Вакцина

Алматыда мұғалімдер мен полицейлерді коронавирусқа қарсы вакциналау басталды

106
Қалықованың айтуынша, алматылықтар инфекцияны қоғамдық көлік пен отбасындағы науқас адаммен қарым-қатынас кезінде, сауда нысандарында және базарларда жұқтырады

АЛМАТЫ, 10 наурыз – Sputnik. Алматыда мұғалімдер мен полицейлерге коронавирусқа қарсы вакцина салу басталды. Бұл туралы Алматы қаласы санитариялық-эпидемиологиялық бақылау департаменті басшысының орынбасары Әсел Қалықова брифинг барысында мәлімдеді, деп хабарлайды Sputnik Қазақстан тілшісі.

"Мұғалімдер мен полицейлерді коронавирусқа қарсы вакциналау басталды. Мұғалімдерге кешеден бері вакцина салынып жатыр. Бір күнде 20 мұғалімге салынды. Бұл жұмыс кеше басталғанын ескеру қажет. Ал полиция департаментінің 50 қызметкеріне вакцина егілді", – деді Қалықова.

Сондай-ақ, Әсел Қалықова қаладағы эпидемиологиялық жағдайдың нашарлауына байланысты Наурыз мейрамын тойлауға қатысты ойын айтты.

"Кез келген мерекеде қарым-қатынас пен байланыс артады. Өткен мерекелер де жағдайдың нашарлауына әсер етті. Бүгін Алматы эпидемиологиялық жағдайды бақылау матрицасы бойынша "қызыл" аймаққа өтті. Сол себепті шектеу шараларын күшейтуді көздейтін және коронавирустың таралуына қарсы іс-шараларға бағытталған бас санитар дәрігердің жаңа қаулысы қабылданады", – деді Қалықова.

Айтуынша, шектеу шаралары Қазақстанның бас санитар дәрігерінің қаулысы негізінде енгізіледі.

Оқи отырыңыз: Бұрынғы денсаулық министрі Досқалиев COVID-ке қарсы вакцина туралы не дейді

Айта кетейік, Алматы мен Нұр-Сұлтан қаласы коронавирустың таралуы бойынша "қызыл" аймақта тұр. Екі қалада бір күнде жүзден астам адамнан коронавирус инфекциясы анықталды.

Қалықованың сөзінше, алматылықтар инфекцияны қоғамдық көлік пен отбасындағы науқас адаммен қарым-қатынас кезінде, сауда нысандарында және базарларда жұқтырады.

106
Кілт сөздер:
мұғалімдер, полицейлер, вакцина
Тақырып:
COVID-ке қарсы вакцина (199)
Тақырып бойынша
Қазақстанда әскерилерге вакцина егу қашан басталатыны белгілі болды
Шетелде салдырған вакцина Қазақстанда қабылдана ма?
Алматыда қанша медицина қызметкері вакцина салдырудан бас тартты
Қазақстанда 65 жастан асқандарға COVID-19-ға қарсы вакцина салдыруға рұқсат етілді
Қиясов вакцина жайлы: екпе салдырғысы келетіндер өте көп
Қазақстандық депутаттар мен министрлерге вакцина қашан егіледі
Зертхана қызметкері

Пандемияның екінші жылы адам өлімі әлдеқайда көп болуы мүмкін - ДДСҰ 

69
Адам өмірін сақтап қалудың жалғыз жолы – вакциналау мен қоғамдық денсаулық сақтау шараларын біріктіру

НҰР-СҰЛТАН, 15 мамыр - Sputnik. Коронавирус пандемиясының екінші жылы кісі өлімі көп болуы мүмкін, деді дүниежүзілік денсаулық сақтау ұйымының бас директоры Тедрос Адханом Гебресиесус. Бұл туралы РИА Новости хабарлады.

"Қазірдің өзінде COVID-19-дан 3,3 миллион адам көз жұмды. Біз пандемияның екінші жылына аяқ бастық, бірінші жылмен салыстырғанда осы жылы адам көп өлуі мүмкін. Адам өмірін сақтап қалудың жалғыз жолы – вакциналау мен қоғамдық денсаулық сақтау шараларын біріктіру", - деді ДДСҰ бас директоры.

