Алтын орда базарында төбелескендер татуласты

"Алтын орда" базарында төбелескендер қазақстандықтарға өтініш жасады

2807
(Жаңартылды 17:39 01.04.2021)
Көлік жүргізушісі мен тұрақ қызметкері қазақстандықтардан келеңсіз оқиғаны талқылауды тоқтатуды сұрады. Себебі жанжал жеке сипатқа ие

АЛМАТЫ, 1 сәуір – Sputnik. Алматыдағы "Алтын орда" базарындағы жанжалға байланысты сотқа дейінгі тергеу тоқтатылды. Бұл – жанжалға қатысы бар екі тараптың ортақ шешімі, деп хабарлайды Sputnik Қазақстан.

2021 жылдың 30 наурызында сағат 09:00 шамасында "Алтын Орда" базарының тұрағында көлік жүргізушісі мен тұрақ қызметкері арасында жанжал шықты. Аталған факті сотқа дейінгі тергеудің бірыңғай тізіліміне тіркелді.

Тергеу барысында екі айыпталушыға қатысты Қазақстан Қылмыстық кодексінің 293-бабы 2-бөлігі 1-тармағы "Бұзақылық" бойынша екі қылмыстық іс қозғалды.

Алматы облысы полиция департаменті баспасөз қызметінің хабарлауынша, Қарасай аудандық полиция басқармасында тергеу кезінде жанжалға қатысушылар өз қатесін мойындады. Олар бір-бірінен, сондай-ақ халықтан кешірім сұрап, сотқа дейінгі тергеуді тоқтату туралы өтініш жазды.

Сонымен қатар олар қазақстандықтардан сол оқиғаны талқылауды тоқтатуды сұрады. Себебі жанжал жеке сипатқа ие.

Полицияның хабарлауынша, екі адамға қатысты қылмыстық іс тоқтатылды.

"Алтын орда" базарындағы төбелес

30 наурызда Instagram-пабликтерде "Алтын орда" базарында болған жанжалдың видеосы тарады. Соған сәйкес, тұрақ үшін ақы жинайтын ер адам көлік жүргізушісінен тұраққа кіру үшін 100 теңге беруді талап еткен. Бірақ көлік жүргізушісінде 20 мың теңгелік тұтас ақшадан басқа ұсақ ақша болмаған. Ол картаға аударым жасауды ұсынды. Бірақ тұрақ қызметкері келіскен жоқ. Екеуі сөзге келіп, арты төбелеске ұласқан. Видеода жанжалдың қалай басталғаны көрсетілмейді. Көлік жүргізушісі тұрақ қызметкерін жағадан алып, баспен ұрады.

2807
Тақырып бойынша
Алматы базарындағы төбелес видеосы қызу талқыланып жатыр: полиция не дейді
Қасым-Жомарт Тоқаев

Мемлекет басшылары Тоқаевты құттықтап жатыр

556
Олар мемлекет басшысына зор денсаулық және бақыт тіледі, сондай-ақ бауырлас Қазақстан халқының одан әрі өсіп-өркендей беруіне тілектестік білдірді

НҰР-СҰЛТАН, 17 сәуір – Sputnik. Мемлекет басшысы Қасым-Жомарт Тоқаевтың атына қасиетті Рамазан айының басталуына орай шет мемлекеттердің басшыларынан және халықаралық ұйымдардың жетекшілерінен құттықтау хаттар мен жеделхаттар келіп түсуде, деп хабарлайды Ақорда.

Өзбекстан президенті Шавкат Мирзиёев жеделхатында Тоқаевқа ұзақ өмір, зор денсаулық және оның аса жауапты қызметіне табыс тілеп, бауырлас Қазақстан халқының өсіп-өркендей беруіне ниеттестік білдірген. Сондай-ақ ол екі ел арасындағы қарым-қатынастардың қарқынды дамып келе жатқанын атап өткен.

