Вакцинация добровольцев против COVID-19

"Қорқыныш бар": әншілер мен спортшылар вакцина салдыруға қатысты пікір білдірді

404
(Жаңартылды 19:43 25.03.2021)
Қазақстанда коронавирусқа қарсы вакциналау 2021 жылдың бірінші ақпанында басталды. Жоспар бойынша жыл соңына дейін 6 миллион адамға вакцина салынады

АЛМАТЫ, 25 наурыз – Sputnik. Жақында денсаулық сақтау министрі Алексей Цой Қазақстанда сәуірде миллионнан астам азаматты вакциналау жоспарланып отырғанын хабарлады. Наурыздың ортасына дейін елімізде 100 мыңнан астам адамға вакцина салынды. Олардың басым бөлігі – медицина қызметкерлері.

Сонымен қатар полицейлер мен білім ошақтары қызметкерлеріне вакцина егілді. Ал 40-50 адамға концерт беріп, көпшілік арасында жүрген өнер адамдары ше? Олардың инфекция жұқтыру қауіпі жоғары азаматтар тізіміне ену-енбеуі белгісіз. Себебі елімізде көпшілікті жинап іс-шара өткізуге болмайды. Алайда әлеуметтік желі арқылы әншілердің көрермен жинап ән салып жүрген видеосы жиі тарап жүр. 

Посмотреть эту публикацию в Instagram

Публикация от Сәкен Майғазы | МузАРТ (@saken_maigaziyev)

Осыған орай, Sputnik Қазақстан тілшісі көпшілікке танымал бірқатар азаматқа хабарласып, коронавирусқа қарсы вакцинаға қатысты ойын білді.

Әнші Маржан Арапбаева коронавирусқа қарсы вакцинаның жылдар бойы тәжірибеден өтпегенін айтып, вакцина салдыруға қорқатынын жеткізді.

"Тіпті, білмеймін. Ештеңе айта алмаймын. Бәрі қорқынышты. Вакцинадан кейін не болатынын білмеймін ғой. Қорқыныш бар. Себебі бұл жылдар бойы тексерілмеген дүние. Концерттерге барып жүрмін, бірақ инфекция жұқтырып алу туралы қорқыныш, ой болмайды", – дейді әнші.

"Сақтықта қорлық жоқ" дегенді ұстанатын Арапбаева медициналық масканы тастамайтынын да айтып өтті.

Ал әнші Жазира Байырбекова отбасында мұндай тақырыптағы мәселені күйеуі Жанболат Ербатыровтың шешетінін алға тартты.

"Жанболат шешеді. Менің жаңалық көруге уақытым да жоқ. Үйде кішкентай бала бар... Вакцина салу туралы сөйлескен жоқпыз", – дейді Байырбекова.

Жиындарға барғанда инфекция жұқтырып алу туралы қорқыныш болатынын айтқан әнші иммунитетті көтеру туралы ойлайды. Алайда вакцина туралы ой болмаған.

Бүркіт атымен танылған әнші Айбек Жансейітов вакцина туралы сауалға қысқа жауап берді.

"Білмейді екенмін. Есімізді енді жиып жатырмыз. Ештеңе білмеймін", – деді ол.

Сонымен қатар спортшы Әділбек Ниязымбетовтың те коронавирусқа қарсы вакцина салдыру туралы ойын сұрадық.

"Қарсымын. Оны салдырып не істейді? Коронавирусқа қарсы вакцинаға қарсымын. Біздің денсаулығымыз жақсы. Ауырып қалатындай емес. Сондықтан салдыртпағанды жөн көріп отырмын. Мысалы спортшылар салмақ түсірген кезде кішкентай бала сияқты ауырып қалады. Спортшылардың ауырып қалуына вакцинаның қатысы жоқ. Өзіміз де салмақ түсірген кезде ауырып қалып жүрдік", – дейді Ниязымбетов.

Оқи отырыңыз: Мүфтият ораза кезінде вакцина салуға қатысты түсініктеме берді

Спортшы жақында Маңғыстау облысында басшылық қызметке тағайындалды. Көпшілікпен бірге жұмыс істейтініне қарамастан ол инфекция жұқтырып қалудан қорықпайды.

"Ондай қорқыныш жоқ. Осы уақытқа дейін де қаншама адаммен сөйлестік. Қаншама жиналыста болдық. Жұғатын болса сол кезде жұғар еді", – дейді ол.

Айта кетейік, Қазақстанда коронавирусқа қарсы вакциналау 2021 жылдың бірінші ақпанында басталды. Бірінші кезеңде медицина қызметерлеріне вакцина егілді. Жоспар бойынша жыл соңына дейін 6 миллион адамға вакцина салынады.

