Дәрігер, вакцина

Жұрт коронавирусқа қарсы вакцинаны салдырудан неге қорқады

618
(Жаңартылды 20:45 21.02.2021)
Адамзатты әбігерге салған COVID-19 індеті бәсеңдемей тұр. Бүгінде әлемде қауіпті вирусты 111 миллион адам жұқтырды, 2,5 миллионнан астамы қайтыс болды. Қазақстанда пандемия басталғалы індетке шалдыққандар саны 207 мыңнан асқан

Бір жыл уақыт өтсе де, әлем дәрігерлері коронавирустың емін таба алмай әлек. Десе де, қуанышты жаңалық та жоқ емес. Бірнеше ел COVID-19-ға қарсы вакцина әзірлеп шығарды. Қазір коронавирусқа қарсы вакциналау біраз мемлекетте жүріп жатыр, оның ішінде Қазақстан да бар.

Елде вакцинация 1 ақпанда басталды. Вакциналау науқаны туралы әңгіме басталғалы бері қазақстандықтардың көбі үрей құшағында. Дені екпе салдырғаннан гөрі, ауырып шыққан артық деп санайды. Мұның астарында халықтың билікке деген күмәні мен сенімсіздігі жатыр. Бұған негіз де жоқ емес.

"Спутник V" вакцинасын егу науқаны жиырма күн бұрын басталды. Бірақ, неге екені белгісіз, министрлер мен депутаттар бұл вакцинаны салдыруға асығар емес. Мәжіліске қайта оралған Дариға Назарбаеваның 3 ақпан күні "әрине, мен "Спутник V" вакцинасын салдырамын, сіздерге де кеңес беремін" деп айтқаны естеріңізде шығар. Екі жұмадан аса уақыт өтті, депутат ханымның екпе алып-алмағаны әлі күнге дейін белгісіз. Ал президент Қасым-Жомарт Тоқаев пен денсаулық сақтау министрі Алексей Цой отандық QazCovid-In вакцинасының қорытындысын күтіп отыр.

Тағы оқыңыз: Спутник V вакцинасын әзірлеуге қатысқан қазақ жайлы не білеміз

Осы орайда халықты вакциналауға үндеп отырған билік неге өзі бірінші болып үлгі көрсетпейді деген орынды сұрақ туады. Екпе ектіруге батылы жетпей жүрген атқамінерлерді көргенде, қарапайым халықтың қорқынышы мен күдік-күмәнін түсінгендей боласың. Бұл бір.

Екіншіден, коронавирусқа қарсы вакциналар жайлы ақпарат тапшы. Мәселен, қазақстандық QazCovid-In вакцинасы. Отандық препараттың ресейлік "Спутник", я да Pfizer, Moderna вакциналарынан айырмашылығы, тиімділігі, құрамы, дайындалу әдісі туралы мағлұмат жоқтың қасы. Адамдарда вакциналарды өздігінен зерттеп-зерделеп, өз еркімен саналы түрде таңдау жасау мүмкіндігі жоқ. Қазақстандықтар отандық вакцинаның наурыз айына қарай шығатынынан ғана хабардар. Сол себепті вакцинаны әзірлеушілер халыққа барынша ашық болып, екпе жайлы толық мәлімет ұсынғаны жөн.

Үшіншіден, коронавирусқа қарсы вакциналардың өте қысқа мерзімде дайын болуы. Әдетте, ғалымдардың айтуынша, бір вакцинаны әзірлеп, сынақтың барлық түрінен өткізуге кемінде бес-алты жыл қажет. Ал COVID-19-ға қарсы вакциналар бір жылға жетпейтін уақытта дайындалды. Ресей "Спутник V" вакцинасын клиникалық сынақтың үшінші кезеңі аяқталмай жатып, тіркеп жіберді. Жалпы, қазір бірде-бір вакцина сынақтың үшінші кезеңінен толық өтіп бітпеген.

