Архивтегі фото

Тоқаев байланыс операторларын нашар интернет үшін жауапқа тартуды ұсынды

81
Президент үкіметке интернеттің қауіпсіздігі саласындағы тұтынушылардың құқығын қорғау мәселесін жетілдіруді тапсырды

НҰР-СҰЛТАН, 26 қаңтар – Sputnik. Қазақстан президенті Қасым-Жомарт Тоқаев үкіметке интернеттің төмен жылдамдығы үшін байланыс операторларына жауапкершілік енгізуді ұсынды, деп хабарлайды Sputnik Қазақстан тілшісі.

"Халықтың тағы бір проблемасы – интернеттің қауіпсіздігі мен жылдамдығының төмендігі. Байланыс операторлары тарифтік жоспарды үнемі өзгертіп, бағаны көтеріп жатады. Бірақ интернеттің жылдамдығы мен сапасы сол күйі қалады. Үкіметке осы саладағы тұтынушылардың құқығын қорғау мәселесін жетілдіруді және ұсынылған параметрлердегі едәуір айырмашылық үшін жауапкершілік енгізуді пысықтауды тапсырамын", - деді Тоқаев үкіметтің кеңейтілген отырысында.

Сондай-ақ, президент елді цифрландыру мәселесіне де тоқталды.

"Локдаун цифрландыру саласында шешілмеген түйткіл көп екенін көрсетті. Былтыр мен мемлекеттік қызметтерді цифрландыру деңгейін 90%-ке дейін көтеруді тапсырдым. Есепке сәйкес, көрсеткіш 93%-ке жеткізілді. Алайда тек номиналды процентті ғана емес, бүкіл елде ең көп сұранысқа ие қызметтерді пайдалану деңгейін де арттыру қажет", - деді ол.

Тоқаев мемлекеттік қызметтерді көрсету смартфондарға ауысуы керектігін қадап айтты. 

"Бүгінде азаматтардың жетпіс проценті смартфон ұстайды, интернет-алаңдар, ірі банктер  дәл осы мобильді сервистер есебінен қарқынды өсіп жатыр. Сол себепті барлығы смартфонға ауысуы керек. Мемлекеттік органдар базалық құжаттарды цифрлық форматта заңды деп танудың теңдігін қамтамасыз етуі тиіс", - деді мемлекет басшысы.

81
Кілт сөздер:
интернет, ұялы байланыс
Тақырып бойынша
Тоқаев қазақстандық вакцина салдырады
Тоқаев Қызылорда облысындағы жағдай туралы: өте шұғыл мәселе
Облыс әкімі президенттен сөз естіді
Тоқаев өзінің қандай тапсырмасы әлі күнге дейін орындалмағанын айтты
Мемлекет басшысы қарашаға дейін Жер кодексіне түзету енгізуді тапсырды
Мектеп оқулығын оқыған президент неге таңғалды
Жедел жәрдем көлігі

Қазақстанда өткен тәулікте 25 адам коронавирус пен пневмониядан қайтыс болды

2
Коронавирус салдарынан қайтыс болғандардың көпшілігі Алматы қаласында тіркелді. Одан кейінгі көрсеткіш Қарағанды облысына тиесілі

НҰР-СҰЛТАН, 13 мамыр – Sputnik. Денсаулық сақтау министрлігі коронавирус пен ковидті пневмониядан қайтыс болу статистикасын жариялады.

Ведомство мәліметінше, 11 мамырда 20 адам COVID-19 індетінен, тағы бесеуі коронавирус белгісі бар пневмониядан қайтыс болды, бірақ ПТР сынағы теріс.

Коронавирус салдарынан қайтыс болғандардың көпшілігі Алматыда тіркелді – 6, Қарағанды ​​облысында – 3, Нұр-Сұлтан мен Шымкент қаласында және Атырау, Батыс Қазақстан облысында – 2, Ақтөбе, Алматы, Шығыс Қазақстан облысында бір адамнан тіркелді.

