Маман ЭКО жасатуға зейнетақы ақшасын алуға тыйым салу себебін түсіндірді
НҰР-СҰЛТАН, 19 ақпан – Sputnik. Қазақстандықтарға экстракорпоральды ұрықтандыру (ЭКО) үшін жинақталған зейнетақы қаражатын алуына рұқсат етілмейді. Мамандардың түсіндіруінше, аталған процедура үшін медициналық сақтандыру қорының квота саны жеткілікті деңгейде бөлінген.
Орталық коммуникациялар қызметінде өткен брифинг барысында медициналық көмекті ұйымдастыру департаменті директорының орынбасары Гүлнәр Сәрсенбаева биыл Қазақстанда "Аңсаған сәби" арнайы бағдарламасы басталғанын және соның шеңберінде бөлінген қаражат есебінен ЭКО жасатуға квота алуға болатынын түсіндірді.
"Қазақстанда жыл сайын МӘСҚ шеңберінде мыңға жуық квота бөлінеді. Осы жылдан бастап квота саны жеті есеге – жеті мыңға көбейтілді. МӘСҚ аясындағы бұл қызметтер критерийлерге сәйкес мұқтаж отбасылар болып табылады. Сондықтан да мұндай қажеттіліктің бар-жоғы анықталған соң, бұл мәселені әрі қарай қарастырамыз және осы ережелерге енгізуге болады", – деді денсаулық сақтау министрлігінің өкілі.
Гүлнәр Сәрсенбаеваның пікірінше, жеті мың квота аталған санаттағы процедураны толығымен қамтамасыз ете алады.
Оқи отырыңыз: Зейнетақы жинағын пайдалану: БЖЗҚ салық төлеу тәртібін түсіндірді
Кілт сөздер:
Алматыда санитарлық патрульдер пайда болады
НҰР-СҰЛТАН, 6 наурыз – Sputnik. Алматының бас санитар дәрігері Жандарбек Бекшин мегаполис аумағында эпидемиологиялық жағдайдың тұрақсыз болуына байланысты жаңа қаулыға қол қойды, деп хабарлайды Sputnik Қазақстан.
Құжатқа сәйкес, кез келген ойын-сауық және бұқаралық шараларды, оның ішінде үйде өткізуге сол күйі тыйым салынған. Бұл жерде үйлену тойы, еске алу, көрмелер және адам көп жиналатын басқа да іс-шаралар туралы сөз болып отыр.
Сонымен қатар, қызметі әлі жанданбаған нысандардың жұмыс істеуіне рұқсат етілмейді. Олар: боулинг орталықтары, компьютерлік клубтар ("Ashyq" пилоттық жобасына қатысатын объектілерді қоспағанда), бильярд, караоке, батут, түнгі клубтар, букмекер кеңселері, лото және ойын клубтары, жабық ғимараттағы ойын алаңдары мен аттракциондар, спорт нысандарында орналасқандарды қоспағанда, мұз және роликті мұз айдындары.
"Сауда кәсіпорындары қауымдастығының ұсынысына сәйкес, ауданы 1000 ш. м. асатын сауда орындарына (COCO, CY, базарлар), қоғамдық тасымалдауды жүзеге асыратын ұйымдарға (автобус, троллейбус, метро) адамдардың әлеуметтік қашықтық пен маска режимін сақтауын тұрақты бақылау үшін санитарлық патрульдер құру ұсынылады", - делінген қаулыда.
Қаулы 9 наурызда күшіне енеді.
Құжаттың толық мәтінімен мына сілтеме арқылы танысуға болады.
Кілт сөздер:
Тақырып:
Бас санитар дәрігер жаңа қаулыға қол қойды
НҰР-СҰЛТАН, 6 наурыз – Sputnik. Қазақстанның бас санитар дәрігері Ерлан Қиясов жаңа қаулыға қол қойды.
2020-2021 оқу жылының үшінші тоқсанында рұқсат етіледі:
- оқушылар саны 300-ге дейін контингенті бар, сыныптарда 15-тен көп емес бала санымен қалалық және ауылдық мектептерде дәстүрлі форматта оқытуға;
- 2021 жылғы 1 наурыздан бастап жалпы білім беретін мектептерде мектеп алды сыныптардың, 1 сыныптан 5 сыныпқа дейін қоса алғанда, халықаралық мектептерде 1 сыныптан 7 сыныпқа дейін қоса алғанда, сыныптарда 25-ке дейін бала санымен оқушыларды аралас форматта оқытуға;
- оқу бітіретін сыныптар (9, 11 (12) сыныптар) үшін аптаның 6 күні ішінде аралас форматта оқытуға: пәндердің 70%-ы штаттық режимде, 30%-ы қашықтықтан оқытуға (сыныпта 15 адамнан артық емес, "1 сынып - 1 кабинет" қағидаты бойынша оқыту, санитариялық-дезинфекциялық және маска режимдерін сақтау);
- білім беру мекемесі әкімшілігінің шешімі бойынша сабақтан тыс уақытта 15 адамнан аспайтын топтарда оқушыларды жеке оқытуға рұқсат беріледі.
Қаулы 2021 жылдың 9 наурызы сағат 00:00-де күшіне енеді.
Құжаттың толық мәтінімен мына жерден таныса аласыз.
Тақырып:
Қазақстанның 12 өңірінде дабылды ескерту жарияланды – ертеңге ауа райы болжамы
НҰР-СҰЛТАН, 6 наурыз – Sputnik. Синоптиктердің болжамынша, республиканың басым аумағында көктайғақ, жаңбыр және бұрқасын, сондай-ақ тұман болады.
Дабылды ескерту
Атырау облысында тұман түседі, көктайғақ болады. Желдің жылдамдығы секундына 20 метрге дейін жетеді.
Жамбыл облысында тұман мен көктайғақ болжануда. Желдің күші секундына 20 метрге дейін барады.
Түркістан облысында қалың тұман түседі.
Ақтөбе облысында бұрқасын, көктайғақ, тұман, қатты жел болады.
Павлодар облысында кей жерлерде бұрқасындатып, тұман түседі, көктайғақ күтілуде.
Қарағанды облысында – тұман және көктайғақ.
Қызылорда облысында тұман түсіп, 15-20 м/с жел соғады.
Маңғыстау облысында да тұман және 15-20 м/с жел болжанып отыр.
Ақмола облысында тұман, көктайғақ және бұрқасын болады.
Батыс Қазақстан облысында қатты жел тұрып, тұман басады, бұрқасын соғады, көктайғақ болады.
Солтүстік Қазақстан облысында – қар, жаңбыр, тұман және көктайғақ.
Қостанай облысында бұрқасын, тұман және көктайғақ болады.
Мегаполистердегі ауа райы
Нұр-Сұлтанда күн бұлтты, түнде ауа температурасы -2-4°C, күндіз 0+2°C. Желдің жылдамдығы – секундына 15-20 метр.
Алматыда күн бұлтты, сынап бағанасы түнде 0+2°C, күндіз +10+12°C көрсетеді.
Шымкентте ауа райы жауын-шашынды. Желдің екпіні секундына 13 метрге дейін барады, ауа температурасы түнде +2+4°C, күндіз +7+9°C.
Кілт сөздер: