Карантин шарасы

Қазақстанда қатаң карантин енгізіле ме?

3632
(Жаңартылды 12:54 03.04.2021)
Бүгінде дәрі-дәрмектер мен медициналық жабдықтардың тапшылығы байқалады. Ал Тоқаев жансақтау бөлімдерінің барлығы орташа есеппен 64 процентке ғана дайын екенін ашық айтты

НҰР-СҰЛТАН, 3 сәуір – Sputnik. Қазақстанда эпидемиологиялық ахуал нашарлады. Біз коронавирустың таралуы жағынан "қызыл" зонада тұрмыз. Әсіресе, Нұр-Сұлтан мен Алматыда жағдай ушыққан соң екі қаланы толығымен жаппаса да, карантинді күшейтті. "Қызыл" аймаққа бір табан жақын тұрған облыстар да бар. Көктем болса, енді басталды. Алдағы уақытта не болады? Қатаң карантин қайта енгізіле ме? Ең маңыздысы жазға қарай былтырғы жағдай қайталанбай ма? Sputnik Қазақстан тілшісі осы мәселелерді зерделеп көрді.

Қазіргі эпидемиологиялық жағдайдың нашарлағанын статистикадан анық байқауға болады. Наурыздың ортасында күн сайын, шамамен мың адамның коронавирус жұқтырғаны анықталса, бүгінде олардың саны екі есеге өсіп отыр. Содан президенттің өзі үкіметті жинап, шұғыл түрде жиын өткізді. Мемлекет басшысының айтуынша, эпидемиологиялық ахуал өте күрделі.

"Жалпы алғанда, қазіргі жағдайымыз жақсы емес. Тіпті, ахуал өте күрделі деп айтуға болады. Коронавирус індеті қайта өршіп келеді. Мұны Қазақстан ғана емес, көптеген ел бастан өткеруде. Оның негізгі себебі вирустың мутацияланған жаңа штаммдары болып отыр", – дейді Тоқаев.

Бүгінге дейін елімізде коронавирустың үш штаммы анықталды. Олар – британдық, бразилиялық және оңтүстік африкалық штаммдар. Үшеуі де сырттан келді. Британдық штамм ең қауіпті дейді. Одан өлім-жітім көп болады екен. Вирустың таралу қарқыны да қатты. Ал шетелдік ғалымдар мутацияға ұшыраған коронавирустың қауіпті болатынын растап отыр. COVID-19 инфекциясын туғызатын SARS-CoV-2 вирусының құрамында 15 ген бар екен. Вирустың өзі үнемі мутацияға ұшырайды. Ондай өзгерістер патогеннің қаупін төмендетпейді. Бірақ кейбір мутациялар вирустың таралуын күшейтеді. Ондайда инфекция тез жұғады.

Бұған дейін Нұр-Сұлтан мен Алматыда, сондай-ақ Ақтөбе облысында коронавирустың британдық штаммы анықталған болатын. Демек, осы мутация қазіргі жағдайды ушықтырып отыр. Оған қоса, адамдар карантиннен әбден қажып, сақтық шараларына салғырт қарай бастады. Соның нәтижесінде эпидемиологиялық жағдай нашарлай түскен.

Мәселен, астанада жан сақтау бөлімдері 60 процентке толды. Президент те науқастар көбеюі мүмкін деп отыр. Сол кезде медицина мамандары қайтадан шапқылайды, ауруханада орын болмайды. Өлім-жітім көбейеді. Қазірдің өзінде бұл көрсеткіш 2,7 есеге өсіп отыр. Алматы мен Нұр-Сұлтанда, сондай-ақ Батыс Қазақстан мен Қарағанды облысында науқастардың басым бөлігі қайтыс болды.

Бүгінде дәрі-дәрмектер, медициналық бұйымдар мен жабдықтардың тапшылығы да байқалады. Тоқаев жансақтау бөлімдерінің барлығы орташа есеппен 64 процентке ғана дайын екенін ашық айтты. Ондай жағдайда денсаулық сақтау жүйесіне шамадан тыс салмақ түсуі мүмкін. Осыған байланысты мемлекет басшысы бас дәрігерлер мен әкім орынбасарларының жеке жауапкершілігін бекітуді тапсырды. Ал жағдай түзелмесе, денсаулық министрі де, "СК-Фармация" басшылығы да жұмыстан кетеді. Президент министрге бір ай уақыт берді.

