Ақша, теңге

Әртістер зейнетақы жинағының бір бөлігін алу туралы: не істеймін оны

3074
(Жаңартылды 19:27 23.02.2021)
Қазақстандық әртістер зейнетақы қорында қанша қаражат жатқанын білмейтінін айтты. Кейбірінің зейнетақыға қатысты өзгерістен хабары жоқ

АЛМАТЫ, 23 ақпан – Sputnik. Қазақстандықтар бірыңғай жинақтаушы зейнетақы қорындағы қаражатының бір бөлігін тұрғын үй сатып алуға, тұрғын үй жағдайын жақсартуға немесе емделу ақысын төлеуге пайдалана алады. Бұл өзгеріс аясында 700 мың азамат жиналған қаржының бір бөлігін алу мүмкіндігіне ие. Sputnik Қазақстан тілшісі қазақстандық әртістерге хабарласып, олардың бұл тізімде бар-жоғын сұрады.

Әнші әрі ұстаз Толқын Забирова қорда қанша ақша жиналғанын көруге уақыт болмайтынын жеткізді.

"Мүлде қараған жоқпын. 20 жылдан астам уақыттан бері өнер академиясында жұмыс істеймін, бірақ сол уақыттан бері тексермеппін. Оған уақыт та жоқ. Ай сайын түсіп тұратынын білемін. Мүмкін зейнет жасына жақындағанда іздеп көрермін", - деп күлді Толқын Забирова.

Толқын Забирова - әнші
© Sputnik / Тимур Батыршин
Толқын Забирова

Зейнетақы жинағын емделу үшін пайдалануға болады. Алайда әнші ол қаржыға жүгінбейтінін айтты.

"Шынын айту керек, ол қаржыға жүгінбеймін. Бір күні өзіме қатты керек болып жатса, ақтарып қарайтын шығармын. Қанша ақша жиналғанын көрермін. Менің естуім бойынша, ол жердегі соманы толық ала алмайсың. Бірақ соны алу туралы ойламаппын", - дейді Забирова.

Ал 2000 жылдан бері театр актері болып жұмыс істейтін Назгүл Қарабалина жиналған қаражатты тексеруге болатынын естіп таңғалды.

"Зейнетақы жинағымда қанша қаражат бар екенін білмейді екенмін. Оны алу, тіпті тексеруден хабарым болмады. Оны қайдан білуге болады? Жалпы зейнетақы жинағына қатысты өзгерістер болып жатқанын әлеуметтік желіден көрдім, бірақ қызығып, әрі қарай зерттемедім", - дейді Қарабалина.

Оның айтуынша, кіріс-шығысты өзі есептейді, алайда зейнетақы жинағын тексеріп көру туралы ой болмаған.

"Қажеттілік жоқ. Не істеймін оны? Оны қайдан көруге болатынын да білмейді екенмін. Жалпы цифрлы технология мүмкіндіктерін пайдалануға жоқпын, тек Instagram желісіне арасында кіріп тұрамын. Біз кәсіпкер емеспіз, кіріс-шығысты өзім есептеймін. Алайда шамамен қанша қаржы жиналып тұрғанынан да хабарым жоқ", - дейді актриса.

Ал әнші Құралай Бекжанова зейнетақы жинағында ақша жоқ екенін айтты.

"Мен еш жерде жұмыс істемеймін. Еркін адаммын. Менде зейнетақы жинағы да жоқ. Біраз жыл бұрын Жүргенов атындағы өнер академиясында жұмыс істедім. Ол кезде жалақым 30-40 мың теңге еді. Содан ұлым дүниеге келетін кезде жұмыстан шығып кеттім. Қайта шақырды, бармадым. Өзім бір кабинетті жалға алып, балаларға сабақ бердім. Айына 30 мың теңгені қолма-қол төлейтін. Осылай айына 200-300 мың теңге табыс таптым", - дейді Бекжанова.

Айтуынша, карантин кезінде өнер орталығын жапты. – Зейнетақы қорына ақша салмаймын. Алайда қартайғанда зейнетақы алып отыру үшін керек шығар, деп түйіндеді ол.

Ал 4-5 жылдан бері мемлекеттік қызметте жұмыс істейтін "Музарт" тобының мүшесі Кенжебек Жанәбілов ай сайын зейнетақы жинағына қаржы түсіп тұратынын айтты.

"Жаңалықтарды қалдырмай көріп отырамын, бірақ зейнетақы туралы өзгерісті естімедім. Мемлекеттік қызметте жұмыс істеймін, ай сайын зейнетақы жинағыма ақша түсіп тұрған шығар. Оны қатты қадағалап жатқан жоқпын. Қанша ақша жатқанын білмеймін", - дейді Жанәбілов.

Зейнетақы жинағын кім ала алады

Қазақстан президенті 1 қыркүйекте халыққа жолдауы кезінде зейнетақы жинағын тұрғын үй сатып алу, емделу, қаржы компанияларына басқаруға беру үшін пайдалануға берілетінін хабарлады.

