Коронавирус сынамасы

Алматыда британдық штамм табылды ма - министрлік зерттеу жүргізеді

142
(Жаңартылды 16:36 19.03.2021)
Денсаулық сақтау министрлігі Қазақстанда таралған коронавирустың штамм түрлеріне зерттеу жүргізеді

АЛМАТЫ, 19 наурыз — Sputnik. Денсаулық сақтау министрі Алексей Цой елімізде таралған коронавирустың штамм түрлеріне зерттеу жүргізіліп жатқанын хабарлады. Ол дүниежүзілік денсаулық сақтау ұйымымен бірлесе COVID-19 штаммын анықтауға арналған жедел ПТР-скрининг жасаудың жаңа әдісі енгізілгенін атап өтті.

"17 наурызда қоғамдық денсаулық сақтау ұлттық орталығы филиалының зертханасы Алматыдағы коронавирус жұқтырғандардан алынған зертханалық үлгілерді зерттеді. Зерттеу нәтижесі бойынша "британдық", "оңтүстікафрикалық", "бразилиялық" штаммдарға тән мутация ықтималдығы анықталды", - деп жазды Цой Facebook-тегі парақшасында.

Цой мутацияның қай штаммға тиесілі екені толық геномдық зерттеу аяқталғаннан кейін бір ай ішінде белгілі болатындығын жеткізді.  

Британдық штамм неге қауіпті 

Коронавирустың жаңа мутациясы 2020 жылдың желтоқсанында анықталды. Ұлыбританияның денсаулық сақтау министрлігі коронавирустың мутациясы үлкен жылдамдықпен таралып жатқанын растады. "Британдық" штамм жұқтырғандардың көпшілігінде жөтел, тамақ ауруы, тез шаршау, бұлшықеттің ауруы және қалтырау байқалады.

2021 жылдың қаңтарында премьер-министр Борис Джонсон "жаңа мутацияның адам өлімінің жоғары көрсеткішіне қандай да бір ықпалы барына дәлел табылғанын" айтты. 

Оқи отырыңыз: Түркияда 40 мың адам коронавирустың британдық штаммын жұқтырды

Шетелдік дәрігерлер британдық штамм жұқтырған балалар қалай ауыратыны туралы жазды. Коронавирустың жаңа түрін жұқтырған балалар тез шаршайды және тұйықтала бастайды. Ал сәбилер қатты айқайлап, жылай береді.

Сондай-ақ ғалымдар британдық штаммға қарсы күресте ресейлік "Спутник V" вакцинасының тиімділігін дәлелдеді. Ол генетикалық ақпаратты тасымалдайтын векторлар ретінде зиянсыз модификацияланған вирус секілді қолданылады. Бұл ақпарат ағзаға болашақ инфекцияларға қарсы иммунитетті күшейтуге көмектеседі.

142
Кілт сөздер:
денсаулық сақтау, коронавирус
Тақырып бойынша
Коронавирус ұйқыға қалай әсер етеді – сарапшы пікірі
Коронавирус өрши түсті: комиссия жаңа дерек жариялады
Коронавирус өршісе, қалалар карантинге жабыла ма – министрлік жауабы
Қазақстанда коронавирустың жаңа штаммы бар ма – министр жауабы
Коронавирустың жаңа штаммы таралып жатыр – ғалымдар дабыл қақты
Зертхана қызметкері

Пандемияның екінші жылы адам өлімі әлдеқайда көп болуы мүмкін - ДДСҰ 

70
Адам өмірін сақтап қалудың жалғыз жолы – вакциналау мен қоғамдық денсаулық сақтау шараларын біріктіру

НҰР-СҰЛТАН, 15 мамыр - Sputnik. Коронавирус пандемиясының екінші жылы кісі өлімі көп болуы мүмкін, деді дүниежүзілік денсаулық сақтау ұйымының бас директоры Тедрос Адханом Гебресиесус. Бұл туралы РИА Новости хабарлады.

"Қазірдің өзінде COVID-19-дан 3,3 миллион адам көз жұмды. Біз пандемияның екінші жылына аяқ бастық, бірінші жылмен салыстырғанда осы жылы адам көп өлуі мүмкін. Адам өмірін сақтап қалудың жалғыз жолы – вакциналау мен қоғамдық денсаулық сақтау шараларын біріктіру", - деді ДДСҰ бас директоры.

