Kaspi bank карточкасы мен смартфон, иллюстративті фото

Желіде тараған ақпаратқа қатысты қаржы министрлігі түсініктеме берді

2450
Министрлік YouTube-те жарияланған барлық ақша аударымына салық салынатыны туралы видеоның жалған екенін мәлімдеді

НҰР-СҰЛТАН, 24 ақпан – Sputnik. Қазақстандағы барлық ақша аударымдарына салық салынатыны туралы ақпарат жалған болып шықты, деп хабарлайды stopfake.kz.

YouTube желісіндегі RasTime арнасында ролик авторлары аударым сомасына және оның тағайындалуына қарамастан, барлық аударымға салық салынатынын айтқан.

Ол жеке тұлғаларға арналған ақша аударымдарына салық салу жүйесін әзірлеуге шақырған премьер-министрдің бірінші орынбасары Әлихан Смайыловтың сөзіне сілтеме жасаған.

Ақша аударымы мәселесіне алаңдаған азаматтар роликке 8 мыңнан астам пікір қалдырса, видеоны 120 мың адам көрген.

Осыған орай, қаржы министрлігі ақша аударымдарына салық салуға қатысты кезекті рет түсініктеме берді. Яғни, бұл шара тек заңды тұлғаларға қатысты және салық тек қызмет көрсету немесе тауар сату үшін кәсіпкерлер аударған ақшаға ғана салынады.

"Қазақстандықтарға енді картамен төленген әрбір сатып алу үшін, достарына немесе туыстарына жасаған ақша аударымы үшін салық төлейтіні туралы ақпарат шындыққа жанаспайды. Жеке тұлғалардың бірде-бір ақша аударымына салық салынбайды және мұндай салықты енгізу жоспарда жоқ. Бұл видеода жалған ақпарат ұсынылған", – деп хабарлады ведомствода.

Еске салсақ, бұған дейін ведомстводағылар жеке тұлғалар жасаған ақша аударымын тексеру жоспарда жоқ екенін айтқан болатын.

"Қаржы министрлігі мұндай аударымдарға салық салуды немесе қосымша төлем алуды көздемейді. Сондай-ақ, жеке тұлғалардың қолма-қолсыз ақша аударымдарын тексеруді жоспарлап отырған жоқпыз", – деді Әлихан Смайылов.

Оқи отырыңыз: Жеке куәліктің фотосын көрсете салуға болмайды – министрлік жаңа ережені түсіндірді

Ол жеке тұлғалар өз ақша аударымдары үшін алаңдамаса болатынын атап өтті.

2450
Кілт сөздер:
ақша, қаржы нарығы
Тақырып бойынша
ІІД: қолында балтасы бар қылмыскер Kaspi Bank-тен 23 млн теңге ұрлаған
Бағасы 124 миллион теңге: полицейлер су шашатын көлікті сатып алу себебін түсіндірді
Банктің "қара тізіміне" кірген адамдар оңалтылады – сарапшы мән-жайды түсіндірді
Маман ЭКО жасатуға зейнетақы ақшасын алуға тыйым салу себебін түсіндірді
"Кредитті артығымен төлейміз": Kaspi Bank халықтың наразылығына жауап берді 
Жандарбек Бекшин

Жандарбек Бекшин Ashyq мобильді қосымшасы қалай жұмыс істейтінін түсіндірді

16
Бекшин Ashyq қосымшаның жұмысымен танысқанда, кей нысандар ғимаратқа кіреберісте әртүрлі QR код енгізілгенін байқаған

АЛМАТЫ, 5 наурыз – Sputnik. Алматы қаласының бас санитар дәрігері Жандарбек Бекшин Ashyq мобильді қосымшасының қалай жұмыс істейтінін түсіндірді, деп хабарлайды Sputnik Қазақстан тілшісі.

Сондай-ақ, брифинг барысында Жандарбек Бекшин санитар дәрігерлер тұрғындармен бірге Ashyq мобильді қосымшасының кемшіліктерін анықтау қажет екенін айтты.

"26 ақпаннан бастап республиканың бас санитар дәрігерінің Ashyq мобильді қосымшасын енгізу туралы қаулысы қолданысқа енді. Алматыда қосымша пилоттық режимде сынақтан өтіп жатыр. Біздің міндетіміз – халықпен бірге осы қосымшаның кемшілігін анықтау. Келешекте қосымша жақсара түседі", – деді Бекшин.

