Сотталғандарды пайдаланған: өзгенің атынан 9 кәсіпорын ашқан қылмыстық топ құрықталды
НҰР-СҰЛТАН, 8 ақпан – Sputnik. Шығыс Қазақстан мен Павлодар облысында жалған шот-фактура жазып берумен айналысқан қылмыстық топ құрықталды. Олар бюджетке аса ірі көлемде залал келтірген, деп хабарлайды Sputnik Қазақстан қаржы мониторингі агенттігіне сілтеме жасап.
Ресми мәліметке сәйкес, ұйымдасқан қылмыстық топтың құрамында 5 адам болған. Олар нақты жұмыстар мен қызметтер орындалмаса да, жалған шот-фактура жазып берумен айналысқан. Сөйтіп, 2018-2020 жылдар аралығында осы құжаттардың негізінде біраз қаржы қолма-қол ақшаға ауыстырылған.
"Тергеу кезінде ұйымдасқан топтың өз таныстары мен туыстарының атына, сондай-ақ, әлеуметтік жағдайы төмен жандар мен сотталғандардың атына 9 жалған кәсіпорын ашып, заңсыз қызметті жүзеге асырғаны анықталды. Шын мәнінде, барлық кәсіпорын ұйымдасқан қылмыстық топ басшыларының бақылауында болған", – дейді құқық қорғаушылар.
Олар контрагенттерді салықты төлеуден босату мақсатымен жалған есеп-шоттарды жазып беріп отырған. Ал жалған кәсіпорындар Екібастұз, Павлодар мен Өскемен қаласында тіркелген. Тінту кезінде бухгалтерлік құжаттар, мөрлер, компьютерлер мен крипто кілттер, чек кітапшалары, сондай-ақ, 9 миллион теңге тәркіленді.
Оқи отырыңыз: Алматыда жалған құжат жасатып алған алты Сирия азаматы ұсталды
Өскемен қалалық №2 сотының үкімімен қылмыстық топтың ұйымдастырушылары мен мүшелері Қылмыстық кодекстің 262 бабының 1-бөлігі (ұйымдасқан топ, қылмыстық ұйым құру және оларға басшылық ету, сол сияқты оларға қатысу) және 216 бабының 3-бөлігі (іс жүзінде жұмыстар орындалмай, қызметтер көрсетілмей, тауарлар тиеп-жөнелтілмей шот-фактура жазу бойынша әрекеттер жасау, аса ірі көлемде залал келтірген іс-әрекеттер) бойынша кінәлі деп танылып, 3 жылдан 7 жылға дейін бас бостандықтарынан айырылды.
Кілт сөздер:
Тоқаев ауыл мұғаліміне хат жазды
НҰР-СҰЛТАН, 7 наурыз – Sputnik. Қазақстан президенті Қасым-Жомарт Тоқаев Үштөбеде тұратын білім саласының ардагерін Халықаралық әйелдер күнімен құттықтады, деп хабарлайды Алматы облысы әкімдігінің баспасөз қызметі.
Мемлекет басшысы құттықтау хатты 74 жастағы орыс тілі және әдебиеті пәнінің мұғалімі Валентина Спиридоноваға жолдады.
Валентина Григорьевнаның педагогикалық қызметі 1963 жылдан басталады. Спиридонова 1995 және 2009 жылдар аралығында Кемел Тоқаев атындағы жалпы білім беретін мектепті басқарған.
"Құрметті Валентина Григорьевна! Сізді Халықаралық әйелдер күнімен құттықтаймын. Көктемнің сұлулық пен нәзіктік мерекесінде мейірімділігіңіз, түсіністігіңіз бен жемісті еңбегіңіз үшін шынайы ризашылығымды білдіремін. Әр күн сізге және жақындарыңызға қамқорлық пен махаббат сыйласын. Зор денсаулық, жан тыныштығы мен бақыт тілеймін", - деп жазды Тоқаев өз құттықтауында.
Президенттің құттықтау хатын Алматы облысының әкімі Амандық Баталов табыстады. Өңір басшысы да блім саласының ардагерін 8 наурызбен құттықтады.
©
Photo : Акимат Алматинской области
Валентина Спиридонова мен Амандық Баталов
"Мен ауыл мұғалімімін. Президент Қасым-Жомарт Тоқаевтың жұмысбастылығына қарамастан мені және біздің мектепті ұмытпайтыны қатты қуантады. Оған үлкен алғысымды айтамын. Қазақстанымыз әрқашан гүлдене берсін", - деді Валентина Спиридонова.
Ардагер педагог "Алтын барыс", "Ыбырай Алтынсарин", "ҚР Білім беру ісінің құрметті қызметкері" төс белгілерімен, сондай-ақ "Шапағат" медалімен марапатталған.
Зейнетке шыққаннан кейін 2009 жылы Кемел Тоқаев атындағы қайырымдылық қорын басқарды. Қор көпбалалы және тұрмысы төмен отбасыларға қолдау көрсетеді. Соңғы бірнеше жылда отандық және шетелдік жоғары оқу орындарына елуден астам грант ұсынған.
Кілт сөздер:
Қазақстан ПТР-тест тапсырмаған жолаушылар үшін 2 млн теңге төлейді
НҰР-СҰЛТАН, 7 наурыз – Sputnik. 6 наурызда Қазақстанға Германия, БАӘ, Мысыр, Түркия, Ресей, Беларусь, Өзбекстан және Қырғызстаннан 17 халықаралық әуе рейсі келді, деп хабарлайды санитарлық-эпидемиологиялық бақылау комитеті.
Қазақстан аумағына 2 561 жолаушы ұшып келді. Оның ішінде 2 254 адамның теріс нәтиже көрсетілген ПТР анықтамасы бар. 307 азамат анықтамасыз келген. Олар COVID-19 инфекциясына тест тапсырып, карантиндік стационарда нәтижесін күтіп отыр.
Тағы оқыңыз: Қазақстанда коронавирус жұқтырғандар туралы мәлімет жарияланды
Бұған дейін 3 наурыздан бір ПТР-тестке мемлекеттік зертханалар жеті мың теңге (17 долларға жуық) жұмсайтыны хабарланған еді. Бұл бағаға қонақ үй мен тамақтандыру төлемі кірмейді.
307 жолаушы үшін билік 2 149 000 теңге төлейді.
5 наурызда шет елдерден 316 қазақстандық анықтамасыз ұшып келді. Барлығында ПТР-тест теріс нәтиже көрсетті.
Кілт сөздер:
Тақырып: