Мектептегі оқушылар

Алматылық оқушылар төртінші тоқсанда қалай оқиды

3997
(Жаңартылды 17:22 30.03.2021)
Оқушылар мен мұғалімдер арасында коронавирус инфекциясының алдын алу мақсатында биыл оқу жылы қашықтан оқыту форматында басталған болатын

АЛМАТЫ, 30 наурыз – Sputnik. Алматыда оқушылар IV тоқсанда қашықтан оқиды. Бұл туралы брифинг кезінде Алматы қаласы білім басқармасы басшысының орынбасары Қайрат Жұманов мәлімдеді, деп хабарлайды Sputnik Қазақстан тілшісі.

Оқушылар мен мұғалімдер арасында коронавирус инфекциясының алдын алу мақсатында биыл оқу жылы қашықтан оқыту форматында басталғаны белгілі. Жұмановтың айтуынша, Алматы қаласы қазіргі уақытта "қызыл" аймақта және эпидемиологиялық жағдай нашарлап барады.

"Осыған байланысты мектептердің оңтайлы жұмыс режимін қамтамасыз ету үшін Алматы қаласы бас мемлекеттік санитарлық дәрігерінің қаулысымен оқу жылының соңына дейін жалпы білім беретін мектептердің 1-сыныптан 11-сыныпқа дейін қашықтан оқыту форматына көшіру туралы шешім қабылданды", - деді Жұманов.

Сондай-ақ ата-анасының өтініші бойынша 1-ден 5-сыныпқа дейін, халықаралық мектептерде 1-ден 7-сыныпқа дейін, 9 және 11 сынып оқушыларына кезекші сыныптар ашылады. Балалар саны 15 адамнан аспайды. Кезекші сыныпқа созылмалы ауруы жоқ балалар қабылданады.

"Кезекші сыныптарға баратын оқушыларға мектеп формасын кию міндеттелмейді. Таза, ұқыпты киімде болуы керек", - деді басқарма өкілі.

2020-2021 оқу жылында Алматыда мыңнан астам оқушы коронавирус инфекциясын жұқтырған. Оның ішінде 200-ден астам бала мектепте офлайн режимде оқыған. Ал қалған балалар науқас туыстарымен қарым-қатынас кезінде жұқтырған.

Басқарма өкілінің сөзінше, сабақтың қашықтан өтуіне байланысты оқу жылын ұзарту мәселесі қарастырылып жатқан жоқ. Оқу жылы жоспарға сай уақытта аяқталады. Кестеге сәйкес оқу жылының соңында 9-сынып оқушылары үш пәннен емтихан тапсырады. Үшеуі де жазбаша форматта өтеді. 11-сынып оқушылары 4 пәннен емтихан тапсырады.

Айта кетейік, қазір Алматыда 287 мыңнан астам оқушы оқитын 278 мектеп бар, оның 207-сі мемлекеттік, ал 71-і - жекеменшік мектеп.

3997
Кілт сөздер:
білім, Алматы, оқушылар
Тақырып:
Коронавирус эпидемиясы (2261)
Тақырып бойынша
Оқушылар төртінші тоқсанда қалай оқиды – жаңа қаулы шықты
COVID-тың "британдық" және "оңтүстікафрикалық" штаммы: астанада сынама жасалды
Неліктен Алматыда елордамен салыстырғанда едәуір қатаң карантин енгізілгені белгілі болды
Жандарбек Бекшин Алматыдағы эпидемиологиялық жағдайға баға берді
Қазақстан "қызыл" аймаққа кірді
Қасым-Жомарт Тоқаев

Мемлекет басшылары Тоқаевты құттықтап жатыр

1
Олар мемлекет басшысына зор денсаулық және бақыт тіледі, сондай-ақ бауырлас Қазақстан халқының одан әрі өсіп-өркендей беруіне тілектестік білдірді

НҰР-СҰЛТАН, 17 сәуір – Sputnik. Мемлекет басшысы Қасым-Жомарт Тоқаевтың атына қасиетті Рамазан айының басталуына орай шет мемлекеттердің басшыларынан және халықаралық ұйымдардың жетекшілерінен құттықтау хаттар мен жеделхаттар келіп түсуде, деп хабарлайды Ақорда.