"13 мамырдағы жағдай бойынша 39 626 адам коронавирустық инфекцияны емдеуді жалғастыруда (39 143 CVI+ және 483 CVI-), оның ішінде 14 124 науқас ауруханада, 25 502 пациент амбулаториялық деңгейде ем қабылдауда. 788 науқас ауыр жағдайда болса, 183 адамның хәлі ауыр дәрежеде және 116 науқас жасанды тыныс алдыру аппаратына қосылған", – делінген хабарламада.

Айта кетейік, пандемия басталғаннан бері Қазақстанда коронавирустың 350 591 жағдайы анықталды, 307 464 адам сауығып шығып, 3 984 науқас көз жұмды.

Оқи отырыңыз: Ғалымдар организмдегі коронавирусты 5 минуттың ішінде өлтіретін өнімді атады

2
Кілт сөздер:
коронавирус, емделу, қайтыс болды
Тақырып:
Коронавирус эпидемиясы
Тақырып бойынша
Ғалымдар коронавирусты жоятын Қазақстанда қолжетімді өсімдікті атады
Желіде масаның коронавирус тасымалдайтыны туралы хабарлама тарап жатыр
Ғалымдар балаларда коронавирустың жаңа белгілерін анықтады
Қазақстанда тағы бір облыс коронавирус деңгейінің "сары" аймағынан шықты
Қазақстанда коронавирус жұқтырғандардың саны өсті
Жер, монета, иллюстративті сурет

Тоқаев жерді шетелдіктерге сатуға тыйым салатын заңға қол қойды

1266
Ауыл шаруашылығы жерлерін жалға беруге қатысты мораторийдің мерзімі осы жылдың соңында аяқталады

НҰР-СҰЛТАН, 13 мамыр – Sputnik. Мемлекет басшысы Қасым-Жомарт Тоқаев "Қазақстан Республикасының кейбір заңнамалық актілеріне жер қатынастары мәселелері бойынша өзгерістер мен толықтырулар енгізу туралы" заңға қол қойды, деп хабарлайды Ақорда.

Заңда ауыл шаруашылығы жерлерін шетелдіктерге және шетелдік компанияларға, шетелдік үлесі бар қазақстандық компанияларға, азаматтығы жоқ адамдарға, халықаралық қатысу үлесі бар ғылыми орталықтарға, сондай-ақ қандастарға беруге толықтай тыйым салынған.

Сонымен қатар мораторийге дейін ауыл шаруашылығы жерлерін жалға алған шетелдіктер және шетелдік үлесі бар қазақстандық компаниялар үшін жерді жалдау мерзімі ұзартылмайды. Осы заң күшіне енгеннен кейін жер шетелдіктерден қайтарып алынады.

Ал қандастарға жер учаскесі жеке қосалқы шаруашылық, бақ өсіру және саяжай құрылысы үшін беріледі. Олар ауыл шаруашылығы жерлерін Қазақстан азаматтығын алғаннан кейін ғана жалға ала алады.

Тағы оқыңыз: Министр Омаров шетелдіктер қанша гектар жерді жалға алып отырғанын айтты  

13 наурызда мемлекет басшысы шетелдіктерге жерді сатуға және жалға беруге тыйым салатын заң жобасын парламентке жолдады. Тоқаев өзінің президент ретінде заң шығаруға бастамашылық ету құқығын пайдаланған.

Бұған дейін Қасым-Жомарт Тоқаев ауыл шаруашылығы жерлері шетелдіктерге сатылмайтынын бірнеше мәрте мәлімдеген болатын.

Жер туралы заңның атышулы баптарына қатысты жарияланған мораторийдің мерзімі 2021 жылдың желтоқсанында аяқталады.

1266
Кілт сөздер:
жер, ауыл шаруашылығы, Қасым-Жомарт Тоқаев
Тақырып бойынша
Тоқаев жерді сатуға немесе жалдауға тыйым салатын заң жобасын мәжіліске жолдады
Шетелдіктерге жерді сатуға тыйым салатын заң жобасы сенатқа жолданды
Мәжіліс жерді шетелдіктерге сатуға тыйым салатын заң жобасын талқылайды
Жерді сатуға тыйым салатын заң президентке жолданды