Қосшы астанаға қосыла ма – Көлгінов жауап берді
НҰР-СҰЛТАН, 10 ақпан – Sputnik. Елорда әкімі Алтай Көлгінов Қосшының қалаға қосылуына қатысты пікір білдірді, деп хабарлайды Sputnik Қазақстан тілшісі.
Бүгін онлайн форматта өткен халыққа есеп беру кездесуінде Қосшының тұрғындары астанаға қосылу мәселесін қозғап, осы мәселеге қатысты жоспардың бар-жоғын сұрады.
"Біз Қосшы ауылында тұрамыз. Қалаға күнде қатынап, жұмыс істейміз. Бізді бір сұрақ алаңдатады. Қосшы Нұр-Сұлтанға қосыла ма? Жалпы, ондай жоспар бар ма", – деді Қосшы тұрғыны Алма Жұмабекова.
Оқи отырыңыз: Қосшы ауылының халқы сасық иіске тұншығып отыр - билік не дейді
Қала әкімі Алтай Көлгіновтың айтуынша, бүгінде Қосшы ауыл емес, үлкен қала болды. Ал Нұр-Сұлтан әкімдігі облыс басшылығымен бірге тығыз жұмыс жасап келеді. Тіпті, карантин кезінде блок-бекеттер Қосшының сыртына шығарылды. Себебі Қосшы халқының басым бөлігі астанада жұмыс істейді, білім алады, емделеді.
Әкім пікірінше, қазіргі кезде қаланың айналасында Қосшы сияқты бірқатар елді мекендер бар. Ол жерде 300 мың халық тұрады. Урбанизация кезінде мұндай қалашықтардың пайда болуы қалыпты нәрсе.
"Бұл – заңдылық. Сондықтан ешқандай шектеу жоқ. Барлық жағдай қала тұрғындарымен бірдей жасалған. Қазір Қосшыны қалаға қосуға қатысты ешқандай жоспар жоқ", – деді Көлгінов.
Осы орайда қала басшысы облыс әкімдігімен тығыз жұмыс жалғаса беретінін ерекше атап өтті.
Кілт сөздер:
Бас прокуратура желіде тараған ақпаратқа қатысты түсініктеме берді
НҰР-СҰЛТАН, 27 ақпан – Sputnik. Желіде Қазақстанның бас прокурорының жалған қаулысы таратылып жатыр.
Хабарламада Ресейде есепке қойылған көлік иелеріне Қазақстан аумағында бас сенімхатсыз жүруге тыйым салынатыны жазылған. Бас прокуратураның баспасөз қызметі бұл ақпаратты жоққа шығарды, деп хабарлады Stopfake.kz.
"Желіде Бас прокурор бас сенімхатсыз ресейлік автокөлікті басқаруға тыйым салу туралы қаулыға қол қойғаны жазылып жатыр. Бұл ақпарат шындыққа жанаспайтынын хабарлаймыз. Бас прокурор бекіткен құқықтық актілердің мәтіндері ресми сайтта жарияланған", – делінген Бас прокуратураның ресми хабарламасында.
Жалған хабарға мұқият қарағанда, орта мектептің мөрі қойылғанын байқауға болады. Сондай-ақ, мәтінде құжат ішкі істер министрлігінің ресми сайтында жарияланғаны айтылған, бірақ іс жүзінде сайтта мұндай ақпарат жоқ.
Фейкті жасаған адам негізге алып отырған "Әкімшілік рәсімдер туралы" заңда 60-бап жоқ. Олардың саны 25 қана.
Сондай-ақ, фейк мәтінінде грамматикалық және стилистикалық қате көп екені байқалады.
Бас прокуратура арандатушылыққа бой алдырмауды және тек ресми дереккөздерге ғана сенуді сұрады.
- Тақырып бойынша
- Қазақстандықтар бас прокуратураның алдына жиналды
Қазақ бизнесмен мен украиналық тележүргізушінің тойы қалай өтті – видео
НҰР-СҰЛТАН, 27 ақпан – Sputnik. Қазақстандық бизнесмен Алмаз (тегі белгісіз) украиналық тележүргізуші Иванна Онуфрийчукке үйленді. Қалыңдық бірге түскен суретпен Instagram парақшасында бөлісті.
Посмотреть эту публикацию в Instagram
Үйлену тойы Мальдивтегі Воава жеке аралында өтті.
Посмотреть эту публикацию в Instagram
Шақырылған әртістер қатарында Дан Балан, Дима Монатик сынды әртістер болды. Тойды шоумен Александр Белов пен тележүргізуші Екатерина Варнава өткізді.
Посмотреть эту публикацию в Instagram
Иванна Онуфрийчук "Без галстука" авторлық шоуын жүргізеді. "Страна.ua" басылымының ақпаратына сәйкес, бизнесмен Швейцарияда тұрады.
Қар астында көміліп жатқан: бір апта бұрын жоғалған малшы табылды - видео
(Жаңартылды 17:35 27.02.2021)
Жергілікті шаруашылықтардың бірінде малшы болып істейтін 49 жастағы ер адам жылқыларды іздеуге шығып, адасып кеткенНҰР-СҰЛТАН, 27 ақпан – Sputnik. Қостанай облысында бір апта іздестірілген малшы аман табылды, деп хабарлады төтенше жағдайлар министрлігінің баспасөз қызметі.
Амангелді Тұржанов 20 ақпанда Амангелді ауданында жоғалып кеткен. Ол түнде жылқыларды іздеуге шыққан.
View this post on Instagram
"Іздеу жұмыстарына елуге жуық адам қатысты, бұл полицейлер, құтқарушылар және жергілікті тұрғындар. Сондай-ақ 49 жастағы ер адамды іздеуге 26 ақпанда Нұр-Сұлтаннан тікұшақ жіберілді. Тікұшақтан жылқыны көрдік, оның жанынан ер адам табылды. Ол қар басқан қамыстың астында жатып, аман қалған", - дейді құтқарушылар.
©
Photo : МЧС Республики Казахстан
Құтқарылған малшының жылқысы
Ауыл тұрғыны құтқарылғаннан кейін медициналық көмек көрсету үшін Жезқазғанға жеткізілген.
Айта кетсек, бұған дейін тағы бір Қостанай тұрғыны Федор Попов Ақтөбеден қайтып келе жатқанда өлім құша жаздаған болатын. Ол құтқарушыларды қар құрсауында бір тәуліктен аса уақыт күтті. Ер адам көп қозғалғанның арқасында аман қалған.