Медицина қызметкерлері

Денсаулық министрлігі COVID-19-дың екінші толқыны басталғанын хабарлады

1942
(Жаңартылды 17:58 13.01.2021)
Бұған дейін денсаулық сақтау министрі коронавирусты жұқтырудың шарықтау шегі желтоқсан-қаңтар айында болатынын айтқан болатын

НҰР-СҰЛТАН, 13 қаңтар – Sputnik. Денсаулық сақтау вице-министрі, бас мемлекеттік санитарлық дәрігер Ерлан Қиясов коронавирустың екінші толқыны туралы айтты, деп хабарлайды Sputnik Қазақстан тілшісі.

"Ауруға шалдығу көрсеткіші өссе, оны "бірінші,екінші толқын" деп бөлмейміз. Бірақ, шыны керек, қазір аурудың өскені байқалып отыр. Сондықтан эпидемиологиялық жағдай пессимистік сценариймен емес, нақты сценариймен өрбіп жатыр. Соған қарап, екінші толқынның даму кезеңінде тұрмыз деуге болады", - деді Қиясов орталық коммуникациялар қызметінде өткен онлайн брифингте. 

Оның айтуынша, осы айдың аяғында эпидемиологиялық жағдай нашарлайды деген болжам бар.

"Кейбір аймақтарда жағдай нашарлауы мүмкін", - деп атап көрсетті Қиясов.

Айта кетейік, бұған дейін денсаулық сақтау министрі коронавирусты жұқтырудың шарықтау шегі желтоқсан-қаңтар айында болатынын айтқан. Бұл – пессимистік болжам. Бірақ эпидемиологиялық жағдай жақсарған.

Ал 7 желтоқсанда өткен онлайн брифингте Қиясов пессимистік болжам бойынша коронавирусты жұқтырудың шарықтау шегі қаңтардың аяғына және ақпанның басына келеді деген еді.

Кейін денсаулық сақтау бірінші вице-министрі Марат Шоранов екінші толқынның негізгі көрсеткішін атады. Оның сөзіне қарағанда, ауруханаларда төсек-орындардың 70 проценті толса, коронавирустың екіншісі кезеңі басталды деген сөз.

Айта кетейік, соңғы бір тәулік ішінде республика бойынша 766 адамнан коронавирус инфекциясы анықталды. Коронавирустан сегіз адам, ал пневмониядан төрт адам қайтыс болды. Бір күн бұрын 692 науқас тіркелген болатын. 

Жалпы, пандемия басталғалы республикада 164 477 науқас анықталып, 2 377 адам қайтыс болды. Тамыздан бері коронавирус инфекциясының белгілері бар пневмония диагнозымен 46 499 науқас тіркелді, 530 адам қайтыс болды.

1942
Тақырып:
Коронавирус эпидемиясы (2029)
Тақырып бойынша
Министр Қазақстан коронавирустың қай аймағында тұрғанын айтты
47 жастағы әйелдің ағзасында коронавирустың 18 мутациясы анықталды
Біле жүріңіз: дәрігерлер коронавирустың жаңа симптомын атады
Адам ағзасынан коронавирустың таралуына әсер ететін зат табылды
Коронавирустың жаңа түрі Еуропаның 22 елінде табылды – ДДСҰ
Зертхана қызметкері

Өткен тәулікте Қазақстанда 1 397 адам коронавирус жұқтырды

50
(Жаңартылды 08:16 27.01.2021)
Бүгінге дейін республика бойынша коронавирус індетіне шалдыққандар саны 181 117 адамға жетті

НҰР-СҰЛТАН, 27 қаңтар – Sputnik. Қазақстанда өткен тәулікте 1 397 адамда коронавирус індеті ПТР арқылы расталып, ауырғаны белгілі болды, деп хабарлайды ведомствоаралық комиссия.

"Коронавирус індетіне шалдыққандардың ең көбі Павлодар облысында (219) тіркелді. Одан кейін Нұр-Сұлтан қаласы (147) мен Қостанай облысында (141) анықталды", – делінген хабарламада.

