Мәжілістің пленарлық отырысы

Мәжіліс депутаты Тоқаевқа өтініш жасады

5528
Бұған дейін ауыл шаруашылығы министрлігі қазір кезде комиссия құрамын жасақтау үшін тиісті жұмыстар жүргізіліп жатқанын хабарлаған

НҰР-СҰЛТАН, 10 ақпан – Sputnik. Мәжіліс депутаты Айбек Паяев Жер туралы заңды осы жылдың шілдесіне дейін қабылдауды сұрады, деп хабарлайды Sputnik Қазақстан тілшісі.

Паяев 2016 жылы Жер кодексіне енгізілген түзетулер халыққа дұрыс түсіндірілмегендіктен, қоғамда пікірталас туып, шетелдіктер жерді иемденіп алуы мүмкін деген оймен елде наразылық акциялары өткенін еске салды.

Осыдан кейін ауыл шаруашылығы мақсатындағы жерлерді 2021 жылдың 31 желтоқсанына дейін қазақстандықтарға жекеменшікке беруге және оларды шетелдіктерге жалға беру нормаларын қолдануға мораторий жарияланған болатын.

"Осы мораторий қоғамдағы шиеленісті тоқтатуға мүмкіндік берсе, үкіметке қоғаммен бірлесе отырып, Жер кодексінің нормаларын егжей-тегжейлі әзірлеп, дайындауға уақыт берді. Мораторийдің аяқталуына бір жылдан аз уақыт қалғанын, үкімет тарапынан Жер кодексінің проблемалық мәселелерін шешу мақсатында тиімді жұмыстар атқарылмай жатқанын айтуға мәжбүрмін", – деді Паяев премьер-министрге жолдаған депутаттық сауалында.

Мәжілісмен ауыл шаруашылығы министрлігіне аталған бағытқа қоғамды міндетті түрде тарта отырып, ұсынылатын түзетулерді жариялы түрде талқылап, жұмысты жеделдетуді тапсыруды сұрады.

Сонымен қатар, депутат президенттің тапсырмасын орындау үшін осы жылдың 1 шілдесіне дейін тез арада Жер туралы заңды қабылдау қажет деп санайды.

"Құрметті Қасым-Жомарт Кемелұлы, аталған заң жобасын жедел қабылдау қажет деп жариялауыңызды сұраймын", – деді мәжілісмен.

2021 жылы 31 желтоқсанда Жер кодексінің жекелеген нормаларына жарияланған мораторий аяқталады. Осыған байланысты ел президенті Жер комиссиясының жұмысын қайта жандандыруды тапсырды. Ал үкімет қарашаға дейін Жер кодексіне түзетулер енгізуі тиіс.

Оқи отырыңыз: Тоқаев мораторий жарияланған Жер кодексі туралы: Бұл мәселеге енді оралмаймыз

Ауыл шаруашылығы министрлігі қазір комиссия құрамын жасақтау үшін тиісті жұмыстар жүргізіліп жатқанын хабарлаған болатын. Комиссия құрамына депутаттар, агроөнеркәсіп саласындағы беделді тұлғалар, қоғам қайраткерлері, блогерлер, мемлекеттік және мемлекеттік емес ұйымдардың өкілдері кіреді.

Бұған дейін мемлекет басшысы Қасым-Жомарт Тоқаев қазақтың жері шетелдіктерге сатылмайтынын бірнеше рет айтқан еді.

5528
Кілт сөздер:
жер заңы, жер
Тақырып бойынша
Мұхтар Тайжан: Дариға Назарбаева Жер туралы заңға қарсы шықты
Тоқаев жер туралы: бұл өте нәзік мәселе
Астана әкімдігі жер беріліп жатқаны туралы ақпаратқа түсініктеме берді
Жер туралы заңға өзгеріс енгізіледі
Парламент БАӘ-ге астанадан жер беру туралы келісімді ратификациялады
Әлеуметтік желілер

Бас прокуратура желіде тараған ақпаратқа қатысты түсініктеме берді

952
Әлеуметтік желілер мен мессенджерлерде Бас прокуратураның қаулысы таратылып жатыр. Бұл ақпарат жоққа шығарылды

НҰР-СҰЛТАН, 27 ақпан – Sputnik. Желіде Қазақстанның бас прокурорының жалған қаулысы таратылып жатыр.

