Вакцинация

Министрлік вакцинаның жағымсыз әсері үшін кім жауап беретінін айтты

1189
Бүгін бас мемлекеттік санитар дәрігер Ерлан Қиясов пен вице-министр Ажар Ғиният ресейлік "Спутник V" вакцинасын салдырды

НҰР-СҰЛТАН, 1 ақпан – Sputnik. Коронавирусқа қарсы вакцинаның жағымыз әсері болса, әрбір жағдай жеке дара тексеріледі. Бұл туралы денсаулық сақтау вице-министрі, бас мемлекеттік санитар дәрігер Ерлан Қиясов айтты, деп хабарлайды Sputnik Қазақстан тілшісі.

"Вакцинацияның әрбір кезеңінде өндірушіден бастап емдеу мекемелеріне дейін жауапкершілік ортақ, барлығына бірдей болады. Әрине, денсаулық сақтау министрлігі әрбір жағдайды жеке дара қарастырып тексереді. Ол үшін өңірлік, қалалық денсаулық басқармалары жанынан арнайы комиссия құрылады", - деді Қиясов.
Главный санитарный врач Казахстана Ерлан Киясов получил прививку от коронавируса
© Sputnik / Абзал Калиев
Бас мемлекеттік санитар дәрігер Ерлан Қиясов вакцина салдырды

Айта кетейік, ресейлік "Спутник V" вакцинасын егу шаралары екі кезеңнен тұрады. Алдымен бірінші компоненті салынады. Ал 21 күннен кейін екінші компоненті егіледі. Бүгін бас мемлекеттік санитар дәрігер Ерлан Қиясов пен вице-министр Ажар Ғиният  ресейлік вакцинаның алғашқы компонентін салғызды. Екеуі дәрігердің қарауынан өтті. Одан кейін вакцинаны өз еркімен салдыртқаны туралы келісімге қол қойды. Жарты сағаттан кейін екеуін босатты. Бірақ 21 күннен кейін олар қайта келіп, вакцинаның екінші компонетін алуы керек.

Оқи отырыңыз: Карантинді толығымен қай кезде алып тастайды - бас санитар дәрігер жауап берді

"Мысалы, маған осындай жадынама берді. Онда 22 ақпанда келесі вакцинаны алу туралы жазылған. Бұдан бөлек, үш тәулікке дейін қандай әсері болады, сондай-ақ, дәрігердің телефон нөмірі жазылған. Екпе алған әрбір адамға жадынама беріледі. Сосын ол үш күн бойы дәрігерлердің қарауында болады. Мамандар оның үйіне немесе жұмысына телефон шалып, жағдайын біліп отырады. Мен өзім қазір бірден жұмысқа барамын", - дейді вице-министрі Ғиният.

Вице-министр Ажар Гиният получает вакцину от коронавируса
© Sputnik / Абзал Калиев
ҚР денсаулық сақтау вице-министрі Ажар Ғиният вакцина салдырды

Қазақстанда жаппай вакцинация басталды

Қазақстанда 1 ақпанда коронавирусқа қарсы жаппай вакциналау басталды. Вакцина инфекцияны жұқтыру және тарату қаупі жоғары халықтың осал топтарына кезең-кезеңмен салынады. Олардың ішінде медицина қызметкерлері, педагогтар, құтқарушылар, полицейлер, әскерилер, созылмалы ауруы бар адамдар бар. Екпе тегін және ерікті түрде егіледі.

15 ақпаннан бастап Қарағанды ​​зауытында шығарылған "Спутник V" препараты вакцинация үшін пайдаланыла бастайды. Ал сәуір айынан бастап COVID-19-ға қарсы QazCovid-in қазақстандық вакцинасын егу жоспарланып отыр.

Жалпы, жыл соңына дейін 6 миллион қазақстандыққа вакцина салу көзделген.

1189
Кілт сөздер:
вакцина
Тақырып:
COVID-ке қарсы вакцина (104)
Дене қызуын өлшеу, архивтегі сурет

Алматыда санитарлық патрульдер пайда болады

66
Санитарлық патрульдер сауда орындары мен автобустарда адамдардың ара қашықтық пен бетперде режимін сақтауын қадағалайды

НҰР-СҰЛТАН, 6 наурыз – Sputnik. Алматының бас санитар дәрігері Жандарбек Бекшин мегаполис аумағында эпидемиологиялық жағдайдың тұрақсыз болуына байланысты жаңа қаулыға қол қойды, деп хабарлайды Sputnik Қазақстан.  

Құжатқа сәйкес, кез келген ойын-сауық және бұқаралық шараларды, оның ішінде үйде өткізуге сол күйі тыйым салынған. Бұл жерде үйлену тойы, еске алу, көрмелер және адам көп жиналатын басқа да іс-шаралар туралы сөз болып отыр.

Сонымен қатар, қызметі әлі жанданбаған нысандардың жұмыс істеуіне рұқсат етілмейді. Олар: боулинг орталықтары, компьютерлік клубтар ("Ashyq" пилоттық жобасына қатысатын объектілерді қоспағанда), бильярд, караоке, батут, түнгі клубтар, букмекер кеңселері, лото және ойын клубтары, жабық ғимараттағы ойын алаңдары мен аттракциондар, спорт нысандарында орналасқандарды қоспағанда, мұз және роликті мұз айдындары.

