Хаттар, архивтегі сурет

Астаналық 30 жылдан соң алғашқы махаббатын тапты

7635
(Жаңартылды 13:39 11.02.2021)
Осыдан бір апта бұрын Мұқанов телеарнаға хабарласып, жас кезінде хат жазысқан Лилия есімді әйелді тауып беруді сұраған

НҰР-СҰЛТАН, 11 ақпан – Sputnik. Төлеген Мұқанов 30 жыл бұрын жоғалтқан алғашқы махаббатын табуға көмек сұраған болатын. Телеарналар арқылы үндеу де жариялаған, деп хабарлайды Еуразия бірінші арнасына сілтеме жасап.

Осыдан бір апта бұрын Мұқанов арна редакциясына хабарласып, жас кезінде хат жазысқан Лилия есімді әйелді тауып беруді сұраған. Жастар Қарағандының автобекетінде танысты. Сол кезде Лилия мектепті тәмамдап, ауылдағы әжесіне бара жатқан. Ал Төлеген техникумнан кейін жоғарғы оқу орнына түсе алмай, жолға шығамын деп тұрды. Сөйтіп, екеуі автобекетте танысып, бір жыл бойы бір-біріне хат жазды. Артынан Мұқановты Қиыр Шығысқа әскерге алып кеткен. Осылайша жастардың байланысы үзіліп қалған.

"Ол ерекше болатын. Басқа қыз-келіншектерден өзгеше еді. Ол менен ештеңе талап еткен емес. Хаттарында сондай ақылды, әдемі сөздер жазатын. Оның хаттары мені таң-тамаша ететін", – дейді 55 жастағы ер адам.

Мұқанов Лилияның бірнеше суретін де көрсетті. Алайда бойжеткеннің тегін ұмытып қалған. Оның мекенжайы жазылған хаттарды да жоғалтып алды. Ер адам екі рет үйленген, бойжеткен қызы бар.

"Егер ол тұрмыс құрған және күйеуі бар болса және бақытты ғұмыр кешіп жатса, мен оған тек жақсылық тілеймін. Ал егер ол да жалғызбасты болса, мен онымен кездесіп, өмірімнің қалған бөлігін бірге өткізгім келеді", – деді Мұқанов.

Осы сюжет шыққаннан кейін Лилия табылды. Ол тұрмысқа шыққан және некеде бақытты екенін айтты. Төлеген болса, оған жақсылық тіледі, қазақстандықтарға да өз алғысын жеткізді.

"Ол бақытты өмір сүріп жатыр. Мен оған амандық мен бақыт тілеймін", - деп атап көрсетті Мұқанов. 

7635
Кілт сөздер:
махаббат, ғашықтық
Тақырып бойынша
"Таңдауым Ерланға түсті": ерлі-зайыпты полицейлер махаббат хикаясын айтып берді
Махаббат хикаясымен танылған қос ғашық: қазақстандық жігітті полиция іздеп жатыр
Қария 63 жылдан кейін мектептегі ғашығын тауып, үйленіп алды
Қазақстандық 30 жыл бұрын жоғалтқан алғашқы махаббатына іздеу салды
Жарты жыл көңіл қосқан ғашықтар үйленер кезде туыс екендерін білді
Жандарбек Бекшин

Жандарбек Бекшин Ashyq мобильді қосымшасы қалай жұмыс істейтінін түсіндірді

523
Бекшин Ashyq қосымшаның жұмысымен танысқанда, кей нысандар ғимаратқа кіреберісте әртүрлі QR код енгізілгенін байқаған

АЛМАТЫ, 5 наурыз – Sputnik. Алматы қаласының бас санитар дәрігері Жандарбек Бекшин Ashyq мобильді қосымшасының қалай жұмыс істейтінін түсіндірді, деп хабарлайды Sputnik Қазақстан тілшісі.

Сондай-ақ, брифинг барысында Жандарбек Бекшин санитар дәрігерлер тұрғындармен бірге Ashyq мобильді қосымшасының кемшіліктерін анықтау қажет екенін айтты.

"26 ақпаннан бастап республиканың бас санитар дәрігерінің Ashyq мобильді қосымшасын енгізу туралы қаулысы қолданысқа енді. Алматыда қосымша пилоттық режимде сынақтан өтіп жатыр. Біздің міндетіміз – халықпен бірге осы қосымшаның кемшілігін анықтау. Келешекте қосымша жақсара түседі", – деді Бекшин.

Айтуынша, Ashyq қосымшасын пайдалану бизнес қауымдастық өкілдері үшін бірқатар маңызды артықшылықты ұсынады. Мысалы, Алматы қаласы "қызыл" аймақта болса, осы мобильді қосымшаны пайдаланатын объектілер "сары" аймақ режиміне сәйкес жұмыс істейді. Егер қала "сары" аймаққа ауысса, онда кәсіпкерлік нысандары "жасыл" аймақтың кестесі бойынша жұмыс істейді.