Хабарламада Ресейде есепке қойылған көлік иелеріне Қазақстан аумағында бас сенімхатсыз жүруге тыйым салынатыны жазылған. Бас прокуратураның баспасөз қызметі бұл ақпаратты жоққа шығарды, деп хабарлады Stopfake.kz.

"Желіде Бас прокурор бас сенімхатсыз ресейлік автокөлікті басқаруға тыйым салу туралы қаулыға қол қойғаны жазылып жатыр. Бұл ақпарат шындыққа жанаспайтынын хабарлаймыз. Бас прокурор бекіткен құқықтық актілердің мәтіндері ресми сайтта жарияланған", – делінген Бас прокуратураның ресми хабарламасында.

Жалған хабарға мұқият қарағанда, орта мектептің мөрі қойылғанын байқауға болады. Сондай-ақ, мәтінде құжат ішкі істер министрлігінің ресми сайтында жарияланғаны айтылған, бірақ іс жүзінде сайтта мұндай ақпарат жоқ.

Фейкті жасаған адам негізге алып отырған "Әкімшілік рәсімдер туралы" заңда 60-бап жоқ. Олардың саны 25 қана.

Сондай-ақ, фейк мәтінінде грамматикалық және стилистикалық қате көп екені байқалады.

Бас прокуратура арандатушылыққа бой алдырмауды және тек ресми дереккөздерге ғана сенуді сұрады.

 

952
Тақырып бойынша
Қазақстандықтар бас прокуратураның алдына жиналды
"Малсың деген": Желіде тараған видеодағы қыздың анасы оқиғаның қалай болғанын айтты
Прокуратураның бұрынғы қызметкері өз әйелін пышақтап өлтірді
Үсті-басын қар басқан қостанайлық полицейдің фотосы желіде қызу талқыланып жатыр
Бас прокуратура қазақстандықтарға ескерту жасады 
Қалыңдық, архивтегі сурет

Қазақ бизнесмен мен украиналық тележүргізушінің тойы қалай өтті видео

3020
Қалыңдық бірге түскен суретпен Instagram парақшасында бөлісті. Үйлену тойы Мальдивтегі Воава жеке аралында өтті

НҰР-СҰЛТАН, 27 ақпан – Sputnik. Қазақстандық бизнесмен Алмаз (тегі белгісіз) украиналық тележүргізуші  Иванна Онуфрийчукке үйленді. Қалыңдық бірге түскен суретпен Instagram парақшасында бөлісті.

Посмотреть эту публикацию в Instagram

Публикация от Іванна Онуфрійчук (@ivannaonufriichuk)

Үйлену тойы Мальдивтегі Воава жеке аралында өтті.

Посмотреть эту публикацию в Instagram

Публикация от Іванна Онуфрійчук (@ivannaonufriichuk)

Шақырылған әртістер қатарында Дан Балан, Дима Монатик сынды әртістер болды. Тойды шоумен Александр Белов пен тележүргізуші Екатерина Варнава өткізді.

Посмотреть эту публикацию в Instagram

Публикация от Іванна Онуфрійчук (@ivannaonufriichuk)

Иванна Онуфрийчук "Без галстука" авторлық шоуын жүргізеді. "Страна.ua" басылымының ақпаратына сәйкес,  бизнесмен Швейцарияда тұрады.

3020
Тақырып бойынша
Тойда күйеуін қызғанған әйелдің әрекеті жұрттың ішек-сілесін қатырды – видео  
Тойда қалыңдығының әзілін көтере алмаған күйеу жігіт жұрттың ашуына тиді – видео
Қалыңдық үйлену тойын жасау үшін күтпеген қулыққа барды
Тойда ерсі қылық жасаған танымал әнші концерт қою құқығынан айырылды – видео
Қарағандыда тойда түсірілген видео желіде тарап кетті
Нұр-Сұлтан

Қазақстанда 28 ақпанда қандай маңызды оқиғалар болады

4
Sputnik Қазақстан 28 ақпан мен 1 наурыз аралығында болатын негізгі іс-шаралар мен оқиғаларға шолу жасайды (ақпарат толықтырылып отырады)

28 АҚПАНҒА ЖОСПАРЛАНҒАН ШАРАЛАР

АЛМАТЫ  

10.30 – Бэби - "Приключение в лесу" спектаклі ("Жас сахна" театры, Абай даңғылы 117).

