НҰР-СҰЛТАН, 5 наурыз – Sputnik. Бірінші ауысымдағы нөлден 11-сыныпқа дейінгі оқушылар үшін сабақ қашықтан өткізіледі.
"Нұр-Сұлтан қаласының білім басқармасы хабарлайды: 5 наурызда ауа райының қолайсыздығына байланысты қала мектептерінің бірінші ауысымындағы 0-11(12) сынып оқушылары, сонымен қатар колледждердің 1-2 курс студенттері үшін сабақ қашықтықтан оқыту форматына ауысады", - делінген хабарламада.
Оқи отырыңыз: Синоптиктер наурыз айында ауа райы қандай болатынын айтты
Сондай-ақ, Қостанай және Рудный қалаларында 5 наурызда желдің күшеюіне байланысты бірінші ауысым оқушылары қашықтықтан оқу режиміне ауыстырылды.
Айта кетейік, осы аптада 1-ден 5-сыныпқа дейінгі оқушылар мектепке барып оқи бастады.
