Ресей елшісі Алексей Бородавкин

Ресейлік депутаттардың Қазақстан жайлы даулы сөзі: елші ресми түсініктеме берді

1977
(Жаңартылды 13:59 11.02.2021)
Дипломат екі елдің әскери ынтымақтастығы туралы келісімшартта "көрші мемлекеттер бір-бірінің территориялық тұтастығын қорғайды" деп жазылғанын айтты

НҰР-СҰЛТАН, 11 ақпан – Sputnik. Ресей Федерациясының Қазақстандағы төтенше және өкілетті елшісі Алексей Бородавкин мемлекеттік дума депутаттарының даулы сөзіне қатысты өз ойын айтты,  деп хабарлайды Sputnik Қазақстан 24.kz арнасына сілтеме жасап.

"Интервью" бағдарламасына қатысқан дипломатқа өткен жылы мемлекеттік дума депутаттарының айтқан сөзіне қатысты сұрақ қойылды. Сол кезде олардың "Үлкен сыйлық" туралы әңгімесі қазақстандықтардың ашуын келтірген. Елші ол сөздерді драмаға айналдырмауға кеңес беріп отыр.

"Тым жақын қабылдаудың қажеті жоқ деп ойлаймын. Бірақ ол орынсыз сөздер Ресейдің ресми ұстанымына қарама-қайшы екенін ерекше атап өткім келеді. Екі елдің арасында шекара нақты келісімшартпен бекітілген және барлық ұзындығы бойынша делимитациядан өтті. Қазақстан мен Ресейдің күн тәртібінде аумақтық талап-тілектер мүлдем талқыланып жатқан жоқ. Әрине, Ресей Қазақстанның тәуелсіздігіне, егемендігіне және территориялық тұтастығына құрметпен қарайды", - дейді Бородавкин.

Осы орайда дипломат екі елдің әскери ынтымақтастығы туралы келісімшартта көрсетілген бір норманы мысалға келтірді. Осы құжатта "көрші мемлекеттер бір-бірінің территориялық тұтастығын қорғайды" деген сөйлемдер де бар.

"Меніңше, Ресей мен Қазақстан арасындағы шекара екі мемлекетті бөлмей, керісінше, жақындастыруы керек. Ал жер мәселесін қоздыратын адамдар Ресей мен Қазақстан арасындағы достық қарым-қатынасқа нұқсан келтіргісі келеді деп ойлаймын. Қазіргі шекарадағы Қазақстан мемлекеттілігінің тарихын ғалымдар зерттеуі тис. Оны екі мемлекеттің сыртқы саяси теке-тіресін туғызу үшін қолдануға болмайды", -  деп атап көрсетті Бородавкин.

Дума депутаттарының даулы мәлімдемесі

Өткен жылы желтоқсан айында РФ Мемлекеттік думасының білім және ғылым комитетінің төрағасы Вячеслав Никонов телебағдарламаға қатысып, "Қазақстан территориясы – Ресейдің үлкен сыйы" деп шықты. Оның мұндай мәлімдемесі қазақ қоғамында үлкен резонанс тудырған болатын. Артынан депутат өз сөзіне түсініктеме берді.

"Мен Қазақстан Республикасының шекарасына айналған Қазақ КСР-нің шекараларын анықтағанда, Қазақстан мүдделері толығымен сақталды деп есептеймін. "Большая игра" бағдарламасында осыны айтқан едім. Ал енді осы жағдайға байланысты бауырлас Қазақстан халқына тағы да жылы лебізімді білдіремін", – деп жазды Никонов өзінің Telegram-арнасында.

Сырты істер министрлігінің наразылық нотасынан кейін оған тағы бір әріптесі Евгений Федоров та қосылды.

Мәлімдемені Қазақстан қалай бағамдады

Никоновтың мәлімдемесінен кейін Ресей Федерациясының уақытша сенімді өкілі Александр Комаров Қазақстан сыртқы істер министрлігіне шақырылды. Оған наразылық нотасы тапсырылып, ресейлік саясаткерлердің мұндай мәлімдемелерінің алдын алу туралы ескерту жасалды.

Сондай-ақ, кейбір ресейлік саясаткерлердің Қазақстанға қарсы мұндай арандатушылық әрекеттері мемлекеттер арасындағы одақтастық қатынастарға үлкен зиян келтіретіні де айтылды.

Ал парламент сенатындағы халықаралық қатынастар, қорғаныс және қауіпсіздік комитетінің төрағасы Мұхтар Құл-Мұхаммед ресейлік әріптесінің сөзін "арандатушылық" деп атады.