"Екі ел арасындағы тату көршілікке, жақын достыққа, өзара құрметке және қолдау көрсетуге негізделген стратегиялық серіктестік ортақ саяси ерік-жігеріміздің арқасында соңғы жылдары мүлде жаңа деңгейге көтерілгені күмәнсіз. Біздің табысты байланыстарымыз бен ұзақмерзімді серіктестігіміз одан әрі дами беретініне сенімдімін", – делінген Өзбекстан басшысының жеделхатында.

Сауд Арабиясының королі Салман бен Әбделәзиз Әл Сауд және Сауд Арабиясы Корольдігінің тақ мұрагері Мұхаммед бен Салман бен Әбделәзиз Әл Сауд өздерінің жеделхаттарында Қазақстан президентін қасиетті Рамазан айының басталуымен құттықтап, оған зор денсаулық және бақыт тілеген, сондай-ақ бауырлас Қазақстан халқының одан әрі өсіп-өркендей беруіне тілектестік білдірген.

Тағы оқыңыз: Рамазан-2021: маңызды 10 сұрақтың жауабы

Сонымен қатар Қазақстан президентіне Қатар әмірі Шейх Тамим бен Хамад Әл Тәни, Иордания королі II Абдалла, Оман сұлтаны Хайсам Бен Тариқ, Кувейт әмірі Шейх Наваф әл-Ахмад әл-Джабер Әс-Сабах, Кувейттің тақ мұрагері Мишаль әл-Ахмед әл-Джабер Әс-Сабах, Бахрейн королі Хамад бен Иса Әл Халифа, Марокко королі VI Мұхаммед, Египет президенті Әбдель Фаттах Әс-Сиси, Ирак президенті Бархам Салех, Палестина президенті Махмуд Аббас, Қатар шейхінің орынбасары Абдалла Бен Хамад Әл Тәни және Ислам ынтымақтастығы ұйымының бас хатшысы Юсеф әл-Осеймин өздерінің құттықтау хаттарын жолдады.

Биыл Рамазан айы 13 сәуірде басталып, 12 мамырда аяқталады. 8 мамырдан 9 мамырға қараған түн – қасиетті Қадір түні.

Пітір садақаның мөлшері жан басына 420 теңгені құрады.

556
Кілт сөздер:
Рамазан-2021, Қасым-Жомарт Тоқаев
Тақырып бойынша
Ақордада өткен кездесуде қырғыз президенті Тоқаевты таңғалдырды  
Тоқаев сыбайлас жемқорлыққа қарсы агенттіктегі ауыс-түйіс туралы айтты
Тоқаев жұмысын дұрыс атқармаған басшыны қызметінен босатуды бұйырды
Тоқаев кейбір салаларға қосымша қаражат бөлуді тапсырды
Прокуратура қызметкерінің формасы, архивтегі сурет

Жамбыл облысында прокуратура қызметкері ұсталды

693
Аудандық прокуратура қызметкеріне ірі мөлшерде пара алды деген айып тағылды, тергеу жүріп жатыр

НҰР-СҰЛТАН, 17 сәуір – Sputnik. Жамбыл облысында Байзақ ауданы прокуратурасының қызметкері пара үшін ұсталды, деп хабарлайды Бас прокуратураның баспасөз қызметі.

Күдіктіні ұстауға Ұлттық қауіпсіздік комитетінің Жамбыл облысындағы  департаменті де қатысқан. Прокуратура қызметкері 16 сәуірде ұсталды.

"Ол қомақты мөлшерде пара алды деген күдікке ілінді. Іс бойынша қажетті тергеу амалдары жүргізіліп жатыр", - деп мәлімдеді ведомстводағылар.

Өзге ақпарат тергеу мүддесіне байланысты жария етілмейді.

693
Кілт сөздер:
прокуратура, Жамбыл облысы
Тақырып бойынша
Мемлекетке 500 миллион теңге шығын келтірген қылмыстық топ ұсталды – видео
Петропавлда пара алып, тегін баспана ұсынған шенеунік ұсталды
Павлодарда "Жұмабектің бажасы" ұсталды – видео
Қостанайда 44 адамның атынан кредит алған алаяқ ұсталды