Сондай-ақ, бұл қосымша кәсіпкерлердің жұмысына көмектеседі.

"Пандемияның басталғанына бір аптадан кейін бір жыл болады. Әрбір адам денсаулығына мән береді. Біз де көмектескіміз келеді. Мәселен, ауру немесе науқаспен жақын байланыста болғандар үйде отырмайды. Оны вирус тасымалдаушы деп атауға болады. Біздің ең басты мақсатымыз – адамдарды оқшаулау. Сондықтан өзімізді, нысан қызметкерлерінің денсаулығын қорғауымыз керек", – деп түсіндірді қаланың бас санитар дәрігері Ashyq мобильді қосымшасының жұмысын.

Айтуынша, коронавирус табылып, бір аптада оқшаулауға алынған 100-ден аса адамның көрсетілген мекенжайда болмағаны анықталды.

"Санитар дәрігерлер вирустың таралуын болдырмауға тырысады, бірақ бір аптаның ішінде 32 адамның көрсетілген мекенжайлар бойынша тұрмайтыны, 70 адамның тұрғылықты жері бойынша үйінде болмағаны, үйде оқшаулау режимін бұзғаны анықталды", – деді Бекшин.

Айта кетейік, қазір бұл қосымшаны 27 алматылық кәсіпкер сынақтан өткізіп жатыр. Олардың ішінде 10 кафе мен мейрамхана иесі, 15 фитнес орталығы, СПА және бассейн иелері бар. Тағы 4 боулинг орталығы бұл қатарға қосылады.

Сондай-ақ Жандарбек Бекшин Ashyq қосымшасын пайдаланатын нысандарды аралап, қосымшаның жұмысымен танысқанын айтты.  Оның сөзінше, кей нысандарда ғимаратқа кіреберісте әртүрлі QR код енгізілген.

"Бұл өте ыңғайсыз. Мен барлық кіріске бірдей код енгізуді ұсындым", – деді ол.

Ashyq мобильді қосымшасы қалай жұмыс істейді?

Белгілі бір нысанға келуші Ashyq мобильді қосымшасын өз телефонына жүктеп, телефон нөмірі бойынша авторизация жібереді. ЖСН енгізу және өзінің нысанға келгенін тіркеу үшін мекеменің QR-кодын сканерлеуі қажет. Сондай-ақ шығу кезінде шығуды бекіту үшін QR кодын сканерлейді.

Егер келушіде смартфон болмаған жағдайда немесе осы мобильді қосымшаны жүктеу кезінде қиындықтар туындаған болса, жауапты тұлға, мекеме қызметкер келушінің ЖСН енгізу арқылы кіруін тіркей алады. Мұндай жағдайда келуші өз келісімін береді.

Оқи отырыңыз: Енді кейбір мекемелерге бұрынғыдай емін-еркін кіре алмайсыз: не істеу керек?

QR-кодты сканерлегеннен кейін мобильді қосымшада келушінің статусы түрлі-түсті форматта жанады. Ол бойынша адамның коронавирус жұқтырған адаммен байланыста болғаны немесе жұқтырғаны көрінеді:

  • жасыл статус – бұл келуші деректер базасында Сovid-19 теріс нәтижесі көрсеткен адам ретінде көрсетілген;
  • көк статус – ПТР нәтижелері жоқ, байланыста болған адам ретінде саналмайды;
  • сары статус – науқаспен байланыста болған адам;
  • қызыл статус – базада Covid-19 анықталған деп тіркелген.

Бұған дейін денсаулық сақтау министрі Алексей Цой Ashyq мобильді қосымшасы арқылы адамдарды қызыл, сары, көк және жасыл түстерге бөліп, кейбір мекемелерге QR-кодпен ғана кіретінін айтқан.

Мобильді қосымша QR-код арқылы денсаулық сақтау министрлігінің базасынан тиісті мәліметті алу арқылы келген адамның статусын, яғни коронавирус инфекциясынан шалдыққан ба, жоқ па, соны анықтайды.

523
Кілт сөздер:
Жандарбек Бекшин, коронавирус
Тақырып:
Коронавирус эпидемиясы
Қол қойып жатқан сәт, иллюстративті фото

Таразда облыс әкімдігінің қызметкері сотталды

60
Аса маңызды істер бойынша тергеуші Данияр Биғайдаровтың айтуынша, жыл басынан бері 120 адам сотталды

НҰР-СҰЛТАН, 5 наурыз – Sputnik. Тараз қаласында облыстық әкімдік қызметкері үш жарым жылға сотталды. Ол нақты жұмыстар атқарылмаса да, тиісті құжаттарға қол қойған.

Сыбайлас жемқорлыққа қарсы іс-қимыл агенттігінің мәліметіне сәйкес, Тараз қаласының №2 соты Жамбыл облысы әкімдігінің табиғи ресурстар және табиғат пайдалануды реттеу басқармасы басшысының орынбасары Шыршынбаевты 3 жыл 6 айға бас бостандығынан айыруға шешім шығарды.

