Театр сахнасы, иллюстративті фото

"Еденге жатқызуға орын болмады": Рамазан Стамғазиев інісінің қалай көз жұмғанын айтты

15356
(Жаңартылды 18:10 21.01.2021)
Рамазан Стамғазиев інісі Ерлан ауырған кезде дәрі-дәрмек пен ауруханадан бос орын таба алмай қиналған

АЛМАТЫ, 21 қаңтар – Sputnik. Қазақстанның еңбек сіңірген әртісі Рамазан Стамғазиев жас кезінде қандай кәсіппен айналысқанын, жары Ұлту Қабаевамен балалары ер жеткен соң неке қидырғанын, туған бауыры Ерланның қалай қайтыс болғанын айтып берді

"Біз өзімізді ана заманның адамы деп айтамыз ғой. Сол замандарда Ұлту екеуміз молданың алдына барып неке қидырған жоқпыз. Ол кезде студентпіз, барып, неке туралы куәлігімізді алдық. Ортада біраз жыл өтті. Балалар аяққа тұрды. Бір күні қызым келіп, Құдай алдында қол ұстасып, неке суын ішуімізді сұрады. Ертең барамын дедім. Ұлтуды, Ахмет деген досым мен оның жарын ертіп, орталық мешітке барып, неке қидырдық", – деді Стамғазиев.

Неке қидырған соң молда Ұлту Қабаевадан не қалайтынын сұраған.

"Ол бетіме қарады да "көлік бересің" деді. Молда менен сұрады. Алып беретінімді айттым. Бір күні "Ұлту, сен қандай көлік қажет екенін нақты айтқан жоқсың" деп, ойыншық көлік сыйладым", – дейді әнші.

Айтуынша, жарының некеге дейін де, одан кейін де жеке көлігі болған.

Кәсіп пен тойдағы қызықтар

Стамғазиев бір кездері мамандық бойынша жұмыс істеп бауырлары мен туған-туысына толық көмек көрсете алмайтынын ескеріп, кәсіп бастаған.

"Мамандық бойынша жұмыс істеп жалғыз басыңды асырауға болады. Бірақ менің іні-қарындастарым, туған-туысым бар, оларға көмектесу керек. Сол уақытта азды-көпті ел танып қалды. Бизнеспен айналысқым келді. Талғар ауданынан арнайы барып жер сатып алдық. Жанымда бірге жүрген, бірге оқыған 2-3 жігіт болды. Бірігіп ақша қосып, техника алдық та кәсіпке кірістік", – дейді әнші.

Сатып алған жерді арнайы сараптамадан өткізген, соры шығып кетпейтінін тексерген. Сол кәсіпті жүргізгенімен, әрі қарай қолынан келмейтін іс екенін түсінген.

Сондай-ақ, әнші той жүргізіп жатқан сәтте қалыңдықты той ортасында алып қашып кеткен жағдай туралы да айтты.

"Тараз жақта бір ағам тойына шақырды. Қазақстан мен шетелден қаншама адам шақырылды. Қыз ұзату тойы еді. Бірінші бөлім біткеннен кейін үзілісте қонақтар билеп жүрді. Әрі қарай жалғастырайық десек, жастар жоқ. Сонда тойдың үстінде ұзатылып жатқан қызды алып қашып кетіпті. Ел шулап жатыр. Той жасап жатқан ағамыздың жүрегі ұстап қалар ма екен деп ойладым. Ол ағамыз мені шақырды да "той бітті, тарат бәрін" деді", – деп еске алды Стамғазиев өміріндегі ең сәтсіз өткен тойды.

Ананың күйзелісін сөзбен жеткізу мүмкін емес

Сұқбат барысында Стамғазиев өміріндегі өкінішті сәттерді де сөз етті. Айтуынша, 2007 жылы әкесі, одан кейін ағасы дүниеден өткен.

