Архивтегі фото

Денсаулық сақтау жүйесі адам өмірін бірінші орынға қоюы қажет мемлекет басшысы

27
Сонымен қатар Қасым-Жомарт Тоқаев отандық денсаулық сақтау саласын жаңғыртудың маңызы зор екенін атап өтті

АЛМАТЫ, 15 қаңтар – Sputnik. Қазақстан президенті Қасым-Жомарт Тоқаев азаматтардың салауатты өмір салтын ұстануы дені сау ұлтты қалыптастырудың негізгі шарты екенін айтты, деп хабарлайды Sputnik Қазақстан тілшісі.

Оның пайымынша, денсаулық сақтау жүйесі науқастар мүддесін, денсаулығы мен адам өмірін бірінші орынға қоюы қажет.

"Азаматтардың салауатты өмір салты – салауатты ұлтты қалыптастырудың негізгі шарты. Сондықтан бұқаралық және балалар спортына ерекше назар аудару керек. Бұл туралы Жолдауда да айттым. Бұл стратегиялық маңызы бар басым міндет екенін қайталап айтамын", - деді ол жетінші шақырылған парламенттің алғашқы отырысында.

Сондай-ақ, президент отандық денсаулық сақтауды жаңғыртудың маңызы зор екенін атап өтті. Пандемия кезінде бұл мәселенің өзекті екені байқалған.  

Оқи отырыңыз: Президент саяси жүйеге қатысты тың ұсыныс жасады

Айта кетейік, Қазақстанда 10 қаңтарда мәжіліс депутаттарын сайлау өтті. Парламентке үш партия келді. Содан кейін заңға сәйкес, үкімет отставкаға кетті. Бүгін Қасым-Жомарт Тоқаев VII шақырылған парламенттің алғашқы сессиясына қатысты.

27
Кілт сөздер:
денсаулық сақтау, Қасым-Жомарт Тоқаев
Тақырып бойынша
Президент мәжіліске өтпеген саяси күштер туралы пікір білдірді
Тоқаев: Басты мақсат – халықтың тұрмысын жақсарту
Қазақстан үкіметі отставкаға кетті
Зейнетақы жинағын SMS арқылы тексеруге болатын жаңа қызмет іске қосылды
"Әділ болуы керек": Тоқаев зейнетақы жинағын пайдалану туралы айтты
Архивтегі фото

Нұр-Сұлтанда және 9 облыста дабылды ескерту жарияланды

1482
Дүйсенбіде Қазақстанның басым аумағында бұрқасындатып, көктайғақ болады, екпінді жел соғып, тұман түседі

НҰР-СҰЛТАН, 7 наурыз – Sputnik. Қазгидромет синоптиктері ауа райының нашарлауына байланысты Нұр-Сұлтан мен елдің 9 облысында дабылды ескерту жариялады. 

8 наурызда Нұр-Сұлтанда көктайғақ болып, жаяу бұрқасын соғады деп болжанып отыр. Оңтүстік-батыстан соққан жел солтүстік-батысқа ауысады, екпіні – 15-20 м/с.

8 наурызда Қарағанды ​​облысында кей жерлерде тұман түсіп, жаяу бұрқасын соғып, көктайғақ болады. Оңтүстік-батыстан, оңтүстіктен жел соғады, кей жерлерде екпіні 15-20 м/с жетеді. Қарағандыда боран соғып, көктайғақ болуы мүмкін.  

8 наурызда Қызылорда облысында кей жерлерде тұман түсіп, көктайғақ болады деп болжануда. Оңтүстік желі солтүстік-шығысқа ауысып, кей жерлерде жылдамдығы 15-20 м/с жетеді. Қызылордада түнде және таңертең көктайғақ болады.

8 наурызда Атырау облысында батыстан, оңтүстік-батыстан 15-20 м/с жылдамдықпен жел соғуы мүмкін. Атырауда 8 наурызда күндіз батыстан, оңтүстік-батыстан соққан желдің екпіні 15-18 м/с жетеді.

Оқи отырыңыз: Синоптиктер наурыз айында ауа райы қандай болатынын айтты 

8 наурызда Батыс Қазақстан облысында кей жерлерде тұман түсіп, жаяу бұрқасын соғады, көктайғақ болады. Оңтүстік-батыстан жел соғады, кей жерлерде екпіні 15-20 м/с жетеді. Оралда тұман түсіп, көктайғақ болуы мүмкін.