Айтуынша, Ashyq қосымшасын пайдалану бизнес қауымдастық өкілдері үшін бірқатар маңызды артықшылықты ұсынады. Мысалы, Алматы қаласы "қызыл" аймақта болса, осы мобильді қосымшаны пайдаланатын объектілер "сары" аймақ режиміне сәйкес жұмыс істейді. Егер қала "сары" аймаққа ауысса, онда кәсіпкерлік нысандары "жасыл" аймақтың кестесі бойынша жұмыс істейді.

Сондай-ақ, бұл қосымша кәсіпкерлердің жұмысына көмектеседі.

"Пандемияның басталғанына бір аптадан кейін бір жыл болады. Әрбір адам денсаулығына мән береді. Біз де көмектескіміз келеді. Мәселен, ауру немесе науқаспен жақын байланыста болғандар үйде отырмайды. Оны вирус тасымалдаушы деп атауға болады. Біздің ең басты мақсатымыз – адамдарды оқшаулау. Сондықтан өзімізді, нысан қызметкерлерінің денсаулығын қорғауымыз керек", – деп түсіндірді қаланың бас санитар дәрігері Ashyq мобильді қосымшасының жұмысын.

Айтуынша, коронавирус табылып, бір аптада оқшаулауға алынған 100-ден аса адамның көрсетілген мекенжайда болмағаны анықталды.

"Санитар дәрігерлер вирустың таралуын болдырмауға тырысады, бірақ бір аптаның ішінде 32 адамның көрсетілген мекенжайлар бойынша тұрмайтыны, 70 адамның тұрғылықты жері бойынша үйінде болмағаны, үйде оқшаулау режимін бұзғаны анықталды", – деді Бекшин.

Айта кетейік, қазір бұл қосымшаны 27 алматылық кәсіпкер сынақтан өткізіп жатыр. Олардың ішінде 10 кафе мен мейрамхана иесі, 15 фитнес орталығы, СПА және бассейн иелері бар. Тағы 4 боулинг орталығы бұл қатарға қосылады.

Сондай-ақ Жандарбек Бекшин Ashyq қосымшасын пайдаланатын нысандарды аралап, қосымшаның жұмысымен танысқанын айтты.  Оның сөзінше, кей нысандарда ғимаратқа кіреберісте әртүрлі QR код енгізілген.

"Бұл өте ыңғайсыз. Мен барлық кіріске бірдей код енгізуді ұсындым", – деді ол.

Ashyq мобильді қосымшасы қалай жұмыс істейді?

Белгілі бір нысанға келуші Ashyq мобильді қосымшасын өз телефонына жүктеп, телефон нөмірі бойынша авторизация жібереді. ЖСН енгізу және өзінің нысанға келгенін тіркеу үшін мекеменің QR-кодын сканерлеуі қажет. Сондай-ақ шығу кезінде шығуды бекіту үшін QR кодын сканерлейді.

Егер келушіде смартфон болмаған жағдайда немесе осы мобильді қосымшаны жүктеу кезінде қиындықтар туындаған болса, жауапты тұлға, мекеме қызметкер келушінің ЖСН енгізу арқылы кіруін тіркей алады. Мұндай жағдайда келуші өз келісімін береді.

Оқи отырыңыз: Енді кейбір мекемелерге бұрынғыдай емін-еркін кіре алмайсыз: не істеу керек?

QR-кодты сканерлегеннен кейін мобильді қосымшада келушінің статусы түрлі-түсті форматта жанады. Ол бойынша адамның коронавирус жұқтырған адаммен байланыста болғаны немесе жұқтырғаны көрінеді:

  • жасыл статус – бұл келуші деректер базасында Сovid-19 теріс нәтижесі көрсеткен адам ретінде көрсетілген;
  • көк статус – ПТР нәтижелері жоқ, байланыста болған адам ретінде саналмайды;
  • сары статус – науқаспен байланыста болған адам;
  • қызыл статус – базада Covid-19 анықталған деп тіркелген.

Бұған дейін денсаулық сақтау министрі Алексей Цой Ashyq мобильді қосымшасы арқылы адамдарды қызыл, сары, көк және жасыл түстерге бөліп, кейбір мекемелерге QR-кодпен ғана кіретінін айтқан.

Мобильді қосымша QR-код арқылы денсаулық сақтау министрлігінің базасынан тиісті мәліметті алу арқылы келген адамның статусын, яғни коронавирус инфекциясынан шалдыққан ба, жоқ па, соны анықтайды.

16
Кілт сөздер:
Жандарбек Бекшин, коронавирус
Тақырып:
Коронавирус эпидемиясы
Қол қойып жатқан сәт, иллюстративті фото

Таразда облыс әкімдігінің қызметкері сотталды

53
Аса маңызды істер бойынша тергеуші Данияр Биғайдаровтың айтуынша, жыл басынан бері 120 адам сотталды

НҰР-СҰЛТАН, 5 наурыз – Sputnik. Тараз қаласында облыстық әкімдік қызметкері үш жарым жылға сотталды. Ол нақты жұмыстар атқарылмаса да, тиісті құжаттарға қол қойған.