Қалалар мен өңірлер бойынша:

  • Нұр-Сұлтан қаласы - 147,
  • Алматы қаласы - 139,
  • Шымкент қаласы - 10,
  • Ақмола облысы - 213,
  • Ақтөбе облысы - 6,
  • Алматы облысы - 64,
  • Атырау облысы - 70,
  • Шығыс Қазақстан облысы - 53,
  • Жамбыл облысы - 23,
  • Батыс Қазақстан облысы - 95,
  • Қарағанды облысы - 78,
  • Қостанай облысы - 141,
  • Қызылорда облысы - 11,
  • Маңғыстау облысы - 10,
  • Павлодар облысы - 219,
  • Солтүстік Қазақстан облысы - 108,
  • Түркістан облысы - 10.

Айта кетейік, бүгінге дейін республика бойынша коронавирус індетіне шалдыққандар саны 181 117 адамға жетті.

50
Кілт сөздер:
коронавирус, індет
Тақырып бойынша
Ғалымдар коронавируспен күресте пайдалы алты өнімді атады
Қазақстанда коронавирусқа қарсы вакцина мәжбүрлі түрде салына ма – министрлік жауабы  
Ғалымдар коронавирустың жаңа түрі жылдам таралып жатқанын растады
Тоқаев қазақстандық вакцина салдырады
Ғалымдар коронавирусты жоятын Қазақстанда қолжетімді өсімдікті атады
Архивтегі фото

"Мұндай жағдайға тап боламын деп ойламадым": елорда тұрғыны вирусқа сенбеген

1008
(Жаңартылды 18:34 26.01.2021)
Стационарда коронавирустан емделіп жатқан Әйгерім Өміржанова аурухана төсегіне таңылатынына сенбеген

НҰР-СҰЛТАН, 26 қаңтар – Sputnik. Коронавируспен күресте алдыңғы қатарда жүрген елордалық жұқпалы аурулар мамандары қала тұрғындарын санитарлық-эпидемиологиялық нормаларды сақтауға шақырды.

Коронавируспен ауруханаға түсушілердің көбеюін ескере отырып, медицина қызметкерлері карантин режимін сақтау бойынша алдын алу шараларын ұмытпау керектігін еске салды, деп жазды елорда әкімдігінің ресми сайты.

Әлемді әбігерге салған індет: қазақстандықтар неге вирустың барына сенбеді? 

"Күзде науқас саны аз болды. Кейбірі тіпті вирус тоқтады деп те ойлаған болса керек. Бірақ инфекция түбегейлі жойылған жоқ. Коронавирус үдеп тұрған шақта күн мен түнді айыра алмаған кезіміз болды. Уақытқа қарап, қай шақта жұмыс істеуіміз керектігін ойлаған жоқпыз. Коронавирустың күрт өршуі мен таралуының қайталануына жол бермеуіміз керек. Кейбіреулер қаланы бетпердесіз аралап, санитарлық нормаларды елемей жатыр. Ал біз мұнда күн сайын науқастардың денсаулығы мен өмірі үшін күресіп жүрміз", - дейді қалалық жұқпалы аурулар орталығының дәрігері.

Стационарда коронавирустан емделіп жатқан Әйгерім Өміржанова аурухана төсегіне таңылатынына сенбеген екен.

"Бұл қауіпті вирустың елімізге зиян тигізгеніне бір жылға жуық уақыт болды. Осы уақыт ішінде мен алаңсыз жүріп, денсаулығым туралы ойлаған емеспін, вирус жоқ деп те ойладым. Бірақ өзімді нашар сезінген сәттен бастап, бірден медициналық көмекке жүгіндім. Өкінішке қарай, менен коронавирус шықты. Шынымды айтсам, мұндай жағдайға тап боламын деп ойламаған едім. Бұл ешқандай да әзіл емес екен”, - дейді Өміржанова.