Сыртқы істер министрі не деді

Желтоқсан соңында Қазақстанның сыртқы істер министрі Мұхтар Тілеуберді мәжілістің жалпы отырысына қатысты. Сол жерде депутаттар ресейлік саясаткерлердің Қазақстан туралы даулы сөздерінен кейін қандай шара қабылданып жатқанын сұрады. Министрдің айтуынша, қалыптасқан тәжірибе бойынша нотадан кейін ресми түрде жауап берілмейді. Бірақ Ресей тарапы қабылдаған іс-шаралар туралы хабарлады. Олар парламентке, президент әкімшілігіне мұндай сөздерді айтуға болмайды деп ескерту жасаған.

Министр Қазақстан азаматы ретінде өз ойын да айтқан.

"Жоғары білім алғаннан кейін, Отанымыздың тарихын білгеннен кейін мұндай сөздерге орысша былай деп жауап берер едім: бред сивой кобылы. Мұндай сұрақтар көтерілген кезде, ең алдымен, тарихшыларға, ғалымдарға сүйену керек", - деді Тілеуберді.

Сол кезде министр көрші елдің депутаттары айтқан сөзі Ресейдің ресми ұстанымына сәйкес келмейтінін де жеткізді.

1977
Кілт сөздер:
түсініктеме, мәлімдеме, Ресей, Қазақстан
Тақырып бойынша
Министр ресейлік депутаттардың Қазақстан жайлы даулы сөздері туралы айтты
Тоқаев қазақтың мемлекеттілігі бәріне бірдей ұнамайтынын айтты
Ресейлік саясаткер Қазақстан туралы даулы сөзіне түсініктеме берді
Танымал ресейлік тележүргізуші мүгедектер арбасына таңылғанын көрсетті – видео
Қазақстан ресейлік саясаткердің даулы мәлімдемесіне орай нота жіберді
Мәжіліс депутаты Дариға Назарбаева

Саясаттағы ықпалды қазақстандық әйелдер туралы не білеміз

126
8 наурыз – Халықаралық әйелдер мерекесіне орай саяси аренада жүрген танымал әйелдердің қызметіне шолу жасағанды жөн көрдік

НҰР-СҰЛТАН, 8 наурыз – Sputnik. Елімізде гендерлік теңдікке баса көңіл бөлсе де, саясатта жүрген нәзік жандар саны өте аз. Ел жақсы танитын саясаткер әйелдер, тіпті де, саусақпен санарлық. Солардың екеуі қазір үкіметте отыр.

Парламентке қайта оралған Назарбаева

Елбасының үлкен қызы Дариға Назарбаеваның саясатта жүргеніне біраз болды. Алдымен мәжіліс депутаты, кейін премьер-министрдің орынбасары қызметін атқарды. Одан соң парламенттің жоғары палатасына депутат болып келді. Сенатта халықаралық істер, қорғаныс және қауіпсіздік комитетін басқарды.

2019 жылы әкесі отставкаға кетіп, ел тізгіні Қасым-Жомарт Тоқаевқа тиген соң, сенат спикері болып сайланды. Алайда бір жылдан кейін президент Дариға Назарбаеваның өкілеттігін тоқтатты.

Осыдан кейін көбі Назарбаева енді саяси аренаға оралмайды деп ойлады. Бірақ, 57 жастағы саясаткер биыл қаңтарда мәжіліс сайлауына қатысып, депутат болып сайланды.

Бір сәт қабырға сыртындағы өмірге оралу: түрмедегі әйелдер көктемді қалай қарсы алады

Мәжілістің VII шақырылымының депутаты Дариға Назарбаева экономикалық реформа және өңірлік даму комитетінің құрамына кірді.

Бұған дейінгі бір сұқбатында Назарбаева Халықаралық әйелдер мерекесін қалай қарсы алатынын айтып еді.

"Мереке күні балаларым мен немерелерім өз қолымен жасаған сыйлығын сыйлайды. Гүл тарту етеді. Біз де өздеріңіз сияқты адамдармыз. Қазақстандағы барлық отбасы сияқты 8 наурызды атап өтеміз, бір-бірімізге түрлі сыйлықтар береміз", -деді ол.

Айта кетсек, Дариға Назарбаеваның бұрынғы күйеуі Рахат Әлиевтен Нұрәлі, Айсұлтан есімді ұлдары мен Венера есімді қызы бар. Былтыр тамызда Айсұлтан Назарбаев Лондонда қайтыс болды.

Үкіметте отырған екі министр әйел

Бүгінде үкіметтің құрамында 18 министр бар. Олардың екеуі әйел – мәдениет және спорт министрі Ақтоты Райымқұлова мен ақпарат және қоғамдық даму министрі Аида Балаева.

Райымқұлова мәдениет министрлігінің басшылығына 2019 жылы 17 маусымда келді. Оған дейін мәдениет және спорт вице-министрі қызметін атқарған болатын.