2021 жылдан бастап зейнетақы жинағының бір бөлігін алуға болады. Алайда қаражат адамның жеке шотына аударылмайды және қолма-қол берілмейді.

Еңбек және халықты әлеуметтік қорғау министрлігінің мәліметінше, келесі жылдан бастап зейнетақы жинағының бір бөлігін жұмсау мүмкіндігіне 721 мың азамат ие болады. Олар:

  1. зейнетақы жинағы бар, қордағы ақшасы "жеткіліктілік шегінен" асатын еңбекке жарамды жастағы азаматтар – 529,7 мың адам;
  2. Бірыңғай жинақтаушы зейнетақы қорында жинағы бар зейнеткерлер – 178,4 мың адам;
  3. зейнетақы аннуитетін рәсімдеген және шотында жинағы қалған қазақстандықтар – 13,3 мың адам.

Сонымен қатар әртүрлі жастағы азаматтар зейнетақы жинағынан ақша алуы үшін жасына қарай шотта болуы керек соманың жеткіліктілік шегі бар.

Мысалы, 20 жастағы азаматтың шотында ең кемі 1 миллион 720 мың теңге болуы керек. Ал 30 жастағы азамат үшін жеткіліктілік шегі – 2 миллион 518 мың теңге.

3074
Кілт сөздер:
зейнетақы, әртіс
Тақырып:
Зейнетақы қорындағы ақшаны мерзімінен бұрын алу (79)
Тақырып бойынша
Зейнетақы жинағын пайдалану: өтінім берушілердің басты 5 қателігі
Маман ЭКО жасатуға зейнетақы ақшасын алуға тыйым салу себебін түсіндірді
Зейнетақыны пайдалану: жинақтағы қаражатты қалай тексеруге болады
Зейнетақы жинағын пайдалану: емделуге өтінім қабылдау мерзімі аталды
Қазақстандықтардың зейнетақы жинағы бір айда 255,5 миллиард теңгеге өсті
Архивтегі сурет

Қазақстан мен Қырғызстан арасында тауар айналымы неге түсіп кетті

6
Сауда және интеграция министрі Бақыт Сұлтанов пандемия мен коронадағдарыс салдарынан екі елдің экономикасы да минусқа кеткеніне сенімді

НҰР-СҰЛТАН, 13 мамыр – Sputnik. Былтыр Қазақстан мен Қырғызстан арасында тауар айналымы 2019 жылмен салыстырғанда 15,3%-ке төмендеген. Сауда және интеграция министрі мұның себебін түсіндірді, деп хабарлайды Sputnik Қазақстан тілшісі.

Сенаттың жалпы отырысында депутат Бауыржан Қаниев Қазақстан мен көрші қырғыз елі арасында тауар айналымы неге кемігенін сұрады.

"Министрліктен алған ақпаратқа сәйкес, Қазақстан мен Қырғызстан арасында былтыр тауар айналымы 2019 жылмен салыстырғанда 15,3%-ке төмендеген. Экспорт 9,9%-ке, импорт 26%-ке кеміген. Ал сауда балансы, керісінше, 20,6 миллион АҚШ долларына өскен. Бұл немен байланысты", - деді сенатор.

Сауда және интеграция министрі Бақыт Сұлтанов пандемия мен коронадағдарыс салдарынан екі елдің экономикасы да минусқа кеткенін айтты.

"Жалпы біздің экспортымыз да, импортымыз да төмендеді. Бірақ импорттың төмендеуі көбірек болды. Экспорт 62 миллион долларға, ал импорт 92 миллионға қысқарды. Сондықтан арадағы айырмашылық сауда балансының жақсаруына тікелей әсер етіп тұр", - деп түсіндірді министр.

Осы ретте ведомство басшысы нақты қандай тауарлардың экспорты мен импорты азайғанына тоқталды.

Оқи отырыңыз: Қазақстан мен Ресей арасындағы тауар айналымы пандемияға дейінгі деңгейге жетті - Мамин

Айтуынша, бидай экспорты 18 миллион долларға, темекі өнімдері 11,5 миллион долларға, металл конструкциялар 6 миллион долларға қысқарған.

Ал импорт бойынша – былғарыдан жасалған аяқ киімдер 15 миллионға долларға, сәндік косметика 12 миллион долларға азайған.

6
Кілт сөздер:
Қазақстан, Қырғызстан, сауда, тауар, экономика
Тақырып бойынша
Министрлік қаңтар айында ел қазынасы қанша теңгемен толыққанын айтты
Қазақстан экономикасы қалпына келіп жатыр – министр
Парламент ЕАЭО аумағында тауарлардың қауіпсіздігін қамтамасыз ететін заңды қабылдады
Азық-түлік бағасы тағы да қымбаттап жатыр
Досаев бензин неге қымбаттағанын түсіндірді
Жүктілік, архивтегі фото

Еңбек министрлігі декреттік жәрдемақыны рәсімдеуге қатысты жаңа мәлімет таратты

146
Декретке шығуды жоспарлап отырған әйелдер енді халыққа қызмет көрсету орталығында кезекте тұрып құжат өткізбесе де болады. Олар үшін жұмыс берушілер әлеуметтік төлемді рәсімдей алады

НҰР-СҰЛТАН, 13 мамыр – Sputnik. Қазақстандықтар жүкітілік және босануға байланысты әлеуметтік төлемді проактивті түрде рәсімдей алады. Еңбек және халықты әлеуметтік қорғау министрлігінің хабарлауынша, енді жұмыс берушілер қажетті мәліметті электрондық еңбек биржасының порталы арқылы беруге тиіс.

