарат жоқ. Басылым дерегінде оның Семей қаласының тұрғын үй-коммуналдық секторын дамытуға қосқан үлесі ұшан-теңіз екені айтылған.

Оқи отырыңыз: Дауға қалған Семей полициясының бастығы қандай жағдайда қызметінен кететінін айтты

Айта кетейік, 25 қаңтарда Семей қаласының әкімі ауысты. Облыс әкімі Даниал Ахметовтің өкімімен Нұрымбет Сақтағанов жаңа әкім болды. Оның кандидатурасы қалалық мәслихаттың кезектен тыс екінші сессиясында мақұлданды.

Ахметов экс-әкім Ермак Сәлімовке жұмысы үшін алғыс білдіріп, оның бұдан әрі облыс әкімінің тұрғын үй және құрылыс мәселелері жөніндегі кеңесшісі болып қала беретінін атап өтті.

0
Кілт сөздер:
Семей, жаңа қызмет
Тақырып бойынша
Семей медицина университетінің басшылығы билікке үндеу жасады
"Бір көзді баланы ертіп жүрдім": Семей өңірінің тұрғыны полигонның зардабы жайлы айтты
Семей полицейлері тұрғындарды ұйқыдан оята алмай, үйге көршінің қақпасы арқылы кірді
Абайдың отаны Семей туралы қызықты деректер
Сұлулық байқауы жеңімпазының жансыз денесі табылды – қылмыстық іс қозғалды