"Ортамыз ойсырап, қабырғамыз қайысып, жол бастаған әкеден айырылу да оңай түспеді. Одан кейін бертін келе үлкен ағам қатты ауырып, дүниеден өтті. Өмір мен өлімнің арпалысты жолдарын көрдім. Қан түкіріп, түнімей ұйықтай алмайтын жағдайлар болды. Осыдан бір жыл бұрын үлкен ағамның 19 жастағы жап-жас баласын көлік қағып, өмірден өтті", – деп еске алды Стамғазиев.

Оқи отырыңыз: Қазақстанның танымал тұлғалары ұл-қызын қалай тәрбиелейді

Өзімді берік ұстанағаныммен шешемнің қайысқанын көрдім. Талай дүниені көрген кісі ғой. Сол кезде қайғыдан қан жұтып, жүріп кетсе қиын болады-ау деп ойладым. Баласынан айырылған ананың күйзелгенін сөзбен жеткізу мүмкін емес, деп толықтырды ол.

Еденге жатқызуға орын табылмады

2020 жылдың шілдесінде Рамазан Стамғазиевтің інісі – әнші Ерлан Стамғазиев дүниеден өтті. Ол коронавирустан көз жұмды. Әнші інісі ауырған кезде дәрі мен ауруханадан бос орын таба алмай қиналғанын айтты.

"Аллаға қарсылық сөз айта алмаймыз. Өлеңін айтып, 50 жылдығына дайындалып жүрген Ерлан інім өмірден озды. Өнердегі үлкен есеп беру кешін Алматыда концерт залында өткіземін деп дайындық жасады. Табан асты, бір аптаның ішінде 12 мүшесі аман, тілі сайрап отырған бауырдан айрылдық та қалдық. Анама қарайлай бердім...", – дейді ол.

Түнімен ұйықтамай, дәрі іздеген күніміз болды. Дәрі жоқ, жатқызатын орын жоқ, кислород жоқ, дәрігер жоқ. Дәрігердің өзі ауырып жатыр. Бауырыңның өз қолыңда дәрменсіз күйде өмірден озуды ойлашы, деп күйзеле еске алды ол.

Тіпті, науқастанып жатқан інісі түнгі үште хабарласып, үйге алып кетуін сұраған.

"Түнгі үште жедел жәрдем алып кетіп бара жатыр деді. Оған дейін дәрі ішіп, өзі біраз алысқан көрінеді. Жазылып кетермін деген үміт болған. Сол күні мен жол жүріп келгенмін. "Менмін" деген жолдастарымның бәріне хабарластым. Телефонды алғаны да, жауапсыз қалдырғаны да бар. Аурухананың адамға толғаны соншалық, жерге, еденге жатқызуға орын табылмады", – деді Стамғазиев.

Айтуынша, інісі тіркелген Талғар ауруханасында хирургия бөлімінде бір орын табылған. Алайда, ол жерде науқасқа диагноз қоятын маман болмаған.

"Коронавирус та, пневмония да бір жерде жатты. Бұл ауру бір айлап ауырып жатып, өмірден озатын сияқты емес, көзіңді бақырайтып қойып, алып кетеді. Мәйітханаға кезекте тұрып сүйегін алып жатқан адам көп болды. Алып, жерлеп, мұсылманша жаназасын шығардық. Әкем мен ағам жатқан жерге жерледік. Жеті күндік аста да, қырық күндік аста да адам жиналған жоқ. Бұл – өмірімдегі өкініштердің бірі. Қабырғам қайысып, жарты жағым опырылып түскен өкініш", – деді Стамғазиев.

Айта кетейік, Рамазан Стамғазиев 1967 жылы Алматы облысы Райымбек ауданы Көкпияз ауылында туған. Қазақтың халық әндері мен дәстүрлі әнін насихаттаушы, "Құрмет" орденінің иегері.