Осылайша жүктілігіне байланысты демалысқа шығатын әйелдер халыққа қызмет көрсету орталығында құжат тапсырмайды.

"Осы жылдың мамырынан бастап электрондық еңбек биржасында Қазақстанның жұмыс берушілері үшін жүктілікке және босануға байланысты әлеуметтік демалыстарды еңбек шарттарын есепке алудың бірыңғай жүйесінде тіркеу мүмкіндігі берілді. Осының арқасында демалысқа шыққан қызметкерлерге тиісті әлеуметтік төлемді тағайындауды өтініш берушінің қатысуынсыз проактивті форматта жүзеге асыруға болады", - делінген ақпаратта.

Ол үшін жұмыс беруші жұмыскердің демалысқа шығу фактісін электрондық еңбек биржа порталындағы жеке кабинетте тіркеуі қажет.

Оқи отырыңыз: Қазақстанда зейнетақы мен жәрдемақы тағайындау қызметі қашан цифрландырылады

Деректер еңбек шарттарын есепке алудың бірыңғай жүйесіне жіберіледі, одан сұрау салу бойынша әлеуметтік төлемдер тағайындау үшін "Азаматтарға арналған үкімет" мемлекеттік корпорациясына" беріледі.

Көрсетілетін қызметті алушыға SMS-хабарлама арқылы проактивті форматта әлеуметтік төлем тағайындауға келісімін алу бойынша сұрау түседі. Оған үш күн ішінде жауап беру қажет.

146
Кілт сөздер:
Қазақстан, жәрдемақы, босану, жүктілік, декреттік демалыс
Тақырып бойынша
Нұр-Сұлтанда соғыс ардагерлеріне 1 млн теңгеден төленеді
Биыл Чернобыль ардагерлеріне 540 миллион теңге жәрдемақы төленеді
Солтүстік Қазақстанда атаулы әлеуметтік көмек алғандардың басы дауға қалды
Балаға төленетін жәрдемақы көтеріле ме – үкімет жауап берді 
Доллар купюрасы

Коронавирусқа қарсы вакцина салдырғандарға 1 миллион доллар беріледі

0
Губернатор Майк Деуайнның айтуынша, үлестірілетін қаражат COVID-19-ға байланысты құрылған қордан алынады

НҰР-СҰЛТАН, 13 мамыр – Sputnik. АҚШ-тың Огайо штатының билігі коронавирусқа қарсы вакцина салдырған азаматтар арасында лотерея өткізуге шешім қабылдады, деп хабарлады РИА Новости.

Губернатор Майк Деуайнның айтуынша, жеңімпаз атанған бес адамның әрқайсысына бір миллион доллар табысталады.

"Екі аптадан кейін 26 мамырда біз үлкен кісілерге арналған лотереяның жеңімпазын жариялаймыз. Оған вакцинаның бір дозасын алып, қатыса беруге болады. Жеңімпаздың есімін сәрсенбі сайын бес апта бойы жариялап тұрады. Осылайша, әр сәрсенбіде жеңімпазға бір миллион доллар табысталады", – дейді Деуайн.

Оның сөзіне қарағанда, ұтыстың ақшасы федералдық қордан алынады. Ал бұл қор COVID-19-ға байланысты құрылған болатын.

Айта кетейік, пандемия басталғалы бері АҚШ-та 33 миллионға жуық адам коронавирус жұқтырды. Олардың ішінде 590 мың науқас қайтыс болды.

Оқи отырыңыз: Қытайлық вакцина туралы не білеміз – маңызды 10 сұрақтың жауабы

Жақында осы елде вакцина салдырған азаматтардың саны 100 миллионнан асты. Президент Джо Байден 4 шілдеге дейін вакцинаның бірінші дозасын ересек адамдардың 70 процентіне салу жоспарланып отырғанын мәлімдеді.

0
Кілт сөздер:
екпе, вакцина, АҚШ
Тақырып:
COVID-ке қарсы вакцина
Тақырып бойынша
Коронавирусқа қарсы әлемдегі ең үздік вакцина анықталды
Коронавирусқа қарсы екпе қалай салынады – видео
Екпе салдырған қазақстандықтар жұмыстан босатыла ма
Вакцина салдырғаннан кейін екпе куәлігін ашып көрген елорда тұрғыны аң-таң болды
Нұр-Сұлтанда QazVac-пен вакциналау басталды: астаналықтар екпе туралы не дейді - видео