Вакцина

Қазақстанда қанша адамға "Спутник V" вакцинасы егілді

264
Республика бойынша 786 егу пункті ұйымдастырылып, тоғыз мыңнан астам медицина қызметкері оқытылды

НҰР-СҰЛТАН, 24 ақпан – Sputnik. Ақпан айының басынан бері "Спутник V" вакцинасы 20 157 адамға егілді. Бұл туралы бас мемлекеттік санитар дәрігер – денсаулық сақтау вице-министрі Ерлан Қиясов мәлімдеді, деп хабарлайды Sputnik Қазақстан тілшісі.

"Коронавирусқа қарсы вакцинация жалғасып жатыр. Бүгінгі таңда вакцинаның бірінші дозасы 20 157 адамға егілді. 22 ақпанда екінші дозасын егу басталды. Қазір оны 2 137 адам алды. Әзірге вакцинаның адам денсаулығына теріс әсері тіркелген жоқ", – деді Қиясов онлайн брифингте.

Ол 23 ақпанда Қарағанды фармацевтика кешенінде өндірілген "Спутник V" вакцинасының екінші партиясы – 93 мың дозасы өңірлерге жеткізіле бастағанын атап өтті.

Айтуынша, бұл екпені медициналық қызметкерлерге салу науқанын аяқтап, педагогтерге егуді бастау жоспарланып отыр.

Республика бойынша 786 егу пункті ұйымдастырылған, қазір оның 170-і жұмыс істеп тұр. Тоғыз мыңнан астам медицина қызметкері оқытылды.

"Вакцинаның коронавирусқа қарсы қорғаныш әсері, яғни антидене бірінші дозадан 12-14 күн өткен соң пайда болады. Толыққанды иммунитет қалыптастыру үшін вакцинаның екі дозасын алу керек. Бірінші және екінші екпенің аралығы – 21 күн. Екпе егілген адамдар профилактикалық шараларды сақтауы қажет", – деп ескертті бас санитар дәрігер.

Ол 65 жастан асқан қарт адамдарға да жуырда коронавирусқа қарсы вакцина егуге рұқсат етілгенін айтты.

Қазақстан қай деңгейде тұр

Эпидемиологиялық жағдай матрицаға сүйенсек, соңғы екі апта бойы Қазақстан "жасыл" зонада тұр.

"Қызыл" аймақ бос, "сары" аймақта бес өңір – Нұр-Сұлтан қаласы, Батыс Қазақстан, Қостанай, Ақмола, Павлодар облыстары. Қалған өңірлер – "жасыл" аймаққа кірген.

Айта кетейік, Қазақстанда 1 ақпанда коронавирусқа қарсы жаппай вакцинация басталды.

Оқи отырыңыз: Бұрынғы денсаулық министрі Досқалиев COVID-ке қарсы вакцина туралы не дейді

Екпе, алдымен, инфекцияны жұқтыру және тарату қаупі жоғары халықтың осал топтарына кезең-кезеңмен салынады. Олардың ішінде медицина қызметкерлері, педагогтар, құтқарушылар, полицейлер, әскерилер, созылмалы ауруы бар адамдар бар. Екпе тегін және ерікті түрде егіледі.

264
Кілт сөздер:
вакцина, екпе
Тақырып:
COVID-ке қарсы вакцина (199)
Тақырып бойынша
Қазақстанда әскерилерге вакцина егу қашан басталатыны белгілі болды
Алматыда қанша медицина қызметкері вакцина салдырудан бас тартты
Шетелде салдырған вакцина Қазақстанда қабылдана ма?
Елорда тұрғындарына COVID-19-ға қарсы вакцина қашан салынады
Қиясов вакцина жайлы: екпе салдырғысы келетіндер өте көп
Зертхана қызметкері

Пандемияның екінші жылы адам өлімі әлдеқайда көп болуы мүмкін - ДДСҰ 

66
Адам өмірін сақтап қалудың жалғыз жолы – вакциналау мен қоғамдық денсаулық сақтау шараларын біріктіру

НҰР-СҰЛТАН, 15 мамыр - Sputnik. Коронавирус пандемиясының екінші жылы кісі өлімі көп болуы мүмкін, деді дүниежүзілік денсаулық сақтау ұйымының бас директоры Тедрос Адханом Гебресиесус. Бұл туралы РИА Новости хабарлады.

"Қазірдің өзінде COVID-19-дан 3,3 миллион адам көз жұмды. Біз пандемияның екінші жылына аяқ бастық, бірінші жылмен салыстырғанда осы жылы адам көп өлуі мүмкін. Адам өмірін сақтап қалудың жалғыз жолы – вакциналау мен қоғамдық денсаулық сақтау шараларын біріктіру", - деді ДДСҰ бас директоры.