Бір жағынан, мұндай асығыстықтың себебі коронавирусты тез арада тоқтату екені түсінікті. Екінші жағынан, алпауыт елдер арасында қазір вакцина соғысы жүріп жатыр. Пандемиядан бүкіл саланың тұралап, дағдарысқа түскенін ескерсек, вакцина өндірісімен пайда табу кез келген ел үшін тығырықтан шығудың бір жолы.

618
Кілт сөздер:
коронавирус, вакцина
Тақырып:
COVID-ке қарсы вакцина (102)
Қазақстан зергерлер лигасы заңды тұлғалар бірлестігінің төрағасы Қайсар Жұмағалиев

Қазақстандық шеберлер Еуразия зергерлік бюросының ашылуын күтіп жүр

19
Бұл отандық зергерлік бұйымдарды одан әрі дамыту және экспорттау үшін жаңа мүмкіндіктерге жол  ашады

НҰР-СҰЛТАН, 26 ақпан — Sputnik. Қазақстандық зергерлер аз уақыт ішінде "Астана" халықаралық қаржы орталығы (АХҚО) алаңында Еуразия зергерлік бюросы ашылады деп үміттеніп отыр. Бұл отандық зергерлік бұйымдарды одан әрі дамыту және экспорттау үшін жаңа мүмкіндіктерге жол ашады. Осы жөнінде Sputnik Қазақстан баспасөз орталығында өткен онлайн-брифинг кезінде "Қазақстан зергерлер лигасы" заңды тұлғалар бірлестігінің төрағасы Қайсар Жұмағалиев мәлімдеді.

"АХҚО алаңында Еуразия зергерлік бюросының ашылуы біздің зергерлердің экспортқа шығуына ықпал етуі керек. Оның үстіне Ресей Федерациясы зергерлік бұйымдарды сүйемелдеу үшін басқа елдердегі өз сауда өкілдіктерін ұсынуға дайын", - деді Жұмағалиев.

АХҚО жанынан бюро ашу туралы мәселеге бизнес те қолдау көрсеткен. Нәтижесінде зергерлер өз бетінше шеше алмайтын мәселелердің шешімі табылады. Сондай-ақ, Ереван мен Мәскеу де өз аумағында Еуразия зергерлік бюросын ашу құқығы үшін таласқан болатын.

"Астана" АХҚО – бұл посткеңестік кеңістіктегі бірегей қаржы орталығы. Мұнда ағылшын құқығы, арбитраж бар. Мұның барлығы шетелдік инвесторлар үшін қызықты болатыны сөзсіз. Сонымен қатар, мұнда салықтық жеңілдіктер жасалып, инвестицияларды тартудың жеңілдетілген тәртібі құрылады және тағы басқа шаралар қабылданады", - деді ол.

Қазіргі жағдайда қазақстандық зергерлерге өндірісті дамыту және нарыққа шығу оңай соқпай жатыр.

"Мысалы, Еуропаға шығу үшін және өз зергерлік бұйымдарыңды таныстыру үшін миллиондаған доллар қажет. Бұл әрбір зергер көтере алатын шығын емес. Біздің жақында құрылатын ұйымымыз (Еуразия зергерлік бюросы) нарыққа талдау жүргізуге мүмкіндік береді. Біз бірінші қатардағы көрмелерге қатыса аламыз. Бүгінгі күні қазақстандық зергерлер негізінен көпшілікке аса танымал емес екінші және үшінші деңгейдегі көрмелерге қатысып жүр. Сонымен қатар, нарыққа үнемі қатысу қажет. Көрмеге келіп, бір-екі апта тұрып, одан соң кетіп қалу жарамайды. Сені ұмытып кетеді", - деді Лига басшысы.

Ол қазақстандық зергерлердің экспорттық әлеуеті жоғары екенін мәлімдеді. Бұған халықаралық көрмелерде қазақстандық зергерлік бұйымдарға деген жоғары қызығушылық дәлел бола алады.

"Әлі есімде, 2017 жылы Еревандағы халықаралық көрмеге қатыстық. Ол шараға қатысқан француз зергерлер біздің күмістен жасалған бұйымдарымызды түгелдей сатып алды. Француздар мұндай бұйымдарда шебердің саусақ іздері, оның еңбегі көрініп тұрады, қолдан жасалған бұйымның жаны бар деп санайтындарын айтқан", - деді Жұмағалиев.