8 наурызда Ақтөбе облысында бұрқасындатып, көктайғақ, тұман болады деп болжанып отыр. Ақтөбеде солтүстік-батыстан соққан жел оңтүстік-батысқа ауысады, екпіні – 18 м/с.

8 наурызда күндіз Павлодар облысында жауын-шашын түседі. Кей жерлерде бұрқасын, тұман, көктайғақ болуы мүмкін, 15-20 м/с жылдамдықпен оңтүстік, оңтүстік-батыстан жел соғады, кей жерлерде екпіні 23 м/с жетеді. Павлодарда да жауын-шашын түсіп, көктайғақ болады.  

Дүйсенбіде Қостанай облысында бұрқасындатып, тұман түседі, түнде көктайғақ болады деп болжануда. Солтүстік-батыстан соққан жел оңтүстік-батысқа ауысады – 15-20, екпіні 23-28 м/с. Қостанайда 8 наурызға қараған түні жаяу бұрқасын соғып, көктайғақ болады.

8 наурызда Солтүстік Қазақстан облысында түнде жауын-шашын түседі. Кей жерлерде тұман түсіп, боран соғып, көктайғақ болуы мүмкін. Петропавлда түнде жаяу бұрқасын соғып, көктайғақ болады деп болжануда. Батыстан 15-20 м/с жылдамдықпен жел соғады.

8 наурызға қараған түні Түркістан облысында кей жерлерде тұман түседі. Оңтүстік-батыстан соққан желдің жылдамдығы күндіз кей жерлерде 15-20 м/с жетеді.

1482
Кілт сөздер:
ауа райы, дабылды ескерту
Архивтегі фото

Қазақстан Қытаймен шекарадағы өткізу бекетін жабады

137
(Жаңартылды 17:07 07.03.2021)
Қаржы министрлігі тасымалдаушыларды және шекарадан өткісі келетіндерді енгізілген шектеулерді ескере отырып, өз бағдарын алдын ала жоспарлауға шақырды

НҰР-СҰЛТАН, 7 наурыз – Sputnik. Қытаймен шекарадағы "Нұр жолы" өткізу бекеті 2021 жылы 8 наурызда жұмыс істемейді, деп хабарлайды Sputnik Қазақстан.

"Бұл шектеу Қазақстан Республикасында Халықаралық әйелдер күнін мерекелеуге байланысты енгізілді", - деп хабарлады қаржы министрлігінің баспасөз қызметі.  

Атап айтқанда, 8 наурыз күні адамдар, көлік құралдары, тауарлар шекара арқылы өткізілмейді.

Оқи отырыңыз: Енді Қазақстан шекарасында ұзын-сонар кезек болмайды

Ведомство тасымалдаушыларды және шекарадан өткісі келетіндердің барлығын енгізілген шектеулерді ескере отырып, өз бағдарын алдын ала жоспарлауға шақырды.  

137
Кілт сөздер:
шекара, Қытай
Тақырып бойынша
Депутаттар қазақ-қытай шекарасындағы жағдайға алаңдаушылық білдірді
Қытаймен келіссөз жүргізу оңайға соқпай тұр – Мырзағалиев
Қытаймен шекарадағы проблема: Қазақстан шара қабылдауға мәжбүр болды
Мыңдаған жүк көлігі мен вагон Қытаймен шекарада тұрып қалды 
Алматы облысының Жауғашты кентінде орналасқан ЛА-155/4 әйелдер түрмесі

Бір сәт қабырға сыртындағы өмірге оралу: түрмедегі әйелдер көктемді қалай қарсы алады

374
Әйелдер түрмесінде отырғандар наурызды асыға күтеді. Себебі бұл айда мереке көп. Ал мереке кезінде түрмедегі бірыңғай киімді басқа киімге ауыстыру мүмкіндігі туады

АЛМАТЫ, 7 наурыз – Sputnik. Алматыдан 40 шақырым жердегі Жауғашты кентінде ЛА-155/4 әйелдер түрмесі орналасқан. Мұнда баласымен бірге отырғандар да бар. Темір тордың ар жағындағы әйелдер мереке қарсаңында өздері мерекелік кеш ұйымдастырады.

