бозбала, архивтегі фото

Шымкентте 1,5 жасар баланы асырап алған отбасы оны 16 жылдан кейін кері қайтарған

3621
Жыл сайын асыранды балалардың шамамен 20%-і патронаттық ата-анамен келіспеушілігіне байланысты балалар үйіне кері қайтарылады

НҰР-СҰЛТАН, 7 сәуір – Sputnik. Асырап алған балалардың басым бөлігі балалар үйіне кері қайтарылады, деп хабарлайды "Астана" телеарнасы.

Елімізде жыл сайын мыңға жуық ата-ана бала асырап алу туралы шешім қабылдайды. Алайда қанша күш салынғанмен, баламен тіл табысу барлығының қолынан келе бермейді. Бала отбасында ұзақ уақыт болмаған сайын, күнделікті өмір салтына бейімделу соғұрлым қиындай түседі. Балалар үйіндегі тәрбиенің ізі мәңгі қалады.

"Бала мекемеде неғұрлым ұзақ тұрса, соғұрлым терең жарақат алады. Бала туғаннан бастап сол жерде тұруы мүмкін. Ол отбасы жылуын сезбей өседі. Материалдық-техникалық тәрізді барлық мүмкіндіктер жасалғанмен әр баланың жақын сезінетін адамы жоқ", - дейді "Ана үйі" бала асырап алу жөніндегі ұлттық агенттік" ҚҚ жобасының жетекшісі Ләззат Жүсіпова.

Баланың қиындыққа толы өткен өмірі оған әсер етіп қана қоймай, жаңа отбасына бейімделуге кедергі келтіреді. Асырап алған баланың қиын мінезіне шыдамаған ерлі-зайыпты оны балалар үйіне қайтарады. Бұл кәмелетке толмаған баланың психологиясын одан әрі жарақаттайды. Асырап алынғандардың 20%-і кері қайтарылады. 

Мәселен, Қостанай облысында апалы-сіңлі екі қыз он жылда жеті мекеме мен екі отбасын ауыстырған. Ал Шымкентте балалар үйіне 17 жасар жасөспірімді қайтарған. Оны бір жарым жасында асырап алған.   

"Алматы облысында әйел алты жасар баланы асырап алды. Бала ақша ұрлайды, өтірік айтады, мектепке бармайды деген шағымдар түсті. Әйелге тұрақты түрде кеңес беріп отырдық. Айтқан кеңестерімізді тыңдамады. Баланы қайтарып алу туралы бастама көтердік. Кейін толыққанды отбасын таптық. Қазір бала жақсы бейімделіп келе жатыр", - дейді Ләззат Жүсіпова.

Оқи отырыңыз: Үйдің кіреберісінен нәресте табылды: полиция қарағандылықтардан көмек сұрады

Кері қайтарудың санын азайту үшін бала асырауға үміткерлер арнайы мектептен өтуі міндеттелген. Бұл курста бала асырап алушыларға алда не күтіп тұрғаны айтылады. Арнайы дайындықтан кейін бала асыруға ниет білдіргендердің үштен бірі сейіледі.     

Қазір балалар үйінде 4 мыңнан астам тәрбиеленуші бар. Он жыл бұрын бұл сан үш есе көп еді. Балалардың 90%-і жеті жастан асқан. Бұл дегеніміз, олардың өз отбасын табуы екіталай. 

3621
Кілт сөздер:
Шымкент, бала асырап алу, балалар үйі
Тақырып бойынша
Нұртас Адамбай америкалық отбасы асырап алған қызға анасын табуға көмектесті
Америкалық отбасы 17 жыл бұрын Қазақстаннан асырап алған бала көз жұмды
Бельгиялық отбасы асырап алған Аида мен Салтанат тарихи отанына келді
Америкалық отбасы асырап алған қазақ баласы Павлодардағы бауырларын тапты
Қасым-Жомарт Тоқаев

Мемлекет басшылары Тоқаевты құттықтап жатыр

796
Олар мемлекет басшысына зор денсаулық және бақыт тіледі, сондай-ақ бауырлас Қазақстан халқының одан әрі өсіп-өркендей беруіне тілектестік білдірді

НҰР-СҰЛТАН, 17 сәуір – Sputnik. Мемлекет басшысы Қасым-Жомарт Тоқаевтың атына қасиетті Рамазан айының басталуына орай шет мемлекеттердің басшыларынан және халықаралық ұйымдардың жетекшілерінен құттықтау хаттар мен жеделхаттар келіп түсуде, деп хабарлайды Ақорда.

