Мемлекет басшысы Қасым-Жомарт Тоқаев

Тоқаев: әркімнің көрпені өзіне тартуы үлкен қателік

2091
(Жаңартылды 17:25 15.02.2021)
Үйлестіру кеңесі ішкі істер органдарындағы, қаржы мониторингі мен сыбайлас жемқорлыққа қарсы күрес қызметіндегі реформаларды үйлестірумен айналысады

НҰР-СҰЛТАН, 15 ақпан – Sputnik. Мемлекет басшысы Қасым-Жомарт Тоқаев құқық қорғау құрылымдарының іс-қимылдарын үйлестіруді жолға қоюды тапсырды, деп хабарлайды Ақорда.

"Өкілеттіліктерді бір-бірінен алу, әркімнің көрпені өзіне тартуы – үлкен қателік. Ешкімнің өз құзыретінен айрылғысы келмейтіні түсінікті. Бірақ мәселенің төркінінде жеке амбициялар мен мекеменің мүдделері емес, барша қоғам мен мемлекеттің мүддесі тұруы тиіс", - деді президент Бас прокуратура, облыстардағы және республикалық маңызы бар қалалардағы прокуратуралар басшыларының қатысуымен өткен онлайн кеңесте.

Осыған байланысты Тоқаев Үйлестіру кеңесінің қызметін қайта жасақтауды тапсырды. Оның міндеті – ішкі істер органдарындағы, қаржы мониторингі мен сыбайлас жемқорлыққа қарсы күрес қызметіндегі реформаларды үйлестіру, барлық құқық қорғау жүйесінің қызметін жақсартудың жаңа тәсілдерін іздестіру.

Мемлекет басшысы бақылаушы органдардың қызметкерлеріне "Халық үніне құлақ асатын мемлекет" тұжырымдамасын іске асырудың маңыздылығы туралы айтты. Онда азаматтардың өтініштерімен жұмыс істеуге үлкен мән берілгенін ескертті.

– Прокуратура органдарына жыл сайын тұрғындардан өте көп арыз-шағым келіп түседі. Соңғы үш жылдың ішінде 650 мыңға жуық шағым берілген. Әрбір арыздың артында адам тағдыры, ондаған, тіпті жүздеген адамның мүддесі тұр, – деді Президент.

Қасым-Жомарт Тоқаев азаматтардың шағымдарына нақты әрі түсінікті жауап беру қажет екенін атап өтті.

 

2091
Кілт сөздер:
Бас прокуратура, Қасым-Жомарт Тоқаев
Жауынгерлер

1 наурызда әскерге шақыру басталады министрлік негізгі өзгерістерді жариялады

1283
Әскерге шақыру барысынан хабардар ету процесін автоматтандыру мақсатында биыл пилоттық режимде SMS-хабарламалар тарату жоспарланып отыр

НҰР-СҰЛТАН, 26 ақпан – Sputnik. Қорғаныс министрлігі көктемгі әскерге шақыру шараларын өткізу тәртібін түсіндірді, деп хабарлайды Sputnik Қазақстан тілшісі.

Бас штабтың ұйымдастыру-жұмылдыру жұмысы департаментінің бастығы Сәкен Жүсіповтің айтуынша, көктемгі әскерге шақыру науқаны 1 шілдеге дейін жалғасады. Осы уақыт ішінде 18 бен 27 жастағы 13,5 мыңнан астам адам әскерге жіберіледі деген жоспар бар. Пандемияға байланысты сақтық шараларына баса назар аудырылады.

Сонымен қатар, халықпен тікелей қарым-қатынасты азайту әрі көктемгі әскерге шақыру барысынан хабардар ету процесін автоматтандыру мақсатында пилоттық режимде мерзімді әскери қызметке шақырылуға тиісті азаматтарға SMS-хабарламалар тарату жоспарланып отыр. Хабарламалар "1414" арқылы жіберіледі.

Департамент бастығының айтуынша, әскерге шақырылғандар ПТР-тесттен өтіп, коронавирусқа қарсы вакцина да салынады.

