Ақша, теңге, банкнот

Көлік салығын қашан және қалай төлейді: жұртты мазалаған 10 сұраққа жауап

99
(Жаңартылды 12:57 05.02.2021)
Мемлекеттік кірістер комитеті қазақстандықтар 2020 жыл үшін көлік салығын осы жылдың бірінші сәуірінен кешіктірмей төлеуі тиіс екенін еске салды

НҰР-СҰЛТАН, 5 ақпан – Sputnik. Қаржы министрлігінің мемлекеттік кірістер комитеті көлік салығын төлеуге қатысты ТОП-10 сұрақтың жауабын жариялады.

Баспасөз қызметінің ақпаратынша, бұл сауалдар комитеттің байланыс орталығына өте жиі түседі.

Салық бойынша қарызымды қайдан көре аламын?

ҚМ Мемлекеттік кірістер комитетінің kgd.gov.kz порталында "Электронды сервистер" бөлімінде салық берешегінің жоқ (бар) екендігі туралы ақпаратты көруге болады және E-SalyqAzamat мобильді қосымшасы арқылы (AppStore және PlayMarket жүктеу).

Мен жеке тұлғамын, 2020 жылға көлік салығын қашанға дейін төлеуім керек?

2021 жылдың 1 сәуірінен кешіктірмей.

Көлік салығын өзім қалай есептей аламын?

Сіз көлік салығын Мемлекеттік кірістер комитетінің kgd.gov.kz порталында "Электронды сервистер" бөлімінде орналасқан "Калькулятор" қызметін және E-SalyqAzamat мобильді қосымшасын пайдаланып есептей аласыз.

Менде қазір көлік жоқ және болған емес, бірақ көлік салығы есептелген, қайда баруым керек?

Көлікке салынатын салық уәкілетті мемлекеттік органның ақпараты негізінде есептеледі.

Автокөлік болмаған жағдайда, тұрғылықты жері бойынша Мемлекеттік кірістер департаментіне меншік құқығында көліктің жоқ екені туралы уәкілетті мемлекеттік органнан анықтама ұсыну қажет.

Көлік салығын төлеу үшін қандай реквизиттер қажет?

Көлік салығының реквизиттері:

БСК коды - 104402, СТК коды -911;

пайыздық мәліметтер: СТК коды - 912.

Жеке тұлға көлік салығын қайда төлейді?

Көлік салығы жеке тұлғаның тұрғылықты жері бойынша төленеді.

Жеңіл көлік мініп жүргеніме бірнеше жыл болды, алайда салық сомасы жыл сайын өседі, мұның себебі неде?

Салық ставкасы АЕК мөлшеріне және көлік қозғалтқышының сыйымдылығына байланысты, сәйкесінше жыл сайын АЕК-тің өсуіне байланысты салық та көбейеді.

Егер мүгедектің меншігінде қозғалтқыш сыйымдылығы 4000 текше см.-ге дейінгі автокөлігі болса, ол көлік салығынан босатыла ма?

Көлік салығынан босату тек бір ғана көлік үшін қарастырылған. Бұл ретте,  қозғалтқыш сыйымдылығы 4000 текше сантиметрден жоғары жеңіл автокөліктердің иелері көлік салығынан босатылмайды.

Тағы оқыңыз: Қазақстандықтардан жүргізуші куәлігі қай күннен бастап талап етілмейтіні белгілі болды

Егер де қозғалтқыш сыйымдылығы 4000 текше сантиметрден жоғары жеңіл автокөлік 2013 жылдың 31 желтоқсанына дейін уәкілетті мемлекеттік органда тіркелсе және сол тіркелген уақыттан бастап көлік иесі өзгермесе, онда ол адам салық төлеуден босатылады.

Маған неге ұрланған көлік үшін салық есептелген?

Көлік ұрлау бойынша қылмыстық іс қозғалғанын растайтын мәлімет ұрланған көлікке салынған салықтан босатуға негіз болады.

Көлік ұрлау туралы қылмыстық іс қозғалған күннен бастап салықты есептеу тоқтатылады және қылмыстық іс тоқтатылған немесе кері қайтарылған күннен бастап салық қайта есептеледі. Осылайша, егер уәкілетті мемлекеттік органда көлікті ұрлау туралы қылмыстық іс қозғалмаса, салық органының көлік салығын есептеуді тоқтатуға еш негізі жоқ.