10.30 – Бэби – "Коза-Дереза" спектаклі (Алматы қаласы Мемлекеттік қуыршақ театры, Пушкин көшесі, 63).

11.00 – "Туған күн" спектаклі (Ғабит Мүсірепов атындағы театр, Абылай хан даңғылы, 38).

11.00 – Бэби – "Сиқырлы қала" спектаклі ("Трансформа" кеңістігі, Байзақов көшесі, 280).

12.00 – "Ақшақар" спектаклі ("Жас Сахна" театры, Абай даңғылы 117).  

12.00 - "По-щучьему веленью" спектаклі (La Boheme театры, 2-павильон, Зенков көшесі, 24).

12.00 – "Красавица и Чудовище" спектаклі (Н. Сац атындағы театр, Шаляпин көшесі, 22).

14.00 – "Көңілді қонжықтар" спектаклі (Алматы қаласы Мемлекеттік қуыршақ театры, Пушкин көшесі, 63).

18.00 – "Сыныптастар. Өмір сабақтары" спектаклі ("Жас Сахна" театры, Абай даңғылы 117).

18.00 - "Лист подарочной бумаги" спектаклі (Республикалық неміс драма театры, Папанин көшесі, 70/1).

18.30 – "Телғара (Жас Абай)" спектаклі (Ғабит Мүсірепов атындағы театр, Абылай хан даңғылы, 38).

18.30 – "Жүз жылдық махаббат" спектаклі (Әуезов атындағы драма театр, Абай даңғылы, 103).

19.30 - "Дипфейк" спектаклі ("Трансформа" кеңістігі, Байзақов көшесі, 280).

20.00 – "Любовь это... COSTя" спектаклі (BUNKER ART-баспана, Досмұхамедов көшесі, 78а).

1 НАУРЫЗҒА ЖОСПАРЛАНҒАН ШАРАЛАР

НҰР-СҰЛТАН

11.00 –"Мал ұрлығымен күрес" тақырыбында ішкі істер министрлігінің онлайн брифингі. Спикер: Таев Думан Ашкенұлы – Қазақстан ІІМ криминалдық полиция департаментінің бастығы.

11.00 – Алғыс айту күніне арналған "Қазақ еліне мың алғыс!" монументінің жанында салтанатты түрде алғыс айту рәсімі. Іс-шараға Қазақстан халқы Ассамблеясының мүшелері, Қазақстан парламенті мәжілісінің депутаттары, этномәдени бірлестіктердің өкілдері, қоғам қайраткерлері, жастар, елорда тұрғындары мен қонақтары қатысады. Салтанатты шара аясында ҚХА жастар қанатының өкілдері сөз сөйлейді. Журналистер аккредитациядан өтуі керек: Ботагөз Жақсымбетова 8771 555 44 89, Данагүл Амантай 8747 688 09 62 (Түркістан көшесі – Бұқар жырау көшесінің бұрышы).

АЛМАТЫ

12.00 – "COVID-19 пандемиясы кезінде Алматы қаласының тұрғындары мен медицина қызметкерлерінен өтініш қабылдау үшін "Қауырт желі" телефонының жұмысын ұйымдастыру" тақырыбында баспасөз конференциясы. Баспасөз конференциясының спикерлері: Бақыт Түменова, "Аман-саулық" ҚҚ президенті, Зүлфия Байсақова, Алматы қаласы Қоғамдық кеңесі жанындағы әлеуметтік әл-ауқат мәселелері жөніндегі комиссияның төрағасы. Баспасөз конференциясына жеке қатысу үшін журналистер Қазақстан баспасөз клубына шақырылады (карантиндік шектеу 10 адам. Алдын ала аккредиттеу арқылы ғана кіруге болады). Аккредитация мәселелері бойынша мына телефонға хабарласыңыз: 87017490200, Әсел Берімжарова (Самал-2 ықшам ауданы, 58 үй, бірінші кіреберіс, 2-қабат. Трансляция: https://www.facebook.com/KazakhstanPressClub).

Жоспарланған шаралар тізімі ашық дереккөзден алынды. Sputnik Қазақстан іс-шаралардың уақыты мен күнінің өзгеруіне жауапты емес.

4