Жандарбек Бекшин

Жандарбек Бекшин вакцина салдырды

139
(Жаңартылды 16:14 01.02.2021)
Бекшин вакцина салдыру алдында оның сапасына күмән келтірмейтінін және ешқандай қобалжу жоқ екенін атап өтті

АЛМАТЫ, 1 ақпан – Sputnik. Алматының бас санитар дәрігері Жандарбек Бекшин ресейлік "Спутник V" вакцинасын салдырды, деп хабарлайды Sputnik Қазақстан тілшісі.

Ең алдымен белгіленген ереже бойынша Жандарбек Бекшин дәрігердің тексеруінен өтті. Дене қызуын, қан қысымын өлшетіп, онкологиялық ауруларының бар-жоғы туралы ақпарат берді.

"Күзде тұмауға қарсы вакцина салдырдым. Шілдеде коронавируспен ауырдым, одан бері жеті ай өтті. Антиденелер жоқ", – деді Бекшин дәрігерлерге.

Вакцина салдыру алдында Бекшин вакцинаның сапасына күмән келтірмейтінін айтты.

"Бірінші рет вакцина салдырып тұрған жоқпын. Сапасы дәлелденген. Ресейде 2 миллионнан астам адам осы вакцинаны салдырды. Мұның өзі вакцинаның сапалы екенін көрсетіп тұр. Сондықтан ешқандай қобалжу жоқ, вакцинаның сапалы, жақсы екеніне толық сенімдімін. Мен тәуекел тобына кірмеймін, алайда қызмет бабы бойынша науқастармен жиі кездесемін. Сол себепті вакцина салдыруым керек", – деді Бекшин.

Вакцина салғаннан кейін Жандарбек Бекшин тұрақты түрде вакцина салдырып тұратынын, соған байланысты инені сезбегенін айтты.

"Қазақстандық вакцинаны салдырғым келді, бірақ өкінішке орай әлі дайын болған жоқ. Қолда бар вакцинаны салдырдым", - деді Бекшин.

Үшінші болып Алматының бас дәрігері Нариман Табынбаев вакцина салдырды.

"Өзімді жақсы сезініп тұрмын. Ине салғанын байқамай қалдым. Иә, Алматыда коронавирусқа қарсы вакцина салдырған  алғашқы дәрігермін, жақында басқа да дәрігерлер вакцина алады", - деді Табынбаев. 

31 қаңтарда Алматыға "Спутник V" вакцинасының 2 050 дозасы жеткізілді. Бірінші кезеңде қалада инфекциялық аурухана, жедел жәрдем, санитарлық-эпидемиологиялық қызмет, жансақтау бөлімі қызметкерлері вакцина алады.

Оқи отырыңыз: Нұр-Сұлтанның бас санитар дәрігері вакцина салдырмау себебін түсіндірді

Бұған дейін онлайн-брифингте қаланың бас санитар дәрігері қазақстандық вакцинаны салдырғысы келетінін мәлімдеген. Ал қалалық қоғамдық денсаулық басқармасының басшысы Нариман Табынбаев "Спутник V" вакцинасын салдыратынын айтты.

Еске сала кетейік, Қазақстанда бірінші ақпанда халықты ерікті түрде вакцинация салдыру науқаны басталды.

139
Кілт сөздер:
вакцина, Жандарбек Бекшин
Тақырып:
COVID-ке қарсы вакцина (222)
Тақырып бойынша
Денсаулық министрінің қандай вакцина салатыны белгілі болды
Бекшин қазақстандық вакцина туралы: оның тиімділігіне күмәнім жоқ
Коронавирусқа қарсы вакцина алғандар шетелге шықса, ПТР-тест тапсыра ма
Вакцина мәселесі қалай шешіліп жатыр
"Өзімді жақсы сезініп тұрмын": бас санитар дәрігер мен вице-министр вакцина салдырды
Білім министрі Асхат Аймағамбетов

