Kazpost постаматы

Астаналық iPhone-ды қолды еткен "Қазпошта" қызметкерлеріне шағымданды

55
"Қазпошта" компаниясындағылар ішкі тексеріс басталғанын мәлімдеді. Оқиғаның анық-қанығын анықтау мен шешім шығаруға 15 күн кетеді

НҰР-СҰЛТАН, 11 ақпан — Sputnik. Елорда тұрғыны Екатерина Малышева "Қазпошта" арқылы жолданған қораптың ішіндегі телефон қолды болғанын айтып шағымданды.

"25 қаңтар күні EMS Қазпошта қорабын ашып, ішіндегі iPhone-ды ұрлап кетіпті. Қораптың дәл телефон жатқан тұсын ұқыпты кескен. Басқа зат орнында тұр. Қорапты алған кезде оның зақымдалғанын көріп, пошта қызметкерлерін шақырып, қорап салмағын өлшеуді өтіндік. Расында да, қорап 400 грамға жеңіл екені анықталды. Бұл телефон салмағына сәйкес", - деп жазды Малышева Facebook-те.

Малышева сериялық ІМЕІ-кодты тексеру кезінде телефонның әлі қосылмағаны анықталғанын айтты.

"Қорапты сканерден өткізген адамдар қорапты қиғаны анық. Себебі, телефонның қай тұста жатқанын білген", - деп күдігімен бөлісті ол.

"Қазпошта" АҚ баспасөз қызметінің жетекшісі Тимур Мухамдеев Sputnik Қазақстанға берген жауабында осы мәлімдемеге қатысты компанияда ішкі тексеру басталғанын мәлімдеді.

"Әріптестерім ұрлық фактісі бойынша шағым түскенін растады. Кеше бұл мәлімдеме тіркелді. Осының негізінде ішкі тексеру жұмысы басталды. Бұл компаниядағы стандартты рәсім. Оның аясында ең алдымен филиалдарға өтінімдер жолданады. Одан кейін осы қорапты жөнелту кезінде онымен жұмыс істеген барлық қызметкерлер тізбегі анықталады", - деп агенттікке мән-жайды түсіндірді Мухамадеев.

Ол ішкі регламент бойынша оқиғаның анық-қанығын анықтау және шешім шығаруға 15 күн кететінін жеткізді.

"Қазпошта қызметкерлері тергеуді ұзаққа созбауға уәде етті. Ішкі регламент бойынша, егер, ұрлық фактісі анықталса, шығын өтелетінін айтқым келеді", - деп толықтырды ол.

Егер, "Қазпошта" қызметкерінің кінәсі анықталса, компания оны жауапкершілікке тартады. Астаналықтың бұл арызын Байқоңыр ауданының полиция басқармасы назарға алды.

"Аталған факті бойынша тексеру жүргізу үшін іс материалдары "Қазпошта" АҚ басшылығына жолданды. Компания филиалының тарапынан пошта жөнелтімдерін тасымалдау және сақтау кезінде заңбұзушылық орын алғаны расталса, қосымша арыз арқылы шағымдануға болады", - деп жауап берді Нұр-Сұлтан полициясында.

Бұған дейін "Қазпошта" компаниясы Түркістан облысындағы Кентау қаласында өрт салдарынан жойылып кеткен пошта жөнелтімдерінің есебін аяқтады. Барлығы 378 қорап жанып, соның салдарынан компанияға шамамен 8 миллион теңге шығын келген.

55
Кілт сөздер:
ұялы телефон, "Қазпошта"
Тақырып бойынша
Шенеунік мектеп құрылысына бөлінген 60 млн теңгені ұрлаған –  сот үкімі шықты
Нұр-Сұлтанда қызметші әйел 2,5 миллион теңгені ұрлаған
Павлодар облысында қымбат автокөліктерді ұрлаған қылмыстық топ ұсталды
Елордалық екі тұрғын көлікті эвакуатормен ұрлаған – видео
Еден жуушы әйел бақылау камерасын шүберекпен жауып, ірі көлемде ақша ұрлады
Карантин кезінде банк алдында кезекте тұрған адамдар

Сенат депутаты кейбір қазақстандықтарға кредиттік каникул беруді ұсынды

0
Депутат оңтүстіктен солтүстікке көшетін тұрғындар арасында түсіндіру жұмыстарын күшейту қажеттігін айтады

НҰР-СҰЛТАН, 13 мамыр – Sputnik. Сенатор Әлімжан Құртаев оңтүстіктен солтүстікке қоныс аударған азаматтардың "Еңбек" бағдарламасына қатысуына толыққанды жағдай жасалмай отырғанын айтты, деп хабарлайды Sputnik Қазақстан тілшісі.

Құртаев әкімдіктер солтүстікке қоныс аударушыларға өмір сүру мен еңбек етуге лайықты жағдай жасамай отыр деп санайды.

"Көшуге ниет білдірген отбасы өзі баратын өңірдің ауданы туралы барлық ақпаратқа толық қол жеткізе алмайды. Сондықтан олардың таңдауы шектеулі. Кейбір әкімдіктер отбасын қалаған ауылға емес, әкімдік өзі көрсеткен елді мекенге жібереді", – деді ол вице-премьер Ералы Тоғжановқа жолдаған депутаттық сауалында.