Алматы облысындағы бұл түрме – әйелдер жазасын өтейтін Қазақстандағы алты мекеменің бірі. Мұнда бір мезгілде 1200-ге жуық адамға орын табылады. Бұл мекеменің бір ерекшелігі – мұнда әйелдер балаларымен бірге тұра алады. Бұл мекеменің ашылғанына бір жылдан кейін 85 жыл болады. Осы уақыт аралығында ауыр немесе орташа ауырлықтағы қылмыс жасаған қанша әйелдің жазасын өтегенін бірден нақты ешкім айта алмас. Себебі жыл сайын ол қатарға қосылып жатқандар мен жазасын өтеп шыққандар саны әртүрлі.

Заключенные женской колонии ЛА 155/4 в поселке Жаугашты Алматинской области
© Sputnik / Тимур Батыршин
Жауғашты кентіндегі әйелдер түрмесінде жазасын өтеушілер

Қазір бұл түрмеде 460-қа жуық әйел бар. Sputnik Қазақстан тілшілері әйелдер түрмесіне барып, олардың мерекеге дайындығын көріп, әйелдермен әңгімелесті.

Көктемді асыға күтеді

Жауғашты ауылындағы түрмеде отырған әр әйелдің оқиғасы әртүрлі. Түрме аумағына кірер кезде тыйым салынған заттың бәрін қалдыру керек. Осылайша қаншама әйел жылдар бойы сыртқа шығуды армандайтын есіктен сол әлемге кіресің.

Женская колония ЛА 155/4 в поселке Жаугашты Алматинской области
© Sputnik / Тимур Батыршин
Алматы облысының Жауғашты кентінде орналасқан ЛА-155/4 әйелдер түрмесі

Түрмеде қазір 459 әйел бар. Бұған дейін бұл жерде адам аз болған екен. Оған түрме қызметкерлері пандемияның ықпалы бар деп санайды.

"Қазір бізде 459 тұтқын бар. Бұған дейін аз болды. Пандемияға байланысты сот шешімі кейінге қалып отырды немесе басқа да себебі бар шығар. Карантин жеңілдетілген кезде бізге жаңадан сотталғандар келе бастады. Арасында кәмелетке толмаған екі қыз бар", - дейді ЛА-155/4 түзеу мекемесі бастығының орынбасары Гүлжәмилә Байтемірова.

Заключенные женской колонии ЛА 155/4 в поселке Жаугашты Алматинской области
© Sputnik / Тимур Батыршин
Түрмеде қазір 459 әйел бар

Әйелдер түрмесінде отырғандар наурызды асыға күтеді. Себебі бұл айда мереке көп. Ал мереке кезінде түрмедегі бірыңғай киімді басқа киімге ауыстыру мүмкіндігі туады.

Мұнда сотталғандар концертті өздері ұйымдастырады, ал әкімшілік сондай шараларды жиі өткізіп тұруға тырысады. Мекеме қызметкерлерінің айтуынша, сондай сәт толық болмаса да, қабырғаның ар жағындағы өмірге бір сәтке оралуға мүмкіндік береді.

Ограждение колонии, колючая проволока
© Sputnik / Тимур Батыршин
Колония қоршауы, тікенек сымдар

Ал сотталғандардың өзі бұрын бағалы болмаған уақыттың әр минуты алтынға тең деген ойда.

"Біз жақын адамдарымызға көп көңіл бөле бермейміз. Ал сыртта бейтаныс адамдарға жылы сөйлеп, үйге келген соң ашу-ызамызды шығарамыз. Балаларға, жақындарымызға, анамызға қатты сөйлейміз. Алайда ол адамдар ештеңеге қарамастан бізді жақсы көреді. Біздің жақсы не жаман екенімізге қарамайды. Немесе қатыгез, мейірімді, ауру, сау екенімізге қарамай жақсы көреді", - деді сотталған Наталья Кандолова.

