Білім және ғылым министрі Асхат Аймағамбетов

Оқушылар қашан мектепке барып оқиды білім министрі жауап берді

3611
(Жаңартылды 15:19 08.04.2021)
Пандемияға қатысты жағдай жақсарып, өңірлер "сары" және "жасыл" аймаққа өтсе, мектепке баруға рұқсат беріледі

НҰР-СҰЛТАН, 8 сәуір — Sputnik. Білім және ғылым министрі Асхат Аймағамбетов қандай жағдайда оқушылардың барлығы мектепке барып оқитынын айтты, деп хабарлайды Sputnik Қазақстан тілшісі.

"Пандемияға қатысты жағдай жақсарып, өңірлер "сары" және "жасыл" аймаққа өтсе, мектепке баруға рұқсат беріледі. Әдетте өңір "жасыл" аймақта болса, барлық оқушы мектепке барып оқиды", - деді Аймағамбетова орталық коммуникациялар қызметінде өткен онлайн брифингте.  

Министрдің айтуынша, оқушылардың мектепке тездетіп баруына вакциналау да ықпал етеді. Себебі екпе салынса, ауру тарамайды. Шектеу шаралары да жеңілдетіледі.  

Оқи отырыңыз: Оқушыларға жазғы демалыста 42 500 теңге төленеді 

"Әрине, бәрі санитарлық-эпидемиологиялық талаптарды сақтауымызға байланысты. Былайша айтқанда, әрбіреуіміз санитар дәрігерлердің кеңесін орындасақ, пандемияны жылдам ауыздықтай аламыз. Балаларымыз мектепке ертерек барады", - деп түйіндеді Аймағамбетов.

IV тоқсан қалай басталды?

Бас мемлекеттік санитар дәрігердің қаулысына сәйкес, коронавирустың таралуы бойынша "жасыл" және "сары" аймақта тұрған өңірлерде барлық сынып аралас форматта оқиды. Сыныпта балалар санын 25-тен асырмау қажет.

Ал "қызыл" аймақта жалпы білім беретін мектептерде мектепалды даярлық, 1-5 сынып оқушылары (халықаралық мектептерде 1-7 сыныптар) аралас форматта оқиды, сыныпта оқушылар саны 25-тен аспауға тиіс.

9, 11 (12) сыныптар аптаның алты күні аралас форматта білім алады. Сыныпта 15 адамнан көп болмауға тиіс, "бір сынып-бір кабинет" қағидаты мен маска режимі және санитарлық талаптар сақталуы шарт.

Республиканың барлық өңірінде:

  • контингенті 300 оқушыға дейінгі мектептерде дәстүрлі форматқа рұқсат етіледі, сыныпта балалар саны 25-тен аспауы керек;
  • сабақтан тыс уақытта 15 адамнан аспайтын топтарда оқушыларды жеке оқытуға болады.

Бүгінде Нұр-Сұлтан мен Алматыда індеттің қайта өршуіне байланысты мектеп оқушылары қашықтан оқыту форматын ауыстырылды. Елордада соңғы тоқсанда тек 9, 11 (12) сынып оқушыларына ғана аралас форматта оқуға рұқсат етіліп отыр. Қалғандары үйде, онлайн білім алады.

3611
Тақырып:
Төтенше жағдай және карантин (788)
Тақырып бойынша
Үш бірдей вакцина салдырдым – білім министрі
Оқытушылардың жалақысын көбейту керек – Аймағамбетов
Кейбір қазақстандық оқушылар каникулда сабақ оқуы мүмкін
Енді докторанттар диссертация жазбай-ақ ғылыми атақты қорғай алады
Қазақстан 12 жылдық білім беруге 2023 жылдан бастап көшеді
Қасым-Жомарт Тоқаев

Мемлекет басшылары Тоқаевты құттықтап жатыр

818
Олар мемлекет басшысына зор денсаулық және бақыт тіледі, сондай-ақ бауырлас Қазақстан халқының одан әрі өсіп-өркендей беруіне тілектестік білдірді

НҰР-СҰЛТАН, 17 сәуір – Sputnik. Мемлекет басшысы Қасым-Жомарт Тоқаевтың атына қасиетті Рамазан айының басталуына орай шет мемлекеттердің басшыларынан және халықаралық ұйымдардың жетекшілерінен құттықтау хаттар мен жеделхаттар келіп түсуде, деп хабарлайды Ақорда.

