Архивтегі фото

Астролог интуициясы жақсы дамыған зодиак белгілерін атады

3760
Балықтар, Шаян және Сарышаян зодиак белгілеріне кіретін адамдарды көріпкел деп ойлайтындар көп, дейді сарапшы

НҰР-СҰЛТАН, 29 наурыз — Sputnik. Астрология бойынша сарапшы, тарихшы Стефани Сенгве ішкі түйсігі жақсы дамыған зодиак белгілерін атады, деп хабарлады РИА Новости.   

Сарапшының айтуынша, бұл зодиак белгілеріне жататын адамдардың ішкі түйсігі (интуиция) жақсы дамығаны сонша, көбісі оларды көріпкел деп ойлайды.

Мәселен, Балықтар өте сезімтал, адамға бірдеңе болса, бірден байқайды. Ал адамның өзі оған мән бермей жүруі мүмкін. Стефани Сенгвенің айтуынша, бұл зодиак белгісін Нептун – қиял планетасы басқарады. Содан болар, Балықтар бір нәрсе болмай жатып, соны алдын ала армандап отырады.

2021 жылға жұлдыз жорамал: сиыр жылы кімдер үшін табысты болады

Шаян да адамның бойындағы өзгерістерді бірден байқап қалады. Олар кез келген ұсақ-түйекке алаңдап қалуы мүмкін. Мысалы, қолынан ұстамай жүрсе, я болмаса, кездескенде көзіне қарамай, "сәлем!" деп айтса, бірден ойланып қалады. Олар эмоциялық ойжұмбақтарды жақсы шешеді. Ал қиын жағдайда көмегін аямайды. 

Сарышаянның мінезі тұйық әрі жұмбақ болса да, ішкі түйсігі жақсы дамыған, адамды да тани алады. Олар қандай да бір проблеманы алдын ала сезеді. Сенгве Сарышаяндарды алдамауға кеңес беріп отыр. Олар бір нәрсені біліп-тануға әуес, табиғатынан жаратылысы сондай. Жасыру әрекетін байқаса, бірден күдіктеніп қалады. Ондай адамды ұнатпайды.

 

3760
коронавирус

Оқушыларды ата-ана келісімінсіз вакциналау туралы бұйрық шыққаны рас па

41
Санитарлық-эпидемиологиялық бақылау комитеті қазақстандықтарды әлеуметтік желілерде тараған күмәнді ақпаратқа сенбеуге шақырды

НҰР-СҰЛТАН, 27 қараша – Sputnik. Әлеуметтік желілерде 1-11 сынып оқушыларын ата-ана келісімінсіз COVID-19-ға қарсы вакциналау туралы бұйрық шыққаны туралы хабарлама тарады. Бұл ақпаратты Денсаулық сақтау министрлігінің санитарлық-эпидемиологиялық бақылау комитеті жоққа шығарды, деп хабарлайды StopFake.

Ведомствоның хабарлауынша, мұндай бұйрық ешқашан болмаған.

"Осы жарияланымға қатысты кез келген профилактикалық егу, соның ішінде коронавирусқа қарсы вакциналау да ата-аналардың ақпараттандырылған келісімімен ғана жүргізілетінін хабарлаймыз. Вакциналауға жататын жасөспірімдердің тізімін жоспарлау және жасау процесінде келісім алдын ала жиналады. Осыған байланысты алдын ала жасалған тізім бойынша вакциналауға ата-анасы қол қойған келісімі бар балалар және ата-анасының қатысуымен ғана екпе салдыруға шақырылады", – деп түсіндірді санитарлық-эпидемиологиялық бақылау комитетінің ресми өкілі Ержан Байтанаев.

Оқи отырыңыз: Цой ақылы вакцинация қашан басталатынын айтты

Оның айтуынша, мектептерде мәжбүрлі вакциналау жүргізіліп жатқан жоқ. Қазақстан Республикасы Бас мемлекеттік санитар дәрігерінің № 36 қаулысына сәйкес оқу мекемелерінде күн сайын кіру кезінде тексеру жүргізіледі. Мектептің барлық қызметкері термометриядан өтіп, кіреберісте қолын санитайзермен өңдеуге міндетті. Сабақ кестесі оқушылар бір-бірімен барынша аз байланыста болатындай етіп жасалады.

Ержан Байтанаев қазақстандықтарды әлеуметтік желілер мен мессенджерлерде тараған күмәнді ақпаратқа сенбеуге шақырды. Шынайы ақпарат алу үшін комитеттің ресми интернет-ресурсына, "COVID-19 таралуына жол бермеу жөніндегі ВАК" телеграмм-арнасы сияқты ресми дереккөздерге және Facebook, Instagram және YouTube әлеуметтік желілеріндегі аккаунттарға жүгінуге немесе комитетке жазбаша сауал жолдауға болады.

41
далада сауда-саттық жүргізіп отырғандар

Сатушыларға заңсыз айыппұл салған 87 полицей жазаланды Бас прокуратура

1861
(Жаңартылды 16:27 27.11.2021)
Бас прокуратура белгіленбеген жерде сауда-саттық жасағандарды қандай жағдайда жазалауға болмайтынын түсіндірді

НҰР-СҰЛТАН, 27 қараша – Sputnik. Белгіленбеген жерде сауда жүргізгендерге заңсыз айыппұл салған полицейлер мен әкімдік қызметкерлері жазаланды.

Бас прокуратура белгіленбеген жерде сауда жүргізгені үшін бизнес және азаматтарды жазаға тартудың негізділігін зерделеген. Олардың көбінесе заңсыз жауапқа тартылғаны анықталды.

Бас прокурордың орынбасары Болат Дембаевтың айтуынша, сауда үшін арнайы орындар анықталған кезде ғана жауапкершілік белгіленеді.

"Оларды облыстық, қалалық және аудандық әкімдер анықтайды ("Жергілікті мемлекеттік басқару туралы" Заңның 27, 31-баптары). Алайда, көптеген өңірде мұндай орындар болған жоқ, бірақ адамдарға 12-ден 27 мың теңгеге дейін айыппұл салынды", - дейді ол.

Мысалы, Жезқазған қаласында сауда орны белгіленбеген, бұған қарамастан кәсіпкерлер жауапкершілікке тартылды. Прокуратураның қолға алған шаралары бойынша 38 іс тоқтатылып, қалада сауда орындары анықталған.

Еліміздің басқа өңірінде – Ақмола облысының Зеренді ауданында прокурордың актісі бойынша сауда орындары анықталды. Жауапқа тарту туралы 26 заңсыз қаулының күші жойылды.

Жалпы прокуратураның шаралары бойынша 14 мыңнан астам заңсыз әкімшілік іс тоқтатылды, әкімдіктердің шешімімен еліміздің барлық өңірінде 4126 сауда орны анықталды. Бұл жұмыс жалғасып жатыр.

Олқылыққа жол берген 87 полицей мен 26 әкімдік қызметкері тәртіптік жауапкершілікке тартылған.

Бас прокуратураның бастамасымен Сауда және интеграция министрлігі осы мәселені бақылауға алды.

1861
Тақырып бойынша
Шығыс Қазақстанда рөлде ұйықтап кеткен полицей жол апатын жасады
150 мың теңге сұраған: көлікті себепсіз тоқтатқан екі полицей жұмыстан қуылды
Сыртынан жауып кеткен: полицей әйел өрт шыққан пәтердегі төрт баланы құтқарды
Коронавирустан 34 полицей қайтыс болды – Тұрғымбаев