Цойдың өзі коронавирустың мутацияланған штаммдарын ескере отырып, алдағы эпидемиологиялық жағдайдың болжамын жаңарттық дейді. Осылайша, пессимистік сценарий бойынша сәуір-маусым айларында коронавирусты 370 мың адам жұқтырады. Сол кезде 190 мың адамға аурухананың көмегі керек болады. Реалистік сценарийге сәйкес, алдағы екі айда, шамамен 250 мың науқас тіркеліп, 127 мың адам медициналық көмекке жүгінеді. Ал оптимистік сценарий бойынша сәуір-маусымда 140 мың пациент тіркеледі де, ауруханаға 71 мың адамды жатқызу қажеттілігі туындайды.

Министрдің сөзіне қарағанда, коронавирус жұқтырған науқастарға медициналық көмек көрсету үшін 25 893 төсек-орын бар. Қазіргі кезде 258 инфекциялық стационардың барлығын қосқанда төсек-орынның 33 проценті бос емес. Бұдан бөлек, резервте 51 мың орын тұр. Ал барлық жан сақтау бөлімінде 2 394 төсек-орын жасақталған. Соның 20 процентінде науқастар жатыр.

Демек, пессимистік сценариймен 190 мың адамды екі айдың ішінде біртіндеп емдегеннің өзінде инфекциялық стационарларға үлкен салмақ түседі. Өлім-жітім көбейген жағдайда жан сақтау бөлімдері жетпей қалуы да мүмкін. Оған жеткізбеу үшін қатаң карантинді енгізуден басқа амал жоқ.

Сондықтан, оптимистік сценарийдің іске асқаны керек. Әрине, бұның бәрі өзімізге байланысты.

Өкінішке қарай, вакцинация да баяу атқарылып келеді. Екі айдың ішінде коронавирусқа қарсы екпе алғандардың саны 0,1 процентке де жетпейді.  Қазақстандық вакцина шығаратын зауыт та дайын емес. Демек, осы айдың соңында отандық екпені өндіріске жіберуге рұқсат берілсе де, кәсіпорынның құрылысын аяқтауға үлгермейді. Сол себепті президент басқа елдерден қосымша вакцина жіберуді сұраған. Ал жеткізу жұмыстарын  жеделдету үшін тиімсіз коммерциялық және қаржылық шарттарға келісуге мәжбүрміз. Тоқаев та осыны ерекше атап өтті.

Оқи отырыңыз: "Атамекен" палатасы Бекшиннің қаулысы туралы: тым қатаң шешім

Осы айда коронавирусқа қарсы вакцинаның қосымша 2,5 миллион дозасы жеткізіледі деген жоспар бар. Дегенмен, соның бәрін екі айдың ішінде салып үлгермейтіні белгілі. Ал ұжымдық иммунитетті қалыптастыру үшін халықтың 60-70 проценті екпе алуы қажет.

P.S. Денсаулық сақтау министрі 30 сәуірде халыққа есеп беруді жоспарлап қойған. Цой мырза жұмыстан кетпейтіндей есеп беруге тырысады деп сенейік...

3632
Кілт сөздер:
індет, коронавирус, карантин
Тақырып:
Төтенше жағдай және карантин (786)
Тақырып бойынша
Нұр-Сұлтанда карантин күшейтілді – жаңа қаулыда не айтылған
Қазақстанның тағы бір облысында карантин күшейді
Алматыда – қатаң карантин: Бекшин шұғыл брифинг өткізді
Неліктен Алматыда елордамен салыстырғанда едәуір қатаң карантин енгізілгені белгілі болды
Сағынтаев карантин кезінде кәсіпкерлерге қандай көмек көрсетілетінін айтты
Смартфон