Өзбекстан президенті Шавкат Мирзиёев жеделхатында Тоқаевқа ұзақ өмір, зор денсаулық және оның аса жауапты қызметіне табыс тілеп, бауырлас Қазақстан халқының өсіп-өркендей беруіне ниеттестік білдірген. Сондай-ақ ол екі ел арасындағы қарым-қатынастардың қарқынды дамып келе жатқанын атап өткен.

"Екі ел арасындағы тату көршілікке, жақын достыққа, өзара құрметке және қолдау көрсетуге негізделген стратегиялық серіктестік ортақ саяси ерік-жігеріміздің арқасында соңғы жылдары мүлде жаңа деңгейге көтерілгені күмәнсіз. Біздің табысты байланыстарымыз бен ұзақмерзімді серіктестігіміз одан әрі дами беретініне сенімдімін", – делінген Өзбекстан басшысының жеделхатында.

Сауд Арабиясының королі Салман бен Әбделәзиз Әл Сауд және Сауд Арабиясы Корольдігінің тақ мұрагері Мұхаммед бен Салман бен Әбделәзиз Әл Сауд өздерінің жеделхаттарында Қазақстан президентін қасиетті Рамазан айының басталуымен құттықтап, оған зор денсаулық және бақыт тілеген, сондай-ақ бауырлас Қазақстан халқының одан әрі өсіп-өркендей беруіне тілектестік білдірген.

Тағы оқыңыз: Рамазан-2021: маңызды 10 сұрақтың жауабы

Сонымен қатар Қазақстан президентіне Қатар әмірі Шейх Тамим бен Хамад Әл Тәни, Иордания королі II Абдалла, Оман сұлтаны Хайсам Бен Тариқ, Кувейт әмірі Шейх Наваф әл-Ахмад әл-Джабер Әс-Сабах, Кувейттің тақ мұрагері Мишаль әл-Ахмед әл-Джабер Әс-Сабах, Бахрейн королі Хамад бен Иса Әл Халифа, Марокко королі VI Мұхаммед, Египет президенті Әбдель Фаттах Әс-Сиси, Ирак президенті Бархам Салех, Палестина президенті Махмуд Аббас, Қатар шейхінің орынбасары Абдалла Бен Хамад Әл Тәни және Ислам ынтымақтастығы ұйымының бас хатшысы Юсеф әл-Осеймин өздерінің құттықтау хаттарын жолдады.

Биыл Рамазан айы 13 сәуірде басталып, 12 мамырда аяқталады. 8 мамырдан 9 мамырға қараған түн – қасиетті Қадір түні.

Пітір садақаның мөлшері жан басына 420 теңгені құрады.

1
Кілт сөздер:
Рамазан-2021, Қасым-Жомарт Тоқаев
Тақырып бойынша
Ақордада өткен кездесуде қырғыз президенті Тоқаевты таңғалдырды  
Тоқаев сыбайлас жемқорлыққа қарсы агенттіктегі ауыс-түйіс туралы айтты
Тоқаев жұмысын дұрыс атқармаған басшыны қызметінен босатуды бұйырды
Тоқаев кейбір салаларға қосымша қаражат бөлуді тапсырды
Прокуратура қызметкерінің формасы, архивтегі сурет

Жамбыл облысында прокуратура қызметкері ұсталды

675
Аудандық прокуратура қызметкеріне ірі мөлшерде пара алды деген айып тағылды, тергеу жүріп жатыр

НҰР-СҰЛТАН, 17 сәуір – Sputnik. Жамбыл облысында Байзақ ауданы прокуратурасының қызметкері пара үшін ұсталды, деп хабарлайды Бас прокуратураның баспасөз қызметі.

Күдіктіні ұстауға Ұлттық қауіпсіздік комитетінің Жамбыл облысындағы  департаменті де қатысқан. Прокуратура қызметкері 16 сәуірде ұсталды.

"Ол қомақты мөлшерде пара алды деген күдікке ілінді. Іс бойынша қажетті тергеу амалдары жүргізіліп жатыр", - деп мәлімдеді ведомстводағылар.

Өзге ақпарат тергеу мүддесіне байланысты жария етілмейді.

675
Кілт сөздер:
прокуратура, Жамбыл облысы
Тақырып бойынша
Мемлекетке 500 миллион теңге шығын келтірген қылмыстық топ ұсталды – видео
Петропавлда пара алып, тегін баспана ұсынған шенеунік ұсталды
Павлодарда "Жұмабектің бажасы" ұсталды – видео
Қостанайда 44 адамның атынан кредит алған алаяқ ұсталды