Вице-министр Ажар Ғиният коронавирусқа қарсы вакцина салдырып жатыр

Бас санитар дәрігер мен вице-министр "Спутник V" вакцинасының екінші дозасын алды

116
(Жаңартылды 10:02 22.02.2021)
Бүгін, 22 ақпанда республикада коронавирусқа қарсы "Спутник V" вакцинасының екінші дозасын салу науқаны басталды

НҰР-СҰЛТАН, 22 ақпан – Sputnik. Денсаулық сақтау вице-министрі – Қазақстанның бас мемлекеттік санитар дәрігері Ерлан Қиясов пен денсаулық сақтау вице-министрі Ажар Ғиният коронавирусқа қарсы ресейлік вакцинаның екінші дозасын алды, деп хабарлайды Sputnik Қазақстан тілшісі.

Вице-министрлер "Спутник V" вакцинасының екінші дозасын елордадағы №6 қалалық емхана базасында салдырды.

Қиясов та, Ғиният та вакцинаның бірінші дозасынан кейінгі жағдайы жақсы екенін айтты.  

Бұл жолы министрлік санитарлық талаптарды сақтау мақсатында медициналық мекемеге журналистерді шақырған жоқ. Шенеуніктерге вакцина егу республикалық "Хабар 24" телеарнасында тікелей трансляция арқылы көрсетілді. 

Вице-министр здравоохранения – главный государственный санитарный врач Ерлан Киясов и вице-министр здравоохранения Ажар Гиният получили вторую дозу вакцины от коронавирусной инфекции Спутник V
Денсаулық сақтау вице-министрі – бас мемлекеттік санитар дәрігер Ерлан Қиясов вакцинаның екінші дозасын алды

Екінші дозаны алғаннан кейін вице-министрлер журналистердің сұрақтарына жауап берді. 

"Өзімізді жақсы сезінеміз, ешқандай жанама әсері байқалып отырған жоқ", - деді Ажар Ғиният.

Ғинияттың айтуынша, бүгінгі таңда "Спутник V" вакцинасының бірінші дозасын 19 мыңнан астам адам алған. 22 ақпаннан бастап медициналық мекемелерде вакцинаның екінші дозасы егіледі.

"Қазіргі таңда Қазақстанның 20 мыңға жуық азаматы бірінші дозаны алды. Олардың арасында әзірге COVID-19 жұқтырғандар жоқ", - деді Қиясов.

Сондай-ақ, ол коронавирусқа қарсы вакцинаны үлкен қызы да салдыратынын атап өтті. Айтуынша, қазір ол кезегін күтіп жүр.

"Отбасы мүшелерінің ішінде тек үлкен қызым ғана вакцина алатындардың тобында, ол жоғары оқу орнының студенті. Вакцина салдыруға жазылып та қойды. Кезегі келгенде алады, әрине", - деді Қиясов.

Оқи отырыңыз: Жұрт коронавирусқа қарсы вакцинаны салдырудан неге қорқады 

Айта кетейік, вакцинация екі кезеңнен тұрады: бірінші дозадан кейін 21 күн өткен соң, екіншісі егіледі.

Вакцинаның бірінші дозасы вице-министрлерге 1 ақпанда дәл осы қалалық емхана базасында егілген еді.

2021 жылдың 1 ақпанында Қазақстанда халыққа ерікті түрде коронавирусқа қарсы екпе егу науқаны басталды. "Спутник V" вакцинасының бірінші партиясы елге 22 мың доза көлемінде жеткізіліп, бүкіл өңірлерге жеткізілген еді.

Денсаулық сақтау министрлігі жыл соңына дейін алты миллионға жуық адамға вакцина салуды жоспарлап отыр.

2021 жылдың 12 ақпанында ресейлік вакцина Қазақстан аумағында тіркелді.

Қазір вакцина өндірісі Қарағанды фармацевтикалық кешенінің базасында жолға қойылған: ақпанда – 90 мың доза, наурызда – 150 мың доза, сәуірден маусымға дейін – ай сайын 600 мың дозаға жетеді. Алдын ала мәліметтер бойынша, "Спутник V" вакцинасының тиімділігі шамамен 96% құрайды.

116
Кілт сөздер:
коронавирус, вакцина
Тақырып:
COVID-ке қарсы вакцина (102)
Тақырып бойынша
Қазақстанда әскерилерге вакцина егу қашан басталатыны белгілі болды
Спутник V вакцинасын әзірлеуге қатысқан қазақ жайлы не білеміз
Коронавирусқа қарсы вакцина бедеулікке ұшыратпайды
Бұрынғы денсаулық министрі Досқалиев COVID-ке қарсы вакцина туралы не дейді
Қазақстан "Спутник V" вакцинасын ресми түрде тіркеді
Әлеуметтік желілер

Бас прокуратура желіде тараған ақпаратқа қатысты түсініктеме берді

1405
Әлеуметтік желілер мен мессенджерлерде Бас прокуратураның қаулысы таратылып жатыр. Бұл ақпарат жоққа шығарылды

НҰР-СҰЛТАН, 27 ақпан – Sputnik. Желіде Қазақстанның бас прокурорының жалған қаулысы таратылып жатыр.

Хабарламада Ресейде есепке қойылған көлік иелеріне Қазақстан аумағында бас сенімхатсыз жүруге тыйым салынатыны жазылған. Бас прокуратураның баспасөз қызметі бұл ақпаратты жоққа шығарды, деп хабарлады Stopfake.kz.