Наталья Кандолова - осужденная
© Sputnik / Тимур Батыршин
Сотталушы Наталья Кандолова

Осыдан біраз уақыт бұрын Наталья өзін абақтыда отырамын деп ойламаған. Себебі 18 жыл бойы құқық қорғау органдарында қызмет етті. Заң мен тәртіпті сақтап жүргеніне сенімді болды. Ал қазір екі жыл тергеу изоляторында, бес ай түрмеде отырғанына қарамастан өзінің кінәсіз екенін дәлелдеуден үміт үзбей келеді. Ал үйінде екі баласы мен егде жастағы анасы күтіп отыр.

"Мені алты және сегіз жастағы екі кішкентай балам күтіп отыр. Анам 64 жаста. Олар менің отбасым. Мен түрмеге түскелі күйеуіммен ажырастық. Өмірімде осындай жағдай да болды. Көптеген ер адам осылай оңай беріле салады", - дейді ол.

Баланы сыртқа теппейді

Мұндағы әйелдерден түрмеге қандай қылмысы үшін түскенін сұрауға болмайды. Мұны жазылмаған заң десе де болады. Себебі әрқайсының еске алғысы келмейтін оқиғасы бар.

Заключенные женской колонии ЛА 155/4 в поселке Жаугашты Алматинской области
© Sputnik / Тимур Батыршин
Серуендеуге шыққан әйелдер

"Біртүрлі болып көрінгенімен, осы жерде отыруға тура келгеніне өкінбеймін. Не себепті отырғанымды, оған не себеп болғанын білемін. Иә, бұл – сынақ. Алайда ол маған өзімді табуға, түсінуге көмектесті. Бұл жерде әртүрлі адаммен тіл табысуға үйрендім. Еркіндікке шыққан соң қай бағытта әрекет ететінімді, қалай өмір сүру керек екенін түсіндім. Тек жақындарымнан жырақ жүргенім қынжылтады. Аз қалды. Бір айдан астам уақыттан кейін шығамын деп үміттенемін. Сол күнді күтіп жүрмін", - дейді сотталған Ботагөз Бахарова.

Ботагөз өзінің екінші қызын осы жерде Жауғашты колониясында дүниеге әкелді. Үш жасқа дейін нәресте анасымен бірге балалар қалашығының аумағында болған. Әрине, еркіндіктегідей болмаса да, оның сөзінше, сәбиінің жанында үш жыл тез өтіп кетті.

"Баласы бар әйелдер балалар қалашығында тұрады. Бұған дейін олар жасақ құрамында болған. Яғни, белгілі бір бекітілген уақытта балалар үйіне барып, кесте бойынша ол жерден шықты. Жаңылмасам, 2016 жылдан бастап қылмыстық-атқару кодексіне сәйкес балалары бар сотталғандар олармен бірге тұра бастады. Бұл жақсы шешім болды деп айта аламын. Себебі балалар да тыныш болады, жиі ауырмайтын болды. Аналарға да жайлы", - дейді Гүлжәмилә Байтемірова.

Дом ребенка в женской колонии ЛА 155/4 в поселке Жаугашты Алматинской области
© Sputnik / Тимур Батыршин
ЛА 155/4 түзеу мекемесіндегі балалар үйі

Әйелдер колониясының жанындағы балалар қалашығында 30 сотталған ана бар. Алайда ол жаққа коронавирустың жоқ екенін растайтын құжатпен де өту мүмкін болмады.

"Бала ол бала. Сотталушының немесе кімнің баласы екені маңызды емес. Сондықтан карантин жариялап, балалар қалашығын жаптық. Балалар аналарымен бірге сол жерде тұрады, сол жерде тамақтанады. Тұрмысқа қажет барлық жағдай жасалған. Ол жаққа бір жасақ басшысы мен шектеулі қызметкерлер кіріп-шығады. Яғни, балалар қалашығының басшысы – балалар дәрігері, медбикелер мен бала күтушілер кіреді. Бала күтушілер – тәрбиешінің білімі бар үш әйел", - деп түсіндірді ЛА 155/4 түзеу мекемесі бастығының орынбасары Гүлжәмилә Байтемірова.

Гульжамиля Байтемирова  заместитель начальника учреждения ЛА 155/4
© Sputnik / Тимур Батыршин
ЛА 155/4 түзеу мекемесі бастығының орынбасары Гүлжәмилә Байтемірова

Жауғашты түрмесіндегі әйелдер қандай қылмыс жасағанына қарамастан балаларға ерекше қарайды. Бірі қолында бар тәттісін берсе, бірі қамқорлық көрсетеді.

"Біз де анамыз. Оларды көріп... Егер біз осы жақтағы балаларға қамқор болсақ, біздің де баламызға ол жақта басқалар қамқор болар. Яғни, бәрі – бумеранг. Сондықтан барлығы шын жүректен шығады", - дейді сотталған Әлия Жұманова.

Түрмеге түспес бұрын Әлия табысты кәсіпкер болған. Жұмыс, отбасы, балалары... Адамға бақытты болу үшін қажеттің бәрі бар еді. Қазір оның бостандыққа шығуын екі қызы, ұлы мен немересі асыға күтіп жүр. Өзінің балалары мен немересіне көрсеткісі келген жылулықты түрмеде өсіп жатқан балаларға береді. Ол түрмеде тоқыма үйірмесін ашқан. Сол жерде қыста балаларға шұлық, баскиім мен жейделер тоқып берді.

Осужденная Ботагоз Базарова
© Sputnik / Тимур Батыршин
Әлия Жұманова

Әлияның абақтыда отырғанына жеті жыл болды. Енді ол жақындарымен қауышатын күнді асыға күтіп жүр.

"Бұрын ойланбайтын едім... Күн өтті, болды. Енді әр минут пен әр секундты соларға арнағым келеді. Өзімде бардың бәрін, өзімді, өнерімді балаларым мен немереме бергім келеді. Бұрын қарбалас тіршілік, үшінші, оныншы жұмыс деп жүрдім. Енді тек туыстарым мен жақындарыма махаббат пен жылулық сыйласам деймін", - дейді Жұманова.

Бір де бір мерекеде үйінде болмайды

Бұған дейін айтылғандар – үш адамның өмірінің бір бөлігі ғана. Ал мұнда дәл осындай 459 адамның оқиғасы бар. Алайда бұл түрмеде жазасын өтеп жатқан әйелдің бәрі өткенді түсініп, болашаққа нақты жоспар құрып қойған деп айту қиын. Себебі арасында ақтап алуға келмейтін қылмыс жасағандар да бар. Соның бірі – бірге тұратын адамымен ішімдік ішіп отырған кезде жылаған екі баласын өлтіріп, бөлшектеп тастаған жас әйел.

Колючая проволока
© Sputnik / Тимур Батыршин
Түрмедегі тікенек сымдар

Ал мекеме қызметкерлері соның бәрін біліп, қылмыс жасағандармен жұмыс істейді.

"Біз судья емеспіз. Бұл әйелдер қазірдің өзінде жазасын алды, ал біздің міндетіміз – жазаның орындалуын қадағалау", - дейді олар.

Бұлай қысқа қайырғанымен шын мәнінде ол сөздің астарында үлкен мән жатыр. Мекеме қызметкерлері демалыс, мейрамға қарамай жұмыс істейді. Соның бірі – Екатерина Бисембаева. Ол әйелдер түрмесінде 16 жылдан бері еңбек етеді.

Екатерина Бисембаева - оперуполномоченный режимного отдела исправительной учреждения ЛА 155/4
© Sputnik / Тимур Батыршин
Екатерина Бисембаева

"Бұл жерге жұмыс істеуге жас кезімде келдім. Қиын болды. Алайда жыл өткен сайын тәжірибе де жинала береді. Соның көмегі болды. Қазір жақсы психолог болып алдық. Әр сотталушыға әртүрлі көзқараспен қараймыз. Кіммен қалай сөйлесу керек екенін білеміз. Осындай жұмыс істеп жүріп тұрмысқа шықтым. Күйеуім де мені қолдайды, қызметіме қарсы емес. Бұл жерде жұмыс істеген маған ұнайды. Еңбек демалысында болған кезде жұмысымды сағынамын", - дейді Бисембаева.

Айтуынша, жақындары мен туыстары мекеме қызметкерінің бір де бір мерекеде үйде болмайтынына үйренген. Себебі мереке сайын түрмеде күшейту жұмыстары жүреді. Қызметкерлер таңнан кешке дейін жұмыста болады.

374