2020 жылға көлік салығын есептеу үшін қандай айлық есептік көрсеткіш қолданылады?

Көлік салығын есептеу үшін тиісті қаржы жылының 1 қаңтарындағы жағдай бойынша айлық есептік көрсеткіш (АЕК) қолданылады, яғни 2020 жылдың салығы 2 651 теңгемен есептеледі. 

Мемлекеттік кірістер комитеті Байланыс орталығына 1414 нөмірі бойынша (қосымша нөмір – 4) қоңырау шалуға болатынын еске салды.

99
Кілт сөздер:
көлік салығы
Қазақстан зергерлер лигасы заңды тұлғалар бірлестігінің төрағасы Қайсар Жұмағалиев

Қазақстандық шеберлер Еуразия зергерлік бюросының ашылуын күтіп жүр

21
Бұл отандық зергерлік бұйымдарды одан әрі дамыту және экспорттау үшін жаңа мүмкіндіктерге жол  ашады

НҰР-СҰЛТАН, 26 ақпан — Sputnik. Қазақстандық зергерлер аз уақыт ішінде "Астана" халықаралық қаржы орталығы (АХҚО) алаңында Еуразия зергерлік бюросы ашылады деп үміттеніп отыр. Бұл отандық зергерлік бұйымдарды одан әрі дамыту және экспорттау үшін жаңа мүмкіндіктерге жол ашады. Осы жөнінде Sputnik Қазақстан баспасөз орталығында өткен онлайн-брифинг кезінде "Қазақстан зергерлер лигасы" заңды тұлғалар бірлестігінің төрағасы Қайсар Жұмағалиев мәлімдеді.

"АХҚО алаңында Еуразия зергерлік бюросының ашылуы біздің зергерлердің экспортқа шығуына ықпал етуі керек. Оның үстіне Ресей Федерациясы зергерлік бұйымдарды сүйемелдеу үшін басқа елдердегі өз сауда өкілдіктерін ұсынуға дайын", - деді Жұмағалиев.

АХҚО жанынан бюро ашу туралы мәселеге бизнес те қолдау көрсеткен. Нәтижесінде зергерлер өз бетінше шеше алмайтын мәселелердің шешімі табылады. Сондай-ақ, Ереван мен Мәскеу де өз аумағында Еуразия зергерлік бюросын ашу құқығы үшін таласқан болатын.

"Астана" АХҚО – бұл посткеңестік кеңістіктегі бірегей қаржы орталығы. Мұнда ағылшын құқығы, арбитраж бар. Мұның барлығы шетелдік инвесторлар үшін қызықты болатыны сөзсіз. Сонымен қатар, мұнда салықтық жеңілдіктер жасалып, инвестицияларды тартудың жеңілдетілген тәртібі құрылады және тағы басқа шаралар қабылданады", - деді ол.

Қазіргі жағдайда қазақстандық зергерлерге өндірісті дамыту және нарыққа шығу оңай соқпай жатыр.

"Мысалы, Еуропаға шығу үшін және өз зергерлік бұйымдарыңды таныстыру үшін миллиондаған доллар қажет. Бұл әрбір зергер көтере алатын шығын емес. Біздің жақында құрылатын ұйымымыз (Еуразия зергерлік бюросы) нарыққа талдау жүргізуге мүмкіндік береді. Біз бірінші қатардағы көрмелерге қатыса аламыз. Бүгінгі күні қазақстандық зергерлер негізінен көпшілікке аса танымал емес екінші және үшінші деңгейдегі көрмелерге қатысып жүр. Сонымен қатар, нарыққа үнемі қатысу қажет. Көрмеге келіп, бір-екі апта тұрып, одан соң кетіп қалу жарамайды. Сені ұмытып кетеді", - деді Лига басшысы.

Ол қазақстандық зергерлердің экспорттық әлеуеті жоғары екенін мәлімдеді. Бұған халықаралық көрмелерде қазақстандық зергерлік бұйымдарға деген жоғары қызығушылық дәлел бола алады.