"Желіде Бас прокурор бас сенімхатсыз ресейлік автокөлікті басқаруға тыйым салу туралы қаулыға қол қойғаны жазылып жатыр. Бұл ақпарат шындыққа жанаспайтынын хабарлаймыз. Бас прокурор бекіткен құқықтық актілердің мәтіндері ресми сайтта жарияланған", – делінген Бас прокуратураның ресми хабарламасында.

Жалған хабарға мұқият қарағанда, орта мектептің мөрі қойылғанын байқауға болады. Сондай-ақ, мәтінде құжат ішкі істер министрлігінің ресми сайтында жарияланғаны айтылған, бірақ іс жүзінде сайтта мұндай ақпарат жоқ.

Фейкті жасаған адам негізге алып отырған "Әкімшілік рәсімдер туралы" заңда 60-бап жоқ. Олардың саны 25 қана.

Сондай-ақ, фейк мәтінінде грамматикалық және стилистикалық қате көп екені байқалады.

Бас прокуратура арандатушылыққа бой алдырмауды және тек ресми дереккөздерге ғана сенуді сұрады.

 

1405
Тақырып бойынша
Қазақстандықтар бас прокуратураның алдына жиналды
"Малсың деген": Желіде тараған видеодағы қыздың анасы оқиғаның қалай болғанын айтты
Прокуратураның бұрынғы қызметкері өз әйелін пышақтап өлтірді
Үсті-басын қар басқан қостанайлық полицейдің фотосы желіде қызу талқыланып жатыр
Бас прокуратура қазақстандықтарға ескерту жасады 
Қалыңдық, архивтегі сурет

Қазақ бизнесмен мен украиналық тележүргізушінің тойы қалай өтті видео

3851
Қалыңдық бірге түскен суретпен Instagram парақшасында бөлісті. Үйлену тойы Мальдивтегі Воава жеке аралында өтті

НҰР-СҰЛТАН, 27 ақпан – Sputnik. Қазақстандық бизнесмен Алмаз (тегі белгісіз) украиналық тележүргізуші  Иванна Онуфрийчукке үйленді. Қалыңдық бірге түскен суретпен Instagram парақшасында бөлісті.

Посмотреть эту публикацию в Instagram

Публикация от Іванна Онуфрійчук (@ivannaonufriichuk)

Үйлену тойы Мальдивтегі Воава жеке аралында өтті.

Посмотреть эту публикацию в Instagram

Публикация от Іванна Онуфрійчук (@ivannaonufriichuk)

Шақырылған әртістер қатарында Дан Балан, Дима Монатик сынды әртістер болды. Тойды шоумен Александр Белов пен тележүргізуші Екатерина Варнава өткізді.

Посмотреть эту публикацию в Instagram

Публикация от Іванна Онуфрійчук (@ivannaonufriichuk)

Иванна Онуфрийчук "Без галстука" авторлық шоуын жүргізеді. "Страна.ua" басылымының ақпаратына сәйкес,  бизнесмен Швейцарияда тұрады.

3851
Тақырып бойынша
Тойда күйеуін қызғанған әйелдің әрекеті жұрттың ішек-сілесін қатырды – видео  
Тойда қалыңдығының әзілін көтере алмаған күйеу жігіт жұрттың ашуына тиді – видео
Қалыңдық үйлену тойын жасау үшін күтпеген қулыққа барды
Тойда ерсі қылық жасаған танымал әнші концерт қою құқығынан айырылды – видео
Қарағандыда тойда түсірілген видео желіде тарап кетті
Өмірзақ Шөкеев бес адамның қаза болу себебін анықтау жөніндегі комиссия отырысын өткізді

Түркістандағы төрт бала мен анасының өлімі: қылмыстық іс қозғалды

0
(Жаңартылды 10:19 28.02.2021)
Облыс әкімі полиция мен төтенше жағдайлар департаментіне қайғылы оқиғаға байланысты жан-жақты тергеу жүргізуді тапсырды

НҰР-СҰЛТАН, 28 ақпан — Sputnik. Түркістанда әйел мен оның төрт баласының қазасынан кейін қылмыстық іс қозғалды.

Түркістан облысы әкімінің баспасөз қызметінің хабарлауынша, өңір басшысы Өмірзақ Шөкеев бес адамның қаза болу себебін анықтау жөніндегі комиссия отырысын өткізген.

"Облыс басшысы полиция департаментіне, төтенше жағдайлар департаментіне жан-жақты тергеу жүргізуді, болған оқиғаға кінәлілерді табу және жазалауды тапсырды. Қылмыстық іс қозғалды. Тергеу амалдары жүргізілуде", - делінген хабарламада.

Денсаулық сақтау басқармасының психологтары қайтыс болған жандардың туыстары мен жақындарына көмек көрсетеді.  5 адамның денесін жерлеу орнына жеткізу үшін көлік берілді, жерлеуді ұйымдастыруға қосымша жәрдем көрсетіледі.

27 ақпанда Түркістан қаласындағы жеке тұрғын үйлердің бірінен әйел мен төрт баланың мәйіті табылғаны хабарланды. 40 жастағы әйел және 2004, 2006, 2013, 2016 жылы туған балалары иіс тиіп қайтыс болған. Үйде газбен жылытатын жабдық қойылған. Отағасы кәсіпкерлікпен айналысады, ол емделу үшін Шымкент қаласына кеткені белгілі болды.

Газовое отопление в доме в Туркестане, где погибли пять человек
© Photo : МЧС Республики Казахстан
Бес адамның мәйіті табылған үйдегі газбен жылыту жабдығы
0
Кілт сөздер:
қылмыстық іс, Түркістан облысы