56 жастағы министр Sputnik Қазақстан тілшісіне берген сұқбатында саясаткер әйелдердің бойынан қандай қасиеттер табылуы керек екенін айтты.

"Ең басты қасиеттер – адамгершілік, кәсібилік, патриот болу. Әйелдердің нәзіктігін жоғалтпағанын қалаймын. Егер адамның кәсібилігі жоғары болып тұрса, ол әйел болсын, ер болсын, кез келген мемлекеттік лауазымға үміткер бола алады", - деді Райымқұлова.  

Ол үкіметтегі министр ер адамдардың өзіне деген құрметін үнемі сезінетінін атап өтті.

Сондай-ақ, саясаткер әйел отбасы мен жауапты қызметті қатар алып жүру қиын емес пе деген сұраққа да жауап берді.

"Шындығына келсек, мені отбасым қолдайды. Менің жанұямда да мемлекеттік қызметшілер болғанын білесіздер. Әрине, жауапкершілігім, міндеттерім көбейді. Бірақ отбасым қолдайды, мұның мен үшін қаншалықты маңызды екенін түсінеді. Сол себепті жақындарыма қатты ризамын", - деді министр әйел.

Райымқұлованың Оспан және Әлім есімді екі ұлы бар.

"Үйде қарапайым әйелмін": қауіпті мамандықты таңдаған қыз-келіншектердің әңгімесі

Министрлер кабинетіндегі екінші әйел – 46 жастағы Аида Балаева. Ол былтырдан бері ақпарат және қоғамдық даму министрлігін басқарады.

Балаева әртүрлі жылдары Алматы мен елорда әкімдіктерінде еңбек етті. Төрт жылдай астана әкімінің орынбасары қызметін атқарды.

Президент әкімшілігі ішкі саясат бөлімінің меңгерушісі болды. Мемлекет басшысы Қасым-Жомарт Тоқаевтың көмекшісі болып қызмет етті.

Ашық дереккөздерге сүйенсек, Балаева – үш баланың анасы.

Тұңғыш әйел әкім

Биліктегі ықпалды әйелдердің бірі – Қызылорда облысының әкімі Гүлшара Әбдіқалықова. Ол тәуелсіз Қазақстанда тұтас бір облыстың тізгінін қолына алған тұңғыш және әзірге жалғыз әйел.

Президент Әбдіқалықованы былтыр 28 наурызда Қызылорда облысының әкімі қызметіне тағайындады.

Гүлшара Әбдіқалықова мемлекеттік қызметте біраз жыл істейді. Оған, әсіресе, әлеуметтік сала өте жақсы таныс.

Ақшаны "копилкаға" да жинадық: 8 баланың анасы астанадан екі пәтерді қалай алғанын айтты 

55 жастағы саясаткер түрлі жылдары еңбек және халықты әлеуметтік қорғау вице-министрі, кейін министр қызметін атқарды.

Қазақстан премьер-министрінің орынбасары, мемлекеттік хатшы лауазымына да тағайындалды.

Қызылорда облысына әкім болмай тұрғанда, мәжіліс депутаты болды.

126
Кілт сөздер:
Гүлшара Әбдіқалықова, Ақтоты Райымқұлова, Дариға Назарбаева, Халықаралық әйелдер мерекесі
Нұр-Сұлтан қаласы

ҚТЖ екіұдай мәндегі құттықтау видеосы үшін кешірім сұрады

87
(Жаңартылды 19:00 08.03.2021)
Желі пайдаланушыларының басым көпшілігі мерекелік құттықтау ролигінің мазмұны әйелдер қауымының көңіліне кірбің түсіретін мәнге ие деп санады

НҰР-СҰЛТАН, 8 наурыз – Sputnik. "Қазақстан темір жолы" ұлттық компаниясы" акционерлік қоғамының баспасөз қызметі елорда тұрғындарынан 8 наурыз мерекесіне орай арнайы түсірілген құттықтау ролигінің мазмұны үшін кешірім сұрады. Сондай-ақ компания бұл жерде қыз-келіншектер қауымын төмендету немесе қорлау мақсатын көздемегенін мәлімдеді.

Елорданың сол жағалауындағы "ҚТЖ" әкімшілік ғимаратының қасбет экранында аниме стиліндегі ересектерге арналған мерекелік құттықтау бейнеролигі көрсетілгеннен кейін оның мазмұнына қатысты сын пікірлер әлеуметтік желілерде көптеп айтыла бастады. Желі пайдаланушыларының басым көпшілігі құттықтау ролигінің мазмұнын сексистік сипатта және екіұдай ойды меңзейтін әрі әйелдер қауымының көңіліне кірбің түсіретіндей мәнге ие деп санады.

