Медицина қызметкері

Алматыда жаппай вакциналау қайта басталады денсаулық басқармасы мерзімін атады

48
(Жаңартылды 14:26 09.04.2021)
Табынбаевтың айтуынша, қалада бір миллион адамға вакцина салу жоспарланған. Ал осы айдың аяғына дейін вакцинаның 300 мың дозасы жеткізіледі

НҰР-СҰЛТАН, 9 сәуір – Sputnik. Алматы қаласының қоғамдық денсаулық сақтау басқармасының басшысы Нариман Табынбаев жаппай вакциналауды қайта бастау мерзімін атады, деп хабарлайды Sputnik Қазақстан тілшісі.

"Алматыда жаппай вакциналауға бәрі дайын. Уақытын қосымша хабарлаймыз. Әзірше, 13 сәуір деп отырмыз", – деді Табынбаев орталық коммуникациялар қызметінде өткен онлайн брифингте.

Оның айтуынша, медициналық мекемелерден бөлек базарлар мен сауда орталықтарында екпе салу пунктері жасақталды. Ал жетуге жолы қиын аудандарға мобильді топтар барып отырады.

"Қазіргі кезде төрт машина дайын тұр. Медицина қызметкерлері мен еріктілерді оқыту шаралары атқарылып жатыр", – деп атап көрсетті Табынбаев.

Оның айтуынша, арнайы штаб халық санына қарай қажетті екпе салу пунктерін есептейді. Жалпы, қалада бір миллион адамға вакцина салу жоспарланған. Осы айдың аяғына дейін вакцинаның 300 мың дозасы жеткізіледі.

Ресми мәліметке сәйкес, Алматыда 1 ақпаннан бері 50 мыңға жуық адам коронавирусқа қарсы вакцина салдырған. Соның ішінде 12 мың адам екпенің екінші компонентін алып үлгерді.

Оқи отырыңыз: Желіде алматылық әйелдің вакцина салдырғаннан кейін қайтыс болғаны туралы видео тарады

Айта кетейік, бұған дейін қалада жаппай вакциналау тоқтатылған болатын. Бірақ инфекцияны жұқтыру қаупі жоғары санатқа кіретін адамдарға екпе салынып жатыр.

48
Кілт сөздер:
Алматы, екпе, вакцина
Тақырып:
COVID-ке қарсы вакцина (161)
Тақырып бойынша
Сәуірде Қазақстан өңірлеріне қанша вакцина дозасы жеткізіледі
Тоқаев елордада жаппай вакцина салуды ұйымдастыруды тапсырды 
Цой не себепті вакцина салдырмай жүргенін түсіндірді
Жамбыл облысында вакцина өндіретін зауыт жыл соңына қарай іске қосылады
Үш бірдей вакцина салдырдым – білім министрі
Қасым-Жомарт Тоқаев

Мемлекет басшылары Тоқаевты құттықтап жатыр

1
Олар мемлекет басшысына зор денсаулық және бақыт тіледі, сондай-ақ бауырлас Қазақстан халқының одан әрі өсіп-өркендей беруіне тілектестік білдірді

НҰР-СҰЛТАН, 17 сәуір – Sputnik. Мемлекет басшысы Қасым-Жомарт Тоқаевтың атына қасиетті Рамазан айының басталуына орай шет мемлекеттердің басшыларынан және халықаралық ұйымдардың жетекшілерінен құттықтау хаттар мен жеделхаттар келіп түсуде, деп хабарлайды Ақорда.

Өзбекстан президенті Шавкат Мирзиёев жеделхатында Тоқаевқа ұзақ өмір, зор денсаулық және оның аса жауапты қызметіне табыс тілеп, бауырлас Қазақстан халқының өсіп-өркендей беруіне ниеттестік білдірген. Сондай-ақ ол екі ел арасындағы қарым-қатынастардың қарқынды дамып келе жатқанын атап өткен.