Сыбайлас жемқорлыққа қарсы іс-қимыл агенттігінің мәліметіне сәйкес, Тараз қаласының №2 соты Жамбыл облысы әкімдігінің табиғи ресурстар және табиғат пайдалануды реттеу басқармасы басшысының орынбасары Шыршынбаевты 3 жыл 6 айға бас бостандығынан айыруға шешім шығарды.

Ол "Жамбыл облысының Мойынқұм және Қордай ауданындағы уран кен орындарының қалпына келтірілген нысандарында қоршауды қалпына келтіру және ескерту белгілерін орнату" нысаны бойынша орындалмаған жұмыстар үшін қабылдау актілеріне қол қойған.

"Осы ісімен ол лауазымдық өкілеттігін теріс пайдаланды деп күдіктеліп, мұндай әрекетімен мемлекетке 50 822 236 теңге залал келтірген", – деді аса маңызды істер бойынша тергеуші Данияр Биғайдаров.

Бұдан бөлек, Талдықорған қалалық сотының үкімімен "Талдықорған қаласының құрылыс бөлімі" ММ басшысы Телеубаев 4 миллион теңге көлемінде айыппұл төлеуге міндеттелді.

Ол 60 пәтерлі тұрғын үй құрылысы бойынша орындалған жұмыстар актісіне қол қойғаны үшін 400 мың теңгенің парасын алды.

Оқи отырыңыз: "Ондай жағдай болған жоқ": Шымкентте мектеп директоры 8 жылға сотталды

Жалпы биыл екі айдың ішінде 120 адам сотталды. Олардың ішінде пара алған, пара берген, алаяқтық пен ұрлық жасаған, сондай-ақ лауазымдық өкілеттіктерін теріс пайдаланған адамдар бар. Бас бостандығынан айыруға – 41, бас бостандығын шектеуге – 10, еселік айыппұлдарға – 63 адам, қалғандары шартты мерзімге не кейінге қалдырумен сотталды.

53
Кілт сөздер:
жемқорлық, пара
Тақырып бойынша
Маңғыстау облысында педофил өмір бойына сотталды
Танысын зорлады: Алматыда бұрынғы прокурор мен банк менеджері сотталды
Қазақстандық 1 000 теңге үшін сегіз жылға сотталды
Атырауда заңсыз ойын бизнесін ұйымдастырғандар сотталды
Тәжік азаматының арызынан кейін Сарыағаш тұрғыны төрт жарым жылға сотталды
Алтын құймасы

Ақмола облысында ірі мөлшерде алтын ұрланды полиция істің мән-жайын жариялады

13
Қазіргі кезде Қылмыстық кодекстің 188-бабы, 4-бөлігі бойынша сотқа дейінгі тергеу шаралары жүргізіліп жатыр

НҰР-СҰЛТАН, 5 наурыз – Sputnik. Ақмола облысында "Қазақалтын" компаниясына тиесілі 122 миллион теңгенің алтыны ұрланды, деп хабарлады облыстық полиция департаменті.

Ресми мәліметке сәйкес, 2 наурызға қараған түні "Қазақалтын" тау-кен комбинатында катодтық алтын ұрлап кеткен. Компанияға ірі көлемде шығын келді.

Қазіргі кезде Қылмыстық кодекстің 188-бабы, 4-бөлігі (ұрлық) бойынша сотқа дейінгі тергеу шаралары жүргізіліп жатыр. Шығынның жалпы көлемі 122 миллион теңгені құрап отыр.

"Осы іске қатысты адамдарды анықтау мақсатында арнайы шұғыл тергеу тобы құрылды. Оның құрамына криминалды полиция мен тергеудің тәжірибелі мамандары еніп отыр", – дейді полицейлер.

Оқи отырыңыз: Айдос Сарым жұрттың ашуын келтірген депутаттық төсбелгінің неге қымбат екенін түсіндірді

13
Кілт сөздер:
Ақмола облысы, ұрлық
Тақырып бойынша
"Алтын қима": сұлулық қалай өлшенетінін білесіз бе – фото
Қазақстандық оқушылар халықаралық олимпиададан алтын медаль жеңіп алды
Қазақстандықтар 2020 жылы 21 мыңнан астам алтын құйма сатып алған
"Қара" алтын іздеушілер: кеніштердегі заңсыздарға тосқауыл болатын не
Қазақстандық миллиардер Абрамовичтен 900 млн долларға не сатып алғаны жарияланды