Қасым-Жомарт Тоқаев

Әулие Валентин күні: Тоқаев не деді

2218
(Жаңартылды 18:15 14.02.2021)
Тоқаев осыдан 4 жыл бұрын сенат төрағасы болған кезде мерекеге қатысты ойын білдірген. Президенттің баспасөз хатшысы сол жазбаны бөлісті

НҰР-СҰЛТАН, 14 ақпан – Sputnik. Президенттің баспасөз хатшысы Берік Уәли Қасым-Жомарт Тоқаев Әулие Валентин күні туралы қандай пікірде екенін жазды.

"Әулие Валентин күні Батыстан келген, еліміздің болмысына және салт-дәстүріне мүлдем қарсы ұғым. Жастарымыз оны түсінуі керек", - деген Тоқаев осыдан 4 жыл бұрын.

Ол кезде Қасым-Жомарт Тоқаев Сенат төрағасы болған еді.

Валентин күні, әулие Валентин күні немесе ғашықтар күні - 14 ақпанда әлемнің көптеген елдерінде тойланатын мереке.

Кейбір деректерде Әулие Валентин күні Батыс Еуропа ХІІІ ғасырдан бері, АҚШ 1777 жылдан бастап атап өтілетіні жазылған. Ол 90-шы жылдардың басында Қазақстанға және ТМД елдеріне жетті. Алайда мерекенің шығу тарихына қатысты дау тоқтар емес. 

Айта кетсек, Қазақстанда ғашықтар күні 15 сәуірде тойланады. Мәңгілік махаббаттың символына айналған Қозы мен Баян күнін атап өтуді алғаш 1999 жылы қоғам және мемлекет қайраткері Дархан Мыңбай ұсынған болатын.

2218
Кілт сөздер:
Қасым-Жомарт Тоқаев
Тақырып бойынша
Астаналық 30 жылдан соң алғашқы махаббатын тапты
Қазақстандық жұлдызды жұптардың махаббат хикаясы - фото
Қозы Көрпеш – Баян Сұлу күні туралы не білеміз?
Елордалықтар Қозы Көрпеш пен Баян Сұлу туралы не біледі - видео
Жарты жыл көңіл қосқан ғашықтар үйленер кезде туыс екендерін білді
Нұр-Сұлтан

Нұр-Сұлтан коронавирус бойынша "қызыл" аймаққа кірді

934
Қазақстан астанасы коронавирус бойынша "қызыл" аймақта 11 ақпаннан бері болған жоқ

НҰР-СҰЛТАН, 28 ақпан — Sputnik. Қазақстанда коронавирустық инфекция бойынша эпидемиологиялық жағдайды бағалаудың мартицасы жаңартылды.

28 ақпандағы жағдай бойынша Нұр-Сұлтан "қызыл" аймаққа кірді, бұған дейін қала "сары" аймақта еді.

"Сары" аймақтағы өңірлер – Ақмола, Атырау, Батыс Қазақстан, Қостанай, Павлодар облыстары.

Қалған өңірлер "жасыл" аймақта – Жамбыл, Алматы, Ақтөбе, Қызылорда, Маңғыстау, Қарағанды, Шығыс Қазақстан, Солтүстік Қазақстан, Түркістан облыстары және Шымкент пен Алматы қалалары.

Матрицаға сәйкес, Қазақстан "жасыл" аймақта тұр.

Оқи отырыңыз: ДДҰ COVID-19 пандемиясының аяқталу мерзімін атады

 

934
Кілт сөздер:
Нұр-Сұлтан, коронавирус
коронавирус

Қазақстанда бір тәулікте коронавирус пен пневмониядан 15 адам қайтыс болды

18
(Жаңартылды 11:14 28.02.2021)
Қазақстанда өткен тәулікте 791 адамнан коронавирус табылды, 58 адам пневмонияға шалдықты

НҰР-СҰЛТАН, 28 ақпан – Sputnik. Қазақстанда өткен тәулікте коронавирус пен пневмониядан 15 адам қайтыс болды, деп хабарлады денсаулық сақтау министрлігі.

Өткен тәулікте 13 адам коронавирустан, 2 адам коронавирус белгілері бар пневмониядан көз жұмды.

28 ақпандағы мәлімет бойынша, 20 280 адам коронавирус инфекциясынан емделуде, олардың ішінде 4 483 науқас стационарда, 15 797 адам амбулаториялық деңгейде ем қабылдап жатыр.

249 науқастың жағдайы ауыр, 52 адамның жағдайы аса ауыр деп бағаланды. 42 адам жасанды тыныс алу аппаратына қосылған.

Өткен тәулікте 791 адамнан коронавирус табылса, 58 адам пневмонияға шалдыққан. 

Пандемия басталғалы Қазақстанда коронавирустан 2 756 адам, пневмониядан (тамыз айынан) 622 науқас қайтыс болды. 

 

18
Алматыда автобус Mega сауда орталығына соғылды

Алматыда автобус "Mega" сауда орталығына соғылды: бес адам зардап шекті

4
Автобус екі жолаушы мен екі көлікті соғып, одан кейін "Mega" сауда ойын-сауық орталығының автотұрағына кіріп кеткен

АЛМАТЫ, 28 ақпан — Sputnik. Алматыда сенбі кешке Сейфуллин мен Төреқұлов көшелерінің қиылысында ірі жол апаты болды, деп хабарлайды Sputnik Қазақстан тілшісі.

№123 автобус Hyundai Elantra көлігіне соғылады, ол жол жиегіне ұшып кеткен. Бұған қоса автобус жол-жөнекей электр қалқанын құлатып, бағдаршамның жануын күтіп тұрған екі адамды қағады. Әрі қарай автобус автотұрақ аумағына кіріп кетіп, Mega park қабырғасына барып соғылады. Сондай-ақ ол тұрақтан шығып келе жатқан Volkswagen Polo көлігін соққан.

Автобус врезался в стену ТРЦ Мега
© Sputnik / Стрингер
Автобус жүргізушісі көше қиылысында рөлге ие бола алмай қалған

Апат салдарынан бес адам зардап шекті – автобус жүргізушісі, Volkswagen Polo жүргізушісі мен екі жолаушысы және жаяу жүргіншілер жолында тұрған екі адам. Соңғы екеуі ауыр хәлде жансақтау бөлімінде жатыр.

Автобус врезался в стену ТРЦ Мега
© Sputnik / Стрингер
Автобус екі көлік пен екі адамды соққан, зардап шеккендер қазір жансақтау бөлімінде жатыр

Автобус жүргізушісінің не себепті рөлге ие бола алмай қалғаны әзірге белгісіз. Полиция жол апатының мән-жайын анықтап жатыр.

Автобус врезался в стену ТРЦ Мега
© Sputnik / Стрингер
Апат салдарынан бес адам зардап шекті, оның ішінде автобус жүргізушісі де бар
4
Кілт сөздер:
жол апаты, Алматы