Ол "Жамбыл облысының Мойынқұм және Қордай ауданындағы уран кен орындарының қалпына келтірілген нысандарында қоршауды қалпына келтіру және ескерту белгілерін орнату" нысаны бойынша орындалмаған жұмыстар үшін қабылдау актілеріне қол қойған.

"Осы ісімен ол лауазымдық өкілеттігін теріс пайдаланды деп күдіктеліп, мұндай әрекетімен мемлекетке 50 822 236 теңге залал келтірген", – деді аса маңызды істер бойынша тергеуші Данияр Биғайдаров.

Бұдан бөлек, Талдықорған қалалық сотының үкімімен "Талдықорған қаласының құрылыс бөлімі" ММ басшысы Телеубаев 4 миллион теңге көлемінде айыппұл төлеуге міндеттелді.

Ол 60 пәтерлі тұрғын үй құрылысы бойынша орындалған жұмыстар актісіне қол қойғаны үшін 400 мың теңгенің парасын алды.

Оқи отырыңыз: "Ондай жағдай болған жоқ": Шымкентте мектеп директоры 8 жылға сотталды

Жалпы биыл екі айдың ішінде 120 адам сотталды. Олардың ішінде пара алған, пара берген, алаяқтық пен ұрлық жасаған, сондай-ақ лауазымдық өкілеттіктерін теріс пайдаланған адамдар бар. Бас бостандығынан айыруға – 41, бас бостандығын шектеуге – 10, еселік айыппұлдарға – 63 адам, қалғандары шартты мерзімге не кейінге қалдырумен сотталды.

60
Кілт сөздер:
жемқорлық, пара
Тақырып бойынша
Маңғыстау облысында педофил өмір бойына сотталды
Танысын зорлады: Алматыда бұрынғы прокурор мен банк менеджері сотталды
Қазақстандық 1 000 теңге үшін сегіз жылға сотталды
Атырауда заңсыз ойын бизнесін ұйымдастырғандар сотталды
Тәжік азаматының арызынан кейін Сарыағаш тұрғыны төрт жарым жылға сотталды
Вакцина, коронавирус

Ресейде "Спутник Лайт" вакцинасының кезекті сынағы аяқталды

0
Вакцинаның "лайт нұсқасы" негізінен инфекция белең алған эпидемиялық ошақтары бар сыртқы нарыққа арналған. Ал Ресей бұрынғыдай "Спутник V" вакцинасын қолдана береді

РФ Денсаулық сақтау министрі Михаил Мурашко Ресейде "Спутник Лайт"вакцинасының клиникалық зерттеулерінің екінші кезеңі аяқталғанын мәлімдеді, деп хабарлайды РИА Новости

"Қазір ол мәліметтер сарапшылардың бағалауына жолданды", - деді ол журналистерге. 

Зерттеулердің үшінші кезеңін жүргізуге арналған рұқсат қолда бар. Ол құжатты ақпан айының соңында берген болатын. Бұл зерттеу плацебо қолдану арқылы екі топқа жүргізіледі. Зерттеу жұмыстары 2022 жылдың 28 ақпанына дейін аяқталуы керек. 

"Спутник Лайт" вакцинасы Ресейдің тікелей инвестициялар қоры Гамалея орталығымен бірлесіп әзірлеген "Спутник" препараттар тобына жатады. Бұл вакцина адамның жақсы зерттелген аденовирусты векторлары платформасында әзірленген. 

РТИҚ басшысы Кирилл Дмитриевтің айтуынша, вакцинаның "лайт нұсқасы" негізінен инфекция белең алған эпидемиялық ошақтары бар сыртқы нарыққа арналған. Ал Ресей үшін бұрынғыдай "Спутник V" вакцинасын қолдана береді. 

Гамалея орталығының директоры Александр Гинцбург осы елдерде "Спутник Лайт" вакцинасын қолдану арқылы ауру жұқтыру деңгейін төмендетіп, жергілікті денсаулық сақтау саласына түскен жүктемені азайтуға болады. Вакциналаудан кейінгі иммунитет шамамен 3-4 ай сақталады. Ғалымның айтуынша, екпе тиімділігі 85%-і құрайды. 

Вакциналау бойынша тек бір ғана екпе, яғни, "Спутник V" препатанының бірінші компоненті салынады.

Сондықтан, антиденелердің түзілу уақыты да қысқа болады. Екпе алған адам коронаиврус инфекцциясын жұқтырған жағдайда да ауру ауыр түрде болмайды.

Себебі, вирус қоздырғышы өкпеге қарай өте алмайды. Бұл қорғанысты ұзарту үшін үш айдан кейін вакцинаның екінші компонентін салдыруға болады.

0
Тақырып:
COVID-ке қарсы вакцина