Жұмағалиев атап өткендей, еуразиялық зергерлік брендті енгізу қосымша ауқымды инвестицияларды қажет етпейді. Себебі  Қазақстанда да сапаға қатысты дәл осындай мемлекеттік стандарттар қолданыста бар.

19
Монета

Зейнетақы жинағын жеке басқаруға қалай беруге болады қысқаша нұсқаулық

56
Зейнетақы жинағын басқаруға рұқсат етілген басқарушы компаниялардың тізімі қаржы реттеуші сайтында ай сайын жарияланып отырады

НҰР-СҰЛТАН, 26 ақпан — Sputnik. Қаржы нарығын реттеу және дамыту агенттігінің порталы – Fingramota.kz зейнетақы жинағын жеке басқаруға қалай беруге болатыны туралы ақпарат жариялады.

Зейнетақы жинағын жеке басқаруға берудің алты қадамы

1. Ең алдымен салымшы БЖЗҚ-дағы өзінің жеке зейнетақы шотында басқарушы компанияға беруге қолжетімді зейнетақы жинағының сомасын тексеруі керек. Бұл сома үкімет бекіткен жеткіліктілік шегінен жоғары болуға тиіс. Жеткіліктілік шегі туралы мына жерден білуге болады.

Сақтандыру компаниясымен зейнетақы аннуитеті шарты жасалған жағдайда зейнетақы жинағы жеке оның зейнетақы шотындағы қалдығы шегінде берілуі мүмкін.

2. Одан кейін Қаржы нарығын реттеу және дамыту агенттігі (ҚНРДА) сайтынан зейнетақы активтерін басқаруға рұқсат берілген жеке басқарушы компаниялардың тізімін зерделеу қажет. Айта кету керек, зейнетақы активтерін басқаруға рұқсат берілген басқарушы компаниялардың тізімі ай сайын жарияланады.

3. Салымшы инвестициялық декларациясы талаптарға және тәуекелдерге сәйкес келетін басқарушы компанияны өз бетінше таңдауға тиіс.

БЖЗҚ-ның сайтынан зейнетақы активтерін сенімгерлік басқару туралы шарт жасасқан жеке басқарушы компаниялар және олардың инвестициялық декларациялары туралы ақпаратпен танысуға болады.

4. Зейнетақы жинағының бір бөлігін жеке басқарушы компанияға беру туралы өтініш ұсыну үшін БЖЗҚ сайтындағы жеке кабинет арқылы кіру немесе қор бөлімшелерінің біріне бару керек.

5. БЖЗҚ өтінішті, жеке басын куәландыратын құжаттың шынайылығын және салымшыда басқарушы компанияға беру үшін қолжетімді зейнетақы жинағы сомасының болуын тексереді.

Қандай да бір сәйкессіздіктер анықталған болса, өтініш берген күннен кейін 5 күн ішінде салымшының өтінішін қанағаттандырмау туралы хабарлама келуі мүмкін.

6. Ал егер барлығы заң талаптарына сәйкес болса, онда БЖЗҚ өтініш түскен күннен кейін 30 күнтізбелік күн ішінде өтініште көрсетілген зейнетақы жинағының сомасын салымшы таңдаған басқарушы компанияға аударады.

56
Кілт сөздер:
зейнетақы жинағы
Тақырып:
Зейнетақы қорындағы ақшаны мерзімінен бұрын алу
Тақырып бойынша
Зейнетақы жинағын сенімгерлік басқаруға беру: қалай табыс алуға болады
БЖЗҚ Қазақстандағы ең жоғары зейнетақыны атады
Қазақстандықтардың зейнетақы жинағы бір айда 255,5 миллиард теңгеге өсті
Зейнетақы қорында жеткіліктілік шегін қалдырмауға болады – не істеу керек
"100 мың теңге жоғалтасыз": зейнетақы қоры ескерту жасады