НҰР-СҰЛТАН, 15 қаңтар – Sputnik. Қазақстан президенті Қасым-Жомарт Тоқаев бірқатар депутаттың премьер-министр кандидатурасын қолдаудан қалыс қалғанына қатысты пікір білдірді, деп хабарлайды Sputnik Қазақстан тілшісі.

Бүгін президент үкімет басшысы қызметіне Асқар Маминді ұсынды. Отырысқа қатысқан қатысқан 99 депутаттың 78-і қолдап дауыс берді. Ал 21 адам қалыс қалды. Олар – "Ақ жол" мен ҚХП депутаттары.

"Мемлекет басшысының айтуынша, "Ақ жол" мен Қазақстанның халық партиясының фракциялары қалыс қалды. Меніңше, қалыс қалу ол Қазақстан халық партиясының өкілі айтқандай "президенттің ұсынысын қолдамау" дегенді білдірмейді. Қалыс қалу – мемлекет басшысының ұсынысына қайшы келмейтін ұстаным. Қалыс қалу ол премьер-министрдің кандидатурасына қарсы дауыс беру емес, бұл қалыс қалғанды ғана білдіреді", – деді Тоқаев мәжілістің жалпы отырысында.

Отырыста депуттатардың басым бөлігі Асқар Маминнің кандидатурасын қолдағаннан кейін оны премьер-министр қызметіне тағайындады.

Айта кетейік, бұған дейін ҚХП фракциясының жетекшісі Айқын Қоңыров үкімет басшысының кандидатурасын не себепті қолдамайтындарын ашық айтты.

Оның сөзіне қарағанда, үкімет халыққа сенім ұялататын жүйе құра алмады.

Оқи отырыңыз: Ерте тұрады, әлеуметтік желіде отырмайды – Асқар Мамин туралы қызықты деректер

Пандемия және шикізат бағасының құлдырауы халықтың табысының төмендеуіне әкелді. Азаматтар өз табыстарының 50%-тен астамын тек азық-түлікке жұмсады, себебі Қазақстанда азық-түліктің бағасы ЕАЭО-да ең қымбат болып отыр. Ал үкімет статистиканы түзеп қана отырады.

"Президент мырза, бүгін Қазақстанның халық партиясының фракциясы, өкінішке орай, сіздің премьер-министр Асқар Ұзақбайұлы Маминді, оның министрлер кабинетінің мүшелерін қызметінде сақтау туралы ұсынысыңызды қолдай алмайды және дауыс беру кезінде қалыс қалады", – деді Айқын Қоңыров.

НҰР-СҰЛТАН, 27 ақпан – Sputnik. Жеке тұрғын үйден табылған әйел мен төрт баласы иіс тиіп қайтыс болған. Бұл туралы Түркістан облысы әкімінің баспасөз қызметі хабарлады.

"27 ақпан күні Түркістан қаласындағы жеке тұрғын үйде 5 адам - 1980 жылы туған әйел және 2004, 2006, 2013, 2016 жылы туған балалары иіс тиіп қайтыс болған. Отағасы кәсіпкерлікпен айналысады, ол емделу мақсатында Шымкент қаласына кеткен", - деп хабарлады баспасөз қызметі.

Облыс әкімі Өмірзақ Шөкеев, полиция департаменті және төтенше жағдайлар департаментінің бастығы, Түркістан қаласының әкімі оқиға орнына барды. Өңір басшысы оқиғаның тергеу барысын жеке бақылауына алып, қаза болғандардың туыстары мен жақындарына көңіл айтты. Отбасына материалдық көмек көрсетуді тапсырды.

"Зардап шеккен отбасына қажетті психологиялық және материалдық көмек көрсетіледі. Мәселе менің жеке бақылауымда. Мен қайтыс болған отбасының туыстары мен жақындарына шын жүректен көңіл айтамын", - деді Өмірзақ Шөкеев.

Төтенше жағдайлар департаментіне қалалар мен аудандардың әкімдіктерімен бірлесіп, барлық жерде жылыту жүйелерін тексеруді және жылыту жүйелерімен жұмыс істеу кезінде қауіпсіздік шараларын сақтау бойынша ақпараттық-түсіндіру жұмыстарын күшейту тапсырылды.

Қайғылы оқиғаның мән-жайын анықтау үшін облыс әкімінің бірінші орынбасары Арман Жетпісбаевтың басшылығымен арнайы комиссия құрылды.

© Photo : МЧС Республики Казахстан

Бес адамның мәйіті табылған үйдегі газбен жылыту жабдығы

Айта кетсек, бүгін сағат кешкі алтылар шамасында Түркістан облысы төтенше жағдайлар департаментінің кезекші-диспетчерлік пультіне "103" қызметінен хабарлама түскен. Түркістан қаласындағы жеке тұрғын үйлердің бірінде бес адамды көршілері өлі күйінде тапқан, оның төртеуі бала.