1008
Тақырып:
Коронавирус эпидемиясы (2029)
Мұхамедқалы Абылғазиев

Қырғызстанның бұрынғы премьер-министрі ұсталды

0
(Жаңартылды 10:08 27.01.2021)
Бұған дейін Абылғазиевке елден шығуға тыйым салынып, егер ол республикадан тыс жерге шығуға әрекет жасаса, дереу қамауға алынатыны ескертілген

НҰР-СҰЛТАН, 27 қаңтар – Sputnik. Қырғызстанның бұрынғы премьер-министр Мұхаммедқалы Абылғазиев қамауға алынды, деп хабарлады Sputnik Қырғызстан ішкі істер министрлігінің ақпарат көздеріне сілтеме жасап.

Абылғазиев үлкен дау-жанжалдан кейін қызметінен кеткен болатын. Енді ұлттық қауіпсіздік комитетінің нұсқауымен ол қамауға алынды. Бұған дейін қаржы полициясы оның елден шығуына тыйым салған.

Ал егер бұрынғы премьер республикадан тыс жерге шығуға әрекет жасаса, бірден қамауға алынатыны ескертілген. Артынан жауап алу үшін шақырды. Бірақ ол кезде нақты қай іс бойынша жауап алынатыны туралы айтылмаған.

Сейсенбі, 26 қаңтарда Абылғазиевті тағы жауап алу үшін шақырды. Содан соң қамап тастады.

Былтыр күзде Қырғызстанның бас прокуратурасы денсаулық сақтау министрлігінің өкілдеріне қатысты бірнеше қылмыстық іс қозғалғанын хабарлаған. Олар пандемия кезінде заңсыз әрекет жасағаны үшін айыпталды. Оған экс-премьердің қатысы бар болып шықса, оны да жазалайды деген ақпарат тараған. Абылғазиевке қатысты сотқа дейінгі тергеу шаралары басталып, алайда нақты қандай айыптың тағылғаны жарияланған жоқ.

Радиожиіліктерге қатысты дау

Абылғазиев радиожиіліктерге қатысты дау-жанжалдан кейін отставкаға кетуге өтініш жазды.

Былтыр мамыр айында мемлекеттік байланыс агенттігінің экс-басшысы Наталья Черногубова ұсталған болатын. Ол мемлекеттік ақпараттық технологиялар комитеті мен ұялы операторлардың бірімен сөз байласқаны үшін айыпталды. Артынан сыбайлас жемқорлық ісі бойынша тағы бес адамның ұсталғаны белгілі болды. Олардың ішінде ұлттық қауіпсіздік комитетінің бес қызметкері де бар.

Сол кезде Жогорку кенештің депутаты Жанар Ақаев үкіметтің екі радиожиілікті арзан бағаға сатып жібергенін мәлімдеді. Оның ойынша, премьер-министр Мұхаммедқалы Абылғазиевтің рұқсаты болмаса, ондай келісімді рәсімдеу мүмкін емес. Ақаев мемлекетке келген шығында 5 миллиард сомға (58,9 миллион доллар) бағалады. Абылғазиев көп ұзамай, тергеуге қысым жасады деген айыптар болмасын деп, қысқа мерзімді демалысқа шығып кетті.

Оқи отырыңыз: Қырғызстанның жаңа президенті алғашқы сапарын қай елден бастайтыны белгілі болды

Ал маусым айында осы іске қатысы бар деген күдікпен "Ала-ТВ" компаниясының құрылтайшысы ұсталды деген ақпарат шыққан. Дәл осы компанияның радиожиіліктері ұялы байланыс операторына сатылды. 

15 маусыда Мұхаммедқалы Абылғазиев осы іске қатысым жоқ деп, отставкаға кетуге өтініш жазды. Осылайша, ол 19 күнге созылған демалыстан кейін бірден жұмыстан кеткен болатын.

0
Кілт сөздер:
ұстау, Қырғызстан
Тақырып бойынша
Павлодар облысында Қырғызстанның екі азаматы үсіп қала жаздады
Қырғызстан президентінің міндетін атқарушы Тоқаевқа алғыс білдірді
Қырғыз елінің жаңадан сайланған президенті Қазақстан халқына алғыс айтты
Қырғызстан барлық шетелдікке елге кіруге рұқсат етті
Қырғызстан президентінің инаугурациясына қарапайым азаматтар қатысады