НҰР-СҰЛТАН, 9 наурыз – Sputnik. Қазақстандықтар өзендегі өрттің видеосын талқылап жатыр. Ролик өскемендік Instagram аккаунтта жарияланған. Видеода өрттің мұнай құбырындағы апаттан кейін шыққаны жазылған.
Осыдан кейін желі қолданушылары төтенше жағдай Қазақстанда болды деп ойлаған. Алайда видеоның біздің елге еш қатысы жоқ, деп хабарлайды stopfake.kz.
View this post on Instagram
"Шын мәнінде Instagram-да видеоның қысқартылған нұсқасы жарияланған. Түпнұсқада автор "Өзен өртеніп жатыр" деп айтқаннан кейін, "Обь" деп нақтылайды. Алайда қазақстандық Instagram парақшасының әкімшілері адамдардың назарын аударту үшін осы бөлікті қиып тастаған. Қорыта айтқанда, бұл роликтің Қазақстанға ешқандай қатысы жоқ", - делінген порталда.
7 наурызда Обь өзенінің Нижневартовск маңындағы учаскесінде өрт шықты. Тілсіз жауға жерасты мұнай құбырындағы апат себеп болған. Төтенше жағдайды сол жерде жүрген балықшылар түсіріп алды. Куәгерлердің бірін қатты күйік шалып, ауруханаға түсті.