Қазақстандықтар мемлекеттік сайттардың осалдығын анықтап ақша таба алады

884
(Жаңартылды 19:30 13.04.2021)
Қазақстандықтар мемлекеттік сайттың осалдығы туралы Bug Bounty бағдарламасының көмегімен хабарлай алады

НҰР-СҰЛТАН, 13 сәуір – Sputnik. Мемлекеттік сайттардың кемшілігі мен осалдығын анықтап, оны жоюға көмектескен қазақстандықтарға ақшалай сыйақы төленеді. Бұл туралы "Мемлекеттік техникалық қызмет" АҚ ақпараттық қауіпсіздіктің ұлттық үйлестіру орталығының директоры Серік Холдас мәлімдеді, деп хабарлайды Sputnik Қазақстан тілшісі.

Қазақстандықтар сайттың осалдығы туралы Bug Bounty бағдарламасының көмегімен хабарлай алады.

"Мұндай бағдарламалар көптеген ірі компанияда – Mail.ru, Яндекс, Uber, Google-да бар. Егер қандай да бір маман, хакер жүйенің осалдығын тапса, ол оны тапсырып, ақшалай сыйақы ала алады. Қазақстанда біз бірегей бағдарламаны іске қостық, мұндай бүкіл әлемде жоқ. Азаматтар барлық мемлекеттік жүйеде анықталған осалдық туралы хабарлай алады", - деді Холдас брифингте.

Ол Ұлттық банкпен бірлесіп BugBounty бағдарламасына барлық банкті қосу мәселесі шешіліп жатқанын айтты.

"Осал емес жүйе болмайды, тіпті пентагонның өзін бұзып жатады. Бірақ қалай да соны қорғау процесін ұйымдастыру қажет. Мәселен, өткен аптада зерттеушілердің бірі бүкіл қаланың тыныс-тіршілігін қамтамасыз етуге әсер ететін осалдықты анықтады. Мұның өзі осы бағдарламаның қаншалықты пайдалы екенін көрсетеді", - деді орталық директоры.

884
Тақырып бойынша
Маман телефондағы көпшілік біле бермейтін PIN-кодтың пайдасы туралы айтты
"Кез келген адам ақша таба алады": Қазпошта жаңа қызметті іске қоспақшы
Алаяқтар картаның кодын қалай біліп алады – министрлік ақпарат берді
Ұялы телефон арқылы қалай қосымша ақша табуға болады – маман кеңесі
Вакцина

Мамин президентке ай сайын 2 миллион адамға вакцина салынатынын айтты

42
Премьер-министрдің мәліметіне сәйкес, қыркүйек айында жалпы 10 миллион азаматқа екпе салынып, вакциналау жұмысы аяқталады

НҰР-СҰЛТАН, 13 сәуір — Sputnik. Қазақстан президенті Қасым-Жомарт Тоқаев премьер-министр Асқар Маминді қабылдады, деп хабарлады Ақорда.  

Қасым-Жомарт Тоқаевқа биылғы қаңтар-наурыз айларындағы еліміздегі әлеуметтік-экономикалық дамудың қорытындылары және санитарлық-эпидемиологиялық ахуал жөнінде есеп берілді.

Премьер-министрдің мәліметіне сәйкес, аталған кезеңде экономиканың нақты секторында орнықты дамудың оң қарқыны байқалады.

Асқар Мамин Қасым-Жомарт Тоқаевқа еліміздегі санитарлық-эпидемиологиялық ахуал жайында баяндады. Ауруханалардағы жұқпалы дертке шалдыққандарға арналған бөлімдердің – 41 пайызында, жан сақтау бөлімдердің – 27 пайызында науқастар ем қабылдап жатыр. Сәуір айынан бастап өңірлерде ай сайын 2 миллион адамға вакцина салынады. Қыркүйек айында жалпы 10 миллион азаматқа екпе салынып, вакциналау жұмысы аяқталады.