"Екі ел арасындағы тату көршілікке, жақын достыққа, өзара құрметке және қолдау көрсетуге негізделген стратегиялық серіктестік ортақ саяси ерік-жігеріміздің арқасында соңғы жылдары мүлде жаңа деңгейге көтерілгені күмәнсіз. Біздің табысты байланыстарымыз бен ұзақмерзімді серіктестігіміз одан әрі дами беретініне сенімдімін", – делінген Өзбекстан басшысының жеделхатында.

Сауд Арабиясының королі Салман бен Әбделәзиз Әл Сауд және Сауд Арабиясы Корольдігінің тақ мұрагері Мұхаммед бен Салман бен Әбделәзиз Әл Сауд өздерінің жеделхаттарында Қазақстан президентін қасиетті Рамазан айының басталуымен құттықтап, оған зор денсаулық және бақыт тілеген, сондай-ақ бауырлас Қазақстан халқының одан әрі өсіп-өркендей беруіне тілектестік білдірген.

Тағы оқыңыз: Рамазан-2021: маңызды 10 сұрақтың жауабы

Сонымен қатар Қазақстан президентіне Қатар әмірі Шейх Тамим бен Хамад Әл Тәни, Иордания королі II Абдалла, Оман сұлтаны Хайсам Бен Тариқ, Кувейт әмірі Шейх Наваф әл-Ахмад әл-Джабер Әс-Сабах, Кувейттің тақ мұрагері Мишаль әл-Ахмед әл-Джабер Әс-Сабах, Бахрейн королі Хамад бен Иса Әл Халифа, Марокко королі VI Мұхаммед, Египет президенті Әбдель Фаттах Әс-Сиси, Ирак президенті Бархам Салех, Палестина президенті Махмуд Аббас, Қатар шейхінің орынбасары Абдалла Бен Хамад Әл Тәни және Ислам ынтымақтастығы ұйымының бас хатшысы Юсеф әл-Осеймин өздерінің құттықтау хаттарын жолдады.

Биыл Рамазан айы 13 сәуірде басталып, 12 мамырда аяқталады. 8 мамырдан 9 мамырға қараған түн – қасиетті Қадір түні.

Пітір садақаның мөлшері жан басына 420 теңгені құрады.

1
Кілт сөздер:
Рамазан-2021, Қасым-Жомарт Тоқаев
Тақырып бойынша
Ақордада өткен кездесуде қырғыз президенті Тоқаевты таңғалдырды  
Тоқаев сыбайлас жемқорлыққа қарсы агенттіктегі ауыс-түйіс туралы айтты
Тоқаев жұмысын дұрыс атқармаған басшыны қызметінен босатуды бұйырды
Тоқаев кейбір салаларға қосымша қаражат бөлуді тапсырды
Прокуратура қызметкерінің формасы, архивтегі сурет

Жамбыл облысында прокуратура қызметкері ұсталды

676
Аудандық прокуратура қызметкеріне ірі мөлшерде пара алды деген айып тағылды, тергеу жүріп жатыр

НҰР-СҰЛТАН, 17 сәуір – Sputnik. Жамбыл облысында Байзақ ауданы прокуратурасының қызметкері пара үшін ұсталды, деп хабарлайды Бас прокуратураның баспасөз қызметі.

Күдіктіні ұстауға Ұлттық қауіпсіздік комитетінің Жамбыл облысындағы  департаменті де қатысқан. Прокуратура қызметкері 16 сәуірде ұсталды.

"Ол қомақты мөлшерде пара алды деген күдікке ілінді. Іс бойынша қажетті тергеу амалдары жүргізіліп жатыр", - деп мәлімдеді ведомстводағылар.

Өзге ақпарат тергеу мүддесіне байланысты жария етілмейді.

676
Кілт сөздер:
прокуратура, Жамбыл облысы
Тақырып бойынша
Мемлекетке 500 миллион теңге шығын келтірген қылмыстық топ ұсталды – видео
Петропавлда пара алып, тегін баспана ұсынған шенеунік ұсталды
Павлодарда "Жұмабектің бажасы" ұсталды – видео
Қостанайда 44 адамның атынан кредит алған алаяқ ұсталды