"Әлі есімде, 2017 жылы Еревандағы халықаралық көрмеге қатыстық. Ол шараға қатысқан француз зергерлер біздің күмістен жасалған бұйымдарымызды түгелдей сатып алды. Француздар мұндай бұйымдарда шебердің саусақ іздері, оның еңбегі көрініп тұрады, қолдан жасалған бұйымның жаны бар деп санайтындарын айтқан", - деді Жұмағалиев.

Жұмағалиев атап өткендей, еуразиялық зергерлік брендті енгізу қосымша ауқымды инвестицияларды қажет етпейді. Себебі  Қазақстанда да сапаға қатысты дәл осындай мемлекеттік стандарттар қолданыста бар.

21
Монета

Зейнетақы жинағын жеке басқаруға қалай беруге болады қысқаша нұсқаулық

58
Зейнетақы жинағын басқаруға рұқсат етілген басқарушы компаниялардың тізімі қаржы реттеуші сайтында ай сайын жарияланып отырады

НҰР-СҰЛТАН, 26 ақпан — Sputnik. Қаржы нарығын реттеу және дамыту агенттігінің порталы – Fingramota.kz зейнетақы жинағын жеке басқаруға қалай беруге болатыны туралы ақпарат жариялады.

Зейнетақы жинағын жеке басқаруға берудің алты қадамы

1. Ең алдымен салымшы БЖЗҚ-дағы өзінің жеке зейнетақы шотында басқарушы компанияға беруге қолжетімді зейнетақы жинағының сомасын тексеруі керек. Бұл сома үкімет бекіткен жеткіліктілік шегінен жоғары болуға тиіс. Жеткіліктілік шегі туралы мына жерден білуге болады.

Сақтандыру компаниясымен зейнетақы аннуитеті шарты жасалған жағдайда зейнетақы жинағы жеке оның зейнетақы шотындағы қалдығы шегінде берілуі мүмкін.

2. Одан кейін Қаржы нарығын реттеу және дамыту агенттігі (ҚНРДА) сайтынан зейнетақы активтерін басқаруға рұқсат берілген жеке басқарушы компаниялардың тізімін зерделеу қажет. Айта кету керек, зейнетақы активтерін басқаруға рұқсат берілген басқарушы компаниялардың тізімі ай сайын жарияланады.

3. Салымшы инвестициялық декларациясы талаптарға және тәуекелдерге сәйкес келетін басқарушы компанияны өз бетінше таңдауға тиіс.

БЖЗҚ-ның сайтынан зейнетақы активтерін сенімгерлік басқару туралы шарт жасасқан жеке басқарушы компаниялар және олардың инвестициялық декларациялары туралы ақпаратпен танысуға болады.

4. Зейнетақы жинағының бір бөлігін жеке басқарушы компанияға беру туралы өтініш ұсыну үшін БЖЗҚ сайтындағы жеке кабинет арқылы кіру немесе қор бөлімшелерінің біріне бару керек.

5. БЖЗҚ өтінішті, жеке басын куәландыратын құжаттың шынайылығын және салымшыда басқарушы компанияға беру үшін қолжетімді зейнетақы жинағы сомасының болуын тексереді.

Қандай да бір сәйкессіздіктер анықталған болса, өтініш берген күннен кейін 5 күн ішінде салымшының өтінішін қанағаттандырмау туралы хабарлама келуі мүмкін.

6. Ал егер барлығы заң талаптарына сәйкес болса, онда БЖЗҚ өтініш түскен күннен кейін 30 күнтізбелік күн ішінде өтініште көрсетілген зейнетақы жинағының сомасын салымшы таңдаған басқарушы компанияға аударады.

58
Кілт сөздер:
зейнетақы жинағы
Тақырып:
Зейнетақы қорындағы ақшаны мерзімінен бұрын алу
Тақырып бойынша
Зейнетақы жинағын сенімгерлік басқаруға беру: қалай табыс алуға болады
БЖЗҚ Қазақстандағы ең жоғары зейнетақыны атады
Қазақстандықтардың зейнетақы жинағы бір айда 255,5 миллиард теңгеге өсті
Зейнетақы қорында жеткіліктілік шегін қалдырмауға болады – не істеу керек
"100 мың теңге жоғалтасыз": зейнетақы қоры ескерту жасады