15356
Кілт сөздер:
коронавирус, қазақ әншілері
Тақырып бойынша
"Сәттілік серік болды": спорт ардагері жеті бірдей Олимпиадаға қалай барғанын айтты
Қыдырәлі Болмановпен сұхбат: Бізге дейін бірін-бірі сүйіп қосылған дуэт болған жоқ
Мамандар қазақ эстрадасында фонограммасыз ән айтатын әншілерді атады
"Кім не бүлдірді?": Тазабеков өз жобасын тоқтатуды талап еткендерге жауап берді
Қазір иттің итақайы әнші болып жүр – Рамазан Стамғазиев
Ақорда

Ақорда ұрланған бюджет қаражаты көлеңкелі айналымға түсетінін хабарлады

67
(Жаңартылды 22:24 24.06.2021)
Қырымбек Көшербаевтың төрағалығымен сыбайлас жемқорлыққа қарсы іс-қимыл мәселелері жөніндегі комиссиясының кезекті отырысы өтті

НҰР-СҰЛТАН, 24 маусым - Sputnik. Мемлекеттік хатшы сыбайлас жемқорлыққа қарсы іс-қимыл мәселелері жөніндегі комиссиясының отырысын өткізді, деп хабарлайды Ақорда.

Мемлекеттік хатшы Қырымбек Көшербаевтың төрағалығымен Қазақстан Республикасы президенті жанындағы сыбайлас жемқорлыққа қарсы іс-қимыл мәселелері жөніндегі комиссиясының кезекті отырысы өтті. Жиында тауарларды, жұмыстарды және қызметтерді мемлекеттік сатып алу кезіндегі сыбайлас жемқорлыққа қарсы іс-қимыл жөнінде қабылданған шаралардың қазіргі ахуалы талқыланды.

Комиссия төрағасы мемлекеттік сатып алулардың тиімді жұмыс істеуі әлеуметтік-экономикалық мәселелерді шешуге, отандық салаларды дамытуға және ұлттық тауар өндірушілердің өнімдерін қолдауға ықпал ететінін атап өтті.

"Аталған салада сыбайлас жемқорлық тәуекелдері жоғары екені, мұндай жағдай рәсімдік және қаржылық тәртіп бұзушылықтар, бюджет қаражатын ұрлау және өзге де теріс мақсаттағы іс-әрекеттер кезінде орын алатыны айтылды", - делінген хабарламада.

Отырыс барысында Қазақстанның Тұңғыш Президенті – Елбасы Н.Ә.Назарбаев мемлекеттік сатып алулардың ашықтығын қамтамасыз ету, сыбайлас жемқорлыққа қарсы күресті күшейту мақсатында бұл жұмыстарды электрондық тәсілмен өткізуді қолдағаны жайында баяндалды. Қабылданып жатқан шаралар бюджет қаражатын пайдаланудың тиімділігін арттыруға, әлеуетті өнім берушілердің сатып алуларға қатысу рәсімін оңайландыруға, құжаттардың электрондық депозитарийін енгізуге мүмкіндік береді.

Сондай-ақ биыл мемлекет басшысы Қ.К.Тоқаевтың тікелей тапсырмасымен "Квазимемлекеттік сектордың жекелеген субъектілерінің сатып алу туралы" заңы қабылданды. Президенттің отандық бизнестің сатып алуларға толыққанды қолжетімділігін қамтамасыз етуге, бір көзден сатып алуды қысқартуға, олардың тиімділігі мен ашықтығын арттыруға қатысты заңнаманы жетілдіру жөніндегі тапсырмалары орындалып жатыр.

Сыбайлас жемқорлыққа қарсы іс-қимыл және қаржылық мониторинг агенттіктерінің, бас прокуратураның, "Атамекен" ҰКП, қаржы, денсаулық сақтау министрліктерінің басшылары, сондай-ақ, бірқатар өңірлердің әкімдері сатып алу кезіндегі сыбайлас жемқорлық пен басқа да тәртіп бұзушылықтарды ашу және жою, кінәлі азаматтарды заңнамада белгіленген жауапкершілікке тарту жөнінде қабылданған шаралар туралы баяндады. Бұл ретте мұндай құқық бұзушылықтардың басым бөлігі құрылыс, тұрғын үй-коммуналдық шаруашылығы, білім беру, денсаулық сақтау және мәдениет салаларында болатыны, ал ұрланған бюджет қаражаты көлеңкелі айналымға түсетіні туралы айтылды.

