Сабақ оқып отырған студенттер

Қазақстанда бір университет бас лицензиясынан айырылды

1186
ҚазМҮББУ-да оқыған студенттердің гранты сақталады және олар басқа жоғары оқу орындарына ауыстырылады

НҰР-СҰЛТАН, 15 ақпан – Sputnik. Қазақ медициналық үздіксіз білім беру университеті бас лицензиясынан айырылды, деп хабарлайды білім және ғылым министрлігінің баспасөз қызметі.

Былтыр министрлікке қарасты білім және ғылым саласындағы сапаны қамтамасыз ету комитеті Қазақ медициналық үздіксіз білім беру университетінің қызметіне тексеріс жүргізген.

"Нәтижесінде өрескел заңбұзушылықтар анықталды. Атап айтсақ, жоғары оқу орнындағы бакалавриат, магистратура, докторантура, резидентура бағдарламасы бойынша оқу үрдісі қажетті профессорлық-оқытушылық құраммен және тиісті материалдық-техникалық базамен қамтамасыз етілмеген. Сонымен қатар оқу орнындағы өзге де маңызды көрсеткіштер белгіленген ең төменгі нормаларға сәйкес келмейді", - делінген хабарламада.

2020 жылдың шілде айындағы тексеріс нәтижесі бойынша университет лицензиясының күші тоқтатылып, анықталған олқылықтарды жоюға уақыт берілді. Алайда, ведомствоның ақпаратынша, қайта тексеріс кезінде Қазақ медициналық үздіксіз білім беру университеті комитеттің нұсқамаларын орындамағаны және заңнаманы өрескел бұза отырып, жұмысын жалғастырғаны белгілі болды.

"Болашақ дәрігерлерге сапалы білім беру – адамдардың өмірі мен денсаулығының кепілі. Осы орайда біз сотқа жүгінуге мәжбүр болдық. Қазақ медициналық үздіксіз білім беру университетін жабу мәселесін сот та, білім және ғылым министрлігінің комитеті де қарады", - деді білім және ғылым саласында сапаны қамтамасыз ету комитетінің төрағасы Гүлзат Көбенова.

Тағы оқыңыз: Қазақстанда сегіз колледж жабылды

Оның айтуынша, Қазақ медициналық үздіксіз білім беру университеті әкімшілік жауапқа тартылды. Бұдан бөлек, ЖОО-ға айыппұл салынып, бас лицензиядан айыру туралы шешім шығарылған.

Көбенова ҚазМҮББУ-да оқыған студенттердің гранты сақталатынын және  олар басқа жоғары оқу орындарына ауыстырылатынын атап өтті. Оқу құны өзгермейді. Сондай-ақ, оқытушыларды жұмысқа орналастыру мәселесі де шешіліп жатыр.

Бас лицензиядан айыру туралы сот шешімі 10 жұмыс күнінен кейін заңды күшіне енеді. Осыдан кейін жоғары оқу орны білім беру қызметін тоқтатуға міндетті болады.

Айта кетсек, Қазақ медициналық үздіксіз білім беру университеті Алматыдағы дәрігерлердің біліктілігін жетілдіру ұйымы базасында 2015 жылы құрылған. Бүгінгі таңда оқу орнында 3 мыңнан астам студент оқиды.

1186
Кілт сөздер:
Білім және ғылым министрлігі, медицина
Тақырып бойынша
Екі қалада Назарбаев университеті сияқты озық жоғары оқу орны ашылады
Қазақстанда 25 жоғары оқу орны лицензиясынан айырылды
QazVAC вакцинасын әзірлеушілер марапатталды

QazVAC вакцинасын әзірлеушілер марапатталды

62
Қазақстанда медицина қызметкерінің күні биыл 20 маусымға сәйкес келіп отыр

НҰР-СҰЛТАН, 19 маусым – Sputnik. Үкімет QazVAC отандық вакцинасын әзірлеушілерге екі арнайы марапат табыс етті.

Қазақстан премьер-министрінің орынбасары Ералы Тоғжанов пен денсаулық сақтау министрі Алексей Цой медицина қызметкерлерін марапаттады.

"Премьер-министрдің орынбасары QazVAC қазақстандық вакцинасын әзірлеушілерге екі арнайы марапатты табыс етті", - деп хабарлады денсаулық сақтау министрлігінің баспасөз қызметі.

Цой атап өткендей, коронавируспен күреске жұмылдырылған дәрігерлерге төлем жасау жалғасады.

"Медицина қызметкерлерінің кадрлық әлеуетін күшейту және сақтау мақсатында кәсіби даму үшін ынталандыру пакеті, әлеуметтік қолдаудың бірыңғай стандарты, медицина қызметкерлерін құқықтық қорғау жүйесі әзірленіп, енгізіледі", - деді министр.

Оқи отырыңыз: Тоқаев дәрігерлерге арналған "Алтын жүрек" ескерткішін ашты

Айта кетейік, Қазақстанда маусымның әр үшінші жексенбісі Медицина қызметкерінің күні аталып өтеді. Биыл мереке 20 маусымға сәйкес келеді.