404
Кілт сөздер:
вакцина, карантин, екпе
Тақырып бойынша
Вакцина салғызған адам вирус таратушысы бола ма?
"Үкімет күшіне сенбей ме?": Бекболат Тілеухан екпе туралы заңға қарсы шықты
Төрт ай бұрын коронавирусқа қарсы екпе салдырған қазақстандық сұқбат берді
Қиясов вакцина жайлы: екпе салдырғысы келетіндер өте көп
Екпе егілген қазақстандықтарда вакцинация паспорты пайда болды
пойыз жүргізушінің кабинасы

Желіде пойыз жүргізушісінің вакцинадан кейін құлап қалғаны туралы ақпарат тарады

33
(Жаңартылды 22:39 15.10.2021)
Компанияның әлеуметтік желідегі ресми парақшасында вакциналау нәтижесінде машинистің құлағаны туралы ақпарат жоқ

НҰР-СҰЛТАН, 15 қазан – Sputnik. Әлеуметтік желіде тәуекелі бар жұмыстарды орындайтын адамдарды екпе салдырмауға шақыратын хабарлама тарады.

Бұған мысал ретінде олар теміржол вокзалында жерге құлаған пойыз жүргізушісін келтіріп отыр. Видео авторының айтуынша, машинист COVID-19 қарсы вакцина алған.

Видеоның түпнұсқасы 9 қазанда BitChute видео хостингінде жарияланды. Портал зорлық-зомбылыққа, нәсілдік және діни негізде жеккөрушілікке шақырып, қастандық теорияларын таратуымен танымал. 

Видео авторының айтуынша, бұл оқиға Хьюстонда болған. MetroHouston қалалық көлік қызметінің ресми сайтында да бұл туралы жазылмаған, деп хабарлады stopfake.kz

"Видеоның шығуына қатысты және кадрларда не болып жатқандығы туралы сенімді ақпарат жоқ. Роликтің авторы белгісіз. Оның үстіне, видеода пойыз жүргізушісінің құлаған сәті көрінбейді. Ол сүрініп кетті немесе вакцинамен байланысты емес аурумен ауыруы мүмкін деп пайымдауға болады", - деп жазды сайт.

Компанияның әлеуметтік желідегі ресми парақшасында да вакциналау нәтижесінде машинистің құлағаны туралы ақпарат жоқ.

Компанияның ресми сайтында COVID-19 жұқтырған қызметкерлер туралы хабарламалар ұдайы жаңартылып отырады. Соңғы ақпарат 7 қазанда жарияланған. Онда федералды заңға сәйкес, көлік компаниясының барлық қызметкерлері жолаушылар сияқты, бетперде тағуға тиіс делінген. Мәтінде қызметкерлерді міндетті түрде вакцинациялау туралы айтылмаған.

Оқи отырыңыз: 

33
Кілт сөздер:
пойыз, вакцина, әлеуметтік желілер
Нұр-Сұлтан келбеті

+23°C жылы: Қазақстанда демалыс күндері ауа райы қандай болады

1589
Қазақстанның батысы мен оңтүстігінде демалыс күндері жел күшейіп, шаңды дауыл болады

АЛМАТЫ, 15 қазан – Sputnik. Қазгидромет мамандары 16-18 қазанға ауа райы болжамын жариялады.

Оған сәйкес, алдағы демалыста бүкіл республика бойынша құрғақ, жылы ауа райы қалыптасады. Тек елдің батыс бөлігінде жаңбыр жауады.

Қазақстанның батысы мен оңтүстігінде демалыс күндері жел күшейіп, шаңды дауыл болады.

Ауа температурасы күндіз республиканың батысында, солтүстік-батысында +12...+22°C жылы, республиканың солтүстігінде, шығысында және орталығында +13...+20°C жылы, елдің оңтүстігінде, оңтүстік-шығысында +13...+23°C жылы болады.

Мегаполистегі ауа райы

Алматыда 16-18 қазан аралығында күн ашық болады. Ауа температурасы түнде +5...+8°C, күндіз +14...+15°C көрсетеді.

Ал елордада күн ашық, ауа температурасы түнде -1°C, күндіз +10...+12°C болады. Тек 17 қазанда күн бұлтты болуы мүмкін.

Шымкентте үш күн қатарынан күн ашық болып, ауа температурасы түнде +5...+6°C, күндіз +20...+22°C көрсетеді.

Оқи отырыңыз:

 

1589
Кілт сөздер:
ауа райы, демалыс күндері
жер

Жері заңсыз сатылып кеткен университет маңындағы тұрғындар үйсіз қалудан қорқады