Бірыңғай кеңістік құрылады: білім министрлері Аймағамбетовтің идеясын қолдады

285
Орталық Азия елдері өңірлік ынтымақтастықты кеңейтіп, жоғары оқу орындарының ғылыми, зияткерлік және шығармашылық әлеуетін біріктіреді

НҰР-СҰЛТАН, 19 маусым – Sputnik. Орталық Азия елдерінде жоғары білім берудің бірыңғай Орталық Азия кеңістігі құрылады. Мұндай шешім Түркістандағы Орталық Азия елдері білім министрлерінің қатысуымен өткен форумда қабылданды, деп хабарлайды білім министрлігінің баспасөз қызметі.

Шараға Қазақстан, Өзбекстан, Түркіменстан және Қырғызстан білім министрлері, сондай-ақ Орталық Азия елдеріндегі білім министрліктерінің өкілдері, халықаралық ұйымдар, ректорлар және тағы басқалары қатысты.

Қазақстанның білім және ғылым министрі Асхат Аймағамбетов жоғары білім беру саласында Орталық Азия кеңістігін құруды ұсынды. Шетелдік әріптестері оның бастамасына қолдау білдірген. Форум қорытындысы бойынша Түркістан декларациясы қабылданды.

"Жоғары білім берудің бірыңғай Орталық Азия кеңістігін құру бүгінгі таңда объективті қажеттілік болып отыр. Жыл сайын танылатын білім туралы құжаттардың жалпы санының 70%-ке жуығы –  Орталық Азия жоғары оқу орындарының құжаттары. Бүгінде Орталық Азия елдерінің 20 мыңға жуық азаматы Қазақстанның жоғары оқу орындарында білім алады. Бұл көрсеткіш жыл сайын өсіп келеді", - деді Аймағамбетов.

Тағы оқыңыз: 2021 жылы магистратура және докторантураға түсу ережелері қандай

Министр бірыңғай кеңістік аясында Еуропадағы сияқты біліктілікті танудың жеңілдетілген процедурасы мәселесін қарастыруға болатынын айтты.

Түркістан декларациясына сәйкес, енді Орталық Азия мемлекеттері өңірлік ынтымақтастықты кеңейтіп, бүкіл Орталық Азия жоғары оқу орындарының ғылыми, зияткерлік және шығармашылық әлеуетін біріктіреді.

Сондай-ақ тараптар студенттермен алмасу үшін білім бағдарламаларының, бірлескен ғылыми жобалардың санын ұлғайтуға және ОА елдерінің көшбасшы студенттері арасында өзара байланыс орнатуға, тәжірибе алмасу және жұмыс бағыттарын талқылау үшін ОА елдерінің жоғары оқу орындары ректорларының форумдарын өткізуге келісті. 

Орталық Азия кеңістігіне қатысушы елдердің ынтымақтастығы Болон процесі қағидаты бойынша ұйымдастырылады. Сондай-ақ жоғары білім саласындағы Орталық Азия кеңістігі жанынан білім министрліктері арасындағы жұмысты үйлестіру, жоғары білімнің тартымдылығын арттыру және бәсекеге қабілеттілікті күшейту үшін хатшылық құрылады.

Түркістан декларациясы ынтымақтастықтың келесі бағыттарын көздейді:

  • ОА елдері жоғары оқу орындарының альянсын қалыптастыру;
  • ОА елдерінің білім беру сапасын қамтамасыз ету жөніндегі аккредиттеу кеңесін құру;
  • ОА елдері студенттерінің альянсын құру;
  • Біліктілікті және білім туралы құжаттарды тану жөніндегі ұйымдар қауымдастығын құру.
285
Кілт сөздер:
Орталық Азия, жоғары білім алу, Асхат Аймағамбетов
Тақырып бойынша
Қыркүйектен бастап студенттер 31 мың теңге алады
"Әділдік үшін өзгертіп жатырмыз": Аймағамбетов биылғы жаңашылдықтар туралы айтты
"Бұл - өте маңызды мәселе": Аймағамбетов жаңа бұйрыққа қол қоятынын айтты
Аймағамбетов қазақстандық мұғалімдерге хат жазды
Димаш Құдайберген