Дүниежүзілік денсаулық сақтау ұйымының басшысы вакцина вирустан 100% қорғамайтынын тағы да атап өтті. Өйткені вакцина алған адамдар вирус жұқтырып алуы мүмкін, алайда олар жеңіл түрімен ауырады. Сондықтан ұйым басшысы "шектеулерді алып тастау шешімі елде вакцина салдырған адам санына қарай емес, коронавирустың таралуы деңгейіне қарай қабылдану керек", дейді.

Оқи отырыңыз: Елорда әуежайында Ashyq қосымшасы іске қосылды – видео

69
Кілт сөздер:
Дүниежүзілік денсаулық сақтау ұйымы, қайтыс болды, вакцина, коронавирус
Тақырып:
Коронавирус эпидемиясы
Тақырып бойынша
Вакцинаның екі дозасынан кейін коронавирус жұқтырғандардың саны жарияланды
Вакцина салдырғандарға маска тақпай жүруге бола ма – министрлік жауабы
Қазақстанда коронавируспен ауырған адамдардың саны күрт көбейді
Өткен тәулікте жиырмадан астам адам коронавирустан қайтыс болды
Министрлік коронавирустан қайтыс болғандардың статистикасын жариялады
Бала, ер адам, архивтегі фото

Нұр-Сұлтан тұрғындары педофилдер туралы хабарлама таратып жатыр

35
Полиция хабарламаны жоққа шығарып, оның Нұр-Сұлтан қаласына еш қатысы жоқ екенін мәлімдеді

НҰР-СҰЛТАН, 15 мамыр - Sputnik. Мессенджерлер мен әлеуметтік желіде елордада "педофилдер тобы" бар екен деген хабарлама таралып жатыр.

Нұр-Сұлтан тұрғындары педофилдер туралы хабарлама алған. Хабарламада үш ер адамның суреті де жүр.

"Елордада мұндай факт анықталған жоқ. Ақпарат шындыққа сәйкес келмейді. Нұр-Сұлтан полиция департаменті жалған ақпарат таратқаны үшін жауапкершілік қарастырылғанын ескертеді", - деп хабарлады полициядағылар.

Педофилдер тобы туралы дәл осындай хабарлама Шығыс Қазақстан тұрғындарын қорқытқан болатын. Өңірлік полиция ақпараттың Шығыс Қазақстан облысына қатысы жоқ екенін айтты.

Оқи отырыңыз: Педофилдер туралы хабарлама Шығыс Қазақстан полициясын әбігерге салды

35
Кілт сөздер:
Нұр-Сұлтан, жалған ақпарат, хабарлама, педофил
Ыстық ауа райы

36 градус ыстық және жел: ертең ауа райы қандай болады

1026
(Жаңартылды 21:17 15.05.2021)
Қазақстанның бес облысында дабылды ескерту жарияланды

НҰР-СҰЛТАН, 15 мамыр - Sputnik. Синоптиктер республиканың басым бөлігінде ауа райы ашық болады деп болжайды. Бес облыста дабылды ескерту жарияланды.

Дабылды ескерту

Атырау облысында оңтүстік-шығыстан жел соғады, кей жерлерде секундына 15-20 метрге дейін жетеді. Түстен кейін 36 градусқа дейін қатты ыстық күтіледі.

Солтүстік Қазақстан облысында секундына 25 метрге дейін жел күшейеді.

Павлодар облысында кей жерлерде найзағай ойнап, секундына 20 метрге дейін жел күшейеді.

Қостанай облысында 35 градусқа дейін қатты ыстық болады деп болжануда.

Жексенбіде Қызылорда облысында кей жерлерде шаңды дауыл күтіледі, жел секундына 15-20 метрге жетеді.

Мегаполистегі ауа райы

Нұр-Сұлтанда күн бұлтты, жаңбыр жаууы мүмкін. Ауа температурасы түнде плюс 10-12, күндіз 27-29 градус ыстық. Желдің жылдамдығы секундына 9-14 метрді құрайды.

Алматыда күн бұлтты, жауын-шашын болуы мүмкін. Ауа температурасы түнде 7-9 градус, күндіз 19-21 градус ыстық.

Шымкентте күн ашық. Желдің екпіні секундына 13 метрге дейін жетеді, ауа температурасы түнде плюс 14-16, күндіз 27-29 градус ыстық болады.

1026
Кілт сөздер:
Қазгидромет, ауа райы