Оқи отырыңыз: Мемлекеттік сатып алуға қатысатын компаниялар үшін не өзгереді – сенат заң қабылдады

Жиында президенттің көмекшісі – қауіпсіздік кеңесінің хатшысы Ә.Исекешев мемлекеттік сатып алу кезінде сыбайлас жемқорлық тәуекелдерін төмендету жөніндегі ұсыныстарын ортаға салды.

Сонымен қатар комиссияда кәсіпкерлік субъектілерінің құқықтары мен заңды мүдделерін сақтау үшін атқарылып жатқан жұмыстар, сатып алу бағаларын асыра көтеру, төленген салықтар туралы мәліметтерді құбылту, мемлекеттік сатып алу порталының тиісті деңгейде қызмет атқармауы, кінәлі адамдардың өз дәрежесінде жауапқа тартылмауы секілді мәселелерді қарастырды.

Комиссия отырысының қорытындысы бойынша мемлекеттік хатшы бірқатар нақты тапсырма беріп, олардың орындалуы бақылауда болатынын айтты. Қаржы министрлігіне комиссияның мемлекеттік сатып алу саласындағы мемлекеттік реттеуді қамтамасыз ететін ұсынымын әзірлеу тапсырылды.

67
Кілт сөздер:
сыбайлас жемқорлыққа қарсы іс-қимыл, бюджет, Ақорда
Үркер ұлттық сыйлығының жеңімпаздары белгілі болды

"Үркер" ұлттық сыйлығының жеңімпаздары белгілі болды

28
Конкурс 11 номинация бойынша өтті. Оның ішінде жылдың үздік суреті мен үздік репортажы да бар

НҰР-СҰЛТАН, 24 маусым — Sputnik. Баспа, радио,  интернет журналистика саласындағы Urker-2021 ұлттық сыйлығының иегерлері анықталды.

Ақпарат және қоғамдық даму министрі Аида Балаева барлық БАҚ қызметкерін келе жатқан кәсіби мерекемен құттықтады. Ол конкурсқа өтінім жолдаған әрбір маман жоғары марапатқа лайық екенін атап өтті.

"Осы күрделі қызметте нағыз маман екендеріңізді танытып келе жатқандарыңыз үшін сіздерге әріптестерімнің атынан алғыс білдіргім келеді. Журналистика – күш-жігері мықты адамдарға арналған кәсіп деп бекер айтпаса керек. Шынайы әрі ақиқат ақпаратты жеткізудегі сіздердің мақсатқа талпынуларыңызды көріп, біз осыған көз жеткізіп келеміз. Сіздердің мамандықтарыңыз хақыққа қызмет етіп қана қоймай, ол ерекше гуманистік миссияны орындауға да негізделген", - деді Балаева.

Urker-2021 сыйлығының жеңімпаздары:

Жылдың үздік суреті:

Мақсат Шағырбаев, Newsroom.kz.

Победитель в номинации Лучшее фото года премии Уркер-2021 Мақсат Шағырбаев
© Sputnik / Абзал Калиев
"Жылдың үздік суреті" номинациясындағы жеңімпаз Мақсат Шағырбаев

Жылдың үздік репортажы:

Ануар Әбдірахманов, BaigeNews.kz АА.

Жылдың үздік аналитикалық материалы:

Дина Имамбаева, "Ақиқат" журналы.

Жылдың үздік журналистік зерттеу:

Рысбек Қыдырбек, Aiqyn газеті.

Обладатель премии Уркер 2021 года в номинации Лучшее журналистское расследование года Рысбек Қыдырбек
© Sputnik / Абзал Калиев
"Жылдың үздік журналистік зерттеу" номинациясы бойынша жеңімпаз Рысбек Қыдырбек

Жылдың үздік сұхбаты:

Тамара Вааль, Vlast.kz порталы.

