НҰР-СҰЛТАН, 26 қаңтар – Sputnik. Денсаулық сақтау министрлігі коронавирус пен пневмониядан бір тәулікте қанша адам көз жұмғанын хабарлады.
Өткен тәулікте коронавирустан 15, пневмониядан үш адам қайтыс болды.
1266 адам вирус жұқтырса, 8 қазақстандықта пневмония диагнозы расталды.
Министрліктің мәліметінше, 26 қаңтардағы жағдай бойынша, 27 134 адам короновирус инфекциясынан (15 467 КВИ+ және 11 667 КВИ-) емделіп жатыр. Олардың ішінде 6 576 пациент стационарда, 20 558 науқас амбулаториялық деңгейде ем қабылдауда.
Науқастардың арасында 285 адамның жағдайы ауыр, 43 пациент хәл үстінде жатыр, 41 науқас жасанды тыныс алдырту аппаратына қосылған.
Тағы оқыңыз: Қазақстанда коронавирус жұқтырғандар саны азайып келеді
Жалпы пандемия басталғалы 179 720 адамнан коронавирус анықталды, соның ішінде 2 495 науқас көз жұмды.
Ал бірінші тамыздан бері 47 445 адам пневмонияға шалдықты, 558-і қайтыс болды.