Sputnik V вакцинасы

Коронавирус жұқтырған симптомсыз науқасқа вакцина салуға бола ма?

218
(Жаңартылды 18:31 12.02.2021)
Профессор Ләззат Ерәлиева коронавирус жұқтырған симптомсыз науқас вакцина салдырса ештеңе болмайтынын айтты. Дене қызуы көтеріліп, екпе егілген жері ауыруы мүмкін   

НҰР-СҰЛТАН, 12 ақпан – Sputnik. Медицина ғылымдарының докторы, профессор Ләззат Ерәлиева коронавирус жұқтырған, бірақ ауру белгілері байқалмайтын адамдарға инфекцияға қарсы вакцина салуға бола ма деген сұраққа жауап берді, деп хабарлайды Sputnik Қазақстан тілшісі.

"Бірден айтайын, мұндай адамға жаман ештеңе де болмайды. Дене қызуы көтеріліп, екпе егілген жері ауыруы мүмкін, бәлкім. Бірақ иммунитет қалыптасады. Мұнда қорқынышты ештеңе де жоқ", - деп сендірді ДСМ Ұлттық фтизиопульмонология ғылыми орталығы директорының клиникалық және ғылыми жұмыстар жөніндегі орынбасары Ләззат Ерәлиева.

Айтуынша, бұған басқа вакциналарды қолдану тәжірибесі дәлел бола алады. Тіпті симптомсыз науқастың иммундық жауабы вакцина салдырған сау адамға қарағанда әлдеқайда жоғары болатыны туралы мәліметтер бар.

Алексей Цой отандық вакцина туралы: үлкен сенім артып отырмыз

Егер адам вакцинаның бірінші дозасын алғаннан кейін вирус жұқтырса, оған екінші доза салынбайды, деп жалғастырды дәрігер.

"Алайда иммунитет берік болуы үшін екі доза алу қажет. Індетпен ауырып шыққан науқаста иммунитет небәрі 5-6 ай сақталады, сол себепті бәрібір де адамға вакцина салдыру керек. Доза мөлшері қайта қаралып, адамға үшінші доза егу қажет болып қалуы мүмкін. Қазір бұл мәселе шешіліп жатыр. Өйткені клиникалық сынақ әлі аяқталған жоқ, мәліметтер түсуде. Бірақ, әзірге екі доза ғана",- деді Ерәлиева.

 

218
Кілт сөздер:
вакцина, коронавирус
Тақырып:
COVID-ке қарсы вакцина (102)
Тақырып бойынша
Вакцина салдырмағандар ұжымдық иммунитетке сенім арта ала ма?
Қай кезде маскасыз жүруге болады – денсаулық министрлігінің жауабы
Вакцинадан бас тартқан медицина қызметкерлерінің саны белгілі болды
Бірнеше мемлекет қазақстандық вакцинаға қызығушылық танытты – Цой
COVID-19-бен ауырмаған және вакцина салдырмаған адамдарды не күтіп тұр
Перо, ручка, бумага, письмо, иллюстративное фото

Белгілі қазақстандық журналист қайтыс болды

1249
(Жаңартылды 17:56 28.02.2021)
Қаңтар айының соңында журналист Қазис Тоғызбаевқа коронавирус инфекциясын жұқтырды деген диагноз қойылған

НҰР-СҰЛТАН, 28 ақпан – Sputnik. Белгілі қазақстандық журналист Қазис Тоғызбаев дүниеден озды, деп хабарлады оның әріптесі Нәзира Дәрімбет.

Дәрімбет өзінің Facebook-тегі парақшасында Тоғызбаевтың жақында коронавирус инфекциясымен ауруханаға түскенін атап өтті. Сәуірде ол 73 жасқа толар еді.

Тоғызбаев тілші болып жұмыс істеген "Азаттық" сайтының хабарлауынша, журналист ауруханадан шыққаннан кейін бес күннен соң қайтыс болған. Оған COVID-19 диагнозы 25 қаңтарда қойылды.

Жұма күні Қазис Тоғызбаевты қайтадан үйінен ауруханаға алып кеткен, ал жексенбіде отбасына Тоғызбаевтың жүрегі мәңгіге тоқтағанын хабарлады.

Нұртілеу Иманғалиұлы дүниеден озды 

Запастағы полковник Қазис Тоғызбаев "Азаттық" редакциясында 2008 жылдан бері жұмыс істеді. Әскери қызметті аяқтағаннан кейін ол журналистикамен айналысып, суретке түсіруге қызығушылық танытты. Ол оппозициялық "Сөз" және "Азат" газеттерінде жұмыс істеді.

1249
Нұр-Сұлтан

Нұр-Сұлтан коронавирус бойынша "қызыл" аймаққа кірді

3483
Қазақстан астанасы коронавирус бойынша "қызыл" аймақта 11 ақпаннан бері болған жоқ

НҰР-СҰЛТАН, 28 ақпан — Sputnik. Қазақстанда коронавирустық инфекция бойынша эпидемиологиялық жағдайды бағалаудың мартицасы жаңартылды.

28 ақпандағы жағдай бойынша Нұр-Сұлтан "қызыл" аймаққа кірді, бұған дейін қала "сары" аймақта еді.