"Әскерге шақырылатындарға ПТР-тест екі рет жасалады. Біріншісі – әскери жиын пунктінде, ал екіншісі – әскери бөлімдерде жүргізіледі. Ал оларға вакцина егу жеке құраммен бірге қызмет өткеру орындарында ұйымдастырылатын болады", – деді Жүсіпов орталық коммуникациялар қызметінде өткен онлайн брифингте.

Осы орайда департамент басшысы әскери міндеттіліктен жалтарғаны үшін әкімшілік және қылмыстық жазаның бар екенін еске салды.

"Әскерге шақыруды кейінге қалдыру немесе одан босату мәселелерін ақша үшін көмек көрсетуге уәде беретін адамдар арқылы шешуге әрекет етпеңіздер. Олар – алаяқтар. Әскерге шақыруды кейінге қалдыруды онсыз да беруге болатынын біле тұра, халықтың хабарсыз екенін пайдаланып, ақша алуға тырысатындар жоқ емес. Ондай жағдайда сыбайлас жемқорлық жағдайлары бойынша қорғаныс істері жөніндегі департаменттерге немесе сенім телефонына хабарласу қажет", – деп атап көрсетті Жүсіпов.

Қандай жағдайда кейінге қалдыруға болады?

Бүгінде заң бойынша әскерге шақыруды бірнеше жағдайда кейінге қалдыруға болады. Олар:

  • отбасы жағдайына байланысты;
  • білімді жалғастыруға;
  • денсаулыққа байланысты.

Бұдан бөлек, педагог мамандарға да әскерге шақыруды кейінге қалдыруға мүмкіндік беріліп отыр.

Оқи отырыңыз: "Біз емес, коронавирус кінәлі": Қазақстанда әскерге шақыру қалай жүріп жатыр

Айта кетейік, 8 ақпанда Қазақстан президенті Қасым-Жомарт Тоқаев мерзімді әскери қызметтегі әскери қызметшілерді запасқа шығару, сондай-ақ, 2021 жылдың наурыз – шілдесінде және қыркүйек – желтоқсанында мерзімді әскери қызметке шақыру туралы жарлыққа қол қойған болатын.

1283
Кілт сөздер:
әскерилер, әскери борыш
Тақырып бойынша
Дабыл бойынша көтерілді: қазақстандық әскерилер тауда құтқару операциясын бастады
Әскерилер коронавирус індетімен күресуге қауқарлы ма?
Тоқаев дезинфекция жасап жүрген жігітті таныды - видео
Президент әскерилер мен полицейлерді марапаттады
Әскерге шақыру басталды: полковник күзгі науқан несімен ерекшеленетінін айтты
Кісенделген күдікті, архивтегі сурет

Қазақстандық психологтар педофилдердің ұқсас белгілерін анықтады

233
(Жаңартылды 14:12 26.02.2021)
Психологтар балаларға сексуалдық сипатта зорлық көрсеткені үшін сотталғандардың биологиялық және биографиялық мәліметтерін салыстырып, бірқатар сәйкестіктерді анықтады

НҰР-СҰЛТАН, 26 ақпан – Sputnik. Қазақстанның қылмыстық-атқару жүйесінің психолог мамандары педофилдерге тән белгілердің біршама ұқсастығын айқындауға тырысты, деп хабарлады Қарағанды облысы қылмыстық-атқару жүйесі департаментінің баспасөз қызметі.

Қарағанды облысындағы түрмелерде балаларға қатысты сексуалдық сипаттағы зорлық-зомбылық көрсеткен екі жүзге жуық азамат жазасын өтеп жатыр.

Педофилдің белгілерін анықтау үшін психологтар сотталғандармен сұқбаттасып, олардың өмірбаянымен танысты және түрлі зерттеу жүргізді.