Дүниежүзілік денсаулық сақтау ұйымының басшысы вакцина вирустан 100% қорғамайтынын тағы да атап өтті. Өйткені вакцина алған адамдар вирус жұқтырып алуы мүмкін, алайда олар жеңіл түрімен ауырады. Сондықтан ұйым басшысы "шектеулерді алып тастау шешімі елде вакцина салдырған адам санына қарай емес, коронавирустың таралуы деңгейіне қарай қабылдану керек", дейді.

Оқи отырыңыз: Елорда әуежайында Ashyq қосымшасы іске қосылды – видео

70
Кілт сөздер:
Дүниежүзілік денсаулық сақтау ұйымы, қайтыс болды, вакцина, коронавирус
Тақырып:
Коронавирус эпидемиясы
Тақырып бойынша
Вакцинаның екі дозасынан кейін коронавирус жұқтырғандардың саны жарияланды
Вакцина салдырғандарға маска тақпай жүруге бола ма – министрлік жауабы
Қазақстанда коронавируспен ауырған адамдардың саны күрт көбейді
Өткен тәулікте жиырмадан астам адам коронавирустан қайтыс болды
Министрлік коронавирустан қайтыс болғандардың статистикасын жариялады
Бала, ер адам, архивтегі фото

Нұр-Сұлтан тұрғындары педофилдер туралы хабарлама таратып жатыр

36
Полиция хабарламаны жоққа шығарып, оның Нұр-Сұлтан қаласына еш қатысы жоқ екенін мәлімдеді

НҰР-СҰЛТАН, 15 мамыр - Sputnik. Мессенджерлер мен әлеуметтік желіде елордада "педофилдер тобы" бар екен деген хабарлама таралып жатыр.

Нұр-Сұлтан тұрғындары педофилдер туралы хабарлама алған. Хабарламада үш ер адамның суреті де жүр.

"Елордада мұндай факт анықталған жоқ. Ақпарат шындыққа сәйкес келмейді. Нұр-Сұлтан полиция департаменті жалған ақпарат таратқаны үшін жауапкершілік қарастырылғанын ескертеді", - деп хабарлады полициядағылар.

Педофилдер тобы туралы дәл осындай хабарлама Шығыс Қазақстан тұрғындарын қорқытқан болатын. Өңірлік полиция ақпараттың Шығыс Қазақстан облысына қатысы жоқ екенін айтты.

Оқи отырыңыз: Педофилдер туралы хабарлама Шығыс Қазақстан полициясын әбігерге салды

36
Кілт сөздер:
Нұр-Сұлтан, жалған ақпарат, хабарлама, педофил
Ыстық ауа райы

36 градус ыстық және жел: ертең ауа райы қандай болады

1037
(Жаңартылды 21:17 15.05.2021)
Қазақстанның бес облысында дабылды ескерту жарияланды

НҰР-СҰЛТАН, 15 мамыр - Sputnik. Синоптиктер республиканың басым бөлігінде ауа райы ашық болады деп болжайды. Бес облыста дабылды ескерту жарияланды.

Дабылды ескерту

Атырау облысында оңтүстік-шығыстан жел соғады, кей жерлерде секундына 15-20 метрге дейін жетеді. Түстен кейін 36 градусқа дейін қатты ыстық күтіледі.

Солтүстік Қазақстан облысында секундына 25 метрге дейін жел күшейеді.

Павлодар облысында кей жерлерде найзағай ойнап, секундына 20 метрге дейін жел күшейеді.

Қостанай облысында 35 градусқа дейін қатты ыстық болады деп болжануда.

Жексенбіде Қызылорда облысында кей жерлерде шаңды дауыл күтіледі, жел секундына 15-20 метрге жетеді.

Мегаполистегі ауа райы

Нұр-Сұлтанда күн бұлтты, жаңбыр жаууы мүмкін. Ауа температурасы түнде плюс 10-12, күндіз 27-29 градус ыстық. Желдің жылдамдығы секундына 9-14 метрді құрайды.

Алматыда күн бұлтты, жауын-шашын болуы мүмкін. Ауа температурасы түнде 7-9 градус, күндіз 19-21 градус ыстық.

Шымкентте күн ашық. Желдің екпіні секундына 13 метрге дейін жетеді, ауа температурасы түнде плюс 14-16, күндіз 27-29 градус ыстық болады.

1037
Кілт сөздер:
Қазгидромет, ауа райы