Ақша, теңге

Зейнетақы жинағын пайдалану порталына өзгеріс енгізіледі

396
Қазір портал жұмысына қатысты халықтан ұсыныстар мен ескертулер түсіп жатыр. Олардың дені өтініште ақшаны пайдалану мақсатын өзгертуге мүмкіндік беруді сұраған

НҰР-СҰЛТАН, 2 ақпан – Sputnik. Отбасы банкінің басшысы Ляззат Ибрагимова зейнетақы жинағын пайдалануға арналған порталға өзгеріс енгізілетінін мәлімдеді, деп хабарлайды Sputnik Қазақстан тілшісі.

"Қазір біз халықтан түскен ұсыныстар мен ескертулердің негізінде портал жұмысын жетілдіріп жатырмыз. Біріншіден, өтініште ақшаны пайдалану мақсатын өзгертуге мүмкіндік беруді сұраған. Мәселен, бір адам алдымен ипотеканы жабуға өтініш берсе, артынан ипотекаға жаңа пәтер сатып аламын деп шешті. Бірақ өтінішті жіберіп қойған. Сондықтан біз осы функцияны енгізуді жөн көрдік. Бір аптаның ішінде мұндай мүмкіндік беріледі. Сол кезде өтінішті түзетуге болады", - деді Ибрагимова орталық коммуникациялар қызметінде өткен онлайн брифингте.

Бұдан бөлек, өтінішті жою функциясын іске қосуға қатысты ұсыныс болған. Біреулер өтініш берген, есепшотқа ақшаны да түсіріп алды. Бірақ жай жүйені тексеру үшін жасадық, ал ақшаны жылдың соңында пайдаланамыз дейді.

"Ондай мүмкіндік те беріледі. Ал үшінші ұсыныс жинақты біріктіруге қатысты. Әлеуметтік желіде осы жайында жиі сұрайды. Мәселен, ипотеканы өтеуге қатысты бір өтініш жіберілді. Оған тағы бір туысты қосқысы келеді. Оны да ескереміз. Шамамен, он күннің ішінде осы функция да іске қосылады", - деп атап көрсетті Ибрагимова. 

Айта кетейік, 23 қаңтарда бірыңғай зейнетақы жинағын алуға арналған портал - enpf-otbasy.kz сайты іске қосылған болатын. Сол арқылы өтініш жіберіп, арнайы есепшот ашуға болады. Бес күннің ішінде оған БЖЗҚ-дан ақша түседі. Ал оператор 10 күнде қаржыны тиісті мақсатта жұмсау операцияларын орындайды. Жалпы, зейнетақы жинақтарын пайдалануға 45 күн беріледі. Осы уақыттың ішінде ақшаны пайдаланбаса, оны зейнетақы қорына қайтарады.

396
Кілт сөздер:
зейнетақы жинағы
Тақырып:
Зейнетақы қорындағы ақшаны мерзімінен бұрын алу (78)
Тақырып бойынша
БЖЗҚ өтінішті кері қайтарудың негізгі себептерін атады
"Маған қажет емес": астаналықтар зейнетақы жинағын қайда жұмсағысы келетінін айтты  
Депутат ерлер мен әйелдер үшін зейнетақы жасын төмендетуді ұсынды
Зейнетақы жинағын пайдалану: Отбасы банкінің басшысы кеңес берді
Қанша қазақстандық БЖЗҚ-дан зейнетақы жинағын алды
Смартфон

Қазақстандықтар енді үйде отырып ақша таба алады

0
Қазақстандықтар мемлекеттік сайттың осалдығы туралы Bug Bounty бағдарламасының көмегімен хабарлай алады

НҰР-СҰЛТАН, 13 сәуір – Sputnik. Мемлекеттік сайттардың кемшілігі мен осалдығын анықтап, оны жоюға көмектескен қазақстандықтарға ақшалай сыйақы төленеді. Бұл туралы "Мемлекеттік техникалық қызмет" АҚ ақпараттық қауіпсіздіктің ұлттық үйлестіру орталығының директоры Серік Холдас мәлімдеді, деп хабарлайды Sputnik Қазақстан тілшісі.

Қазақстандықтар сайттың осалдығы туралы Bug Bounty бағдарламасының көмегімен хабарлай алады.

"Мұндай бағдарламалар көптеген ірі компанияда – Mail.ru, Яндекс, Uber, Google-да бар. Егер қандай да бір маман, хакер жүйенің осалдығын тапса, ол оны тапсырып, ақшалай сыйақы ала алады. Қазақстанда біз бірегей бағдарламаны іске қостық, мұндай бүкіл әлемде жоқ. Азаматтар барлық мемлекеттік жүйеде анықталған осалдық туралы хабарлай алады", - деді Холдас брифингте.

Ол Ұлттық банкпен бірлесіп BugBounty бағдарламасына барлық банкті қосу мәселесі шешіліп жатқанын айтты.

"Осал емес жүйе болмайды, тіпті пентагонның өзін бұзып жатады. Бірақ қалай да соны қорғау процесін ұйымдастыру қажет. Мәселен, өткен аптада зерттеушілердің бірі бүкіл қаланың тыныс-тіршілігін қамтамасыз етуге әсер ететін осалдықты анықтады. Мұның өзі осы бағдарламаның қаншалықты пайдалы екенін көрсетеді", - деді орталық директоры.

0
Тақырып бойынша
Маман телефондағы көпшілік біле бермейтін PIN-кодтың пайдасы туралы айтты
"Кез келген адам ақша таба алады": Қазпошта жаңа қызметті іске қоспақшы
Алаяқтар картаның кодын қалай біліп алады – министрлік ақпарат берді
Ұялы телефон арқылы қалай қосымша ақша табуға болады – маман кеңесі
Вакцина

Мамин президентке ай сайын 2 миллион адамға вакцина салынатынын айтты

35
Премьер-министрдің мәліметіне сәйкес, қыркүйек айында жалпы 10 миллион азаматқа екпе салынып, вакциналау жұмысы аяқталады

НҰР-СҰЛТАН, 13 сәуір — Sputnik. Қазақстан президенті Қасым-Жомарт Тоқаев премьер-министр Асқар Маминді қабылдады, деп хабарлады Ақорда.  

Қасым-Жомарт Тоқаевқа биылғы қаңтар-наурыз айларындағы еліміздегі әлеуметтік-экономикалық дамудың қорытындылары және санитарлық-эпидемиологиялық ахуал жөнінде есеп берілді.

Премьер-министрдің мәліметіне сәйкес, аталған кезеңде экономиканың нақты секторында орнықты дамудың оң қарқыны байқалады.

Асқар Мамин Қасым-Жомарт Тоқаевқа еліміздегі санитарлық-эпидемиологиялық ахуал жайында баяндады. Ауруханалардағы жұқпалы дертке шалдыққандарға арналған бөлімдердің – 41 пайызында, жан сақтау бөлімдердің – 27 пайызында науқастар ем қабылдап жатыр. Сәуір айынан бастап өңірлерде ай сайын 2 миллион адамға вакцина салынады. Қыркүйек айында жалпы 10 миллион азаматқа екпе салынып, вакциналау жұмысы аяқталады.

Оқи отырыңыз: Вакцина салдырған соң бетпердесіз жүруге бола ма – сарапшы пікірі 

Премьер-министрдің айтуынша, денсаулық сақтау жүйесі қажетті мөлшерде дәрі-дәрмектермен және медициналық жабдықтармен толық қамтамасыз етілген. Медициналық мекемелерде дәрі-дәрмектің бір айлық, ал "СҚ-Фармация" қоймалары мен дәріханаларда екі айлық қоры жинақталған. Еліміздің барлық өңірінде дәрі-дәрмектердің, қорғаныш құралдары мен шприцтердің үш айға жететін тұрақты қоры бар.

Сонымен қатар кездесу барысында мемлекеттік бағдарламаларды, Қазақстанның Еуразиялық экономикалық одаққа төрағалығының басым бағыттарын жүзеге асыру және инвестиция тарту, экономика саласын одан әрі цифрландыру, Үкіметтің жұмысына озық цифрлық шешімдер енгізу, халықты жұмыспен қамтуды қолдау, әлеуметтік маңызы бар тауарлардың бағасын тұрақтандыру жөнінде қабылданып жатқан шаралар туралы мәселелер талқыланды.  

Президентке 1 сәуірде өткен ОПЕК+ министрлер кездесуінің қорытындылары туралы мәлімет берілді. Онда Қазақстан үшін мұнай өндірудің тәуліктік көлемін қосымша 6 мың баррельге арттыруды көздейтін арнайы шарт келісілді. Тиісінше жыл қорытындысы бойынша мұнай өндірісінде едәуір серпін болуы тиіс.

35
Кілт сөздер:
коронавирус, вакцина
Тақырып:
COVID-ке қарсы вакцина