"Біз осы видео әсерінен туындаған қолайсыздықтар үшін кешірім сұраймыз. Мұндай видео көрсету арқылы әйелдерді ренжіту немесе масқаралау көзделген жоқ. Сондай-ақ жауапкершілікті ер азаматтарша сезініп, темір жол саласында қызмет етіп келе жатқан әйелдерге ризашылығымыз мен құрметімізді білдіреміз", – делінген ресми хабарламада.

Айта кетейік, бүгінгі таңда компанияда 24 мыңнан астам қыз-келіншек жұмыс істейді. Бұл жалпы жұмысшылар санының 20 процентін құрайды.

Бұған дейін даулы видеоны мәжілістің экс-депутаты Бақыт Сыздықова Facebook-тегі парақшасында жариялап, оның мазмұнына шамданған болатын. 

"Әзіл-сықақпен кәсіби түрде айналысатын адам ретінде бейнеролик мазмұны ешқандай да әзіл, қалжыңмен ұштаспайтындығын айта аламын. Бәлкім мұндай қалжың салалық тақырыптық мәнде дұрыс қабылдануы мүмкін. Алайда тұтас елдің нәзік жандылар қауымын осылай құттықтауды – әйел жынысына деген құрметсіздік деп санаймын. Ал "ҚТЖ" пойызындағы зорлау оқиғасынан кейін мұны түсіну тіптен қиын", – деп жазды ол.

Оқи отырыңыз: "Үйде қарапайым әйелмін": қауіпті мамандықты таңдаған қыз-келіншектердің әңгімесі

Сыздықованың пікірінше, бейнеролик мазмұнындағы астыртын ой өрескел қателік.

Желі қолданушыларының көпшілігі экс-депутаттың пікрін қолдап, видеоны арсыз әрі сапасыз және ұят деп атады.

87
Кілт сөздер:
ҚТЖ, құттықтау, мереке
Тақырып бойынша
Қыз-келіншектер 8 наурызға қандай сыйлық алғысы келетінін айтты – видео 
Нұр-Сұлтанда босанған аналарға сыйлық таратылды
Ресейлік ғарышкерлер Қазақстанға ғарыштан құттықтау жолдады
Рамазан айына арналған ерекше құттықтау
Жаңа жылға құттықтау мен тілек
Иллюстративті фото

Түркістан облысында 8 наурыз қарсаңында үшем дүниеге келді

2509
Үш қызды дүниеге әкелген 34 жастағы көпбалалы ананың үйінде тағы екі ұлы мен екі қызы асыға күтіп отыр

НҰР-СҰЛТАН, 8 наурыз – Sputnik. Түркістан облысында Сарыағаш ауданының 34 жастағы тұрғыны Лаура Тұрарбекова 8 наурыз –  Халықаралық әйелдер күні мерекесі қарсаңында үш қызды дүниеге әкелді.

Шала туған үшемнің өмірін дәрігерлер аман алып қалды. Бүгінде нәрестелерді №1 облыстық перинаталдық орталығының дәрігерлері бақылауға алған, деп хабарлады Otyrar.kz.

"Үш қызымның рақатын көрейін енді. Үйімде тағы екі ұлым мен екі қызым асыға күтіп отыр. Мереке қарсаңында босанып отырмын. Осы орайда ақ халатты әйелдер қауымын мерейлі мерекемен шын жүректен құттықтаймын. Дәрігерлерге мың алғыс", – дейді көпбалалы ана.

Жаңа туған сәбилерге Жания, Рабия, Сания есімдері берілді.

Ақ халаттылардың біліктілігі мен тынымсыз еңбегінің арқасында шала туған шақалақтарды анасы бауырына басты. Себебі жеті жарым айлық нәрестелердің өкпесі дұрыс дамымаған, бәрі жасанды тыныс алу аппаратына қосылған.

Балаға берілетін жәрдемақы - 2021: кімге, қалай және қанша төленеді?

Айта кетейік, жыл басынан бері орталықта 1571 бала дүние есігін ашқан. Олардың 38-і егіз болса, екеуі үшем.

2509
Кілт сөздер:
Түркістан облысы, үшем
Тақырып бойынша
"Өтірік айтасың деп сенбеді": алты баланың анасы атанған 23 жастағы келіншектің әңгімесі
Депутат бес жылдан кейін бала туатын әйелдер санының азаятынын айтты
Түркістан облысында 23 жастағы келіншек алты баланы дүниеге әкелді
Нұр-Сұлтанда егіздер мен үшемдер көбейді
Нұр-Сұлтанда жаңа туған нәрестеге жиі қойылған есімдер жарияланды
25 жасында көпбалалы ана атанды: Маңғыстауда төртем дүниеге келді