Сонымен, педофилия үшін сотталғандардың негізгі белгілері:

  • орташа жасы – 32,5 жас (ең жас сотталған азаматтың жасы 17-де, ал ең ересегі 59-да);
  • көбісінің өз балалары бар;
  • 75%-і бұрын сотты болмаған;
  • толық отбасында өскен;
  • отбасында жалғыз бала болған;
  • жұмысшы мамандығына оқыған;
  • зиянды әдеттері бар;
  • заңды некеге тұрмаған;
  • флегматиктер немесе меланхоликтер;
  • астениктер (бойы ұзын және арық);
  • бала кезінде психологиялық зақым келген.

Сонымен қатар мынандай заңдылықты анықтау мүмкін болды: кәмелет жасына толмағандарға қатысты сексуалдық сипаттағы зорлық көп жағдайда сәуір және мамыр айында, өте сирек жағдайда ақпан айында жасалады.

Оқи отырыңыз: "Кастрация жасалғанда қатты қиналдым": педофил журналистермен сөйлесті

233
Кілт сөздер:
психологтар, педофил
Тақырып бойынша
Педофил құрбанына айналған қыздың ағасы Қостанайдан табылды
Қарағанды облысында балаларды бірнеше рет зорлаған педофил сотталды
Келбетін өзгертіп, шетелге қашқан педофил 13 жылдан кейін ұсталды
Күйеуі жазған SMS-тен күдіктенген: Түркістан облысында қызын зорлаған педофил сотталды
Байқоңырда педофил өмір бойына түрмеге қамалды – оқиғаның мән-жайы
Маңғыстау облысында педофил өмір бойына сотталды
Оқиға орнында түсірілген сурет

Алматы маңында Ан-2 ұшағы далалы аймаққа шұғыл қонды видео

0
(Жаңартылды 15:03 26.02.2021)
Боралдай – Кеген бағыты бойынша санитарлық рейс орындайтын Ан-2 ұшағы тас жол маңына шұғыл қонды

НҰР-СҰЛТАН, 26 ақпан – Sputnik. Санитарлық рейс орындайтын "Азия Континенталь" компаниясының Ан-2 ұшағы Алматы облысындағы Боралдай тас жолынан шығысқа қарай бір жарым шақырым қашықта шұғыл қонуға мәбүр болды, деп хабарлады азаматтық авиация комитеті.

"Ұшақ бортында бес адам болған. Зардап шеккендер мен қаза тапқандар жоқ", – делінген хабарламада.

Ақпаратта төтенше жағдай бүгін сағат 12:30-да болғанын атап өткен. 

Посмотреть эту публикацию в Instagram

Публикация от Sputnik Казахстан (@sputniknewskz)

Тергеу шараларын индустрия және инфрақұрылымды дамыту министрлігінің әуе кемелері апаты мен оқиғаларды тергеу басқармасы жүргізеді.

Айта кетейік, осыған ұқсас жағдай 8 ақпан күні Шығыс Қазақстан облысында болған. Өскемен – Зайсан бағытында санитарлық рейс орындайтын Ан-2 ұшағы шұғыл қонған.

Оқи отырыңыз: Жолаушы ұшақ қозғалтқышы өртенген сәтті видеоға түсіріп алды

Зайсан қаласындағы науқасқа көмек көрсету үшін ұшып шыққан ұшақ бортында үш экипаж мүшесі мен екі медициналық қызметкері болған.

Кейіннен ұшақтың қайта көкке көтерілгені хабарланған.

0
Кілт сөздер:
Алматы облысы, ұшақ апаты
Тақырып бойынша
Жеке ұшақ, қымбат көлік, бірнеше коттедж: Ертаев пен Ибрагимнің мүлкі тәркіленді
Испан кемпірқосағы мен отқа оранған ұшақ: Aerial Photography Awards 2020 үздік суреттері
Ұшақ бортында ауырып қалған бала Ақтауда қайтыс болды
Индонезиядағы Boeing 737 апаты: құтқарушылар ұшақ жолаушыларының дене бөлшектерін тапты
Бразилияда футболшылар мінген ұшақ апатқа ұшырады
Алматыда ұшақ әуежайға қонар кезде оқыс оқиға болды