Ғалымдар коронавирустың түсін анықтады
(Жаңартылды 09:00 17.02.2021)
Зерттеушілер SARS-CoV-2 молекулаларының өлшемі жарық толқыны ұзындығынан аз деп отыр. Пішіні шарға ұқсасНҰР-СҰЛТАН, 17 ақпан — Sputnik. Зерттеушілер COVID-19-дың түсін анықтады, деп хабарлайды Le Parisien.
"Коронавирустың нағыз түсі - қара және ақ", - деп түсіндірді Әлеуметтік ғылымдар жоғары мектебінің профессоры Андрэ Гютер.
Оның айтуынша, COVID-19-ды түрлі-түсті деп айтқан дұрыс емес. Өйткені SARS-CoV-2 молекулаларының өлшемі жарық толқыны ұзындығынан аз. Пішіні шарға ұқсас.
"Қызыл, сары, қызғылт түстер бөліктерді анығырақ көрсету үшін қолданылады. 3D өлшемдердің де мақсаты осы", - деді Гютер.
Дүниежүзілік денсаулық сақтау ұйымы әлемде 108,5 миллион адам коронавирус жұқтырғанын хабарлады. Джонс Хопкинс университеті мәліметіне сәйкес, бұл көрсеткіш 109 миллионнан асқан. 2,4 миллиона адам көз жұмды.
АҚШ, Үндістан, Бразилия және Ұлыбританияда індетке шалдыққандар саны ең көп.
Кілт сөздер:
Тақырып:
Сенат депутаты кейбір қазақстандықтарға кредиттік каникул беруді ұсынды
НҰР-СҰЛТАН, 13 мамыр – Sputnik. Сенатор Әлімжан Құртаев оңтүстіктен солтүстікке қоныс аударған азаматтардың "Еңбек" бағдарламасына қатысуына толыққанды жағдай жасалмай отырғанын айтты, деп хабарлайды Sputnik Қазақстан тілшісі.
Құртаев әкімдіктер солтүстікке қоныс аударушыларға өмір сүру мен еңбек етуге лайықты жағдай жасамай отыр деп санайды.
"Көшуге ниет білдірген отбасы өзі баратын өңірдің ауданы туралы барлық ақпаратқа толық қол жеткізе алмайды. Сондықтан олардың таңдауы шектеулі. Кейбір әкімдіктер отбасын қалаған ауылға емес, әкімдік өзі көрсеткен елді мекенге жібереді", – деді ол вице-премьер Ералы Тоғжановқа жолдаған депутаттық сауалында.
Тағы бір мәселе – тұрғын үйдің сапасы. Оның айтуынша, кейбір өңірлерде жер үйлердің құрылысымен фермерлік шаруашылықтар айналысады және баспананы келісу процесінен толық өтпестен сала береді. Осының кесірінен үйлердің сапасы сын көтермейді.
Сонымен қатар Құртаев банкте қарызы бар азаматтар субсидияға қол жеткізе алмай қиналатынын атап өтті. Депутат бұл мәселені шешу үшін несиелік каникул беруді ұсынды.
"Көшіп барған азаматтардың екінші деңгейлі банктерде несиесі болған жағдайда, алты айдан бір жылға дейін каникул берілсе. Себебі көшіп барған азаматтардың несиелік қарызы болса, оларға субсидия берілмей жатыр", – деді сенатор.
Бұдан бөлек, депутат оңтүстіктен солтүстікке көшетін тұрғындар арасында түсіндіру жұмыстарын күшейтуді ұсынды. Ол үшін кем дегенде жіберуші және қабылдаушы облыстарда Call-орталық ашу қажет. Онда қоныс аударушыларға толық ақпарат пен барлық сұрақтарына жауап берілуі керек.
"Call-орталықтар тиімді жұмыс істеуі үшін көшуге ниет білдірген азаматтарды бос жұмыс орындары, баспанамен қамту, көрсетілген облыстарда шаруашылықтың қандай түрімен айналысуға болатыны және тағы басқа мәселелерден хабардар ете алатын мамандарды тарту қажет", – деді Құртаев.
Депутат Павлодар облысындағы оң тәжірибені тілге тиек етті. Айтуынша, бұл өңірде жаңадан көшіп келгендерді қоныс аударушыларға арналған бейімдеу орталығының жатақханасына уақытша орналастырып, қажетті мамандарды аудандарда сұранысқа ие жұмыс орындарына орналастырады.
Оқи отырыңыз: Сенатор Мұрат Бақтиярұлы қандастарға берілген үйлерде "мал да тұрмайтынын" айтты
Сенатор орталықтың жұмысы тиімді екенін айтып, басқа облыстарда да осындай мекемелер ашуды ұсынды.
Кілт сөздер:
Қазақстанда өткен тәулікте 25 адам коронавирус пен пневмониядан қайтыс болды
НҰР-СҰЛТАН, 13 мамыр – Sputnik. Денсаулық сақтау министрлігі коронавирус пен ковидті пневмониядан қайтыс болу статистикасын жариялады.
Ведомство мәліметінше, 11 мамырда 20 адам COVID-19 індетінен, тағы бесеуі коронавирус белгісі бар пневмониядан қайтыс болды, бірақ ПТР сынағы теріс.
Коронавирус салдарынан қайтыс болғандардың көпшілігі Алматыда тіркелді – 6, Қарағанды облысында – 3, Нұр-Сұлтан мен Шымкент қаласында және Атырау, Батыс Қазақстан облысында – 2, Ақтөбе, Алматы, Шығыс Қазақстан облысында бір адамнан тіркелді.
"13 мамырдағы жағдай бойынша 39 626 адам коронавирустық инфекцияны емдеуді жалғастыруда (39 143 CVI+ және 483 CVI-), оның ішінде 14 124 науқас ауруханада, 25 502 пациент амбулаториялық деңгейде ем қабылдауда. 788 науқас ауыр жағдайда болса, 183 адамның хәлі ауыр дәрежеде және 116 науқас жасанды тыныс алдыру аппаратына қосылған", – делінген хабарламада.
Айта кетейік, пандемия басталғаннан бері Қазақстанда коронавирустың 350 591 жағдайы анықталды, 307 464 адам сауығып шығып, 3 984 науқас көз жұмды.
Оқи отырыңыз: Ғалымдар организмдегі коронавирусты 5 минуттың ішінде өлтіретін өнімді атады
Кілт сөздер:
Тақырып: