Сенатор Ақылбек Күрішбаев

Күрішбаев оқытушылардың жалақысын теңестіру керек деп санайды

518
(Жаңартылды 15:57 11.03.2021)
Сенатор барлық жоғары оқу орны үшін мемлекеттік білім беру гранттарының құнын бірдей белгілеп, оқытушылардың жалақысын теңестіру керек екенін мәлімдеді

НҰР-СҰЛТАН, 11 наурыз – Sputnik. Сенатор Ақылбек Күрішбаев ұлттық университеттерге ерекше жағдай жасауды тоқтатуды талап етті, деп хабарлайды Sputnik Қазақстан тілшісі.

"Бұрын маман даярлау бағыттары бойынша жоғары білімнің флагманы ретінде ұлттық университеттер үшін ерекше жағдай жасау қажеттілігі болған. Бірақ қазір көптеген қарапайым университетте білім беру қызметтерінің сапасы ұлттық университеттерден кем емес. Оған қоса, жоғары оқу орындарының академиялық дерберстігі заңды түрде бекітілді. Енді олардың дамуын кәсіби бәсекелестік анықтауы керек", - деді Күрішбаев сенаттың жалпы отырысында.

Кейбір қазақстандық оқушылар каникулда сабақ оқуы мүмкін 

Оның айтуынша, бүгінде ұлттық университеттерге мемлекеттік білім беру гранттары жоғары бағамен беріледі. Сөйтіп ерекше артықшылықтар жасалған. Ал қатардағы университеттерге грант аясында бөлінетін қаржы төмен.

"Отандық жоғары білім саласында осындай қос стандарт қалыптастыру түсініксіз, тіпті, қисынсыз. Дамыған мемлекеттерде университеттерді "ұлттық" немесе "ұлттық емес" деп бөлу және соның негізінде мемлекеттік білім беру гранттарының мөлшерін әртүрлі белгілеу кездеспейді. Әңгіме университеттерді ұлттық мәртебеден айыру туралы емес", - деп атап өтті Күрішбаев.

Сенатор барлық жоғары оқу орны үшін мемлекеттік білім беру гранттарының құнын бірдей белгілеп, оқытушылардың жалақысын теңестіру керек деп санайды. Осыған орай сенаттың бір топ депутаты үкіметке сауал жолдап, мәселенің мән-жайын түсіндіруді талап етті.

518
Процент

Сарапшы кредитті уақытынан бұрын қай кезде жабу тиімді екенін айтып берді

3
(Жаңартылды 14:51 10.05.2021)
Несие мерзімінің бірінші жартысында кредитті уақытынан бұрын өтеген тиімді, дейді маман

НҰР-СҰЛТАН, 10 мамыр - Sputnik. Ресейдің қаржы министрлігіне қарасты қаржылық сауаттылық орталығының директоры Анна Харнас кредитті қай кезде уақытынан бұрын төлеу тиімді болатынын айтты, деп хабарлайды "Российская газета".

"Несие мерзімінің бірінші жартысында кредитті уақытынан бұрын өтеген тиімді. Төлем жүйесі әдетте аннуитет болуы керек. Алдымен сіз банк процентін төлейсіз. Содан кейін сіздің төлеміңіздегі сыйақы сомасы азаяды, ал негізгі қарыз керісінше, өседі. Сондықтан кредит мерзімі басталған кезде мерзімінен бұрын өтеу процентті қайта есептеп, артық төлемнің төмендеуіне әкеледі", - деп түсіндірді Харнас.

Оның айтуынша, кредит мерзімінің соңында уақытынан бұрын өтесеңіз, үнемдей алмайсыз. Өйткені бұл уақытта негізгі қарыз төленіп жатады.

Оқи отырыңыз: "Бақытты отбасы" бағдарламасы бойынша өтінім қабылдау басталды

Харнас кредит төленетін күні мерзімінен бұрын өтеу жасалғаны дұрыс деп түсіндірді. Өтйкені, егер сіз кейінірек төлейтін болсаңыз, онда кезекті төлем күнінен бастап өткен күндер үшін есептелген сыйақы енгізілген сомадан есептеліп, қалған сома ғана мерзімінен бұрын өтеуге кетеді. 

3
Кілт сөздер:
банк, несие, үнемдеу
Тақырып бойынша
"Қара тізімнен" шыққан 2 миллион адам тағы кредит ала ма – мамандар пікір білдірді
Кредит жайлы жаңалық: Парламент 490 мыңға жуық адамды қуантатын заңды қабылдады
Қазақстанда 750 миллиард теңге кредитті төлеу мерзімі кейінге шегерілді
Қазақстандықтар банктерге 7 триллион теңге қарыз – БАҚ
телефон

Мамандар телефон арқылы ақша ұрлаудың әдістері туралы айтты

706
(Жаңартылды 13:20 10.05.2021)
Сарапшылардың айтуынша, смартфонды ұрлап кетсе, алаяқтар иесінің барлық қаржылық операциясына кіре алады. Сол себепті ұялы телефонды үнемі бұғаттап отыру қажет

НҰР-СҰЛТАН, 10 мамыр - Sputnik. Ресейлік мамандар картасыз төлем жасау жүйесі арқылы ақша ұрлаудың әдіс-тәсілдері туралы айтты. Алаяқтар оны жиі қолданып жатады.

"Синергия" университетінің "Банк ісі" кафедрасының аға оқытушысы Антон Рогачевскийдің айтуынша, барлық төлем телефон арқылы жасалса, ақшаны кәдімгідей терминалдың көмегімен кез келген жерде ұрлауға болады.

"Біз телефонды ылғи шалбардың калтасына салып жүреміз. Терминалды да сөмкеге салып, қажетті соманы енгізу арқылы ақшаны ұрлап кетуге болады. Ол үшін қарбалас сәтті пайдаланып, қоғамдық көлікте ме, басқа жерде ме, адамға жақын тұрып, телефонға сөмкені жақындатып өткізсе де жеткілікті", - деді Рогачевский "Прайм" агенттігіне берген сұхбатында.

Ал Еуропалық заң қызметінің заңгері Евгений Иванов NFC арқылы төлем жасаудың басты кателігін атады. Оның айтуынша, телефонмен ақша аударғанда операцияны саусақтың ізімен немесе пин-кодпен растау қажет. Бірақ смартфонды ұрлап кетсе, алаяқтар иесінің барлық қаржылық операцияларына кіре алады. Сол себепті ұялы телефонды үнемі бұғаттап отыру қажет. Ал картасыз төлем жасау жүйесіне мобильді аударымның шекті сомасын енгізіп қойған дұрыс.

Бұған дейін SafeNet аймақтық инжинирингтік орталығының директоры Денис Кувиков телефон алаяқтарының қалай қылмыс жасайтынын айтқан еді. Олар алдымен сан алуан интернет-дүкендерінің сайттарын бұзып, адамдардың жеке мәліметтерін алады. Сөйтіп әрбір адамның мекенжайын, аты-жөнін, қандай банкте тіркелгенін және тағы басқа ақпаратты алып, алаяқтық әрекеттер жасайды.

Оқи отырыңыз: "Мобильді аударым жасаңыз!": кәсіпкерлер халықты қалай алдайды

 

706