НҰР-СҰЛТАН, 31 наурыз – Sputnik. Шымкентте қызды күштеп алып қашқандардың жеке басы анықталып, ал жәбірленуші жағдайының жақсы екендігін айтты, деп хабарлайды қалалық полиция департаментінің баспасөз қызметі.

Қалалық криминалдық полиция басқармасының қызметкерлері жедел-іздестіру шарасының нәтижесінде ер адамның үйлену мақсатында қызды алып қашқаны анықталды. Олардың барлығы Түркістан облысының тұрғындары.

Тергеп, тексеруді нақтылау үшін бойжеткеннің өзімен бірге осы іске қатысқан жігіттер Түркістан облысының аумағынан Шымкент қаласының Еңбекші ауданы полиция басқармасына жеткізілді.

"Сол түні өзім сырттай танитын ер азамат үйлену мақсатында 18 мөлтекауданнан мені достарымен бірге автокөлікке күштеп отырғызып, алып кетті. Осы күнге дейін мен сол ер адамның үйінде болдым. Маған зорлық-зомбылық іс-әрекеттер жасалған жоқ. Жағдайым жақсы", – дейді бойжеткен.

Солай десек те, аталған дерек негізінде Қылмыстық кодекстің 126-бабының 2-бөлігі, 1-тармағымен ("бас бостандығынан заңсыз айыру") сотқа дейінгі тергеп-тексеру амалдары басталды.

Айта кетейік, бұл бапта кінәлілерді бес жылға дейінгі мерзімге бас бостандығынан айыру жазасы қарастырылады.

Қазіргі уақытта тергеу амалдары жалғасуда. Осы оқиғаның барлық қатысушылары ешқайда кетпеу туралы қолхатпен босатылды. Ал автокөлік айыптұраққа қойылды.

Оқи отырыңыз: БҰҰ қыз алып қашу дәстүріне қарсы шықты

Еске салсақ, 29 наурызда қаладағы көпқабатты үйлердің ауласында белгісіз тұлғалар бойжеткенді автокөлікке күштеп алып кеткен видеосы әлеуметтік желіде жарияланған болатын.

12 СӘУІРГЕ ЖОСПАРЛАНҒАН ШАРАЛАР

НҰР-СҰЛТАН

09.00 – Үкімет отырысы. Күн тәртібінде Қазақстан республикасының 2021 жылғы қаңтар-наурыз айындағы әлеуметтік-экономикалық дамуының қорытындысы және республикалық бюджеттің атқарылуы талқыланады. Отырыс PrimeMinister.kz сайтында және әлеуметтік желілердегі ресми аккаунттарында онлайн режимде көрсетіледі.

11.00 – "Халықтан заңсыз сақтаулы қару-жарақты, оқ-дәріні және жарылғыш заттарды сатып алу бойынша кезекті акция өткізу туралы" ішкі істер министрлігінің брифингі. Спикерлер: ішкі істер министрлігінің әкімшілік полиция комитеті төрағасының орынбасары Милюк Алексей Казимирович, ішкі істер министрлігінің әкімшілік полиция комитетінің бөлім басшысы Ыдырысов Асылбек Түлкібекұлы. Брифинг тақырыбы бойынша сұрақтарды 9 сәуір сағат 18:30-ға дейін mvd_pr@mail.ru электронды поштаға немесе 8 705 440-83-65 нөміріне (WhatsApp) жолдауға болады.

11.00 – Елорданың оң жағалауындағы Елбасы кітапханасының музейінде "Адамға табын, жер, енді" халықаралық онлайн көрмесі өтеді. Көрме Қазақстан Республикасы Тәуелсіздігінің 30 жылдығын мерекелеу аясында өткізіліп отыр. Сондай-ақ бұл шара Юрий Гагариннің ғарышқа ұшуының 60 жылдығына және Тоқтар Әубәкіровтың ғарышқа ұшуының 30 жылдығына арналған (Бейбітшілік көшесі, 11).

12.00 - Қазақстан Ғылым қызметкерлері күні Л.Н. Гумилев атындағы Еуразия ұлттық университетінде "Функционалдық материалдар және нанотехнологиялар", сондай-ақ "Функционалдық материалдарды кванттық-химиялық модельдеу" атты екі инновациялық білім беру-ғылыми зертханасы ашылады. Университеттің 25 жылдық мерейтойына арналған іс-шара ЖОО басшылығы мен физика-техникалық факультетінің ғалымдары және шақырылған профессорлардың қатысуымен өтеді. Өтетін орны: Қажымұқан көшесі 13, Л.Н.Гумилев атындағы ЕҰУ, №3 ғимарат.

БАЙКОҢЫР

"Ғарыштағы алғашқы адамдар" мерекелік концерті. Шараға танымал музыканттар мен актерлер, симфониялық оркестр қатысады. Концерт Байқоңыр ғарыш айлағының №1 ұшу алаңындағы "Гагарин стартында" өтеді.

Концертті Ресей Федерациясының мәдениет министрлігі, Ресей Федерациясы президенті әкімшілігі және адамзаттың алғаш рет ғарышқа ұшуының 60 жылдығын атап өту бойынша ұйымдастыру комитетінің қолдауымен Бүкілресейлік мемлекеттік телевизиялық және радиотарату компаниясымен бірлесіп орыс концерт агенттігі ұйымдастырды. Жобаның көркемдік жетекшісі – ресейлік танымал музыкант Юрий Башмет.

Концерт сценографиясында заманауи айрықша технологиялық құралдар қолданылады. Салтанатты кеште әлемнің түрлі елінен келген танымал композиторлар ғарыш пен жаңа кеңістікті игеруге арналған музыкалық туындыларының таныстырылымын өткізеді.

30 СӘУІРГЕ ЖОСПАРЛАНҒАН ШАРАЛАР

Денсаулық сақтау министрі Алексей Цой есеп беру үшін халықпен кездеседі. Кездесуде министр ведомствоның 2020 жылғы жұмысын қорытындылайды және алдағы жоспарлар жайлы айтады, сондай-ақ азаматтардың сұрағына жауап береді. Есеп беру кездесуі министрліктің ресми сайтында тікелей эфирде көрсетіледі. Министрге сұрақты мына электронды мекенжайға жіберуге болады: s.kopeev@dsm.gov.kz.

Жоспарланған шаралар тізімі ашық дереккөзден алынды. Sputnik Қазақстан іс-шаралардың уақыты мен күнінің өзгеруіне жауапты емес.