Жылдың үздік танымдық материалы:

Өмірбек Сансызбаев, Massaget.kz.

Обладатель премии Уркер 2021 года в номинации Лучший познавательный материал Омирбек Сансызбаев
© Sputnik / Абзал Калиев
"Жылдың үздік танымдық материалы" номинациясы бойынша жеңімпаз Өмірбек Сансызбаев

Радиостанциядағы үздік жоба:

"Жаңа таң", "NS" радиосы.

Жылдың үздік ақпарат порталы:

Inform.kz.

Представитель лауреата премии Уркер 2021 года в номинации Лучший новостной портал
© Sputnik / Абзал Калиев
Жылдың үздік ақпарат порталы - Inform.kz

Жылдың үздік газеті:

TÚRKISTAN.

Представитель победителя в номинации Лучшая газета премии Уркер-2021
© Sputnik / Абзал Калиев
Жылдың үздік газеті - TÚRKISTAN

Жылдың үздік журналы:

"Forbes Kazakhstan".

Тәуелсіздіктің 30 жылдығына арналған үздік материал:

Рыиза Молдашева, "Семей таңы" газеті.

Лауреат премии Уркер 2021 года в номинации Лучший материал, посвященный 30-летию Независимости  Рыиза Молдашева
© Sputnik / Абзал Калиев
"Тәуелсіздіктің 30 жылдығына арналған үздік материал" номинациясының жеңімпазы Рыиза Молдашева,

Жеңімпаздарға естелік мүсінше мен бір миллион теңге көлемінде сыйақы табысталды.

"Қазақ радиосы" арнайы сыйлықтың иегері атанды.

Осы жылы баспа, радио және интернет-журналистика саласындағы Urker-2021 ұлттық сыйлығы бесінші рет өтіп отыр.

Оқи отырыңыз: Sputnik Қазақстанның екі тілшісі "Үркер" ұлттық сыйлығының шорт-парағына енді

Конкурс 11 номинация бойынша өтті. Жаңалық ретінде "Тәуелсіздіктің 30 жылдығына арналған үздік материал" номинациясы енгізілді.

Ұйымдастырушылардың қарауына барлығы 340 жұмысты ұсынылды. "Үркердің" шорт-парағына Sputnik Қазақстан тілшісі Ксения Воронина мен Sputnik Қазақстан фототілшісі Владислав Воднев кірді.

Сыйлықты ұйымдастырушы – ақпарат және қоғамдық даму министрлігі, "Медиа дамыту қоры" корпоративтік қоры және "Қазмедиа орталығы" БК.

Іс-шара демеушілері – "Қазақстан" РТРК және "Хабар" агенттігі" АҚ.

Өткен жылы Sputnik Қазақстан тілшісі Тимур Ниталиев 14 жасар бүркітші жайлы материалы үшін "Жылдың үздік танымдық материалы" номинациясы бойынша Urker ұлттық сыйлығының жеңімпазы атанды.

28
Кілт сөздер:
байқау, тілшілер, сыйлық
Архивтегі фото

"Өмір сүру қиындап барады": Жүргізушілер дизель отынын іздеп сабылып жүр

0
Алматылық жүргізушілер бірнеше күннен бері дизель таппай тығырыққа тірелген. Әсіресе жүк көлігін тізгіндегендер сұйық отын іздеп қаланы шарлап жүр

НҰР-СҰЛТАН, 25 маусым – Sputnik. Алматыда жүрізушілер дизель отынын іздеп сабылып жүр. Қаладағы жанармай құю бекеттерінің көбісінде сұйық отын жоқ.

Бағасы аспандап кеткен жанармай кей жерлерде тек талонмен беріліп жатыр. Шымкентте де бұл мәселе әлі шешілмеген, деп хабарлады КТК.

Апта басында энергетика министрлігі бағаны тұрақтандырып, тапшылықты бір-екі күнде жоямыз деген уәдесі сөз жүзінде қалған. Өңірлерде дизель қоры жеткілікті деген шенеуніктердің сөзіне қарағанда, бұл алыпсатарлардың бағаны көтеру мақсатында жасап отырған қитұрқылығы болуы мүмкін.