Тағы бір мәселе – тұрғын үйдің сапасы. Оның айтуынша, кейбір өңірлерде жер үйлердің құрылысымен фермерлік шаруашылықтар айналысады және баспананы келісу процесінен толық өтпестен сала береді. Осының кесірінен үйлердің сапасы сын көтермейді.

Сонымен қатар Құртаев банкте қарызы бар азаматтар субсидияға қол жеткізе алмай қиналатынын атап өтті. Депутат бұл мәселені шешу үшін несиелік каникул беруді ұсынды.

"Көшіп барған азаматтардың екінші деңгейлі банктерде несиесі болған жағдайда, алты айдан бір жылға дейін каникул берілсе. Себебі көшіп барған азаматтардың несиелік қарызы болса, оларға субсидия берілмей жатыр", – деді сенатор.

Бұдан бөлек, депутат оңтүстіктен солтүстікке көшетін тұрғындар арасында түсіндіру жұмыстарын күшейтуді ұсынды. Ол үшін кем дегенде жіберуші және қабылдаушы облыстарда Call-орталық ашу қажет. Онда қоныс аударушыларға толық ақпарат пен барлық сұрақтарына жауап берілуі керек.

"Call-орталықтар тиімді жұмыс істеуі үшін көшуге ниет білдірген азаматтарды бос жұмыс орындары, баспанамен қамту, көрсетілген облыстарда шаруашылықтың қандай түрімен айналысуға болатыны және тағы басқа мәселелерден хабардар ете алатын мамандарды тарту қажет", – деді Құртаев.

Депутат Павлодар облысындағы оң тәжірибені тілге тиек етті. Айтуынша, бұл өңірде жаңадан көшіп келгендерді қоныс аударушыларға арналған бейімдеу орталығының жатақханасына уақытша орналастырып, қажетті мамандарды аудандарда сұранысқа ие жұмыс орындарына орналастырады.

Оқи отырыңыз: Сенатор Мұрат Бақтиярұлы қандастарға берілген үйлерде "мал да тұрмайтынын" айтты

Сенатор орталықтың жұмысы тиімді екенін айтып, басқа облыстарда да осындай мекемелер ашуды ұсынды.

0
Кілт сөздер:
сенатор, Халықты оңтүстіктен солтүстікке көшіру бағдарламасы
Тақырып бойынша
"Тоғыз ай соттасуға мәжбүр": депутат онлайн кредит мәселесін көтерді
Түркістан облысында кредит алған әйелді шырылдатқан банк қызметкері ұсталды
Кредит жайлы жаңалық: Парламент 490 мыңға жуық адамды қуантатын заңды қабылдады
"Қара тізімнен" шыққан 2 миллион адам тағы кредит ала ма – мамандар пікір білдірді
Солтүстік Қазақстанда жұмысшы алаяқтарға беру үшін 2 миллион теңге кредит алған
Жедел жәрдем көлігі

Қазақстанда өткен тәулікте 25 адам коронавирус пен пневмониядан қайтыс болды

4
Коронавирус салдарынан қайтыс болғандардың көпшілігі Алматы қаласында тіркелді. Одан кейінгі көрсеткіш Қарағанды облысына тиесілі

НҰР-СҰЛТАН, 13 мамыр – Sputnik. Денсаулық сақтау министрлігі коронавирус пен ковидті пневмониядан қайтыс болу статистикасын жариялады.

Ведомство мәліметінше, 11 мамырда 20 адам COVID-19 індетінен, тағы бесеуі коронавирус белгісі бар пневмониядан қайтыс болды, бірақ ПТР сынағы теріс.

Коронавирус салдарынан қайтыс болғандардың көпшілігі Алматыда тіркелді – 6, Қарағанды ​​облысында – 3, Нұр-Сұлтан мен Шымкент қаласында және Атырау, Батыс Қазақстан облысында – 2, Ақтөбе, Алматы, Шығыс Қазақстан облысында бір адамнан тіркелді.

"13 мамырдағы жағдай бойынша 39 626 адам коронавирустық инфекцияны емдеуді жалғастыруда (39 143 CVI+ және 483 CVI-), оның ішінде 14 124 науқас ауруханада, 25 502 пациент амбулаториялық деңгейде ем қабылдауда. 788 науқас ауыр жағдайда болса, 183 адамның хәлі ауыр дәрежеде және 116 науқас жасанды тыныс алдыру аппаратына қосылған", – делінген хабарламада.

Айта кетейік, пандемия басталғаннан бері Қазақстанда коронавирустың 350 591 жағдайы анықталды, 307 464 адам сауығып шығып, 3 984 науқас көз жұмды.

Оқи отырыңыз: Ғалымдар организмдегі коронавирусты 5 минуттың ішінде өлтіретін өнімді атады

4
Кілт сөздер:
коронавирус, емделу, қайтыс болды
Тақырып:
Коронавирус эпидемиясы
Тақырып бойынша
Ғалымдар коронавирусты жоятын Қазақстанда қолжетімді өсімдікті атады
Желіде масаның коронавирус тасымалдайтыны туралы хабарлама тарап жатыр
Ғалымдар балаларда коронавирустың жаңа белгілерін анықтады
Қазақстанда тағы бір облыс коронавирус деңгейінің "сары" аймағынан шықты
Қазақстанда коронавирус жұқтырғандардың саны өсті