Би кешіндегі жастар

Депутат жастар арасындағы бедеулікке не себеп болатынын атады

73
(Жаңартылды 13:30 04.03.2021)
Сенатордың айтуынша, Қазақстанда жастар денсаулығына қатысты 128 орталық жұмыс істейді. Бірақ олар учаскелік емхана бөлімшелері түрінде қызмет көрсететіндіктен, бұл орталықтардың дамуына кедергі келтіреді

НҰР-СҰЛТАН, 4 наурыз – Sputnik. Сенат депутаты Ақмарал Әлназарова жастардың денсаулығына қатысты проблемаларды көтерді, деп хабарлайды Sputnik Қазақстан тілшісі.

Айтуынша, Қазақстанда 15 пен 24 жас аралығындағы жасөспірімдер мен жастардың үлесі кем дегенде 20%-ті құрайды. Демографиялық болжам бойынша, 2025 жылға қарай осы жас аралығындағы халық саны 25%-ке немесе 700 мыңнан астам адамға өседі.

Алайда сенатордың мәліметінше, соңғы үш жылда жастар арасында ВИЧ-пен ауыру деңгейі 43%-ке өскен.

"Әлеуметтік зерттеулер көрсеткендей, жасөспірімдердің тек 9%-і ғана ВИЧ-тің берілу жолдары туралы жан-жақты біледі. 60%-і жыныстық жолмен берілетін инфекциялардың алдын алу әдістерінен бейхабар, ал инфекция жұқтырған жастардың 62,6%-і өз бетінше емделген. Мұның ең көп таралған салдары – бедеулік", – деді Әлназарова премьер-министрге жолдаған депутаттық сауалында.

Сенатордың айтуынша, Қазақстанда жастар денсаулығына қатысты 128 орталық жұмыс істейді. Бірақ олар учаскелік емхана бөлімшелері түрінде ғана істеп тұр, ал бұл орталықтардың дамуына кедергі келтіреді.

Осыған байланысты депутат халықаралық стандарттар негізінде жастарға қызмет көрсету бойынша сервистің одан әрі жетілдірілуі мен қолжетімділігі үшін жағдай жасауды, барлық облыс пен республикалық маңызы бар қалаларда заңды тәуелсіз жастар денсаулығы орталықтарын құруды қарастыруды сұрады.

Оқи отырыңыз: Алматыда коронавирус жұқтырғандардың көпшілігі жастар болып шықты

Айтуынша, бұл толық және сапалы медициналық көмек көрсету, жастар арасында санитарлық-ағартушылық жұмыстарды ұйымдастыру, тиісті көлемде қаражат бөлу үшін қажет.

73
Кілт сөздер:
жастар, бедеулік
Тақырып бойынша
Енді қазақстандық жастар оқуын бітіргеннен кейін үш жыл ауылда істейді
Алматылық жастар үшін баспана алу шарты жеңілдеді
Тоқаев жастар саясатына қатысты ұлттық жоба туралы айтты
Тұрғын үй шатырындағы би кеші: Алматыда желіккен жастар жауапқа тартылды – видео
Сарапшылар Қазақстандағы жұмыссыз жастар үлесін есептеп шығарды
Қала тұрғындары

Төтенше жағдайлар министрлігі қазақстандықтарға ескерту жасады

8937
Министрлік аптап ыстықта балаларды ерекше бақылауда ұстау қажеттігін ескертті. Өрт қауіпсіздігі ережелерін де сақтау қажет

НҰР-СҰЛТАН, 23 шілде – Sputnik. Төтенше жағдайлар министрлігі қажеттілік болмаған жағдайда далаға шықпауға кеңес берді. Себебі ертеңнен бастап қатты ыстық болады, деп хабарлайды Sputnik Қазақстан

Сондай-ақ, министрлік аптап ыстықта балаларды ерекше бақылауда ұстау қажеттігін ескертті. Өрт қауіпсіздігі ережелерін де сақтау қажет. Себебі қатты ыстықта өрт шығу қаупі жоғарылайды. 