Димаш Құдайберген желіде жақсы жаңалығын бөлісті

267
(Жаңартылды 13:48 19.06.2021)
Жас орындаушылар бақ сынайтын "Новая волна" байқауы Сочиде 19 мен 25 тамыз аралығында өтеді

НҰР-СҰЛТАН, 19 маусым – Sputnik. Танымал қазақстандық әнші Димаш Құдайберген "Новая волна" байқауына қатысатынын айтты.

Посмотреть эту публикацию в Instagram

Публикация от Dimash Kudaibergen (@kudaibergenov.dimash)

"Достар, "Новая волна" байқауына баратынымды ресми түрде растаймын. Мен оған әділқазылар алқасының мүшесі және қонақ ретінде қатысамын. Кездескенше!", - деп жазды Димаш Instagram-дағы парақшасында.

Жас орындаушылардың "Новая волна" халықаралық байқауы Сочиде 19 мен 25 тамыз аралығында өтеді.

Посмотреть эту публикацию в Instagram

Публикация от New Wave / Новая волна (@newwave_official)

Бұған дейін жобаның негізін қалаған Игорь Крутой байқау бағдарламасында бірнеше шығармашылық кеш жоспарланғанын мәлімдеді: Дима Билан, Александр Розенбаум, сондай-ақ Николай Басковтың мерейтойы аталып өтеді.

Посмотреть эту публикацию в Instagram

Публикация от Игорь Крутой (@igorkrutoy65)

Фестивальдің қатысушылары: София Ротару, Григорий Лепс, Филипп Киркоров, Светлана Лобода, Zivert, Niletto, Полина Гагарина, Пелагея, Валерий Леонтьев, Ирина Аллегрова және басқа да танымал орындаушылар.

267
Кілт сөздер:
жаңалықтар, байқау, Димаш Құдайберген
Тақырып бойынша
Димаш Иманғали Тасмағамбетовтың қандай адам екенін айтты
Димаш Құдайберген "Славян базары" ән байқауына қазылық етеді
Димаш 27 жасқа толды: әкесі әншінің туған күнді қалай тойлайтынын айтты
"Ерекше әсерге бөледі": желіде Димаш орындаған әндердің видеосы тарады
Лифт, иллюстративті фото

Нұр-Сұлтан полицейлері лифт ішінде түсірілген видеоның кейіпкерін тапты

0
Сот лифт экранын сындырған бұзақыға 14,5 мың теңге көлемінде айыппұл салды

НҰР-СҰЛТАН, 19 маусым – Sputnik. Полицейлер Нұр-Сұлтан тұрғын үй кешендерінің бірінде мониторды сындырған адамды тапты.

Бұған дейін әлеуметтік желіде ер адамның лифт кабинасындағы мониторды сындырып тастағаны жайлы видео жарияланған болатын.

Полицейлер бұзақыны тапты – ол 30 жастағы қала тұрғыны болып шықты. Тәртіп бұзушының кім екені бейнекамералар арқылы анықталды.

Елорда тұрғыны жұдырығының күшін "тексеріп" көрген кезде мас болған.

Нұр-Сұлтан полиция департаментінің хабарлауынша, ер адамға қатысты Әкімшілік кодекстің 434-бабы "Ұсақ бұзақылық" бойынша әкімшілік іс қозғалған. Сот тәртіп бұзушыға бес айлық есептік көрсеткіш мөлшерінде немесе 14 585 теңге (35 долларға жуық) айыппұл салды.

Тәртіп сақшылары тұрғындарды ортақ үй мүлкіне ұқыпты қарауға шақырып, қоғамдық тәртіпті бұзғандар жазаланатынын еске салды.  

0