Дүниежүзілік денсаулық сақтау ұйымының басшысы вакцина вирустан 100% қорғамайтынын тағы да атап өтті. Өйткені вакцина алған адамдар вирус жұқтырып алуы мүмкін, алайда олар жеңіл түрімен ауырады. Сондықтан ұйым басшысы "шектеулерді алып тастау шешімі елде вакцина салдырған адам санына қарай емес, коронавирустың таралуы деңгейіне қарай қабылдану керек", дейді.

Оқи отырыңыз: Елорда әуежайында Ashyq қосымшасы іске қосылды – видео

66
Кілт сөздер:
Дүниежүзілік денсаулық сақтау ұйымы, қайтыс болды, вакцина, коронавирус
Тақырып:
Коронавирус эпидемиясы
Тақырып бойынша
Вакцинаның екі дозасынан кейін коронавирус жұқтырғандардың саны жарияланды
Вакцина салдырғандарға маска тақпай жүруге бола ма – министрлік жауабы
Қазақстанда коронавируспен ауырған адамдардың саны күрт көбейді
Өткен тәулікте жиырмадан астам адам коронавирустан қайтыс болды
Министрлік коронавирустан қайтыс болғандардың статистикасын жариялады
Бала, ер адам, архивтегі фото

Нұр-Сұлтан тұрғындары педофилдер туралы хабарлама таратып жатыр

33
Полиция хабарламаны жоққа шығарып, оның Нұр-Сұлтан қаласына еш қатысы жоқ екенін мәлімдеді

НҰР-СҰЛТАН, 15 мамыр - Sputnik. Мессенджерлер мен әлеуметтік желіде елордада "педофилдер тобы" бар екен деген хабарлама таралып жатыр.

Нұр-Сұлтан тұрғындары педофилдер туралы хабарлама алған. Хабарламада үш ер адамның суреті де жүр.

"Елордада мұндай факт анықталған жоқ. Ақпарат шындыққа сәйкес келмейді. Нұр-Сұлтан полиция департаменті жалған ақпарат таратқаны үшін жауапкершілік қарастырылғанын ескертеді", - деп хабарлады полициядағылар.

Педофилдер тобы туралы дәл осындай хабарлама Шығыс Қазақстан тұрғындарын қорқытқан болатын. Өңірлік полиция ақпараттың Шығыс Қазақстан облысына қатысы жоқ екенін айтты.

Оқи отырыңыз: Педофилдер туралы хабарлама Шығыс Қазақстан полициясын әбігерге салды

33
Кілт сөздер:
Нұр-Сұлтан, жалған ақпарат, хабарлама, педофил
Ыстық ауа райы

36 градус ыстық және жел: ертең ауа райы қандай болады

975
(Жаңартылды 21:17 15.05.2021)
Қазақстанның бес облысында дабылды ескерту жарияланды

НҰР-СҰЛТАН, 15 мамыр - Sputnik. Синоптиктер республиканың басым бөлігінде ауа райы ашық болады деп болжайды. Бес облыста дабылды ескерту жарияланды.

Дабылды ескерту

Атырау облысында оңтүстік-шығыстан жел соғады, кей жерлерде секундына 15-20 метрге дейін жетеді. Түстен кейін 36 градусқа дейін қатты ыстық күтіледі.

Солтүстік Қазақстан облысында секундына 25 метрге дейін жел күшейеді.

Павлодар облысында кей жерлерде найзағай ойнап, секундына 20 метрге дейін жел күшейеді.

Қостанай облысында 35 градусқа дейін қатты ыстық болады деп болжануда.

Жексенбіде Қызылорда облысында кей жерлерде шаңды дауыл күтіледі, жел секундына 15-20 метрге жетеді.

Мегаполистегі ауа райы

Нұр-Сұлтанда күн бұлтты, жаңбыр жаууы мүмкін. Ауа температурасы түнде плюс 10-12, күндіз 27-29 градус ыстық. Желдің жылдамдығы секундына 9-14 метрді құрайды.

Алматыда күн бұлтты, жауын-шашын болуы мүмкін. Ауа температурасы түнде 7-9 градус, күндіз 19-21 градус ыстық.

Шымкентте күн ашық. Желдің екпіні секундына 13 метрге дейін жетеді, ауа температурасы түнде плюс 14-16, күндіз 27-29 градус ыстық болады.

975
Кілт сөздер:
Қазгидромет, ауа райы