"Азаматтарды дала және орман алқаптарында болған кезде қауіпсіздік ережелерін сақтауға шақырамыз. Табиғи өрттің негізгі себептері: халықтың отты абайсыз пайдалануы, сөндірілмеген темекі, алау, жанған сіріңке, майлы немесе тозығы жеткен шүберек, шыны бөтелке, көлік сөндіргішінің ұшқыны, құрғақ шөпті жағу және найзағай", - делінген ресми хабарламада. 

Төтенше жағдайлар министрлігі ыстықтан сақтану үшін азаматтарды аса қажеттілік болмаған жағдайда далаға шықпауға кеңес берді. Негізгі сақтық шараларын да ұмытпау қажет. Олар: 

  • күніне кемінде 1,5-3 литр сұйықтық ішу; 
  • аптап ыстықта кез-келген физикалық белсенділіктен бас тарту;
  • күндіз күн сәулесі бөлмеге кірмеуі үшін терезелерді ашық реңкті перделермен жабу;
  • күн өтпес үшін баскиім, ашық, ауа өткізетін киім (мақтадан жасалған) кию;

Қазгидрометтің мәліметі бойынша еліміздің бірқатар өңірлерінде қатты ыстық болады.

24 шілде күні күндіз Нұр-Сұлтан қаласында 35 градус, ал Ақмола облысында 35-37 градус қатты ыстық болады деген болжам бар. Ал облыстың батысында термометр бағанасы 40 градусқа дейін көтеріледі. 

24-25 шілде күндері Қарағанды облысының оңтүстігінде 40 градус. Кей жерлерде төтенше өрт қаупі сақталады.

24-26 шілдеде Жамбыл облысының кей жерлерінде плюс 44 градус. 

Алматы, Павлодар, Шығыс Қазақстан облыстарының кей жерлерінде 25 шілде күні 40-42 градус қатты ыстық болады. Ал Түркістан мен Қызылорда облыстарының кей жерлерінде 46 градус, ал Маңғыстау облысында 25-27 шілдеде күндіз +44 градус.

Оқи отырыңыз: Қазақстанда +46 градусқа дейін ыстық болады

 

8937
Сот, архив

Алматыда ер адам жауап алудан кейін өз-өзіне қол жұмсады сот кімді жазалады

443
Қаржы мониторингі агенттігі хабарлағандай, хаттама толтырып, жеке тінтуден кейін ер адам өз-өзіне қол жұмсаған. Алайда қайтыс болған азаматтың туыстары оның суицид жасағанына сенбейді

НҰР-СҰЛТАН, 23 шілде — Sputnik. Қаржы мониторингі агенттігінің тергеушісі қылмыстық салғырттыққа жол бергені үшін кінәлі деп танылды. Тергеуші жауап алғаннан кейін ер адам терезеден секіріп кеткен. Алматыда сот тергеушіні кінәлі деп тауып, оған қатысты үкім шығарды, деп хабарлады Сыбайлас жемқорлыққа қарсы іс-қимыл агенттігінің баспасөз қызметі. 

Іс қаладағы Алмалы аудандық сотында қаралды. Алматы бойынша Қаржы мониторингі агенттігінің аса маңызды істер жөніндегі тергеушісі Бек Исаев кінәлі деп танылды.

Қылмыстық кодекстің 371-бабының 2-бөлігі ("Абайсызда ауыр зардаптарға алып келген салғырттық") бойынша екі жылға сотталды. Сот үкімі 9 шілдеде шықты. 

"Ол күдіктінің қауіпсіздігін қамтамасыз етпегені үшін тергеуге алынды. Күдіктінің ментальді сырқаты қозып, өз-өзіне қол салды", - делінген хабарламада.