62
Кілт сөздер:
марапат, вакцина
Тақырып бойынша
Екінші қазақстандық вакцинаның сынағы басталады: еріктілерге қанша теңге төленеді
Қазақстанның бас санитар дәрігері жаңа қаулы шығарды – елде не өзгерді
Қазақстан ислам елдеріне QazVac вакцинасын тегін жіберуге дайын – Тоқаев
Тоқаев халықты вакцинаны белсенді түрде салғызуға шақырды
Білім министрі Асхат Аймағамбетов

Бірыңғай кеңістік құрылады: білім министрлері Аймағамбетовтің идеясын қолдады

895
Орталық Азия елдері өңірлік ынтымақтастықты кеңейтіп, жоғары оқу орындарының ғылыми, зияткерлік және шығармашылық әлеуетін біріктіреді

НҰР-СҰЛТАН, 19 маусым – Sputnik. Орталық Азия елдерінде жоғары білім берудің бірыңғай Орталық Азия кеңістігі құрылады. Мұндай шешім Түркістандағы Орталық Азия елдері білім министрлерінің қатысуымен өткен форумда қабылданды, деп хабарлайды білім министрлігінің баспасөз қызметі.

Шараға Қазақстан, Өзбекстан, Түркіменстан және Қырғызстан білім министрлері, сондай-ақ Орталық Азия елдеріндегі білім министрліктерінің өкілдері, халықаралық ұйымдар, ректорлар және тағы басқалары қатысты.

Қазақстанның білім және ғылым министрі Асхат Аймағамбетов жоғары білім беру саласында Орталық Азия кеңістігін құруды ұсынды. Шетелдік әріптестері оның бастамасына қолдау білдірген. Форум қорытындысы бойынша Түркістан декларациясы қабылданды.

"Жоғары білім берудің бірыңғай Орталық Азия кеңістігін құру бүгінгі таңда объективті қажеттілік болып отыр. Жыл сайын танылатын білім туралы құжаттардың жалпы санының 70%-ке жуығы –  Орталық Азия жоғары оқу орындарының құжаттары. Бүгінде Орталық Азия елдерінің 20 мыңға жуық азаматы Қазақстанның жоғары оқу орындарында білім алады. Бұл көрсеткіш жыл сайын өсіп келеді", - деді Аймағамбетов.

Тағы оқыңыз: 2021 жылы магистратура және докторантураға түсу ережелері қандай

Министр бірыңғай кеңістік аясында Еуропадағы сияқты біліктілікті танудың жеңілдетілген процедурасы мәселесін қарастыруға болатынын айтты.

Түркістан декларациясына сәйкес, енді Орталық Азия мемлекеттері өңірлік ынтымақтастықты кеңейтіп, бүкіл Орталық Азия жоғары оқу орындарының ғылыми, зияткерлік және шығармашылық әлеуетін біріктіреді.

Сондай-ақ тараптар студенттермен алмасу үшін білім бағдарламаларының, бірлескен ғылыми жобалардың санын ұлғайтуға және ОА елдерінің көшбасшы студенттері арасында өзара байланыс орнатуға, тәжірибе алмасу және жұмыс бағыттарын талқылау үшін ОА елдерінің жоғары оқу орындары ректорларының форумдарын өткізуге келісті. 

Орталық Азия кеңістігіне қатысушы елдердің ынтымақтастығы Болон процесі қағидаты бойынша ұйымдастырылады. Сондай-ақ жоғары білім саласындағы Орталық Азия кеңістігі жанынан білім министрліктері арасындағы жұмысты үйлестіру, жоғары білімнің тартымдылығын арттыру және бәсекеге қабілеттілікті күшейту үшін хатшылық құрылады.

Түркістан декларациясы ынтымақтастықтың келесі бағыттарын көздейді:

  • ОА елдері жоғары оқу орындарының альянсын қалыптастыру;
  • ОА елдерінің білім беру сапасын қамтамасыз ету жөніндегі аккредиттеу кеңесін құру;
  • ОА елдері студенттерінің альянсын құру;
  • Біліктілікті және білім туралы құжаттарды тану жөніндегі ұйымдар қауымдастығын құру.
895
Кілт сөздер:
Орталық Азия, жоғары білім алу, Асхат Аймағамбетов
Тақырып бойынша
Қыркүйектен бастап студенттер 31 мың теңге алады
"Әділдік үшін өзгертіп жатырмыз": Аймағамбетов биылғы жаңашылдықтар туралы айтты
"Бұл - өте маңызды мәселе": Аймағамбетов жаңа бұйрыққа қол қоятынын айтты
Аймағамбетов қазақстандық мұғалімдерге хат жазды
Жол апатынан үш адам қаза болды

Атырау облысында жеңіл көлік пен автобустың соқтығысуынан үш адам қаза болды

0
"Жол қозғалысы ережесін бұзу" бабы бойынша қылмыстық іс қозғалды. Бұл бап бес жылдан он жылға дейінгі мерзімге бас бостандығынан айыру жазасын қарастырады  

НҰР-СҰЛТАН, 19 маусым – Sputnik. Атырау облысында жол апатынан үш адам көз жұмды.

"Ақ Жайық" сайтының хабарлауынша, жол апаты жұма күні, 18 маусымда күндіз болған. Күндізгі сағат төрт шамасында Доссор-Құлсары тасжолында Toyota Camry жолаушылар автобусымен соқтығысқан.  

Салдарынан үш адам сол жерде көз жұмды, тағы екеуі түрлі жарақатпен Мақат аудандық ауруханасына жеткізілді.

Жергілікті полицияның мәліметінше, 345-бап "Жол қозғалысы ережесін бұзу" бойынша тергеу басталды. Айта кетейік, бұл баптың төртінші бөлігіне сәйкес кінәлі адам бес жылдан он жылға дейін бас бостандығынан айырылады.

0