Ақша, теңге

Зейнетақы жинағын пайдалану: депутат "асықпайтын" үкіметті сынап тастады

1197
(Жаңартылды 12:37 20.01.2021)
Халықтан үкіметтің атына көптеген ескертпе түскен. Мәселен, бір ғана "Ашық НҚА" порталында қазақстандықтар 900-ден аса пікір қалдырыпты

НҰР-СҰЛТАН, 20 қаңтар – Sputnik. VII шақырылымдағы мәжіліс депутаты Аманжан Жамалов үкіметтен зейнетақы жинағын пайдалану ережелерін бекітуді тездетуді сұрады, деп хабарлайды Sputnik Қазақстан тілшісі. 

Жамалов депутаттық сауалын премьер-министр Асқар Мамин мен Ұлттық банк төрағасы Ерболат Досаевқа жолдады. 

Депутат зейнетақы жинағының бір бөлігін баспанаға және емделуге жұмсауға мүмкіндік беретін заңға президент 2021 жылдың 2 қаңтарында қол қойғанын еске салды. 

"Заң баяғыда күшіне еніп қойды. Алайда үкімет тұрғын үй жағдайын жақсарту үшін зейнетақы жинағын пайдалану ережелерін әлі қабылдаған жоқ. 761 мың адам осы ережені күтіп жүр, дені баспананы таңдап та қойды. Ал ережелер болса, түрлі келісулер мен бекітулерді күтіп, "кабинеттерді" шарлап жүр", - деп ашуланды мәжілісмен. 

Айтуынша, халықтан үкіметтің атына көптеген ескертпе түскен. Мәселен, бір ғана "Ашық НҚА" порталында қазақстандықтар 900-ден аса пікір қалдырыпты. 

Сондай-ақ, Жамалов азаматтар баспананы сатуға 5 жылға шектеу қойылатынына қарсы екенін атап өтті. 

Бұдан бөлек, қазақстандықтар зейнетақы жинағын салынып жатқан үйді сатып алуға және тұрып жатқан баспанасын жөндеуге беруді сұрайды. 

"Мемлекет басшысы VII шақырылымдағы мәжілістің бірінші сессиясының ашылуында "отандық зейнетақы жүйесі әділ, орнықты және адамдардың мүддесіне сай болуы керектігін" атап өтті. Яғни, азаматтардың зейнетақы жинағын пайдалану құқығын шектемей, олардың мүддесіне жауап беруі керек екеніне баса назар аударғым келеді", - деді ол.

Осыған байланысты Жамалов зейнетақы жинағының бір бөлігін пайдалану бойынша заңға бағынышты нормативтік-құқықтық актілерді қабылдауды тездетуді және оларды 2021 жылдың қаңтар айының соңына дейін қолданысқа енгізуді сұрады.

1197
Кілт сөздер:
сын, үкімет, зейнетақы жинағы, депутат
Тақырып:
Зейнетақы қорындағы ақшаны мерзімінен бұрын алу (76)
Тақырып бойынша
Зейнетақы қорынан алуға болатын қаржы көлемі ұлғайды
"Әділ болуы керек": Тоқаев зейнетақы жинағын пайдалану туралы айтты
Зейнетақы жинағын SMS арқылы тексеруге болатын жаңа қызмет іске қосылды
Бір күнде 12 мыңнан астам қазақстандық зейнетақы төлемін алу үшін арнайы шот ашты
Зейнетақы жинағын пайдалану үшін банкке бару керек пе?
Әлеуметтік желілер

Бас прокуратура желіде тараған ақпаратқа қатысты түсініктеме берді

1357
Әлеуметтік желілер мен мессенджерлерде Бас прокуратураның қаулысы таратылып жатыр. Бұл ақпарат жоққа шығарылды

НҰР-СҰЛТАН, 27 ақпан – Sputnik. Желіде Қазақстанның бас прокурорының жалған қаулысы таратылып жатыр.

Хабарламада Ресейде есепке қойылған көлік иелеріне Қазақстан аумағында бас сенімхатсыз жүруге тыйым салынатыны жазылған. Бас прокуратураның баспасөз қызметі бұл ақпаратты жоққа шығарды, деп хабарлады Stopfake.kz.

"Желіде Бас прокурор бас сенімхатсыз ресейлік автокөлікті басқаруға тыйым салу туралы қаулыға қол қойғаны жазылып жатыр. Бұл ақпарат шындыққа жанаспайтынын хабарлаймыз. Бас прокурор бекіткен құқықтық актілердің мәтіндері ресми сайтта жарияланған", – делінген Бас прокуратураның ресми хабарламасында.

Жалған хабарға мұқият қарағанда, орта мектептің мөрі қойылғанын байқауға болады. Сондай-ақ, мәтінде құжат ішкі істер министрлігінің ресми сайтында жарияланғаны айтылған, бірақ іс жүзінде сайтта мұндай ақпарат жоқ.

Фейкті жасаған адам негізге алып отырған "Әкімшілік рәсімдер туралы" заңда 60-бап жоқ. Олардың саны 25 қана.

Сондай-ақ, фейк мәтінінде грамматикалық және стилистикалық қате көп екені байқалады.

Бас прокуратура арандатушылыққа бой алдырмауды және тек ресми дереккөздерге ғана сенуді сұрады.