"Сары" аймақтағы өңірлер – Ақмола, Атырау, Батыс Қазақстан, Қостанай, Павлодар облыстары.

Қалған өңірлер "жасыл" аймақта – Жамбыл, Алматы, Ақтөбе, Қызылорда, Маңғыстау, Қарағанды, Шығыс Қазақстан, Солтүстік Қазақстан, Түркістан облыстары және Шымкент пен Алматы қалалары.

Матрицаға сәйкес, Қазақстан "жасыл" аймақта тұр.

Оқи отырыңыз: ДДҰ COVID-19 пандемиясының аяқталу мерзімін атады

 

3483
Кілт сөздер:
Нұр-Сұлтан, коронавирус
Қазақстан халқы Ассамблеясының форумы

Қазақстанда 1 наурызда қандай маңызды оқиғалар болады

0
Sputnik Қазақстан 1 наурызда болатын негізгі іс-шаралар мен оқиғаларға шолу жасайды (ақпарат толықтырылып отырады)

1 НАУРЫЗҒА ЖОСПАРЛАНҒАН ШАРАЛАР

НҰР-СҰЛТАН

11.00 –"Мал ұрлығымен күрес" тақырыбында ішкі істер министрлігінің онлайн брифингі. Спикер: Таев Думан Ашкенұлы – Қазақстан ІІМ криминалдық полиция департаментінің бастығы.

11.00 – Алғыс айту күніне арналған "Қазақ еліне мың алғыс!" монументінің жанында салтанатты түрде алғыс айту рәсімі. Іс-шараға Қазақстан халқы Ассамблеясының мүшелері, Қазақстан парламенті мәжілісінің депутаттары, этномәдени бірлестіктердің өкілдері, қоғам қайраткерлері, жастар, елорда тұрғындары мен қонақтары қатысады. Салтанатты шара аясында ҚХА жастар қанатының өкілдері сөз сөйлейді. Журналистер аккредитациядан өтуі керек: Ботагөз Жақсымбетова 8771 555 44 89, Данагүл Амантай 8747 688 09 62 (Түркістан көшесі – Бұқар жырау көшесінің бұрышы).

11:00 - Алғыс айту күніне арналған "Мың алғыс саған, ұлы далам!" халықаралық дөңгелек үстелі. Іс-шараға отандық және шетелдік ғалымдар, ұлтаралық қатынастар саласындағы зерттеушілер, сарапшылар, этно-мәдени бірлестіктердің өкілдері қатысады. Дөңгелек үстел Қазақстан Республикасының Тұңғыш Президенті – Елбасы кітапханасы музейінің жаңа ғимаратында (Ә. Бөкейхан к-сі, 1А) өтеді. Аккредитация бойынша мына нөмірлерге хабарласу керек: +7 /7172/ 69 30 53, +7 /7172/ 69 30 57.

15.00 – "Қазақконцерт" мемлекеттік концерттік ұйымы әртістерінің Алғыс айту күніне орай "Мейірімді болайықшы, бауырлар!" атты қайырымдылық концерті өтеді.  

Мерекелік іс-шара ұстаздар мен дәрігерлердің, ардагерлердің шақырылуымен өткізіледі. Концерттің мақсаты – ақ халатты абзал жандар мен ұстаздарға, еңбек ардагерлеріне рухани қолдау көрсету және ерен еңбектері үшін алғыс білдіру.

Концертте "Қазақконцерт" ұйымының өнер ұжымдары мен белгілі әншілері өнер көрсетеді. Көрермен қауым "Астана сазы" қазақ мемлекеттік фольклорлық ансамблінің, Құрмаш Махан, Гүлнәр Көшенова, Күнсұлу Түрікпен, Айдана Қаржаубаева, Аяулым Қамажан, Нұркен Якиев, Әлихан Дүйсенбай сынды әншілердің өнерін тамашалай алады. Концерт бағдарламасына белгілі халық әндері мен қазіргі танымал музыкалық туындылар енген. ("Қазақстан" орталық концерт залы, Мәңгілік даңғылы 10/1).

АЛМАТЫ

12.00 – "COVID-19 пандемиясы кезінде Алматы қаласының тұрғындары мен медицина қызметкерлерінен өтініш қабылдау үшін "Қауырт желі" телефонының жұмысын ұйымдастыру" тақырыбында баспасөз конференциясы. Баспасөз конференциясының спикерлері: Бақыт Түменова, "Аман-саулық" ҚҚ президенті, Зүлфия Байсақова, Алматы қаласы Қоғамдық кеңесі жанындағы әлеуметтік әл-ауқат мәселелері жөніндегі комиссияның төрағасы. Баспасөз конференциясына жеке қатысу үшін журналистер Қазақстан баспасөз клубына шақырылады (карантиндік шектеу 10 адам. Алдын ала аккредиттеу арқылы ғана кіруге болады). Аккредитация мәселелері бойынша мына телефонға хабарласыңыз: 87017490200, Әсел Берімжарова (Самал-2 ықшам ауданы, 58 үй, бірінші кіреберіс, 2-қабат. Трансляция: https://www.facebook.com/KazakhstanPressClub).

Жоспарланған шаралар тізімі ашық дереккөзден алынды. Sputnik Қазақстан іс-шаралардың уақыты мен күнінің өзгеруіне жауапты емес.

0