Оқи отырыңыз: Вакцина салдырған соң бетпердесіз жүруге бола ма – сарапшы пікірі 

Премьер-министрдің айтуынша, денсаулық сақтау жүйесі қажетті мөлшерде дәрі-дәрмектермен және медициналық жабдықтармен толық қамтамасыз етілген. Медициналық мекемелерде дәрі-дәрмектің бір айлық, ал "СҚ-Фармация" қоймалары мен дәріханаларда екі айлық қоры жинақталған. Еліміздің барлық өңірінде дәрі-дәрмектердің, қорғаныш құралдары мен шприцтердің үш айға жететін тұрақты қоры бар.

Сонымен қатар кездесу барысында мемлекеттік бағдарламаларды, Қазақстанның Еуразиялық экономикалық одаққа төрағалығының басым бағыттарын жүзеге асыру және инвестиция тарту, экономика саласын одан әрі цифрландыру, Үкіметтің жұмысына озық цифрлық шешімдер енгізу, халықты жұмыспен қамтуды қолдау, әлеуметтік маңызы бар тауарлардың бағасын тұрақтандыру жөнінде қабылданып жатқан шаралар туралы мәселелер талқыланды.  

Президентке 1 сәуірде өткен ОПЕК+ министрлер кездесуінің қорытындылары туралы мәлімет берілді. Онда Қазақстан үшін мұнай өндірудің тәуліктік көлемін қосымша 6 мың баррельге арттыруды көздейтін арнайы шарт келісілді. Тиісінше жыл қорытындысы бойынша мұнай өндірісінде едәуір серпін болуы тиіс.

42
Кілт сөздер:
коронавирус, вакцина
Тақырып:
COVID-ке қарсы вакцина
Нұр-Сұлтан

Нұр-Сұлтанда әлеуметтік пәтер саны 2018 жылмен салыстырғанда 9 есе өседі

0
(Жаңартылды 20:00 13.04.2021)
Көлгінов үйлердің сапасына, абаттандыруға ерекше назар аударуды, құрылыс қарқынын төмендетпеуді тапсырды

НҰР-СҰЛТАН, 13 сәуір – Sputnik. Нұр-Сұлтан әкімі Алтай Көлгінов әлеуметтік пәтерлер саны артқанын, сол сияқты Алматы ауданында бірқатар мектептің құрылысы жүргізіліп жатқанын мәлім етті, деп хабарлады елорда әкімдігінің ресми сайты.

"Елорда аудандарын "Нұр-Сұлтан - жайлы қала" мастер-жоспары аясында дамытып жатырмыз. Аудандар полиорталық қағидатына сай дамуда, яғни қажетті әлеуметтік нысандар жаяу қашықтықта орналасқан", — деп жазды қала әкімі Instagram парақшасында.

Көлгінов бүгін жеңілдікпен берілетін бірқатар қолжетімді тұрғын үй құрылысының барысымен танысты. Әлеуметтік тұрғын үй Алматы ауданында орналасқан. Тұрғын үй кешенінің бірінші қабаттарында оңалту орталықтары, балабақшалар, балаларға арналған үйірмелер және тағы басқа әлеуметтік нысандар ашылады.

Әкімнің айтуынша, Алматы ауданында бірқатар мектептің құрылысы жүргізіліп жатыр. Бұл бір мезгілде жаңа ТК тұрғындарының оқушы орындарына деген қажеттілігін жабуға мүмкіндік береді.

Оқи отырыңыз: "Бақытты отбасы" бағдарламасы бойынша өтінім қабылдау басталды 

"Үйлердің сапасына, абаттандыруға ерекше назар аударуды, құрылыс қарқынын төмендетпеуді тапсырдым. Сапасыз жұмыс қабылданбайды", - деді ол.

Көлгінов мемлекет басшысының тапсырмасына сәйкес жеңілдікпен берілетін қолжетімді тұрғын үй көлемін ұлғайту бойынша жоспарлы жұмыс жүргізіліп жатқанын атап өттіз. Биыл көрсеткішті 10 мың әлеуметтік пәтерге дейін көтеру жоспарланған. Көрсеткіш 2018 жылмен салыстырғанда 9 есеге артады.

2019 жылы 2900 әлеуметтік пәтер салынып, пайдалануға берілсе, өткен жылы 7 мыңнан астам пәтер салынды.

0