 

1357
Тақырып бойынша
Қазақстандықтар бас прокуратураның алдына жиналды
"Малсың деген": Желіде тараған видеодағы қыздың анасы оқиғаның қалай болғанын айтты
Прокуратураның бұрынғы қызметкері өз әйелін пышақтап өлтірді
Үсті-басын қар басқан қостанайлық полицейдің фотосы желіде қызу талқыланып жатыр
Бас прокуратура қазақстандықтарға ескерту жасады 
Қалыңдық, архивтегі сурет

Қазақ бизнесмен мен украиналық тележүргізушінің тойы қалай өтті видео

3735
Қалыңдық бірге түскен суретпен Instagram парақшасында бөлісті. Үйлену тойы Мальдивтегі Воава жеке аралында өтті

НҰР-СҰЛТАН, 27 ақпан – Sputnik. Қазақстандық бизнесмен Алмаз (тегі белгісіз) украиналық тележүргізуші  Иванна Онуфрийчукке үйленді. Қалыңдық бірге түскен суретпен Instagram парақшасында бөлісті.

Посмотреть эту публикацию в Instagram

Публикация от Іванна Онуфрійчук (@ivannaonufriichuk)

Үйлену тойы Мальдивтегі Воава жеке аралында өтті.

Посмотреть эту публикацию в Instagram

Публикация от Іванна Онуфрійчук (@ivannaonufriichuk)

Шақырылған әртістер қатарында Дан Балан, Дима Монатик сынды әртістер болды. Тойды шоумен Александр Белов пен тележүргізуші Екатерина Варнава өткізді.

Посмотреть эту публикацию в Instagram

Публикация от Іванна Онуфрійчук (@ivannaonufriichuk)

Иванна Онуфрийчук "Без галстука" авторлық шоуын жүргізеді. "Страна.ua" басылымының ақпаратына сәйкес,  бизнесмен Швейцарияда тұрады.

3735
Тақырып бойынша
Тойда күйеуін қызғанған әйелдің әрекеті жұрттың ішек-сілесін қатырды – видео  
Тойда қалыңдығының әзілін көтере алмаған күйеу жігіт жұрттың ашуына тиді – видео
Қалыңдық үйлену тойын жасау үшін күтпеген қулыққа барды
Тойда ерсі қылық жасаған танымал әнші концерт қою құқығынан айырылды – видео
Қарағандыда тойда түсірілген видео желіде тарап кетті
Автомобиль скорой помощи

Түркістандағы төрт баланың өлімі: қайғылы оқиғаның мән-жайы белгілі болды

1741
(Жаңартылды 22:57 27.02.2021)
Зардап шеккен отбасына қажетті психологиялық және материалдық көмек көрсетіледі, деді облыс әкімі Өмірзақ Шөкеев

НҰР-СҰЛТАН, 27 ақпан – Sputnik. Жеке тұрғын үйден табылған әйел мен төрт баласы иіс тиіп қайтыс болған. Бұл туралы Түркістан облысы әкімінің баспасөз қызметі хабарлады.

"27 ақпан күні Түркістан қаласындағы жеке тұрғын үйде 5 адам - 1980 жылы туған әйел және 2004, 2006, 2013, 2016 жылы туған балалары иіс тиіп қайтыс болған. Отағасы кәсіпкерлікпен айналысады, ол емделу мақсатында Шымкент қаласына кеткен", - деп хабарлады баспасөз қызметі.

Облыс әкімі Өмірзақ Шөкеев, полиция департаменті және төтенше жағдайлар департаментінің бастығы, Түркістан қаласының әкімі оқиға орнына барды. Өңір басшысы оқиғаның тергеу барысын жеке бақылауына алып, қаза болғандардың туыстары мен жақындарына көңіл айтты. Отбасына материалдық көмек көрсетуді тапсырды.

"Зардап шеккен отбасына қажетті психологиялық және материалдық көмек көрсетіледі. Мәселе менің жеке бақылауымда. Мен қайтыс болған отбасының туыстары мен жақындарына шын жүректен көңіл айтамын", - деді Өмірзақ Шөкеев.

Төтенше жағдайлар департаментіне қалалар мен аудандардың әкімдіктерімен бірлесіп, барлық жерде жылыту жүйелерін тексеруді және жылыту жүйелерімен жұмыс істеу кезінде қауіпсіздік шараларын сақтау бойынша ақпараттық-түсіндіру жұмыстарын күшейту тапсырылды.

Қайғылы оқиғаның мән-жайын анықтау үшін облыс әкімінің бірінші орынбасары Арман Жетпісбаевтың басшылығымен арнайы комиссия құрылды.

Газовое отопление в доме в Туркестане, где погибли пять человек
© Photo : МЧС Республики Казахстан
Бес адамның мәйіті табылған үйдегі газбен жылыту жабдығы

Айта кетсек, бүгін сағат кешкі алтылар шамасында Түркістан облысы төтенше жағдайлар департаментінің кезекші-диспетчерлік пультіне "103" қызметінен хабарлама түскен. Түркістан қаласындағы жеке тұрғын үйлердің бірінде бес адамды көршілері өлі күйінде тапқан, оның төртеуі бала.

1741
Кілт сөздер:
өлім, Түркістан