Өзбекстан президенті Шавкат Мирзиёев жеделхатында Тоқаевқа ұзақ өмір, зор денсаулық және оның аса жауапты қызметіне табыс тілеп, бауырлас Қазақстан халқының өсіп-өркендей беруіне ниеттестік білдірген. Сондай-ақ ол екі ел арасындағы қарым-қатынастардың қарқынды дамып келе жатқанын атап өткен.

"Екі ел арасындағы тату көршілікке, жақын достыққа, өзара құрметке және қолдау көрсетуге негізделген стратегиялық серіктестік ортақ саяси ерік-жігеріміздің арқасында соңғы жылдары мүлде жаңа деңгейге көтерілгені күмәнсіз. Біздің табысты байланыстарымыз бен ұзақмерзімді серіктестігіміз одан әрі дами беретініне сенімдімін", – делінген Өзбекстан басшысының жеделхатында.

Сауд Арабиясының королі Салман бен Әбделәзиз Әл Сауд және Сауд Арабиясы Корольдігінің тақ мұрагері Мұхаммед бен Салман бен Әбделәзиз Әл Сауд өздерінің жеделхаттарында Қазақстан президентін қасиетті Рамазан айының басталуымен құттықтап, оған зор денсаулық және бақыт тілеген, сондай-ақ бауырлас Қазақстан халқының одан әрі өсіп-өркендей беруіне тілектестік білдірген.

Тағы оқыңыз: Рамазан-2021: маңызды 10 сұрақтың жауабы

Сонымен қатар Қазақстан президентіне Қатар әмірі Шейх Тамим бен Хамад Әл Тәни, Иордания королі II Абдалла, Оман сұлтаны Хайсам Бен Тариқ, Кувейт әмірі Шейх Наваф әл-Ахмад әл-Джабер Әс-Сабах, Кувейттің тақ мұрагері Мишаль әл-Ахмед әл-Джабер Әс-Сабах, Бахрейн королі Хамад бен Иса Әл Халифа, Марокко королі VI Мұхаммед, Египет президенті Әбдель Фаттах Әс-Сиси, Ирак президенті Бархам Салех, Палестина президенті Махмуд Аббас, Қатар шейхінің орынбасары Абдалла Бен Хамад Әл Тәни және Ислам ынтымақтастығы ұйымының бас хатшысы Юсеф әл-Осеймин өздерінің құттықтау хаттарын жолдады.

Биыл Рамазан айы 13 сәуірде басталып, 12 мамырда аяқталады. 8 мамырдан 9 мамырға қараған түн – қасиетті Қадір түні.

Пітір садақаның мөлшері жан басына 420 теңгені құрады.

796
Кілт сөздер:
Рамазан-2021, Қасым-Жомарт Тоқаев
Тақырып бойынша
Ақордада өткен кездесуде қырғыз президенті Тоқаевты таңғалдырды  
Тоқаев сыбайлас жемқорлыққа қарсы агенттіктегі ауыс-түйіс туралы айтты
Тоқаев жұмысын дұрыс атқармаған басшыны қызметінен босатуды бұйырды
Тоқаев кейбір салаларға қосымша қаражат бөлуді тапсырды
Прокуратура қызметкерінің формасы, архивтегі сурет

Жамбыл облысында прокуратура қызметкері ұсталды

705
Аудандық прокуратура қызметкеріне ірі мөлшерде пара алды деген айып тағылды, тергеу жүріп жатыр

НҰР-СҰЛТАН, 17 сәуір – Sputnik. Жамбыл облысында Байзақ ауданы прокуратурасының қызметкері пара үшін ұсталды, деп хабарлайды Бас прокуратураның баспасөз қызметі.

Күдіктіні ұстауға Ұлттық қауіпсіздік комитетінің Жамбыл облысындағы  департаменті де қатысқан. Прокуратура қызметкері 16 сәуірде ұсталды.

"Ол қомақты мөлшерде пара алды деген күдікке ілінді. Іс бойынша қажетті тергеу амалдары жүргізіліп жатыр", - деп мәлімдеді ведомстводағылар.

Өзге ақпарат тергеу мүддесіне байланысты жария етілмейді.

705
Кілт сөздер:
прокуратура, Жамбыл облысы
Тақырып бойынша
Мемлекетке 500 миллион теңге шығын келтірген қылмыстық топ ұсталды – видео
Петропавлда пара алып, тегін баспана ұсынған шенеунік ұсталды
Павлодарда "Жұмабектің бажасы" ұсталды – видео
Қостанайда 44 адамның атынан кредит алған алаяқ ұсталды