"Сауда кәсіпорындары қауымдастығының ұсынысына сәйкес, ауданы 1000 ш. м. асатын сауда орындарына (COCO, CY, базарлар), қоғамдық тасымалдауды жүзеге асыратын ұйымдарға (автобус, троллейбус, метро) адамдардың әлеуметтік қашықтық пен маска режимін сақтауын тұрақты бақылау үшін санитарлық патрульдер құру ұсынылады", - делінген қаулыда.

Қаулы 9 наурызда күшіне енеді.

Құжаттың толық мәтінімен мына сілтеме арқылы танысуға болады.

66
Кілт сөздер:
коронавирус, карантин, Алматы
Тақырып:
Төтенше жағдай және карантин
Астана тұрғындары

Бас санитар дәрігер жаңа қаулыға қол қойды

968
Қаулы 2021 жылдың 9 наурызы сағат 00:00-де күшіне енеді. Құжатта оқу жылының үшінші тоқсанында рұқсат берілетін бірқатар жайт айқындалған

НҰР-СҰЛТАН, 6 наурыз – Sputnik. Қазақстанның бас санитар дәрігері Ерлан Қиясов жаңа қаулыға қол қойды.

2020-2021 оқу жылының үшінші тоқсанында рұқсат етіледі:

  • оқушылар саны 300-ге дейін контингенті бар, сыныптарда 15-тен көп емес бала санымен қалалық және ауылдық мектептерде дәстүрлі форматта оқытуға;
  • 2021 жылғы 1 наурыздан бастап жалпы білім беретін мектептерде мектеп алды сыныптардың, 1 сыныптан 5 сыныпқа дейін қоса алғанда, халықаралық мектептерде 1 сыныптан 7 сыныпқа дейін қоса алғанда, сыныптарда 25-ке дейін бала санымен оқушыларды аралас форматта оқытуға;
  • оқу бітіретін сыныптар (9, 11 (12) сыныптар) үшін аптаның 6 күні ішінде аралас форматта оқытуға: пәндердің 70%-ы штаттық режимде, 30%-ы қашықтықтан оқытуға (сыныпта 15 адамнан артық емес, "1 сынып - 1 кабинет" қағидаты бойынша оқыту, санитариялық-дезинфекциялық және маска режимдерін сақтау);
  • білім беру мекемесі әкімшілігінің шешімі бойынша сабақтан тыс уақытта 15 адамнан аспайтын топтарда оқушыларды жеке оқытуға рұқсат беріледі.

Қаулы 2021 жылдың 9 наурызы сағат 00:00-де күшіне енеді.

Құжаттың толық мәтінімен мына жерден таныса аласыз.

968
Тақырып:
Коронавирус эпидемиясы
Тақырып бойынша
Әлем халқының небәрі 10 процентінде коронавирусқа қарсы антидене бар – ДДҰ
Астанада коронавирусқа кімдер жиі шалдығатыны анықталды
Жұрт коронавирусқа қарсы вакцинаны салдырудан неге қорқады
Ғалымдар коронавирустың "британдық" штаммын анықтайтын алғашқы тест әзірледі
Ғалымдар коронавирустың түсін анықтады
Бұрқасын, адамдар жолдан өтіп барады

Қазақстанның 12 өңірінде дабылды ескерту жарияланды ертеңге ауа райы болжамы

0
Елдің бірқатар облысында дабылды ескерту жариялауға тұман, бұрқасын және көктайғақ себеп болып отыр

НҰР-СҰЛТАН, 6 наурыз – Sputnik. Синоптиктердің болжамынша, республиканың басым аумағында көктайғақ, жаңбыр және бұрқасын, сондай-ақ тұман болады.

Дабылды ескерту

Атырау облысында тұман түседі, көктайғақ болады. Желдің жылдамдығы секундына 20 метрге дейін жетеді.

Жамбыл облысында тұман мен көктайғақ болжануда. Желдің күші секундына 20 метрге дейін барады.

Түркістан облысында қалың тұман түседі.

Ақтөбе облысында бұрқасын, көктайғақ, тұман, қатты жел болады.

Павлодар облысында кей жерлерде бұрқасындатып, тұман түседі, көктайғақ күтілуде.

Қарағанды облысында – тұман және көктайғақ.

Қызылорда облысында тұман түсіп, 15-20 м/с жел соғады.

Маңғыстау облысында да тұман және 15-20 м/с жел болжанып отыр.

Ақмола облысында тұман, көктайғақ және бұрқасын болады.

Батыс Қазақстан облысында қатты жел тұрып, тұман басады, бұрқасын соғады, көктайғақ болады.

Солтүстік Қазақстан облысында – қар, жаңбыр, тұман және көктайғақ.

Қостанай облысында бұрқасын, тұман және көктайғақ болады.

Мегаполистердегі ауа райы

Нұр-Сұлтанда күн бұлтты, түнде ауа температурасы -2-4°C, күндіз 0+2°C. Желдің жылдамдығы – секундына 15-20 метр.

Алматыда күн бұлтты, сынап бағанасы түнде 0+2°C, күндіз +10+12°C көрсетеді.

Шымкентте ауа райы жауын-шашынды. Желдің екпіні секундына 13 метрге дейін барады, ауа температурасы түнде +2+4°C, күндіз +7+9°C.

0
Кілт сөздер:
дабылды ескерту, Қазгидромет, ауа райы болжамы