Алматылық жүргізушілер бірнеше күннен бері дизель таппай тығырыққа тірелген. Әсіресе жүк көлігін тізгіндегендер сұйық отын іздеп қаланы шарлап жүр. Өйткені жанармай бекеттерінің көбісі дизельді тек талонмен беріп жатыр.

"Мен экономист емеспін. Бірақ тапшылық бағаны өсіру үшін жасалып отыр деп ойлаймын. Бұл жағдай ең соңында қарапайым халыққа ауыр тиеді. Өйткені біз қазір тасымалдаудың құнын көтеруге мәжбүрміз. Соның салдарынан тауар да қымбаттайды. Кеше дизель іздеп жұмысымыз тоқтап қалды. Қазақстанда өмір сүру күннен-күнге қиындап бара жатқаны өкінішті", - дейді жүк көлігінің жүргізушісі Иван Григорьев.

Шаһарда дизель сатып жатқан санаулы бекеттегі баға шарықтап шыға келді. Өткен аптада 190 теңгеден сатылған сұйық отын қазір мұнда 230 теңгеге бір-ақ жеткен. Көліктері қаңтарылып, кешелі бері жұмысқа шыға алмай отырған жүргізушілер амалдың жоқтығынан қымбат дизельды құюға мәжбүр.

"230 теңгеден құйып жатырмын. Не істеймін енді?! Жұмыс істеу керек. Бірақ бұл өте қымбат!".

Дизель отыны Шымкентте әлі де тапшы. Апта басында энергетика вице-министрі оңтүстіктегі жүргізушілердің жүйкесін жұқартқан бұл мәселені бір-екі күнде шешеміз деп сендірген болатын. Алайда шенеуніктер айтқан сөзінде тұрмады. Себебі, күнгейдегі жанармай сататын ірі желілерде дизельдің бір тамшысы да қалмаған. Немесе бағаның қымбаттауын күтіп саудаға шығармай отыр.

"Қазір бекеттерде дизель отыны жоқ. Болмаса талонмен береді. Жоғарыда отырғандар бір аптада шешеміз деген. Он күн болды, бұл мәселе шешілмеді. Менің көлігім дизельмен жүреді. Қозғалу қиын. Қала шетіне барсаң 200-300 теңегеден сатылады", - дейді  Шымкент қаласының тұрғыны Нұргелді Сәдуақасов.

Оқи отырыңыз: Оңтүстік аймақтарда жанар-жағармай қымбаттап кетті – министрлік себебін түсіндірді

Жауапты ведомство өкілдері Шымкенттегі мұнай өңдеу зауыты 13 маусымда қайта іске қосылып, өңірлерге дизель тасымалдау жанданғанын жеткізді. Олардың айтуынша, сұйық отын қоры Алматы қаласы мен оңтүстік өңірді толық қамтуға жеткілікті. Атқамінерлер құр санды тізбектеп, жолдаған сауалдарға мардымды жауап беруге де жарамады.

"Алматыда дизель отынының қоры қазір 10 мың тонна. Алматы облысында да 10 мың тонна сұйық отын қоры бар. Шымкенттегі зауыттан осы өңірге қосымша 2 мың тонна дизель жөнелтілді", - деп атап өтті энергетика министрлігінің басқарма басшысы Мұрат Тұрдыбеков.

Ал тәуелсіз сарапшылар дизель тапшылығы алдағы уақытта қымбатшылыққа ұласатынына сенімді. Олар энергетика министрлігі тапшылықты жойып, аспандап тұрған бағаны тұрақтандыру үшін тиісті шараны қазірден бастап қолға алғаны жөн дейді. Әйтпесе баға ырыққа көнбей, оның зардабын қарапайым халық тартуы мүмкін. Өйткені дизель қымбаттаса, дәнді дақыл мен азық-түлік бағасы тағы да көтерілуі мүмкін.  

0
Кілт сөздер:
дизельді отын