Қазақстандық БАҚ өткен жылдың қыркүйегінде 44 жастағы Ерлан Қоныспаевтың көз жұмғаны туралы жазды. Ол ғылым саласына бөлген қаражатты жымқыру фактісіне байланысты жауап алуға шақырылған. Жауап алғаннан кейін тергеуші Қоныспаевты уақытша ұстау изоляторына қамау туралы шешім қабылдайды.

Қаржы мониторингі агенттігі хабарлағандай, хаттама толтырып, жеке тінтуден кейін Қоныспаев ыңғайлы сәтті пайдаланып, өз-өзіне қол жұмсаған. Алайда қайтыс болған азаматтың туыстары оның суицид жасағанына сенбейді.

443
Кілт сөздер:
тергеуші, сот, Алматы
Тақырып бойынша
Мәйіттерді өртеп жіберген: Такси жүргізушілерді өлтіргендер өмір бойына сотталды
Атырауда телефон арқылы бопсалауға ұшыраған әйел өз-өзіне қол жұмсады
Алматы облысында судья 9 жылға сотталды
БҚО-да жас қыз нәрестесін әжетханаға тастады: сотта жантүршігерлік жағдай анықталды
"СК-Фармация" ісі: Біртанов сотта өкініш білдірді
Әуежай.  Ashyq

Алматыда коронавирусты қасақана жұқтырмақ болғандар қашып құтыла алмады

0
Коронавирус жұқтырған науқастар ХҚКО мен фитнес залдар, мейрамхана мен әуежай, тіпті ірі сауда үйлеріне кірмек болған. Олар "қызыл" мәртебе анықтала салысымен қашып кетсе де, бүкіл ақпарат жүйеде сақталып қалған

НҰР-СҰЛТАН, 24 шілде – Sputnik. Алматыда коронавирусты өзге азаматтарға қасақана жұқтырмақ болған науқастардың аты-жөні жария болды. Амбулаториялық ем алып жатқан сырқаттар өзін-өзі оқшаулау құжатына қол қойған.

Соған қарамастан жұқпалы дертке шалдыққандар қалада емін-еркін серуендеп, мейрамханаларға да кірмек болыпты. Санитарлар сондай 80 адамның тізімін сайттарында жайып салды. Тізімде аты-жөні толық жазылған, деп хабарлады КТК.

Төңірегіне қауіп төндіргендердің тізімінде банкирлер, ұялы байланыс компаниялары мен Бірыңғай жинақтаушы зейнетақы қорының қызметкерлері бар. Мәліметтерге қарағанда індет жұқтырғандар Халыққа қызмет көрсету орталықтары мен фитнес залдар, мейрамхана мен әуежай, тіпті ірі сауда үйлеріне кірмек болған.

"Алдыңызда екі таңдау тұр": Елорда әкімі астаналықтарға үндеу жасады

Аурудың таралып кетпеуіне "Ашық" көмектескен. СЭС мамандары үйінде оқшауланып ем қабылдап жатқан басқа сырқаттарға осы сабақ болады деп сенеді. Себебі тізімдегілерге өзгелерге қауіп төндіретіндігі туралы ескертілген. Сол үшін арнайы құжатқа қол да қойыпты. Сырқаттардың әрқайсысына 87 510 теңге айыппұл салынды.

Мамандар тізім әлі толық емес дейді. Өйткені бір айдың ішінде талапты 400-дей науқас бұзған "Қызыл" мәртебе екені анықтала салысымен қоғамдық орыннан қашып кетсе де, бүкіл ақпарат жүйеде сақталып қалады. Сондықтан жазадан ешкім құтылып кетпейді.

"Ашық" "қызыл" белгі көрсеткен бойда науқастар қарасын батырған. Ол туралы мәлімет базада сақталып қалды. Сол арқылы тауып, айыппұл салдық. Қазір 80 адам кінәсін мойындады. Қалған жағдайлар бойынша әкімшілік іс жүріп жатыр", - дейді Алматы қаласы санитария-эпидемиология бақылау департаменті директорының орынбасары Сәдуақас Байғабылов.

0
Кілт сөздер:
Алматы, коронавирус