Өзбекстан президенті Шавкат Мирзиёев жеделхатында Тоқаевқа ұзақ өмір, зор денсаулық және оның аса жауапты қызметіне табыс тілеп, бауырлас Қазақстан халқының өсіп-өркендей беруіне ниеттестік білдірген. Сондай-ақ ол екі ел арасындағы қарым-қатынастардың қарқынды дамып келе жатқанын атап өткен.

"Екі ел арасындағы тату көршілікке, жақын достыққа, өзара құрметке және қолдау көрсетуге негізделген стратегиялық серіктестік ортақ саяси ерік-жігеріміздің арқасында соңғы жылдары мүлде жаңа деңгейге көтерілгені күмәнсіз. Біздің табысты байланыстарымыз бен ұзақмерзімді серіктестігіміз одан әрі дами беретініне сенімдімін", – делінген Өзбекстан басшысының жеделхатында.

Сауд Арабиясының королі Салман бен Әбделәзиз Әл Сауд және Сауд Арабиясы Корольдігінің тақ мұрагері Мұхаммед бен Салман бен Әбделәзиз Әл Сауд өздерінің жеделхаттарында Қазақстан президентін қасиетті Рамазан айының басталуымен құттықтап, оған зор денсаулық және бақыт тілеген, сондай-ақ бауырлас Қазақстан халқының одан әрі өсіп-өркендей беруіне тілектестік білдірген.

Тағы оқыңыз: Рамазан-2021: маңызды 10 сұрақтың жауабы

Сонымен қатар Қазақстан президентіне Қатар әмірі Шейх Тамим бен Хамад Әл Тәни, Иордания королі II Абдалла, Оман сұлтаны Хайсам Бен Тариқ, Кувейт әмірі Шейх Наваф әл-Ахмад әл-Джабер Әс-Сабах, Кувейттің тақ мұрагері Мишаль әл-Ахмед әл-Джабер Әс-Сабах, Бахрейн королі Хамад бен Иса Әл Халифа, Марокко королі VI Мұхаммед, Египет президенті Әбдель Фаттах Әс-Сиси, Ирак президенті Бархам Салех, Палестина президенті Махмуд Аббас, Қатар шейхінің орынбасары Абдалла Бен Хамад Әл Тәни және Ислам ынтымақтастығы ұйымының бас хатшысы Юсеф әл-Осеймин өздерінің құттықтау хаттарын жолдады.

Биыл Рамазан айы 13 сәуірде басталып, 12 мамырда аяқталады. 8 мамырдан 9 мамырға қараған түн – қасиетті Қадір түні.

Пітір садақаның мөлшері жан басына 420 теңгені құрады.

818
Кілт сөздер:
Рамазан-2021, Қасым-Жомарт Тоқаев
Тақырып бойынша
Ақордада өткен кездесуде қырғыз президенті Тоқаевты таңғалдырды  
Тоқаев сыбайлас жемқорлыққа қарсы агенттіктегі ауыс-түйіс туралы айтты
Тоқаев жұмысын дұрыс атқармаған басшыны қызметінен босатуды бұйырды
Тоқаев кейбір салаларға қосымша қаражат бөлуді тапсырды
Прокуратура қызметкерінің формасы, архивтегі сурет

Жамбыл облысында прокуратура қызметкері ұсталды

708
Аудандық прокуратура қызметкеріне ірі мөлшерде пара алды деген айып тағылды, тергеу жүріп жатыр

НҰР-СҰЛТАН, 17 сәуір – Sputnik. Жамбыл облысында Байзақ ауданы прокуратурасының қызметкері пара үшін ұсталды, деп хабарлайды Бас прокуратураның баспасөз қызметі.

Күдіктіні ұстауға Ұлттық қауіпсіздік комитетінің Жамбыл облысындағы  департаменті де қатысқан. Прокуратура қызметкері 16 сәуірде ұсталды.

"Ол қомақты мөлшерде пара алды деген күдікке ілінді. Іс бойынша қажетті тергеу амалдары жүргізіліп жатыр", - деп мәлімдеді ведомстводағылар.

Өзге ақпарат тергеу мүддесіне байланысты жария етілмейді.

708
Кілт сөздер:
прокуратура, Жамбыл облысы
Тақырып бойынша
Мемлекетке 500 миллион теңге шығын келтірген қылмыстық топ ұсталды – видео
Петропавлда пара алып, тегін баспана ұсынған шенеунік ұсталды
Павлодарда "Жұмабектің бажасы" ұсталды – видео
Қостанайда 44 адамның атынан кредит алған алаяқ ұсталды