Руслан Дәленов

Экс-министр Дәленов жаңа қызметке орналасты

1322
(Жаңартылды 14:54 12.02.2021)
Дәленов қаңтар айында ұлттық экономика министрі қызметінен кеткен еді. Ол бұл қызметті екі жыл атқарды

НҰР-СҰЛТАН, 12 ақпан – Sputnik. Руслан Дәленов Еуразия даму банкі басқармасының төрағасы қызметіне тағайындалды, деп хабарлады қаржы институтының баспасөз қызметі.

Банктің 2021 жылдың ақпан айында жаңартылған құрамына басқарма төрағасының орынбасарлары   Сергей Васильев, Леонид Грачков, Денис Ильин, Данияр Иманғалиев, Амангелді Исенов, Елена Кубанова, Ярослав Мандрон, Берік Мұхамбетжанов пен Тигран Саркисян енген.

Руслан Дәленов туралы не білеміз

Руслан Ерболатұлы Дәленов 1975 жылы 8 ақпанда Целиноград қаласында туған.

1999 жылы Стамбулдағы Мармара университетін экономист мамандығы бойынша тәмамдады.

Еңбек жолын мемлекеттік кірістер министрлігінен бастады. 1999-2002 жылдар аралығында мұнай, газ және энергетика бөлімінің басшысы, кірістерді талдау және болжау департаментінің басшысы қызметін атқарды.

2008 жылдың наурызынан 2017 жылдың сәуіріне дейін – қаржы вице-министрі;

2017 жылдың сәуірінен 2019 жылдың 25 ақпанына дейін ұлттық экономика бірінші вице-министрі болды.

2019 жылдың 25 ақпанынан 2021 жылдың 18 қаңтарына дейін Ұлттық экономика министрі қызметін атқарды.

Үйленген, үш баласы бар. Жұбайы – Жанара Қуандыққызы Дәленова (Айтжанова).

1322
Кілт сөздер:
Руслан Дәленов, Ұлттық экономика министрлігі
Тақырып бойынша
Майор шенімен зейнетке шыққан Досымжан Таңатаров басшылық қызметке тағайындалды
Ринат Зайытов лауазымды қызметке тағайындалды
Дәленов карантиннің ел экономикасына қалай әсер еткенін айтып берді
Әлия Юсупова жаңа қызметке тағайындалды
Жарты жылдың қорытындысы бойынша жалпы ішкі өнім төмендеді - Дәленов
Нұр-Сұлтан

Нұр-Сұлтан коронавирус бойынша "қызыл" аймаққа кірді

961
Қазақстан астанасы коронавирус бойынша "қызыл" аймақта 11 ақпаннан бері болған жоқ

НҰР-СҰЛТАН, 28 ақпан — Sputnik. Қазақстанда коронавирустық инфекция бойынша эпидемиологиялық жағдайды бағалаудың мартицасы жаңартылды.

28 ақпандағы жағдай бойынша Нұр-Сұлтан "қызыл" аймаққа кірді, бұған дейін қала "сары" аймақта еді.

"Сары" аймақтағы өңірлер – Ақмола, Атырау, Батыс Қазақстан, Қостанай, Павлодар облыстары.

Қалған өңірлер "жасыл" аймақта – Жамбыл, Алматы, Ақтөбе, Қызылорда, Маңғыстау, Қарағанды, Шығыс Қазақстан, Солтүстік Қазақстан, Түркістан облыстары және Шымкент пен Алматы қалалары.

Матрицаға сәйкес, Қазақстан "жасыл" аймақта тұр.

Оқи отырыңыз: ДДҰ COVID-19 пандемиясының аяқталу мерзімін атады

 

961
Кілт сөздер:
Нұр-Сұлтан, коронавирус
коронавирус

Қазақстанда бір тәулікте коронавирус пен пневмониядан 15 адам қайтыс болды

18
(Жаңартылды 11:14 28.02.2021)
Қазақстанда өткен тәулікте 791 адамнан коронавирус табылды, 58 адам пневмонияға шалдықты

НҰР-СҰЛТАН, 28 ақпан – Sputnik. Қазақстанда өткен тәулікте коронавирус пен пневмониядан 15 адам қайтыс болды, деп хабарлады денсаулық сақтау министрлігі.

Өткен тәулікте 13 адам коронавирустан, 2 адам коронавирус белгілері бар пневмониядан көз жұмды.

28 ақпандағы мәлімет бойынша, 20 280 адам коронавирус инфекциясынан емделуде, олардың ішінде 4 483 науқас стационарда, 15 797 адам амбулаториялық деңгейде ем қабылдап жатыр.

249 науқастың жағдайы ауыр, 52 адамның жағдайы аса ауыр деп бағаланды. 42 адам жасанды тыныс алу аппаратына қосылған.

Өткен тәулікте 791 адамнан коронавирус табылса, 58 адам пневмонияға шалдыққан. 

Пандемия басталғалы Қазақстанда коронавирустан 2 756 адам, пневмониядан (тамыз айынан) 622 науқас қайтыс болды. 

 

18
Алматыда автобус Mega сауда орталығына соғылды

Алматыда автобус "Mega" сауда орталығына соғылды: бес адам зардап шекті

5
Автобус екі жолаушы мен екі көлікті соғып, одан кейін "Mega" сауда ойын-сауық орталығының автотұрағына кіріп кеткен

АЛМАТЫ, 28 ақпан — Sputnik. Алматыда сенбі кешке Сейфуллин мен Төреқұлов көшелерінің қиылысында ірі жол апаты болды, деп хабарлайды Sputnik Қазақстан тілшісі.

№123 автобус Hyundai Elantra көлігіне соғылады, ол жол жиегіне ұшып кеткен. Бұған қоса автобус жол-жөнекей электр қалқанын құлатып, бағдаршамның жануын күтіп тұрған екі адамды қағады. Әрі қарай автобус автотұрақ аумағына кіріп кетіп, Mega park қабырғасына барып соғылады. Сондай-ақ ол тұрақтан шығып келе жатқан Volkswagen Polo көлігін соққан.

Автобус врезался в стену ТРЦ Мега
© Sputnik / Стрингер
Автобус жүргізушісі көше қиылысында рөлге ие бола алмай қалған

Апат салдарынан бес адам зардап шекті – автобус жүргізушісі, Volkswagen Polo жүргізушісі мен екі жолаушысы және жаяу жүргіншілер жолында тұрған екі адам. Соңғы екеуі ауыр хәлде жансақтау бөлімінде жатыр.

Автобус врезался в стену ТРЦ Мега
© Sputnik / Стрингер
Автобус екі көлік пен екі адамды соққан, зардап шеккендер қазір жансақтау бөлімінде жатыр

Автобус жүргізушісінің не себепті рөлге ие бола алмай қалғаны әзірге белгісіз. Полиция жол апатының мән-жайын анықтап жатыр.

Автобус врезался в стену ТРЦ Мега
© Sputnik / Стрингер
Апат салдарынан бес адам зардап шекті, оның ішінде автобус жүргізушісі де бар
5
Кілт сөздер:
жол апаты, Алматы